ಬ್ಲೂಬೆರಿ ಹಣ್ಣುಗಳ ಬಗ್ಗೆ ನಿಮಗೆಷ್ಟು ಗೊತ್ತು? ಆರೋಗ್ಯಯುತ ಗುಣಗಳ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ

ಪ್ರಕೃತಿಯಲ್ಲಿ ಅನೇಕ ತರನಾದ ಹಣ್ಣು, ಗಿಡ ಮೂಲಿಕೆ, ಮರಗಳು ಇದ್ದು, ಇವುಗಳ ಸೇವನೆಯು ಆರೋಗ್ಯದಲ್ಲಿ(Health) ಉಂಟಾಗುವ ಅನೇಕ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ. ಇಂತಹದ್ದೇ ಆರೋಗ್ಯಯುತ ಗುಣಗಳನ್ನು ಹೊತ್ತ ಹಣ್ಣು ಬ್ಲೂಬೆರಿ(Blueberries). ಇದನ್ನು ತೋಟಗಳಲ್ಲಿ ಮತ್ತು ಕಾಡು ಪ್ರದೇಶಗಳಲ್ಲಿ ಬೆಳೆಸಲಾಗುತ್ತದೆ. ನೀಲಿ-ನೇರಳೆ ಬಣ್ಣ, ಸಣ್ಣ ಬೀಜಗಳನ್ನು ಹೊಂದಿರುವ ಈ ಹಣ್ಣನ್ನು ದೀರ್ಘಕಾಲದವರೆಗೆ ಸೂಪರ್​ ಫುಡ್(Superfood)​ ಎಂದು ಹೆಸರಿಸಲಾಗಿದೆ.

ಸುಮಾರು 80 ಗ್ರಾಂ ಅಥವಾ ಒಂದು ಕಪ್ ಬ್ಲೂಬೆರಿ ಹಣ್ಣುಗಳು ನಿಮಗೆ 32 ರಿಂದ135 ಅಷ್ಟು ಕ್ಯಾಲೋರಿ ನೀಡುತ್ತದೆ. ಇದು 0.7 ಗ್ರಾಂ ಪ್ರೋಟೀನ್, 0.2 ಗ್ರಾಂ ಕೊಬ್ಬು, 7.3 ಗ್ರಾಂ ಕಾರ್ಬೋಹೈಡ್ರೇಟ್‌ಗಳು, 1.2 ಗ್ರಾಂ ಫೈಬರ್, 53 ಮಿಗ್ರಾಂ ಪೊಟ್ಯಾಸಿಯಮ್, 0.75 ಮಿಗ್ರಾಂ ವಿಟಮಿನ್ ಇ, 5 ಮಿಗ್ರಾಂ ವಿಟಮಿನ್ ಸಿ ಮತ್ತು ಇತರ ಅನೇಕ ಪೌಷ್ಟಿಕಾಂಶದ ಅಂಶವನ್ನು ಹೊಂದಿದೆ.

ಮಕ್ಕಳಿಗೆ ಈ ಹಣ್ಣುಗಳು ಹೆಚ್ಚು ಶಕ್ತಿ ನೀಡುತ್ತದೆ. ಆದರೆ ಇವುಗಳನ್ನು ತಿನ್ನಲು ಮಕ್ಕಳು ಇಷ್ಟಪಡುವುದಿಲ್ಲ. ಇಂತಹ ಸಂದರ್ಭದಲ್ಲಿ ಪ್ಯಾನ್‌ಕೇಕ್‌, ಸ್ಮೂಥಿ, ಜಾಮ್‌ಗೆ ಈ ಹಣ್ಣುಗಳನ್ನು ಸೇರಿಸಬಹುದು. ವೈದ್ಯರು ಮತ್ತು ಪೌಷ್ಟಿಕತಜ್ಞರು ಆಗಾಗ್ಗೆ ಉತ್ಕರ್ಷಣ ನಿರೋಧಕಗಳು ಮತ್ತು ಫೈಟೊಫ್ಲಾವಿನಾಯ್ಡ್‌ಗಳಿಂದ ತುಂಬಿದ ಈ ಹಣ್ಣುಗಳನ್ನು ತಿನ್ನಲು ಶಿಫಾರಸು ಮಾಡುತ್ತಾರೆ. ಇದು ನಿಮ್ಮ ಹೃದ್ರೋಗ ಮತ್ತು ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುತ್ತದೆ. ಬ್ಲೂಬೆರಿ ಹಣ್ಣುಗಳು ಉರಿಯೂತದ ವಿರುದ್ಧವೂ ಸಹ ಹೋರಾಡುತ್ತದೆ. ಬ್ಲೂಬೆರಿ ಸೂಕ್ಷ್ಮಜೀವಿಗಳು, ಶಿಲೀಂಧ್ರಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ. ಪೌಷ್ಟಿಕತಜ್ಞ ಜೋ ಲೆವಿನ್, ನಮ್ಮ ಆಹಾರದಲ್ಲಿ ಬೆರಿಹಣ್ಣುಗಳ ಪ್ರಾಮುಖ್ಯತೆಯ ಬಗ್ಗೆ ತಿಳಿಸಿದ್ದಾರೆ.

ಉರಿಯೂತದ ವಿರುದ್ಧ ಹೋರಾಡುತ್ತದೆ

ಬ್ಲೂಬೆರಿ ಹಣ್ಣುಗಳಲ್ಲಿನ ಉತ್ಕರ್ಷಣ ನಿರೋಧಕ ಮಟ್ಟ ಹೆಚ್ಚಿನದಾಗಿದೆ. ಸಾಮಾನ್ಯವಾಗಿ ಸೇವಿಸುವ ಹಣ್ಣುಗಳು ಮತ್ತು ತರಕಾರಿಗಳಿಗಿಂತ ಇದರಲ್ಲಿ ಅತ್ಯಧಿಕವಾಗಿದೆ. ಕೇವಲ ಒಂದು ಕಪ್ ಬ್ಲೂಬೇರಿಯಲ್ಲಿ 13,427 ಒಟ್ಟು ಉತ್ಕರ್ಷಣ ನಿರೋಧಕ ಅಂಶವಿದೆ. ವಿಟಮಿನ್ ಎ ಮತ್ತು ಸಿ, ಜೊತೆಗೆ ಕ್ವೆರ್ಸೆಟಿನ್ ಮತ್ತು ಆಂಥೋಸೈನಿಡಿನ್‌ನಂತಹ ಫ್ಲೇವನಾಯ್ಡ್‌ಗಳು (ಒಂದು ರೀತಿಯ ಉತ್ಕರ್ಷಣ ನಿರೋಧಕ) ಇವೆ. ಎಲಾಜಿಕ್ ಆಮ್ಲ ಮತ್ತು ಆಂಥೋಸಯಾನಿಡಿನ್‌ಗಳಂತಹ ಫೈಟೊಕೆಮಿಕಲ್ಸ್ ಎಂದು ಕರೆಯಲ್ಪಡುವ ನೈಸರ್ಗಿಕವಾಗಿ ಕಂಡುಬರುವ ಸಸ್ಯ ಸಂಯುಕ್ತಗಳು ಇದರಲ್ಲಿದೆ. ಕ್ಯಾನ್ಸರ್​ನಂತಹ ಕಾಯಿಲೆಯಿಂದ ಮುಕ್ತಿ ನೀಡುತ್ತದೆ ಮತ್ತು ಉರಿಯೂತದಂತಹ ಹಲವಾರು ಗಂಭೀರ ಕಾಯಿಲೆಗಳನ್ನು ಕಡಿಮೆ ಮಾಡುತ್ತದೆ.

ಹೃದ್ರೋಗದ ಅಪಾಯದಿಂದ ಮುಕ್ತಿ

ಬ್ಲೂಬೆರಿ ಹಣ್ಣುಗಳಲ್ಲಿ ಕಂಡುಬರುವ ಆಂಥೋಸಯಾನಿಡಿನ್‌ಗಳು ವಯಸ್ಸಾದಂತೆ ಕಂಡುಬರುವ ಅಪಧಮನಿಯ ಬಿಗಿತವನ್ನು ಕಡಿಮೆ ಮಾಡುತ್ತದೆ. ಆ ಮೂಲಕ ಹೃದಯವನ್ನು ದೇಹದ ಉಳಿದ ಭಾಗಗಳಿಗೆ ಸಂಪರ್ಕಿಸುವ ರಕ್ತನಾಳದ ಜಾಲಕ್ಕೆ ಸಹಾಯ ಮಾಡುತ್ತದೆ. ಇದರಿಂದ ಹೃದಯ ಎಂದಿನಂತೆ ಚುರುಕಾಗಿರುತ್ತದೆ. ಬ್ಲೂಬೆರಿ ಹಣ್ಣುಗಳಲ್ಲಿನ ಉತ್ಕರ್ಷಣ ನಿರೋಧಕಗಳು ಹೃದಯರಕ್ತನಾಳದ ಕಾಯಿಲೆ ಮತ್ತು ಪಾರ್ಶ್ವವಾಯುವಿಗೆ ಕಾರಣವಾಗುವ ಎಲ್​ಡಿಎಲ್​ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಕೆಲಸ ಮಾಡುತ್ತದೆ.

ಮಧುಮೇಹ ನಿವಾರಕ

ಬ್ಲೂಬೆರಿ ಹಣ್ಣುಗಳು ಸಕ್ಕರೆಯಲ್ಲಿ ಕಡಿಮೆ ಮತ್ತು ಫೈಬರ್‌ನ ಉತ್ತಮ ಮೂಲವಾಗಿದೆ. ಇದರ ಪರಿಣಾಮವಾಗಿ ಅವು ಕಡಿಮೆ ಗ್ಲೈಸೆಮಿಕ್ ಇಂಡೆಕ್ಸ್ (ಜಿಐ) ಅನ್ನು ಹೊಂದಿರುತ್ತವೆ. ಪೌಷ್ಟಿಕತಜ್ಞ ಜೋ ಲೆವಿನ್ ಬಿಬಿಸಿ ಬ್ಲೂಬೆರಿ  ಹಣ್ಣು ಹೆಚ್ಚಿನ ಫ್ಲೇವನಾಯ್ಡ್ ಅಂಶ ಮತ್ತು ಕಡಿಮೆ ಜಿಐ ಎಣಿಕೆಯೊಂದಿಗೆ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿರ್ವಹಿಸಲು, ಮುಖ್ಯವಾದ ಇನ್ಸುಲಿನ್ ಸೂಕ್ಷ್ಮತೆಯನ್ನು ಸುಧಾರಿಸಲು ಸಹಾಯ ಮಾಡಬಹುದು ಎಂದು ಹೇಳಿದ್ದಾರೆ.

ಕಣ್ಣಿನ ಆರೋಗ್ಯ ಮತ್ತು ದೃಷ್ಟಿಗೆ ಒಳ್ಳೆಯದು

ಬ್ಲೂಬೆರಿ ಹಣ್ಣುಗಳು ಮ್ಯಾಕ್ಯುಲರ್ ಡಿಜೆನರೇಶನ್ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ ಎಂದು ಅಧ್ಯಯನಗಳು ತಿಳಿಸಿವೆ. ನಿಯಮಿತವಾಗಿ ಬೆರಿಹಣ್ಣುಗಳನ್ನು ತಿನ್ನುವುದು ಕಣ್ಣುಗಳಿಗೆ ರಕ್ತ ಮತ್ತು ಆಮ್ಲಜನಕದ ಹರಿವನ್ನು ಸುಧಾರಿಸುತ್ತದೆ ಮತ್ತು ಉತ್ಕರ್ಷಣ ನಿರೋಧಕ ರಕ್ಷಣೆಯನ್ನು ಸುಧಾರಿಸುತ್ತದೆ. ಇದು ಕಣ್ಣಿನ ಪೊರೆ ಮತ್ತು ಮ್ಯಾಕ್ಯುಲರ್ ಡಿಜೆನರೇಶನ್ ಸಾಧ್ಯತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ರೆಟಿನಾದಲ್ಲಿ ಕಾಲಜನ್ ರಚನೆಯನ್ನು ಹೆಚ್ಚಿಸುವ ಮತ್ತು ಹೆಚ್ಚುವರಿ ದೃಷ್ಟಿ ರಕ್ಷಣೆಯನ್ನು ಒದಗಿಸುವ ಪ್ರಬಲವಾದ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದೆ.

ಹೊಟ್ಟೆ, ಕರುಳು ಮತ್ತು ಮೂತ್ರನಾಳಕ್ಕೆ ಒಳ್ಳೆಯದು

ಬ್ಲೂಬೆರಿಹಣ್ಣುಗಳನ್ನು ತಿನ್ನುವುದು ಜೀರ್ಣಾಂಗ ವ್ಯವಸ್ಥೆಗೆ ಮತ್ತು ಯುಟಿಐಗಳ ಪುನರಾವರ್ತಿತ ಮೂತ್ರದ ಸೋಂಕಿನ ರೋಗಗಳಿಗೆ ಪರಿಹಾರವನ್ನು ತರುತ್ತದೆ. ಸಾಂಪ್ರದಾಯಿಕ ಔಷಧವು ಬೆರಿಹಣ್ಣುಗಳು ಜಠರಗರುಳಿನ ಪರಿಸ್ಥಿತಿಗಳು ಮತ್ತು ಮೂತ್ರದ ಸೋಂಕುಗಳೆರಡಕ್ಕೂ ಉಪಯುಕ್ತ ಪರಿಹಾರವಾಗಿದೆ. ಆಗಾಗ್ಗೆ ಯುಟಿಐಗಳಿಂದ ಬಳಲುತ್ತಿರುವ ವಿಶೇಷವಾಗಿ ಮುಟ್ಟು ಅಥವಾ ವಯಸ್ಸಾದ ಮಹಿಳೆಯರಿಗೆ ನಿಯಮಿತ ಆಹಾರದಲ್ಲಿ ಬ್ಲೂಬೆರಿ ಹಣ್ಣುಗಳನ್ನು ಸೇವಿಸುವಂತೆ ಶಿಫಾರಸು ಮಾಡಲಾಗುತ್ತದೆ. ಏಕೆಂದರೆ ಬ್ಲೂಬೆರಿಗಳು ಮೂತ್ರನಾಳದ ಒಳಪದರಕ್ಕೆ ಬ್ಯಾಕ್ಟೀರಿಯಾವನ್ನು ಲಗತ್ತಿಸದಂತೆ ಯುಟಿಐಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ:

ಅರಿಶಿಣ ಮತ್ತು ಕಹಿಬೇವು ನಿಮ್ಮ ಮನೆಯಲ್ಲಿ ಇದೆಯೇ? ಅನೇಕ ಆರೋಗ್ಯ ಸಮಸ್ಯೆಗೆ ಇದರಲ್ಲಿದೆ ಪರಿಹಾರ

ಬರಿಗಾಲಿನಲ್ಲಿ ವಾಕ್ ಮಾಡುವುದನ್ನು ಅಭ್ಯಾಸ ಮಾಡಿಕೊಳ್ಳಿ; ಇದರಿಂದಾಗುವ ಆರೋಗ್ಯಯುತ ಬದಲಾವಣೆ ಇಲ್ಲಿದೆ ನೋಡಿ