ಹಿಮೋಗ್ಲೋಬಿನ್ ಮಟ್ಟ ಕಡಿಮೆ ಇರುವವರು ಈ ಜ್ಯೂಸ್​​​ಗಳನ್ನು ಕುಡಿಯಲೇಬೇಕು

ರಕ್ತದಲ್ಲಿ ಹಿಮೋಗ್ಲೋಬಿನ್  ( haemoglobin) ಪ್ರಮಾಣ ಕಡಿಮೆ ಆಗಿದೆ ಎಂದು ವೈದ್ಯರು ಹೇಳುವುದನ್ನು ಕೇಳಿದ್ದೀರಾ? ನಿಮಗೂ ಆ ಸಮಸ್ಯೆ ಕಾಡುತ್ತಿದೆಯಾ? ನಿಮಗೆ ತಿಳಿದಿರಬಹುದು ಕಬ್ಬಿಣ ಅಂಶದ ಕೊರತೆಯು ರಕ್ತದಲ್ಲಿ ಹಿಮೋಗ್ಲೋಬಿನ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಆದರೆ ಕಬ್ಬಿಣ ಅಂಶದ ಕೊರತೆಯ ಕೆಲವು ಸಾಮಾನ್ಯ ಲಕ್ಷಣಗಳಿಗೆ ಕಾರಣವಾಗುತ್ತದೆ ಅದೇನೆಂದರೆ ನಿರಂತರ ಆಯಾಸ, ಉಸಿರಾಟದ ತೊಂದರೆ, ಎದೆಯಲ್ಲಿ ನೋವು ಕಾಣಿಸಿಕೊಳ್ಳುವುದು ಮತ್ತು ಮಸುಕಾದ ಚರ್ಮ ಕ್ಕೆ ಕಾರಣವಾಗುತ್ತದೆ. ನಿಮ್ಮ ದೇಹದಲ್ಲಿ ಕಬ್ಬಿಣದ ಅಂಶದ ಕೊರತೆಯನ್ನು ಸರಿದೂಗಿಸಲು ಅಗತ್ಯ ಪೂರಕಗಳನ್ನು ಅವಲಂಬಿಸುವುದರ ಹೊರತಾಗಿ, ನೀವು ಋತುಮಾನದ ಹಣ್ಣು ಮತ್ತು ತರಕಾರಿಗಳ ರಸಗಳನ್ನು ಬಳಸಬಹುದು. ಹಿಮೋಗ್ಲೋಬಿನ್ ಮಟ್ಟವನ್ನು ಹೆಚ್ಚಿಸಲು ಕೆಲವು ಪಾನೀಯಗಳ ಬಗ್ಗೆ ತಿಳಿದುಕೊಳ್ಳಲು ಹೆಲ್ತ್ ಶಾಟ್ಸ್ ಪೌಷ್ಟಿಕತಜ್ಞ ಅವನಿ ಕೌಲ್ ಅವರನ್ನು ಸಂಪರ್ಕಿಸಿತು. ಅವರು ಈ ಬಗ್ಗೆ ಕೆಲವು ಮಾಹಿತಿಗಳನ್ನು ಹಂಚಿಕೊಂಡಿದ್ದಾರೆ.

ಹಿಮೋಗ್ಲೋಬಿನ್ ಮಟ್ಟವನ್ನು ಹೆಚ್ಚಿಸಲು ಆರೋಗ್ಯಕರ ಪಾನೀಯಗಳು ಯಾವವು? ಹಿಮೋಗ್ಲೋಬಿನ್ ಮಟ್ಟ ಸೇರಿದಂತೆ ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಕೆಲವು ಹಣ್ಣು ಮತ್ತು ತರಕಾರಿಗಳು ನಿಮಗೆ ಸಹಕಾರಿಯಾತ್ತದೆ. ಪೌಷ್ಟಿಕಾಂಶ ತಜ್ಞರು ಸೂಚಿಸಿದ ಕೆಲವು ಸಾಂಪ್ರದಾಯಿಕ ಭಾರತೀಯ ಪಾನೀಯಗಳು ಇಲ್ಲಿವೆ.

1. ನೆಲ್ಲಿಕಾಯಿ ರಸ: ನೆಲ್ಲಿಕಾಯಿ ವಿಟಮಿನ್ ಸಿ ಯ ಶಕ್ತಿ ಕೇಂದ್ರವಾಗಿದೆ. ಆಮ್ಲಾ ರಸದ ದೈನಂದಿನ ಸೇವನೆಯು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು ಮಾತ್ರವಲ್ಲದೆ ಕಬ್ಬಿಣ ಅಂಶವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ, ಆ ಮೂಲಕ ಹಿಮೋಗ್ಲೋಬಿನ್ ರಚನೆಗೆ ಸಹಾಯ ಮಾಡುತ್ತದೆ. ಇದರ ಮೃದುವಾದ ಪರಿಮಳದ ಜೊತೆಗೆ ಆರೋಗ್ಯಕ್ಕೆ ಅನೇಕ ರೀತಿಯ ಪ್ರಯೋಜನಗಳನ್ನು ನೀಡುತ್ತದೆ.

2. ಬೀಟ್ರೂಟ್ ಜ್ಯೂಸ್ ಅಥವಾ ಬೀಟ್ರೂಟ್ ಕಾಂಜಿ: ಬೀಟ್ರೂಟ್ ಜ್ಯೂಸ್ ಅಥವಾ ಕಾಂಜಿ ಸಾಸಿವೆ ಬೀಜಗಳು ಮತ್ತು ಬೀಟ್ರೂಟ್ಗಳನ್ನು ಸೇರಿಸುವ ಮೂಲಕ ರೂಪುಗೊಳ್ಳುವ ಹುದುಗಿಸಿದ ಪಾನೀಯವಾಗಿದೆ. ಬೀಟ್ರೂಟ್ ಮಿಶ್ರಣದಲ್ಲಿ ಕಬ್ಬಿಣ ಅಂಶ ಹೇರಳವಾಗಿರುತ್ತದೆ. ಇನ್ನು ಹುದುಗುವಿಕೆ ವಿಧಾನವು ಪೋಷಕಾಂಶಗಳ ಲಭ್ಯತೆಯನ್ನು ಹೆಚ್ಚಿಸುತ್ತದೆ. ಈ ಸಾಂಪ್ರದಾಯಿಕ ಪಾನೀಯವು ವಿಶಿಷ್ಟ ಪರಿಮಳ ಮತ್ತು ದೇಹಕ್ಕೆ ಪೌಷ್ಠಿಕಾಂಶವನ್ನು ಸರಿಯಾಗಿ ಒದಗಿಸುವಲ್ಲಿ ನೆರವಾಗುತ್ತದೆ.

3. ಕಬ್ಬಿನ ರಸ ಅಥವಾ ಕಬ್ಬಿನ ಹಾಲು: ಭಾರತದ ಜನಪ್ರಿಯ ಪಾನೀಯಗಳಲ್ಲಿ ಕಬ್ಬಿನ ರಸವು ಒಂದು. ಸಿಹಿ ರುಚಿ ಮಾತ್ರವಲ್ಲದೆ ಕಬ್ಬಿಣ ಮತ್ತು ಇತರ ಅಗತ್ಯ ಖನಿಜಗಳ ಉತ್ತಮ ಮೂಲವಾಗಿದೆ. ಇದರ ನೈಸರ್ಗಿಕ ಸಿಹಿಯು ಕಬ್ಬಿಣ ಅಂಶದ ಸೇವನೆಯನ್ನು ಹೆಚ್ಚಿಸಲು ಉತ್ತಮ ಮಾರ್ಗವಾಗಿದೆ, ಜೊತೆಗೆ ಇದರಲ್ಲಿ ಪೌಷ್ಟಿಕಾಂಶ ಹೇರಳವಾಗಿರುವುದರಿಂದ ಆರೋಗ್ಯದ ಉತ್ತೇಜನಕ್ಕೆ ಉತ್ತಮ ಆಯ್ಕೆಯಾಗಿದೆ.

4. ದಾಳಿಂಬೆ ರಸ: ದಾಳಿಂಬೆ ರಸವು ರುಚಿಕರ ಮತ್ತು ಪೋಷಕಾಂಶಯುಕ್ತವಾಗಿದೆ. ಈ ಹಣ್ಣಿನಲ್ಲಿ ಕಬ್ಬಿಣ ಮತ್ತು ವಿಟಮಿನ್ ಸಿ ಅಧಿಕವಾಗಿದೆ, ಇದು ಹಿಮೋಗ್ಲೋಬಿನ್ ಹೆಚ್ಚಿಸಲು ಉತ್ತಮ ಸಂಯೋಜನೆಯಾಗಿದೆ. ಜೊತೆಗೆ ಈ ರಸದ ಬಣ್ಣವು ಅದರ ಹೇರಳವಾದ ಪೌಷ್ಠಿಕಾಂಶದ ಅಂಶವನ್ನು ಪ್ರತಿಬಿಂಬಿಸುತ್ತದೆ.

ಇದನ್ನೂ ಓದಿ: ದೇಹದಲ್ಲಿ ಹಿಮೋಗ್ಲೋಬಿನ್ ​​​​​ಅಂಶ ಹೆಚ್ಚಿಸುವ ಆಹಾರಗಳು

5. ಹುರಿದ ಕಡಲೆ ಶರ್ಬತ್ತ್: “ಈ ಸಾಂಪ್ರದಾಯಿಕ ಉತ್ತರ ಭಾರತದ ಪಾನೀಯದ ಬಗ್ಗೆ ನೀವು ಕೇಳಿರಬಹುದು, ಹುರಿದ ಕಡಲೆಕಾಯಿಯಾ ಪೌಡರ್ ಅದಕ್ಕೆ ಸ್ವಲ್ಪ ನೀರು, ನಿಂಬೆ ರಸ ಮತ್ತು ಮಸಾಲೆಗಳೊಂದಿಗೆ ಬೆರೆಸಿದಾಗ ಈ ಶರ್ಬತ್ತ್ ಅಥವಾ ಸಟ್ಟು ಶೆರ್ಬೆಟ್ ತಯಾರಾಗುತ್ತದೆ. ಇದು ಪ್ರೋಟೀನ್, ಕಬ್ಬಿಣದ ಅಂಶ ಮತ್ತು ಹಲವಾರು ಅಗತ್ಯ ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಆರೋಗ್ಯಕರ ಪಾನೀಯವಾಗಿದೆ. ಇದರ ವಿಶಿಷ್ಟ ರುಚಿ ಮತ್ತು ಒಟ್ಟಾರೆ ಆರೋಗ್ಯವನ್ನು ಉತ್ತೇಜಿಸಲು ಉತ್ತಮ ಆಯ್ಕೆಯಾಗಿದೆ” ಎಂದು ತಜ್ಞರು ಹೇಳುತ್ತಾರೆ.

ಈ ಸಾಂಪ್ರದಾಯಿಕ ಭಾರತೀಯ ಪಾನೀಯಗಳು ಪಾಕಪದ್ಧತಿಯಲ್ಲಿ ರುಚಿಗಳ ವೈವಿಧ್ಯತೆಯ ಜೊತೆಗೆ ಪೌಷ್ಠಿಕಾಂಶವನ್ನು ಸೇರಿಸುತ್ತವೆ. ಸಮತೋಲಿತ ಆಹಾರದ ಭಾಗವಾಗಿ, ಈ ಪಾನೀಯಗಳು ಆರೋಗ್ಯಕರ ಹಿಮೋಗ್ಲೋಬಿನ್ ಮಟ್ಟವನ್ನು ಹೆಚ್ಚಿಸುವಲ್ಲಿ ಮುಖ್ಯ ಪಾತ್ರ ವಹಿಸಬಹುದು, ಒಟ್ಟಾರೆ ಯೋಗಕ್ಷೇಮಕ್ಕೆ ಕೊಡುಗೆ ನೀಡಬಹುದು. ಆದರೆ ಯಾವುದೇ ಆಹಾರ ಮಾರ್ಗದರ್ಶನಕ್ಕಾಗಿ ನಿಮ್ಮ ಆರೋಗ್ಯ ತಜ್ಞರೊಂದಿಗೆ ಸಮಾಲೋಚಿಸುವುದು ಸೂಕ್ತ, ವಿಶೇಷವಾಗಿ ನಿರ್ದಿಷ್ಟ ಆರೋಗ್ಯ ಸಮಸ್ಯೆಗಳನ್ನು ಹೊಂದಿರುವವರಿಗೆ ಇದು ಅಗತ್ಯವಾಗಿದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ