Oral Cancer: ಬಾಯಿಯ ಕ್ಯಾನ್ಸರ್‌ನ ಈ 8 ಆರಂಭಿಕ ಲಕ್ಷಣಗಳನ್ನು ನಿರ್ಲಕ್ಷ್ಯಿಸಬೇಡಿ

ಬಾಯಿಯ ಕ್ಯಾನ್ಸರ್ (Oral Cancer) ಅನ್ನು ನಿರ್ಲಕ್ಷ್ಯ ಮಾಡಿದರೆ ಪ್ರಾಣಾಪಾಯ ಉಂಟಾಗುವ ಸಾಧ್ಯತೆ ಇರುತ್ತದೆ. ಹೀಗಾಗಿ, ಬಾಯಿಯ ನೈರ್ಮಲ್ಯದ ಬಗ್ಗೆ ಎಚ್ಚರ ವಹಿಸುವುದು ಅಗತ್ಯ, ಆರಂಭಿಕ ರೋಗನಿರ್ಣಯ ಮತ್ತು ಯಶಸ್ವಿ ಚಿಕಿತ್ಸೆಗಾಗಿ ಬಾಯಿಯ ಕ್ಯಾನ್ಸರ್​ನ ರೋಗಲಕ್ಷಣಗಳನ್ನು ಅರ್ಥ ಮಾಡಿಕೊಳ್ಳುವುದು ಮುಖ್ಯವಾಗಿದೆ. ನೀವು ತಿಳಿದಿರಬೇಕಾದ ಬಾಯಿಯ ಕ್ಯಾನ್ಸರ್​ನ 8 ಸಾಮಾನ್ಯ ಲಕ್ಷಣಗಳು ಇಲ್ಲಿವೆ.

ನಿರಂತರ ನೋವು, ಕಿರಿಕಿರಿ:

ಬಾಯಿಯ ಕ್ಯಾನ್ಸರ್​ನ ಆರಂಭಿಕ ಲಕ್ಷಣಗಳಲ್ಲಿ ನಿರಂತರವಾದ ನೋವು, ಕಿರಿಕಿರಿ ಅಥವಾ ನಿಮ್ಮ ಬಾಯಿ, ಗಂಟಲಿನಲ್ಲಿ ದಪ್ಪವಾಗುವ ಭಾವನೆ ಕೂಡ ಒಂದು. ನೀವು ಏನನ್ನೂ ತಿನ್ನದಿರುವಾಗ ಅಥವಾ ಕುಡಿಯದೇ ಇರುವಾಗಲೂ ಈ ಸಮಸ್ಯೆ ಕಂಡುಬರಬಹುದು.

ಇದನ್ನೂ ಓದಿ: ರಾತ್ರಿ ಮಲಗುವಾಗ ಹಲ್ಲು ಉಜ್ಜುವುದರಿಂದ ಏನು ಪ್ರಯೋಜನ?

ಬಾಯಿಯೊಳಗೆ ಬಿಳಿ ಅಥವಾ ಕೆಂಪು ತೇಪೆಗಳು:

ನಿಮ್ಮ ಬಾಯಿಯ ಒಳಭಾಗದಲ್ಲಿ ಅಸಾಮಾನ್ಯ ಬಣ್ಣದ ತೇಪೆಗಳನ್ನು ಗಮನಿಸಿ. ಈ ತೇಪೆಗಳು ಬಿಳಿ ಅಥವಾ ಕೆಂಪು ಬಣ್ಣದಲ್ಲಿ ಕಾಣಿಸಬಹುದು. ಕೆಲವೊಮ್ಮೆ ಹುಣ್ಣುಗಳು ಅಥವಾ ಇತರ ಸಣ್ಣ ಕಿರಿಕಿರಿಗಳು ಕೂಡ ಉಂಟಾಗಬಹುದು. ಅದು 2 ವಾರಗಳಿಗಿಂತ ಹೆಚ್ಚು ಕಾಲ ಮುಂದುವರಿದರೆ ವೈದ್ಯರ ಬಳಿ ಪರಿಶೀಲಿಸುವುದು ಅತ್ಯಗತ್ಯ.

ಗಂಟಲಿನಲ್ಲಿ ಏನೋ ಸಿಕ್ಕಿಹಾಕಿಕೊಂಡ ಭಾವನೆ:

ನಿಮ್ಮ ಗಂಟಲಿನಲ್ಲಿ ಏನಾದರೂ ಸಿಕ್ಕಿಹಾಕಿಕೊಂಡಂತೆ ನೀವು ನಿರಂತರವಾಗಿ ಭಾವಿಸಿದರೆ, ಅದು ಬಾಯಿಯ ಕ್ಯಾನ್ಸರ್​ನ ಲಕ್ಷಣವಾಗಿರಬಹುದು. ಡಿಸ್ಫೇಜಿಯಾ ಎಂದು ಕರೆಯಲ್ಪಡುವ ಈ ಸಂವೇದನೆಯು ನೀವು ಇತ್ತೀಚೆಗೆ ಏನನ್ನೂ ತಿನ್ನದಿದ್ದರೂ ಸಹ ಸಂಭವಿಸಬಹುದು ಮತ್ತು ನುಂಗಲು ತೊಂದರೆಯಾಗಬಹುದು.

ಧ್ವನಿಯಲ್ಲಿ ಬದಲಾವಣೆಗಳು:

ನಿಮ್ಮ ಧ್ವನಿಯಲ್ಲಿನ ಬದಲಾವಣೆಗಳಾದ ಒರಟುತನ ದೀರ್ಘಾವಧಿಯವರೆಗೆ ಇರುವುದನ್ನು ನಿರ್ಲಕ್ಷಿಸಬಾರದು. ಧ್ವನಿಯ ಒತ್ತಡ ಅಥವಾ ಉಸಿರಾಟದ ಸೋಂಕುಗಳು ಸೇರಿದಂತೆ ವಿವಿಧ ಅಂಶಗಳಿಂದ ಒರಟುತನವು ಉಂಟಾಗಬಹುದಾದರೂ, ಇದು ಬಾಯಿಯ ಕ್ಯಾನ್ಸರ್​ನಂತಹ ಸಮಸ್ಯೆಗಳನ್ನು ಸಹ ಸೂಚಿಸುತ್ತದೆ.

ನಿರಂತರ ಕೆಮ್ಮು:

ಕೆಮ್ಮು ಸಾಮಾನ್ಯವಾಗಿ ಉಸಿರಾಟದ ಸಮಸ್ಯೆಗಳೊಂದಿಗೆ ಸಂಬಂಧ ಹೊಂದಿದ್ದರೂ ನಿರಂತರ ಕೆಮ್ಮು ಬಾಯಿಯ ಕ್ಯಾನ್ಸರ್​ನ ಎಚ್ಚರಿಕೆಯ ಸಂಕೇತವಾಗಿದೆ. ನೀವು ಇತರ ರೋಗಲಕ್ಷಣಗಳೊಂದಿಗೆ ದೀರ್ಘಕಾಲದ ಕೆಮ್ಮನ್ನು ಅನುಭವಿಸುತ್ತಿದ್ದರೆ, ವೈದ್ಯಕೀಯ ಸಲಹೆಯನ್ನು ಪಡೆಯುವುದು ಅತ್ಯಗತ್ಯ.

ಇದನ್ನೂ ಓದಿ: ನಿಮಗೆ ಉಗುರು ಕಚ್ಚುವ ಅಭ್ಯಾಸವಿದೆಯಾ? ಇದು ನಿಮ್ಮ ಹಲ್ಲಿನ ಆರೋಗ್ಯಕ್ಕೆ ಮಾರಕ

ಅಗಿಯಲು, ನುಂಗಲು ಅಥವಾ ಮಾತನಾಡಲು ತೊಂದರೆ:

ಬಾಯಿಯ ಕ್ಯಾನ್ಸರ್ ಅಗಿಯುವುದು, ನುಂಗುವುದು ಮತ್ತು ಮಾತನಾಡುವಂತಹ ದೈನಂದಿನ ಕಾರ್ಯಗಳನ್ನು ನಿರ್ವಹಿಸುವ ನಿಮ್ಮ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರಬಹುದು. ಈ ಕ್ರಿಯೆಗಳನ್ನು ನಿರ್ವಹಿಸುವಾಗ ನೀವು ಯಾವುದೇ ತೊಂದರೆಯನ್ನು ಗಮನಿಸಿದರೆ ನಿರ್ಲಕ್ಷ್ಯ ಮಾಡಬೇಡಿ.

ಬಾಯಿಯಲ್ಲಿ ಮರಗಟ್ಟುವಿಕೆ:

ಬಾಯಿ, ತುಟಿಗಳು ಅಥವಾ ನಾಲಿಗೆಯಲ್ಲಿ ಮರಗಟ್ಟುವಿಕೆ ಅಥವಾ ಜುಮ್ಮೆನಿಸುವಿಕೆ ಸಂವೇದನೆಗಳು ನರಗಳ ಹಾನಿಯನ್ನು ಸೂಚಿಸಬಹುದು. ಇದು ಬಾಯಿಯ ಕ್ಯಾನ್ಸರ್​ನಿಂದ ಉಂಟಾಗಬಹುದು.

ದವಡೆ ಅಥವಾ ನಾಲಿಗೆಯನ್ನು ಚಲಿಸಲಾಗದಿರುವುದು:

ದವಡೆ ಅಥವಾ ನಾಲಿಗೆಯ ನಿರ್ಬಂಧಿತ ಚಲನೆಯು ಬಾಯಿಯ ಕ್ಯಾನ್ಸರ್‌ನ ಲಕ್ಷಣವಾಗಿರಬಹುದು. ನಿಮ್ಮ ಬಾಯಿಯನ್ನು ಸಂಪೂರ್ಣವಾಗಿ ತೆರೆಯಲು ಅಥವಾ ನಿಮ್ಮ ನಾಲಿಗೆಯನ್ನು ಮುಕ್ತವಾಗಿ ಚಲಿಸಲು ನಿಮಗೆ ಸವಾಲಾಗಬಹುದು. ಇದು ತಿನ್ನುವ, ಮಾತನಾಡುವ ಮತ್ತು ಇತರ ಮೌಖಿಕ ಕಾರ್ಯಗಳನ್ನು ನಿರ್ವಹಿಸುವ ನಿಮ್ಮ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರಬಹುದು.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ