ಬಸಲೆ ಅಥವಾ ಮೆಂತ್ಯೆ ನಿಮ್ಮ ಆರೋಗ್ಯಕ್ಕೆ ಯಾವುದು ಹೆಚ್ಚು ಪ್ರಯೋಜನಕಾರಿ ತಿಳಿಯಿರಿ

ಹವಾಮಾನ ಬದಲಾದಂತೆ ಜನರ ಜೀವನಶೈಲಿ ಬದಲಾಗತೊಡಗುತ್ತದೆ. ಚಳಿಗಾಲದ ವಿಶೇಷವೆಂದರೆ ಈ ಋತುವಿನಲ್ಲಿ ನಿಮ್ಮ ಆಹಾರದಲ್ಲಿ ಸೇರಿಸಬಹುದಾದ ಅನೇಕ ರೀತಿಯ ಹಸಿರು ತರಕಾರಿಗಳನ್ನು ಸೇರಿಸಬಹುದು. ಈ ಹಸಿರು ತರಕಾರಿಗಳಲ್ಲಿ ಸಾಕಷ್ಟು ಖನಿಜಗಳು, ವಿಟಮಿನ್‌ಗಳು ಮತ್ತು ಫೈಬರ್‌ಗಳು ಹೇರಳವಾಗಿ ಕಂಡುಬರುತ್ತವೆ.

ಇದಲ್ಲದೇ ಈ ಸೀಸನ್​ನಲ್ಲಿ ಬಸಲೆ ಮತ್ತು ಮೆಂತ್ಯೆ ಸೊಪ್ಪನ್ನು ಜನರು ಇಷ್ಟ ಪಡುವುದನ್ನು ನೀವು ನೋಡಿರಬೇಕು. ಬಸಲೆ ಮತ್ತು ಮೆಂತ್ಯ ಎರಡೂ ವಿಭಿನ್ನ ಪ್ರಯೋಜನಗಳನ್ನು ಹೊಂದಿವೆ. ಆದರೆ ಪಾಲಕ್ ಮತ್ತು ಮೆಂತ್ಯ ಸೊಪ್ಪಿನಲ್ಲಿ ಯಾವ ಹಸಿರು ಸೊಪ್ಪು ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ ಎಂದು ಇನ್ನೂ ಪ್ರಶ್ನೆ ಕೇಳಿದರೆ ನಿಮ್ಮ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ಬಸಲೆಯಲ್ಲಿರುವ ಪೋಷಕಾಂಶಗಳು
ಯಾರ ದೇಹದಲ್ಲಾದರೂ ಕಬ್ಬಿಣದ ಕೊರತೆಯಿದ್ದರೆ, ಪಾಲಕವನ್ನು ತಿನ್ನಲು ಸಲಹೆ ನೀಡಲಾಗುತ್ತದೆ, ಏಕೆಂದರೆ ಬಸಲೆಯಲ್ಲಿ ಕಬ್ಬಿಣ ಸಮೃದ್ಧವಾಗಿದೆ. ಬಸಲೆ ನಾರಿನಂಶ ಮತ್ತು ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿದೆ. ಅಷ್ಟೇ ಅಲ್ಲ, ಪಾಲಕ್ ಸೊಪ್ಪಿನಲ್ಲಿ ಕ್ಯಾಲ್ಸಿಯಂ, ವಿಟಮಿನ್ ಎ, ವಿಟಮಿನ್ ಕೆ ನಂತಹ ಅನೇಕ ಖನಿಜಗಳು ಮತ್ತು ವಿಟಮಿನ್ ಗಳು ಕಂಡುಬರುತ್ತವೆ, ಇದು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಪಾಲಕ್ ಸೊಪ್ಪಿನಲ್ಲಿ ಇರುವಂತಹ ಪೋಷಕಾಂಶಗಳು ನಿಮ್ಮ ಕಣ್ಣುಗಳನ್ನು ಆರೋಗ್ಯವಾಗಿಡಲು ಸಹಾಯ ಮಾಡುತ್ತದೆ ಮತ್ತು ಮಲಬದ್ಧತೆ ಮತ್ತು ಕ್ಯಾನ್ಸರ್ ನಂತಹ ಸಮಸ್ಯೆಗಳನ್ನು ದೂರವಿಡಲು ಸಹಕಾರಿಯಾಗಿದೆ.

ಮೆಂತ್ಯೆಯಲ್ಲಿರುವ ಪೋಷಕಾಂಶಗಳು
ಜೀವಸತ್ವಗಳು ಮತ್ತು ಖನಿಜಗಳಿಂದ ಸಮೃದ್ಧವಾಗಿರುವ ಮೆಂತ್ಯೆ, ಕ್ಯಾಲೋರಿ ಅಂಶವು ತುಂಬಾ ಕಡಿಮೆಯಾಗಿದೆ.
ಮೆಂತ್ಯೆಯನ್ನು ಬಳಸುವುದರಿಂದ ರಕ್ತದಲ್ಲಿನ ಸಕ್ಕರೆ ಅಂಶವೂ ಕಡಿಮೆಯಾಗುತ್ತದೆ. ಜೊತೆಗೆ, ಮೆಂತ್ಯವು ನಿಮ್ಮ ರೋಗನಿರೋಧಕ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಚಳಿಗಾಲದಲ್ಲಿ ಮೆಂತ್ಯವನ್ನು ತಿನ್ನುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ.

ಮೆಂತ್ಯೆ ಅಥವಾ ಪಾಲಕ್, ಯಾವುದನ್ನು ತಿನ್ನುವುದು ಉತ್ತಮ
1. ರಕ್ತ ತೆಳುವಾಗುತ್ತಿರುವ ಸಮಸ್ಯೆ ಇರುವವರು ಬಸಲೆ ಸೊಪ್ಪು ತಿನ್ನುವುದನ್ನು ತಪ್ಪಿಸಬೇಕು. ರಕ್ತ ಹೆಪ್ಪುಗಟ್ಟುವಿಕೆಯನ್ನು ತೆಗೆದುಹಾಕುವಲ್ಲಿ ಪಾಲಕ್ ಸಹಕಾರಿ. ಅದೇ ರೀತಿ ಮಧುಮೇಹ ರೋಗಿಗಳೂ ಸಹ ವೈದ್ಯರ ಸಲಹೆಯಿಲ್ಲದೆ ಬಸಲೆ ಸೊಪ್ಪನ್ನು ಬಳಸಬಾರದು.

2. ನೀವು ಡಯೆಟ್ ಮಾಡುತ್ತಿದ್ದರೆ, ಬಸಲೆ ಬದಲಿಗೆ ಮೆಂತ್ಯೆಯನ್ನು ತಿನ್ನುವುದು ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿಯಾಗಿದೆ.
ಮೆಂತ್ಯೆಯು ಬಸಲೆಕಿಂತ ಕಡಿಮೆ ಕಾರ್ಬೋಹೈಡ್ರೇಟ್​ ಅಂಶವನ್ನು ಹೊಂದಿದೆ, ಆದರೆ ಪ್ರೋಟೀನ್ ಹೇರಳವಾಗಿದೆ. 100 ಗ್ರಾಂ ಮೆಂತ್ಯೆಯಲ್ಲಿ 2.9 ಗ್ರಾಂ ಕಾರ್ಬೋಹೈಡ್ರೇಟ್ ಮತ್ತು 4 ಗ್ರಾಂ ಪ್ರೋಟೀನ್ ಇದ್ದರೆ, 100 ಗ್ರಾಂ ಬಸಲೆಯಲ್ಲಿ 6 ಗ್ರಾಂ ಕಾರ್ಬೋಹೈಡ್ರೇಟ್ ಮತ್ತು 2 ಗ್ರಾಂ ಪ್ರೋಟೀನ್ ಕಂಡುಬರುತ್ತದೆ.
3. ಮೆಂತ್ಯೆಯು ಬಸಲೆಗಿಂತ ಹೆಚ್ಚಿನ ಕ್ಯಾಲ್ಸಿಯಂ ಅನ್ನು ಹೊಂದಿದೆ ಮತ್ತು ಈ ಕಾರಣದಿಂದಾಗಿ ಮೆಂತ್ಯೆಯನ್ನು ತಿನ್ನುವುದು ಮೂಳೆಯ ಆರೋಗ್ಯಕ್ಕೂ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ