ಅಧ್ಯಯನದ ಪ್ರಕಾರ ವಿರಾಮವಿಲ್ಲದೇ ದೀರ್ಘಕಾಲದವರೆಗೆ ಕೆಲಸ ಮಾಡುವುದು ಮೆದುಳಿನ ಒತ್ತಡಕ್ಕೆ ಕಾರಣ

ಕಚೇರಿ ಬಿಟ್ಟು ದೂರದಲ್ಲಿ ಕೆಲಸ ಮಾಡುವುದರಿಂದ ಕಚೇರಿ ಮತ್ತು ಮನೆಗೆ ಓಡಾಡುವ ಸಮಯವನ್ನು ಸಾಕಷ್ಟು ಉಳಿಸಬಹುದು. ಆದರೆ ಈ ಹೊಸ ಯೋಚನೆಯ ಒಂದು ದೊಡ್ಡ ನ್ಯೂನ್ಯತೆ ಎಂದರೆ ಜನರು ವಿರಾಮವಿಲ್ಲವೇ ಅದೆಷ್ಟೋ ಕಚೇರಿಗೆ ಸಂಬಂಧಿಸಿದ ಮೀಟಿಂಗ್​ಗಳನ್ನು ಸಹಿಸಿಕೊಳ್ಳುವುದು. ಈ ಕುರಿತಂತೆ ಹೊಸ ಅಧ್ಯಯನವೊಂದು ನಡೆದಿದ್ದು, ಹಗಲಿನಲ್ಲಿ ಬೇಕಾದ ವಿರಾಮದ ಮಹತ್ವವನ್ನು ತಿಳಿಸಿದೆ. ಮೈಕ್ರೋಸಾಫ್ಟ್​ ಹ್ಯೂಮನ್​ ಫ್ಯಾಕ್ಟರ್ಸ್​ಲ್ಯಾಬ್​ ನಡೆಸಿದ ಸಂಶೋಧನೆಯನ್ನು ಪ್ರಮುಖ ವೃತ್ತಿಪರರು ಉಲ್ಲೇಖಿಸಿದ್ದಾರೆ. ಮತ್ತು ದೂರದಿಂದ ಕೆಲಸ ಮಾಡುವ ಜನರು ಮೆದುಳಿಗೆ ಒಡ್ಡುತ್ತಿರುವ ಒತ್ತಡವನ್ನು ಸುಧಾರಿಸಿಕೊಳ್ಳಲು ಕೆಲಸದ ಸಮಯದಲ್ಲಿ ಸಣ್ಣ ವಿರಾಮವನ್ನು ತೆಗೆದುಕೊಳ್ಳುವುದು ಕಡ್ಡಾಯ ಎಂದು ಪ್ರತಿಪಾದಿಸಿದ್ದಾರೆ.

ದಿ ಹಸ್ಟಲ್​ ನ್ಯೂಸ್​ ಔಟ್​ಲೆಟ್​ನಲ್ಲಿ ವಿಷಯ ವಿಶ್ಲೇಷಕರಾಗಿ ಕೆಲಸ ಮಾಡುತ್ತಿರುವ ಸ್ಟೈಫ್​ ಸ್ಮಿತ್​ ಹೇಳಿದಂತೆ, ಅವರು ದೂರದಿಂದಲೆ ಕೆಲಸ ಮಾಡುವುದನ್ನು ಪ್ರೀತಿಸುತ್ತಾರೆ. ಮತ್ತು ಅದರ ಕುರಿತಾಗಿ ತನ್ನ ಬ್ಲಾಗ್​ನಲ್ಲಿ ಬರೆದಿದ್ದಾರೆ. ಹಾಗೆಯೇ ಅವರು ಟ್ವೀಟ್​ ಮಾಡಿದ ಪೋಸ್ಟ್​ ಮೈಕ್ರೋಸಾಫ್ಟ್​ ಸಂಶೋಧನೆಯದ್ದಾಗಿದೆ.

If you weren’t convinced of Zoom fatigue yet, Microsoft’s Human Factors Lab measured brain activity of workers in 4 back-to-back meetings.

The result?

Without breaks, lots of stress.

This is your friendly reminder to Marie Kondo your calendar.

? less stress ? more stress pic.twitter.com/GKYvWn47pc

— Steph Smith (@stephsmithio) April 22, 2021

ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಪೋಸ್ಟ್​ ತಿಳಿಸುವಂತೆ ಕಚೇರಿಯ ಮೀಟಿಂಗ್​ನಲ್ಲಿ ಕಚೇರಿ ಸಿಬ್ಬಂದಿಯ ಮೆದುಳು ಯಾವ ರೀತಿ ಕೆಲಸ ನಿರ್ವಹಿಸುತ್ತದೆ ಎಂಬುದನ್ನು ತಿಳಿಸುತ್ತದೆ. ಮತ್ತು ಬ್ರೇಕ್​ ತೆಗೆದುಕೊಂಡಾಗ ಮೆದುಳಿನ ಕಾರ್ಯ ಹೇಗಿರುತ್ತದೆ ಎಂಬುದನ್ನು ನಕ್ಷೆಯ ಮೂಲಕ ತಿಳಿಸಲಾಗಿದೆ. ನೆಟ್ಟಿಗರು ಈ ವಿಷವನ್ನು ಒಪ್ಪಿದ್ದಾರೆ ಮತ್ತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. ‘ಹೌದು. ದಯವಿಟ್ಟು ಬ್ಯಾಕ್​-ಟು-ಬ್ಯಾಕ್​ ಮೀಟಿಂಗ್​ಗಳನ್ನು ನಿಲ್ಲಿಸಿ ಎಂದು ನೆಟ್ಟಿಗರು ಸ್ಮಿತ್​ ಅವರ ಪೋಸ್ಟ್​ಗೆ ಕಮೆಂಟ್​ ಮಾಡಿದ್ದಾರೆ.

ಸಣ್ಣ ವಿರಾಮದ ಸಮಯದಲ್ಲಿ ಕಿಟಕಿಗಳನ್ನು ತೆರೆಯಬೇಕು. ತಮ್ಮ ಕೆಲಸಕ್ಕೆ ಅನುಗುಣವಾಗಿ ಸೂರ್ಯನ ಬೆಳಕನ್ನು ಸ್ಪರ್ಶಿಸಿ ಎಂದು ಇನ್ನೋರ್ವರು ಸೂಚನೆ ನೀಡಿದ್ದಾರೆ. ಯೋಜನೆಯನ್ನು ಮೇಲ್ವಿಚಾರಣೆ ಮಾಡಿದ ಮೈಕ್ರೊಸಾಫ್ಟ್​ ಹ್ಯೂಮನ್​ ಫ್ಯಾಕ್ಟರ್ಸ್​ ಎಂಜಿನಿಯರಿಂಗ್​ ಸಮೂಹದ ಹಿರಿಯ ನಿರ್ದೇಶಕ ಮೈಕಲ್​ ಬೋಹನ್​, ತಮ್ಮ ಸಂಶೋಧನೆಯು ಮೆದುಳಿಗೆ ವಿರಾಮ ನೀಡುವಲ್ಲಿ ಪ್ರಮುಖವಾಗಿದೆ. ಮೀಟಿಂಗ್​ನಲ್ಲಿ ಒಬ್ಬರು ಕಡಿಮೆ ದಣಿದಂತೆ ಅನಿಸಬಹುದು. ಆ ಸಮಯದಲ್ಲಿ ಅವರು ಸುಧಾರಿಸಿಕೊಳ್ಳುತ್ತಾರೆ. ಮತ್ತು ಮೀಟಿಂಗ್​ನಲ್ಲಿ ಹೆಚ್ಚು ತೊಡಗಿಕೊಳ್ಳುತ್ತಾರೆ. ಸಾಂಕ್ರಾಮಿಕ ರೋಗದಿಂದಾಗಿ ಬ್ಯಾಕ್​-ಟು-ಬ್ಯಾಕ್​ ಮೀಟಿಂಗ್​ಗಳು ಸುಲಭವಲ್ಲ ಎಂದು ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಕೊರೊನಾ ಸೋಂಕಿನಿಂದ ಚೇತರಿಸಿಕೊಂಡ ಕೆಲವರಲ್ಲಿ ಮಾನಸಿಕ ಸಮಸ್ಯೆಗಳು