Patanjali Dhara: ಗ್ಯಾಸ್ಟ್ರಿಕ್, ತಲೆನೋವು, ಶೀತ, ಕೆಮ್ಮಿನ ಸಮಸ್ಯೆಯೇ? ಇಲ್ಲಿದೆ ಪರಿಣಾಮಕಾರಿ ಪತಂಜಲಿ ಔಷಧ

ಶೀತ, ಹೊಟ್ಟೆ ನೋವು, ಗ್ಯಾಸ್ ಮತ್ತು ತಲೆನೋವು ಮುಂತಾದ ಸಮಸ್ಯೆಗಳು ಈಗ ಸರ್ವೇಸಾಮಾನ್ಯ. ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಎಲ್ಲರೂ ಇವುಗಳಿಂದ ಬಾಧಿತರಾಗುತ್ತಾರೆ. ಪತಂಜಲಿ ಅನುಸಂಧಾನ ಸಂಸ್ಥೆಯ ಆಚಾರ್ಯ ಬಾಲಕೃಷ್ಣ ಅವರ ಪ್ರಕಾರ, ಪತಂಜಲಿ ದಿವ್ಯ ಧಾರಾ ಔಷಧವು (Patanjali Divya Dhara) ತಲೆನೋವು, ಹೊಟ್ಟೆ ನೋವು, ಹೊಟ್ಟೆಯಲ್ಲಿ ಗ್ಯಾಸ್​ನಂತಹ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ತುಂಬಾ ಉಪಯುಕ್ತವಾಗಿರುವುದು ಸಾಬೀತಾಗಿದೆಯಂತೆ. ಈ ಪತಂಜಲಿ ದಿವ್ಯ ಧಾರಾ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.

ಪತಂಜಲಿ ಆಯುರ್ವೇದ ಸಂಸ್ಥೆ ತಯಾರಿಸಿದ ಪತಂಜಲಿ ದಿವ್ಯ ಧಾರಾ ಒಂದು ಆಯುರ್ವೇದ ಔಷಧ. ಇದು ಡ್ರಾಪ್ಸ್ ರೂಪದಲ್ಲಿ ಬರುತ್ತದೆ ಮತ್ತು ತಲೆನೋವು, ಹೊಟ್ಟೆ ನೋವು, ಶೀತ ಮತ್ತು ಕೆಮ್ಮಿನಂತಹ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಪತಂಜಲಿ ದಿವ್ಯ ಧಾರಾ ಪ್ಯಾಕೆಟ್‌ನಲ್ಲಿ ನೀಡಲಾದ ಮಾಹಿತಿಯ ಪ್ರಕಾರ, ಈ ಔಷಧವು ಪುದೀನಾ, ಕರ್ಪೂರ, ಭೀಮಸೇನಿ ಸಾರ ಮತ್ತು ಅಜ್ವೈನಿ (ಸೆಲರಿ) ಸಾರವನ್ನು ಒಳಗೊಂಡಿದೆ.

ಇದನ್ನೂ ಓದಿ: ಪಾರ್ಕಿನ್ಸನ್ಸ್ ಕಾಯಿಲೆಗೆ ಆಯುರ್ವೇದ ಪರಿಹಾರ; ಪತಂಜಲಿ ಸಂಶೋಧನೆಯಲ್ಲಿ ಮಹತ್ತರ ಸಂಗತಿ ಬೆಳಕಿಗೆ

ಪತಂಜಲಿ ದಿವ್ಯ ಧಾರಾದಿಂದಾಗುವ ಪ್ರಯೋಜನಗಳೇನು?

ಆಚಾರ್ಯ ಬಾಲಕೃಷ್ಣ ಅವರ ಪ್ರಕಾರ, ಪತಂಜಲಿ ದಿವ್ಯ ಧಾರಾ ಔಷಧವನ್ನು ತಲೆನೋವು, ಶೀತ ಮತ್ತು ಕೆಮ್ಮು ಸೇರಿದಂತೆ ಹಲವು ಕಾಯಿಲೆಗಳಿಗೆ ಬಳಸಬಹುದು.

• ತಲೆನೋವು: ಇತ್ತೀಚಿನ ದಿನಗಳಲ್ಲಿ ತಲೆನೋವು ಸಾಮಾನ್ಯ ಸಮಸ್ಯೆಯಾಗಿದೆ. ಪತಂಜಲಿ ದಿವ್ಯ ಧಾರಾವನ್ನು ಬಳಸುವುದರಿಂದ ತಲೆನೋವು ಗುಣವಾಗುತ್ತದೆ ಎಂದು ಹೇಳಲಾಗುತ್ತದೆ. ಇದರಲ್ಲಿರುವ ಪುದೀನಾ ಮತ್ತು ಕರ್ಪೂರವು ತಲೆನೋವಿನಿಂದ ತ್ವರಿತ ಪರಿಹಾರವನ್ನು ಪಡೆಯಲು ಸಹಾಯ ಮಾಡುತ್ತದೆ. ಔಷಧದ 3-4 ಹನಿಗಳನ್ನು (ಡ್ರಾಪ್ಸ್) ತೆಗೆದುಕೊಂಡು ಹಣೆಯ ಮೇಲೆ ನಿಧಾನವಾಗಿ ಮಸಾಜ್ ಮಾಡುವುದರಿಂದ ಪರಿಹಾರ ಸಿಗುತ್ತದೆ.
• ಹಲ್ಲುನೋವು: ಹಲ್ಲುಗಳನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದರೆ ಅಥವಾ ಸರಿಯಾಗಿ ಹಲ್ಲುಜ್ಜದಿದ್ದರೆ, ಹಲ್ಲುನೋವು ಉಂಟಾಗುತ್ತದೆ. ಇದು ಕೆಲವೊಮ್ಮೆ ಬಹಳಷ್ಟು ಹೆಚ್ಚಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಪತಂಜಲಿ ದಿವ್ಯ ಧಾರಾ ಬಳಕೆಯು ಹಲ್ಲುನೋವಿನಿಂದ ಪರಿಹಾರವನ್ನು ನೀಡುತ್ತದೆ.
• ಶೀತ ಮತ್ತು ಕೆಮ್ಮು: ನಿಮ್ಮ ಮೂಗು ಕಟ್ಟಿಕೊಂಡರೆ ಅಥವಾ ಶೀತ ಅಥವಾ ಯಾವುದೇ ರೀತಿಯ ಅಲರ್ಜಿಯಿಂದಾಗಿ ಉಸಿರಾಟದ ತೊಂದರೆ ಅನುಭವಿಸುತ್ತಿದ್ದರೆ, ಪತಂಜಲಿ ದಿವ್ಯ ಧಾರಾ ಔಷಧವು ಪರಿಹಾರವನ್ನು ನೀಡುತ್ತದೆ. ಅರ್ಧ ಅಥವಾ ಒಂದು ಲೀಟರ್ ಬಿಸಿ ನೀರಿನಲ್ಲಿ 4-5 ಹನಿ ಪತಂಜಲಿ ದಿವ್ಯ ಧಾರಾವನ್ನು ಸೇರಿಸಿ ಹಬೆ ತೆಗೆದುಕೊಳ್ಳುವುದರಿಂದ ಪರಿಹಾರ ಸಿಗುತ್ತದೆ.
• ಗಾಯದ ಸಂದರ್ಭದಲ್ಲಿ: ದೇಹದ ಯಾವುದೇ ಭಾಗದಲ್ಲಿ ಸಣ್ಣಪುಟ್ಟ ಗಾಯ ಅಥವಾ ಗೀರು ಉಂಟಾದರೆ ಪತಂಜಲಿ ದಿವ್ಯ ಧಾರವನ್ನು ಬಳಸಬಹುದು. ಇದರ ಬಳಕೆಯು ಗಾಯದಿಂದ ಉಂಟಾಗುವ ಸುಡುವ ಸಂವೇದನೆ ಮತ್ತು ನೋವಿನಿಂದ ಪರಿಹಾರವನ್ನು ನೀಡುತ್ತದೆ ಮತ್ತು ಗಾಯವು ಬೇಗನೆ ಗುಣವಾಗುತ್ತದೆ.
• ಆಸ್ತಮಾ: ಚಳಿಗಾಲದಲ್ಲಿ ಆಸ್ತಮಾ ರೋಗಿಗಳು ಹೆಚ್ಚಿನ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಪತಂಜಲಿ ದಿವ್ಯ ಧಾರಾದ 3-4 ಡ್ರಾಪ್​​ಗಳನ್ನು ಆಘ್ರಾಣಿಸುವುದರಿಂದ (ಮೂಗಿನಿಂದ ವಾಸನೆ ಎಳೆದುಕೊಳ್ಳುವುದು) ಆಸ್ತಮಾ ರೋಗಿಗಳು ಪರಿಹಾರ ಪಡೆಯುತ್ತಾರೆ ಎಂದು ಆಚಾರ್ಯ ಬಾಲಕೃಷ್ಣ ಹೇಳುತ್ತಾರೆ. ಇದರ ಹೊರತಾಗಿ, ಪತಂಜಲಿ ದಿವ್ಯ ಧಾರವನ್ನು ರೋಗಿಯ ಎದೆಯ ಮೇಲೆ ಮಸಾಜ್ ಮಾಡಬಹುದು.

ಇದನ್ನೂ ಓದಿ: ಬಂಜೆತನ ಸಮಸ್ಯೆಗೆ ಸುರಕ್ಷಿತ ಪರಿಹಾರ; ಗಂಡು ಮತ್ತು ಹೆಣ್ಣು ಇಬ್ಬರಿಗೂ ಉಪಯುಕ್ತ ಈ ಪತಂಜಲಿ ಔಷಧಗಳು

ಪತಂಜಲಿ ದಿವ್ಯ ಧಾರವನ್ನು ಹೇಗೆ ಬಳಸುವುದು?

ಪತಂಜಲಿ ದಿವ್ಯ ಧಾರಾ ಅನೇಕ ಕಾಯಿಲೆಗಳಲ್ಲಿ ಪ್ರಯೋಜನಕಾರಿ ಎಂದು ಸಾಬೀತುಪಡಿಸಲಾಗಿದೆ. ಆದರೆ ಅದನ್ನು ಬಳಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ. ವೈದ್ಯರ ಸಲಹೆಯಂತೆ ಔಷಧವನ್ನು ಬಳಸುವುದು ಉತ್ತಮ.

ಇನ್ನಷ್ಟು ಆರೋಗ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ