Nervous System: ನರಮಂಡಲದ ಆರೋಗ್ಯ ಕಾಪಾಡಿಕೊಳ್ಳುವುದು ಹೇಗೆ?

ನಮ್ಮ ದೇಹದಲ್ಲಿರುವ ನರಮಂಡಲ ವ್ಯವಸ್ಥೆಯು ಜೀರ್ಣಕ್ರಿಯೆ, ಹೃದಯ ಬಡಿತ, ಉಸಿರಾಟ, ದೇಹದ ತಾಪಮಾನ ಕಾಪಾಡುವುದು ಸೇರಿದಂತೆ ಹಲವು ಕಾರ್ಯವನ್ನು ನಿರ್ವಹಿಸುತ್ತದೆ. ನರಮಂಡಲ ವ್ಯವಸ್ಥೆಯಲ್ಲಿರುವ ಸೆಲ್​ಗಳು ಮೆದುಳಿಗೆ ಸಂದೇಶವನ್ನು ಕಳುಹಿಸಲು ಸಹಾಯ ಮಾಡುತ್ತದೆ. ನಮ್ಮ ಆರೋಗ್ಯ ಚೆನ್ನಾಗಿರಲು ನರಮಂಡಲವು ಸರಿಯಾಗಿ ಕಾರ್ಯ ನಿರ್ವಹಿಸುತ್ತಿರಬೇಕು.

ನಿಮ್ಮ ನರಮಂಡಲದ ಆರೋಗ್ಯವನ್ನು ಹೆಚ್ಚಿಸಲು ನೀವು ಬಯಸಿದರೆ ಆಂಟಿಆಕ್ಸಿಡೆಂಟ್ಸ್​ಗಳು, ಜೀವಸತ್ವಗಳು, ಆರೋಗ್ಯಕರ ಕೊಬ್ಬುಗಳು ಮತ್ತು ಅಗತ್ಯ ಖನಿಜಗಳನ್ನು ಒಳಗೊಂಡಿರುವ ಆಹಾರವು ಉತ್ತಮ ಆಯ್ಕೆಯಾಗಿದೆ. ನರಗಳು ಉತ್ತಮವಾಗಿ ಕಾರ್ಯನಿರ್ವಹಿಸಲು ಮಿನರಲ್ಸ್, ಪ್ರೋಟಿನ್, ವಿಟಮಿನ್​ಗಳ ಅವಶ್ಯಕತೆ ಇರುತ್ತದೆ. ಚಿಯಾ ಸೀಡ್ಸ್​, ಕಾಲಿಫ್ಲವರ್, ಬ್ರೌನ್ ಅಕ್ಕಿ, ಮೊಳಕೆಕಾಳು, ಬಾದಾಮಿಯನ್ನು ಹೆಚ್ಚಾಗಿ ಬಳಕೆ ಮಾಡಿ.

ದೇಹಕ್ಕೆ ನರಮಂಡಲ ಬಹು ಮುಖ್ಯವಾಗಿದೆ ಏಕೆಂದರೆ ಇದು ದೇಹ ಮತ್ತು ಮನಸ್ಸಿನ ಹೆಚ್ಚಿನ ಕಾರ್ಯಗಳನ್ನು ನಿಯಂತ್ರಿಸುತ್ತದೆ. ಆದ್ದರಿಂದ, ನಿಮ್ಮ ನರಮಂಡಲವು ಆರೋಗ್ಯಕರ ಮತ್ತು ಉತ್ತಮವಾಗಿದೆ ಎಂದು ಖಚಿತಪಡಿಸಿಕೊಳ್ಳುವುದು ಅವಶ್ಯಕ. ಇದನ್ನು ಮಾಡುವ ಒಂದು ಮಾರ್ಗ ನೀವು ತಿನ್ನುವ ಆಹಾರದಲ್ಲಿ ಸರಿಯಾದ ಆಯ್ಕೆ.

ನರಮಂಡಲಕ್ಕೆ ಉತ್ತಮವಾದ ಅನೇಕ ಆಹಾರಗಳಿವೆ. ಇವುಗಳು ಸುಲಭವಾಗಿ ಲಭ್ಯವಿವೆ ಮತ್ತು ಇದಕ್ಕಾಗಿ ನೀವು ಕೆಲವು ಆಹಾರ ಮಳಿಗೆಗಳಲ್ಲಿ ಯಲ್ಲಿ ಹೆಚ್ಚಿನ ಹಣವನ್ನು ಖರ್ಚು ಮಾಡಬೇಕಾಗಿಲ್ಲ. ಆಂಟಿ ಒಕ್ಸಿಡಂಟ್, ಜೀವಸತ್ವಗಳು, ಆರೋಗ್ಯಕರ ಕೊಬ್ಬುಗಳು ಮತ್ತು ಅಗತ್ಯ ಖನಿಜಗಳನ್ನು ಒಳಗೊಂಡಿರುವ ಆಹಾರ ಇಲ್ಲಿ ಉತ್ತಮ ಆಯ್ಕೆಯಾಗಿದೆ. ಇದು ನಮ್ಮನ್ನು ಕ್ಷೀಣಗೊಳಿಸುವ ಕಾಯಿಲೆಗಳಿಂದ ರಕ್ಷಣೆ ನೀಡುತ್ತದೆ.

ನೀವು ನಿಮ್ಮ ಆಹಾರದಲ್ಲಿ ಉತ್ತಮ ಆಹಾರಗಳನ್ನು ಸೇರಿಸಬೇಕು, ನಿಮ್ಮ ದೇಹ ಮತ್ತು ಮನಸ್ಸು ಎರಡನ್ನೂ ಪೋಷಿಸಿ ಮತ್ತು ಒಟ್ಟಾರೆ ಆರೋಗ್ಯ ಮತ್ತು ಫಿಟ್ನೆಸ್ ಹೆಚ್ಚಿಸಿ. ನಿಮ್ಮ ನರಮಂಡಲದ ಆರೋಗ್ಯಕ್ಕೆ ಉತ್ತೇಜನ ನೀಡಲು ನಿಮ್ಮ ದೈನಂದಿನ ಆಹಾರಕ್ರಮಕ್ಕೆ ಸೇರಿಸಬಹುದಾದ ಆಹಾರಗಳ ಬಗ್ಗೆ ಮಾಹಿತಿ ಇಲ್ಲಿದೆ.

ನರಮಂಡಲ ವ್ಯವಸ್ಥೆಯನ್ನು ಉತ್ತಮವಾಗಿಡುವ ಆಹಾರಗಳು
ಆವಕಾಡೊಗಳು: ಅವಕಾಡೋಗಳನ್ನು ಸೇವಿಸುವುದರಿಂದ ಪಾರ್ಶ್ವವಾಯು ಅಪಾಯವನ್ನು ತಗ್ಗಿಸಲು ಸಹಾಯಕವಾಗುತ್ತದೆ. ಹಾಗೆಯೇ ಅವಕಾಡೋಗಳಲ್ಲಿ ಫೋಲೇಸ್ ಅಂಶಗಳು ನರಮಂಡಲವನ್ನು ಉತ್ತೇಜಿಸುತ್ತವೆ.

ಡಾರ್ಕ್​ ಚಾಕೊಲೇಟ್​ಗಳು: ಈ ಡಾರ್ಕ್​ ಚಾಕೊಲೇಟ್​ಗಳು ಅಮಿನೋ ಆಸಿಡ್ ಅಂಶವು ಹೆಚ್ಚು ಸಹಕಾರಿಯಾಗಿದೆ.

ಬೀಜಗಳು: ಗೋಡಂಬಿ, ಬಾದಾಮಿ ಹಾಗೂ ವಾಲ್ನಟ್​ಗಳನ್ನು ಸೇವಿಸುವುದರಿಂದ ಪೋಷಕಾಂಶಗಳು ಹೆಚ್ಚಳವಾಗಿ ನರಮಂಡಲವನ್ನು ಶಾಂತವಾಗಿರುತ್ತದೆ.

ಬ್ರೊಕೊಲಿ: ಬ್ರೊಕೊಲಿಯು ನಿಮ್ಮ ಮನಸ್ಸನ್ನು ತೀಕ್ಷ್ಣವಾಗಿರಿಸುತ್ತದೆ. ಮತ್ತು ಆರೋಗ್ಯಕ್ಕೂ ಉತ್ತಮ ಆಹಾರ ಇದಾಗಿದೆ. ಈ ತರಕಾರಿಯ ಹೆಚ್ಚಿನ ವಿಟಮಿನ್ ಕೆ ಮತ್ತು ಕೋಲೀನ್ ಮಟ್ಟದಿಂದಾಗಿ ನರಮಂಡಲಕ್ಕೆ ಉತ್ತಮವಾದದ್ದಾಗಿದೆ.

ಗ್ರೀನ್ ಟೀ : ಗ್ರೀನ್ ಟೀದಲ್ಲಿರುವವ ಅಂಟಿ ಒಕ್ಸಿಡೆಂಟ್ ಅಂಶವಚು ನರಮಂಡಲಕ್ಕೆ ಉತ್ತಮವಾದದ್ದು. ಇದು ಮೆದುಳಿನಲ್ಲಿ ಒತ್ತಡ-ಸಂಬಂಧಿತ ಸಮಸ್ಯೆ, ಅಷ್ಟೇ ಅಲ್ಲದೆ ವಯಸ್ಸಾಗುವಿಕೆಯನ್ನು ತಡೆಯುವ ಕ್ಯಾಟೆಚಿನ್ಸ್ ಎಂಬ ಆಂಟಿ ಆಕ್ಸಿಡೆಂಟ್​ಗಳನ್ನು ಒಳಗೊಂಡಿದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ