Men Health: ಪುರುಷರಲ್ಲಿ ಲೈಂಗಿಕ ಆಸಕ್ತಿಯನ್ನು ಹೆಚ್ಚಿಸಲು ಸಹಕಾರಿ ಈ ಗಿಡಮೂಲಿಕೆ

ಭಾರತ ಗಿಡಮೂಲಿಕೆಗಳಿಂದ ಸಮೃದ್ಧವಾಗಿರುವ ದೇಶ. ಹಿಂದಿನಿಂದಲೂ ಪೂರ್ವಜರು ಆಯುರ್ವೇದ ಗಿಡಮೂಲಿಕೆಗಳ ಮೂಲಕ ಅನೇಕ ಸಮಸ್ಯೆಗಳನ್ನು ಪರಿಹರಿಸುತ್ತಾ ಬಂದಿದ್ದಾರೆ. ಅಂತಹವುಗಳಲ್ಲಿ ಅಶ್ವಗಂಧವೂ ಕೂಡ ಒಂದು. ಅಶ್ವಗಂಧವನ್ನು ಹಲವು ವಿಧದ ಆಯುರ್ವೇದ ಔಷಧಿಗಳಲ್ಲಿ ಬಳಸಲಾಗುತ್ತದೆ. ಈ ಸಸ್ಯವನ್ನು ಪುರುಷರ ಆರೋಗ್ಯಕ್ಕೆ ತುಂಬಾ ಉಪಯುಕ್ತವೆಂದು ಪರಿಗಣಿಸಲಾಗಿದೆ. ವಿಶೇಷವಾಗಿ ಪುರುಷರ ಲೈಂಗಿಕ ಆರೋಗ್ಯಕ್ಕೆ ಸಂಬಂಧಿಸಿದಂತೆ ಅಶ್ವಗಂಧ ತುಂಬಾ ಸಹಾಯಕಾರಿಯಾಗಿದೆ.

ಪುರುಷರ ದೈಹಿಕ ಸಮಸ್ಯೆಗಳನ್ನು ನಿವಾರಿಸಲು ಅಶ್ವಗಂಧ ಸಹಾಯ ಮಾಡುತ್ತದೆ ಎಂದು ಆಯುರ್ವೇದ ತಜ್ಞರು ಹೇಳುತ್ತಾರೆ. ಅಶ್ವಗಂಧ ಪುರುಷರಿಗೆ ಏನು ಪ್ರಯೋಜನಗಳನ್ನು ನೀಡುತ್ತದೆ ಎಂಬುದನ್ನು ಈಗ ತಿಳಿಯಿರಿ.

ವೀರ್ಯಾಣುಗಳ ಸಂಖ್ಯೆ:

ಸಾಮಾನ್ಯವಾಗಿ, ಈ ವೀರ್ಯಾಣುಗಳ ಸಂಖ್ಯೆಯು ಆಹಾರ, ಒತ್ತಡ, ದೇಹದ ಉಷ್ಣತೆ ಮುಂತಾದ ಅಂಶಗಳಿಂದ ಪ್ರತಿದಿನವೂ ಬದಲಾಗುತ್ತದೆ. ಪುರುಷರಲ್ಲಿ ಲೈಂಗಿಕ ಸಮಸ್ಯೆಗಳನ್ನು ನಿವಾರಿಸಲು ಅಶ್ವಗಂಧ ತುಂಬಾ ಸಹಾಯಕವಾಗಿದೆ. ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆ ಮತ್ತು ಗುಣಮಟ್ಟವನ್ನು ಸುಧಾರಿಸಲು ಅಶ್ವಗಂಧವನ್ನು ತೆಗೆದುಕೊಳ್ಳಬಹುದು.

ಇದನ್ನೂ ಓದಿ: ಆಹಾರಕ್ರಮದಿಂದ ಹಿಡಿದು ಲೈಂಗಿಕ ಚಟುವಟಿಕೆಗಳವರೆಗೆ, ಸಿಸೇರಿಯನ್ ಹೆರಿಗೆಯ ನಂತರ ನೀವು ತಿಳಿದುಕೊಳ್ಳಬೇಕಾದ ವಿಷಯಗಳು

ಫಲವತ್ತತೆ:

ಪುರುಷರು ಫಲವತ್ತತೆಯನ್ನು ಹೆಚ್ಚಿಸಲು ಜೊತೆಗೆ ಶಕ್ತಿಹೀನತೆಯ ಸಮಸ್ಯೆಯನ್ನು ಹೋಗಲಾಡಿಸಲು ಅಶ್ವಗಂಧವನ್ನು ಸೇವಿಸುವುದು ತುಂಬಾ ಒಳ್ಳೆಯದು. ಇದಲ್ಲದೇ ದೇಹದಲ್ಲಿ ಟೆಸ್ಟೋಸ್ಟೆರಾನ್ ಹಾರ್ಮೋನ್ ಸಮತೋಲನವನ್ನು ಹೆಚ್ಚಿಸಲು ಅಶ್ವಗಂಧ ತುಂಬಾ ಪ್ರಯೋಜನಕಾರಿ ಎಂದು ಆಯುರ್ವೇದ ತಜ್ಞರು ಹೇಳುತ್ತಾರೆ. ಟೆಸ್ಟೋಸ್ಟೆರಾನ್​ ಎಂಬುದು ಪುರುಷರಲ್ಲಿ ತುಂಬಾ ಮುಖ್ಯವಾದ ಹಾರ್ಮೋನ್​. ಇದು ಪುರುಷರಲ್ಲಿನ ಫಲವತ್ತತೆಯಲ್ಲಿ ಮಾತ್ರವಲ್ಲದೆ, ಇತರೆ ಆರೋಗ್ಯ ವಿಚಾರಗಳಲ್ಲೂ ಮಹತ್ವದ ಪಾತ್ರ ವಹಿಸುತ್ತದೆ. ಹೀಗಾಗಿ ಈ ಹಾರ್ಮೋನ್​ ಅನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳುವುದು ತುಂಬಾ ಅಗತ್ಯ.

ಕಾಮಾಸಕ್ತಿ:

ಅಶ್ವಗಂಧ ಕೂಡ ಕಾಮವನ್ನು ಹೆಚ್ಚಿಸುವಲ್ಲಿ ಸಹಾಯ ಮಾಡುತ್ತದೆ. ಇದು ದೌರ್ಬಲ್ಯವನ್ನು ಕಡಿಮೆ ಮಾಡಲು ಮತ್ತು ಲೈಂಗಿಕ ಶಕ್ತಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ