Nitya Bhavishya: ಇಷ್ಟು ವರ್ಷ ಕಾಪಾಡಿಕೊಂಡು ಬಂದ ಈ ರಾಶಿಯವರ ರಹಸ್ಯವು ಬಯಲಾದೀತು

ಕೈ ಉಜ್ಜಿಕೊಂಡು ಬೆಳಗ್ಗೆ ಏಳುವಾಗಲಿಂದ ಮತ್ತೆ ಹಾಸಿಗೆಗೆ ಹೋಗುವವರೆಗೂ ದಿನ ಚನ್ನಾಗಿರಬೇಕೆಂದರೆ ನಮ್ಮ ರಾಶಿ ಭವಿಷ್ಯ (Horoscope Today) ಚೆನ್ನಾಗಿರಬೇಕು. ಚಂದ್ರ, ಸೂರ್ಯನ ಸಂಚಾರ ಚನ್ನಾಗಿರಬೇಕು. ಹಾಗಾದರೆ 2023 ಫೆಬ್ರವರಿ 18 ಶನಿವಾರ ನಿಮ್ಮ ರಾಶಿ ಫಲ (Nitya Bhavishya) ಹೇಗಿದೆ? ಇಂದು ಯಾವ ರಾಶಿಯವರಿಗೆ ಶುಭ? ನಿಮ್ಮ ರಾಶಿಗೆ ಏನು ಫಲವಿದೆ? ಎಂಬ ನಿಮ್ಮ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ತಿಳಿದುಕೊಳ್ಳಿ.

ನಿತ್ಯ ಪಂಚಾಂಗ: ಶಾಲಿವಾಹನ ಶಕೆ 1945, ಶುಭಕೃತ್ ಸಂವತ್ಸರ, ಉತ್ತರಾಯಣ, ಶಿಶಿರ ಋತು, ಮಕರ ಮಾಸ, ಮಹಾನಕ್ಷತ್ರ: ಧನಿಷ್ಠಾ, ಮಾಸ: ಮಾಘ, ಪಕ್ಷ: ಕೃಷ್ಣ, ವಾರ: ಶನಿ, ತಿಥಿ: ತ್ರಯೋದಶಿ, ನಿತ್ಯನಕ್ಷತ್ರ: ಉತ್ತರಾಷಾಢ, ಯೋಗ: ವ್ಯತಿಪಾತ್, ಕರಣ: ವಣಿಜ, ಸೂರ್ಯೋದಯ ಬೆಳಗ್ಗೆ 06 ಗಂಟೆ 56 ನಿಮಿಷಕ್ಕೆ, ಸೂರ್ಯಾಸ್ತ ಸಂಜೆ 06 ಗಂಟೆ 36 ನಿಮಿಷಕ್ಕೆ. ರಾಹು ಕಾಲ ಬೆಳಗ್ಗೆ 11:19 ರಿಂದ ಮಧ್ಯಾಹ್ನ 12:47ರವರೆಗೆ, ಯಮಘಂಡ ಕಾಲ ಮಧ್ಯಾಹ್ನ 03:42 ರಿಂದ ಸಂಜೆ 05:09ರವರೆಗೆ, ಗುಳಿಕ ಕಾಲ ಬೆಳಗ್ಗೆ 08:25 ರಿಂದ 09:52ರವರೆಗೆ.

1. ಮೇಷ: ಕಚೇರಿಯಲ್ಲಿ ಇಂದು ಮನಸ್ತಾಪ ಇರಲಿದೆ. ಆಗಲೇ ಬೇಕಾಗಿರುವ ಸರ್ಕಾರಿ ಕೆಲಸಗಳು ವಿಳಂಬವಾಗಲಿದೆ. ಅಪರಿಚಿತ ವ್ಯಕ್ತಿಗಳು ನಿಮ್ಮ ಸಂಪರ್ಕಕ್ಕೆ ಬಂದಾರು. ನೀವು ನಂಬಿಕೆಯನ್ನು ಇಟ್ಟ ಜನರಿಂದ ವಂಚನೆಗೆ ಒಳಗಾಗಬಹುದು. ದಾಂಪತ್ಯದಲ್ಲಿ ಸಣ್ಣ ಜಗಳಗಳು ಇರಲಿವೆ. ಮನಸ್ಸಿನ ಹಾಗೂ ದೇಹದ ಆರೋಗ್ಯ ಕೆಡಬಹುದು. ತುಂಬಾ ದಿನಗಳಿಂದ ಬರಬೇಕಾಗಿದ್ದ ಆಸ್ತಿಗಳು ನಿಮಗೆ ಬರಲಿವೆ. ಕೃಷಿಕರು ಲಾಭದಾಯಕವಾದ ದಿನವಾಗಿದೆ‌‌. ವಾಹನದಿಂದ ಅಪಘಾತವು ಆಗಬಹುದು. ವಾಹನವನ್ನು ಚಲಾಯಿಸುವಾಗ ಜಾಗರೂಕರಾಗಿರಿ. ಶನಿಯು ಏಕಾದಶದಲ್ಲಿ ಇದ್ದು ನಿಮಗೆ ಅಧಿಕಾರ, ಸಂಪತ್ತಿನ ಲಾಭವನ್ನು ಮಾಡಿಕೊಡುವನು. ಕುಲದೇವರ ಸ್ಮರಣೆ ಮಾಡಿ.
2. ವೃಷಭ: ದೇಹಾರೋಗ್ಯವು ಹಾಳಾಗಿ ಸಂಕಟಪಡುವಿರಿ. ದೇವತಾರಾಧನೆಯಲ್ಲಿ ಇಂದು ನೀವು ತೊಡಗಿಕೊಳ್ಳುವಿರಿ. ನಿಮ್ಮ ಮನಸ್ಸು ಗಾಳಿಯಷ್ಟೇ ಚಂಚಲವಾಗಿರುತ್ತದೆ. ಉದ್ಯೋಗದ ಸ್ಥಳದಲ್ಲಿ ನಿಮ್ಮ ಮನಸ್ಸಿಗೆ ಸಮಾಧಾನಕರ ವಿಷಯವು ನಡೆಯದೇ ಕಿರಿಕಿರಿಯಾಗಬಹುದು. ವ್ಯವಸಾಯಗಳನ್ನು ಮಾಡುವವರಿಗೆ ಇಂದು ಲಾಭವಿದೆ. ಸಂಗಾತಿಯ ಜೊತೆ ಸುಂದರವಾದ ಈ ದಿನವನ್ನು ಕಳೆಯಿರಿ. ಬಂಧುಗಳ ಮಾತುಗಳು ನಿಮಗೆ ನೋವನ್ನು ಕೊಡಬಹುದು. ಏಕಾದಶದ ಗುರುವು ನಿಮಗೆ ಭಾಗ್ಯವನ್ನು ಕೊಡುವನು. ಶುಕ್ರನು ಕಲಾವಿದರಿಗೆ ಶುಭ ತರುವನು. ಕೇತುವು ಷಷ್ಠದಲ್ಲಿದ್ದು ಶತ್ರುನಾಶಕನಾಗುವನು. ಸೊಂಟದ ಭಾಗಕ್ಕೆ ಪೆಟ್ಟು ಬೀಳಬಹುದು. ಮಹಾಗಣಪತಿಯ ಸ್ತೋತ್ರವನ್ನು ಮಾಡಿ.
3. ಮಿಥುನ: ತಂದೆಯ ಮಾತು ನಿಮಗೆ ಬಹಳ ನೋವನ್ನು ತರಬಹುದು. ಅನಿರೀಕ್ಷಿತ ಧನಲಾಭವು ಆಗಲಿದೆ. ಆದರೂ ಒಂದಿಷ್ಟು ಧನಲಾಭವಾದರೂ ಅದು ಕಾರಣಾಂತರಗಳಿಂದ ನಷ್ಟವಾಗಲಿದೆ. ವಾಹನದಲ್ಲಿ ಸಂಚರಿಸುವಾಗ ಜಾಗರೂಕರಾಗಿರಿ. ಅಪಘಾತಗಳು ಸಂಭವಿಸಬಹುದು. ಸ್ತ್ರೀಯರು ನಿಮ್ಮ ಸಹನಾಗುಣವನ್ನು ಹೆಚ್ಚಿಸಿಕೊಳ್ಳಬೇಕು. ಉದ್ವೇಗದ ಅಥವಾ ದುಃಖದ ಸಂಗತಿಗಳು ನಿಮ್ಮ ಕಿವಿಗೆ ಬೀಳಬಹುದು. ಆರೋಗ್ಯವನ್ನು ಚೆನ್ನಾಗಿಟ್ಟುಕೊಳ್ಳುವ ವಿಧಾನವನ್ನು ಅನುಸರಿಸಿ. ಉತ್ಸವಗಳಿಗೆ ಭಾಗವಹಿಸುವಿರಿ. ಸಾಲವನ್ನು ತುಂಬಲು ಇನ್ನೊಂದು ಕಡೆ ಸಾಲಮಾಡಬೇಕಾಗಿ ಬರಬಹುದು. ಕುಜನು ದ್ವಾದಶದಲ್ಲಿದ್ದು ಯಂತ್ರೋಪಕರಣದಿಂದ ಧನನಷ್ಟ ಮಾಡಿಸುವನು. ದೇವಸೇನಾನಿಯಾದ ಸುಬ್ರಹ್ಮಣ್ಯನನ್ನು ಪ್ರಾರ್ಥಿಸಿ, ಅರ್ಚಿಸಿ.
4. ಕರ್ಕ: ದುರಭ್ಯಾಸದಿಂದ ದೂರವಿರುವ ಮನಸ್ಸು ಮಾಡುವಿರಿ. ಕಿರಿಯರಿಂದ ಅಪಮಾನವಾಗಬಹುದು. ಉದ್ವೇಗಕ್ಕೆ ಒಳಗಾಗುವಿರಿ. ಸ್ವಂತ ಉದ್ಯೋಗವನ್ನು ಮಾಡುತ್ತಿರುವ ನಿಮಗೆ ಶುಭ ವಾರ್ತೆಯ ಸಿಗಲಿದೆ‌. ಇದರಿಂದ ನಿಮ್ಮ ಕಾರ್ಯದಲ್ಲಿ ಸಂತೃಪ್ತಿ ಹಾಗೂ ನೆಮ್ಮದಿ ಸಿಗಲಿದೆ‌. ವಿದ್ಯಾರ್ಥಿಗಳಿಗೆ ವಿಷಯದ ಆಯ್ಕೆಗಳಲ್ಲಿ ಸ್ವಲ್ಪ ಗೊಂದಲಗಳು ಇರಬಹುದು. ಮಂಗಲಕರವಾದ ಸಮಾರಂಭಗಳಿಗೆ ಭೇಟಿಯಾಗಲಿದ್ದೀರಿ‌, ನಿಮಗಾಗದವರು ನಿಮ್ಮ ಬಗ್ಗೆ ಹೊಂಚುಹಾಕುತ್ತ ಇರುತ್ತಾರೆ. ಲೆಕ್ಕಿಸದೇ ನಿಮ್ಮ ದಾರಿಯಲ್ಲಿ ನೀವು ಸಾಗುವುದು ಒಳ್ಳೆಯದು. ತಾಳ್ಮೆ ಬೆಳೆಸಿಕೊಳ್ಳುವುದು ಉತ್ತಮ. ದಶಮದ ರಾಹುವು ನಿಮ್ಮನ್ನು ಕೆಟ್ಟ ಕೆಲಸಗಳಿಗೆ ಯೋಜಿಸಬಹುದು. ಯಾರ ನಡುವೆಯೂ ಹಸ್ತಕ್ಷೇಪ ಮಾಡಬೇಡಿ. ವಿವಾಹಕ್ಕೆ ಸಂಬಂಧಿಸಿದ ಮಾತುಕತೆಯಿಂದ ಖುಷಿಯಾಗಲಿದೆ. ಗುರುದರ್ಶನ ಮಾಡಿ.
5. ಸಿಂಹ: ಆಲಸ್ಯವು ಇಂದು ನಿಮ್ಮೊಳಗೆ ಮನೆ ಮಾಡಲಿದೆ‌. ಭವಿಷ್ಯದ ಕುರಿತು ನಿಮ್ಮಲ್ಲಿ ಅನೇಕ ಗೊಂದಲಗಳು ಇರಬಹುದು. ದೂರದ ಊರಿಗೆ ಪ್ರಯಾಣ ಮಾಡಬೇಕಾಗಿ ಬರಬಹುದು. ಸ್ವಾತಂತ್ರ್ಯವನ್ನು ಪಡೆದುಕೊಳ್ಳಬಯಸುವಿರಿ‌. ನಿಮ್ಮ ಕೈಯಲ್ಲಿ ಯಾವುದೂ ಇರುವುದಿಲ್ಲ. ಅನಾರೋಗ್ಯದ ನಿಮಿತ್ತ ಅಧಿಕ ವ್ಯಾಪಾರಸ್ಥರು ಲಾಭವನ್ನು ಪಡೆಯಲಿದ್ದಾರೆ. ಕುಟುಂಬದಲ್ಲಿ ನೆಮ್ಮದಿ ವಾತಾವರಣವು ಇರಲಿದೆ. ಅನಾರೋಗ್ಯವು ನಿಮ್ಮನ್ನು ವಿಶ್ರಾಂತಿಗೆ ತಳ್ಳಬಹುದು. ಎಚ್ಚರವನ್ನು ವಹಿಸಿ. ಒರಟುತನ ನಿಮ್ಮವರಿಗೆ ಹಿಂಸೆಯನ್ನು ತರಬಹುದು. ಆಗದು ಎಂದು ಯಾವುದನ್ನೂ ತಳ್ಳಿಹಾಕಬೇಡಿ. ದಶಮದ ಕುಜನು ನಿಮ್ಮಿಂದ ಅಸಾಧ್ಯವನ್ನೂ ಸಾಧಿಸುವನು. ಶಿವಾರಧನೆ ನಿಮಗೆ ಅವಶ್ಯವಾಗಿ ಬೇಕು.
6. ಕನ್ಯಾ: ಇಂದು ನಿಮಗೆ ಮಿತ್ರನ ಸಹಾಯ ಲಭ್ಯವಾಗಲಿದೆ. ಗೆಳೆತನದ ಬೆಲೆಯನ್ನು ತಿಳಿದುಕೊಳ್ಳುವಿರಿ. ನಿಮ್ಮವರು ಅಪಮಾನವನ್ನು ಮಾಡಬಹುದು. ನಿಮಗೆ ಅನೇಕ ಲಾಭಗಳಾಗುವ ದಿನವಾಗಿದೆ‌. ಮನೆಯಿಂದ ದೂರವುಳಿಯಬೇಕಾದೀತು. ನಿಮ್ಮವರೇ ನಿಮಗೆ ಶತ್ರುಗಳಾಗಲೂಬಹುದು, ಅಚ್ಚರಿಯನ್ನು ಅನುಭವಿಸಬೇಕಿಲ್ಲ. ಭೂಮಿಯ ಖರೀದಿಯ ಕುರಿತು ನೀವು ಆಲೋಚಿಸುವಿರಿ. ಸಮಾಜಕಲ್ಯಾಣದ ಕೆಲಸಗಳು ಇಂದು ನಿಮ್ಮಿಂದ ಆಗಲಿದೆ. ನಿಮ್ಮ ಪ್ರಾಮಾಣಿಕತೆಯೇ ನಿಮಗೆ ಯಶಸ್ಸನ್ನು ತರಲಿದೆ. ನಿಮ್ಮ ಮಾನಸಿಕ ಶುದ್ಧತೆಯನ್ನು ಅನರ್ಥವಾಗಿಸಿಕೊಳ್ಳಬಹುದು. ಗುರು ಹಾಗು ಶುಕ್ರರು ನಿಮಗೆ ಅನೇಕ ಒಳ್ಳೆಯ ವಿಚಾರಗಳನ್ನು ತಿಳಿಸುವರು, ಮಾರ್ಗದರ್ಶನ ಮಾಡುವರು. ಆಂಜನೇಯನ ಧ್ಯಾನವು ನಿಮಗೆ ದೇಹ ಹಾಗೂ ಮನೋಬಲವನ್ನು ಹೆಚ್ಚಿಸುತ್ತದೆ.
7. ತುಲಾ: ನೂತನ ಉದ್ಯೋಗವನ್ನು ಹುಡುಕುತ್ತಿದ್ದರೆ ಉದ್ಯೋಗ ಸಿಗಲಿದೆ. ಭವಿಷ್ಯವನ್ನು ರೂಪಿಸಲು ಸಹಕಾರಿಯಾದ ಘಟನೆಗಳು ಇಂದು ನಡೆಯಲಿವೆ. ಹೂಡಿಕೆ ಮಾಡುವಾಗ ಕ್ಷೇತ್ರವನ್ನು ಸರಿಯಾಗಿ ಆಯ್ಕೆ ಮಾಡಿಕೊಳ್ಳಿ. ಕೈ ಸುಟ್ಟುಕೊಳ್ಳುವುದು ಬೇಡ. ವಾಹನವನ್ನು ಚಲಾಯಿಸುವಾಗ ಎಚ್ಚರವಿರಲಿ. ಯಾರ ಬಗ್ಗೆಯೂ ಪೂರ್ವಾಪರದ ಜ್ಞಾನವಿಲ್ಲದೇ ವ್ಯವಹರಿಸಿಬೇಡಿ. ವಿದ್ಯುತ್ ಉಪಕರಣಗಳ ಖರೀದಿಯಿಂದ ಧನವು ನಷ್ಟವಾಗಲಿದೆ. ದುಃಸ್ವಪ್ನಗಳಿಂದ ನೀವು ಚಿಂತೆಗೊಳ್ಳಬಹುದು. ಸಂಬಂಧಗಳ ಬೆಲೆಯನ್ನು ಅರಿಯಲಿದ್ದೀರಿ. ಗುರು ಹಾಗೂ ಶುಕ್ರರು ಷಷ್ಠದಲ್ಲಿರುವರು. ಪತ್ನಿಗೆ ಹಾಗೂ ಮನೆಯ ಹಿರಿಯರಿಗೆ ಆರೋಗ್ಯದಲ್ಲಿ ತೊಂದರೆಯಾದೀತು. ಅವರ ಹೆಸರನಲ್ಲಿ ಸಂಕಲ್ಪ ಮಾಡಿಸಿ ನಾರಾಯಣನನ್ನು ಪೂಜಿಸಿ.
8. ವೃಶ್ಚಿಕ: ಉನ್ನತವಾದ ವಿದ್ಯಾಭ್ಯಾಸಕ್ಕೆ ಹೋಗುವ ಮನಸ್ಸುಳ್ಳವರು ಬೇರೆ ಕಡೆಗೆ ಹೋಗಲಿದ್ದೀರಿ. ಅಪರಿಚಿತರು ನಿಮ್ಮನ್ನು ಭೇಟಿಯಾದಾರು. ಕೂಡಲೇ ಸ್ನೇಹಕ್ಕೆ ಸಿದ್ಧರಾಗಬೇಡಿ. ಪಿತ್ತಸಂಬಂಧವಾದ ತುರಿಕೆ, ಹುಣ್ಣುಗಳಿಂದ ಪೀಡಿತರಾಗಬಹುದು. ಮಕ್ಕಳು ನಿಮಗೆ ಸುವಾರ್ತೆಯನ್ನು ಕೇಳಿಸಬಹುದು. ಮುಕಿನ ಗುದ್ದಾಟದಲ್ಲಿ ನಿಮಗೆ ಸೋಲಾಗಬಹುದು. ಯಾರು ಶತ್ರುಗಳು ಎನ್ನುವುದನ್ನು ಅರಿತುಕೊಳ್ಳಿ‌ ಶತ್ರುಗಳ ಜೊತೆ ಕಲಹಕ್ಕೆ ಹೋಗಬೇಡಿ. ಇಂದಿನ‌ ಪ್ರಯಾಣವು ಆಯಾಸದಾಯಕವಾಗಿದೆ. ಆಮಿಷಗಳಿಗೆ ಬಲಿಯಾಗಿ ಸಂಪತ್ತನ್ನು ಕಳೆದುಕೊಳ್ಳಲಿದ್ದೀರಿ. ಇಂತಹ ಸಂದರ್ಭಗಳು ಬಂದಾಗ ಎಚ್ಚರಿರಿ. ಉತ್ಸವಗಳಲ್ಲಿ ಭಾಗಿಯಾಗುವಿರಿ. ನಿಮ್ಮ ಮಾತಿಗೆ ಮೋಡಿಯಾಗುವರು. ಕಾಲಕ್ಕಾಗಿ ಕಾಯಬೇಕಾಗಿದೆ. ತೃತೀಯದ ಚಂದ್ರನು ನಿಮ್ಮ ಮನೋಬಲವನ್ನು ನಿಮ್ಮವರಿಗೆ ತೋರಿಸುವನು. ಗೋವಿಗೆ ಗೋಗ್ರಾಸ ನೀಡಿ.
9. ಧನುಸ್ಸು: ಇಂದು ಇಷ್ಟು ವರ್ಷ ಕಾಪಾಡಿಕೊಂಡು ಬಂದ ನಿಮ್ಮ ರಹಸ್ಯವು ಬಯಲಾದೀತು. ಮಾನಸಿಕವಾಗಿ ನೀವು ಸದೃಢರಾಗಿದ್ದೀರಿ. ಆರೋಗ್ಯವೂ ನಿಮ್ಮನ್ನು ಬಾಧಿಸದು. ಹಣಕಾಸಿನ ವ್ಯವಹಾರದಲ್ಲಿ ಹಿನ್ನಡೆಯ ಸಾಧ್ಯತೆ ಇದೆ. ಪಿರ್ತಾರ್ಜಿತ ಆಸ್ತಿಗೆ ಸಂಬಂಧಿಸಿದಂತೆ ಕಲಹಗಳು ಆಗಬಹುದು. ತಾಯಿಯ ಜೊತೆ ವಿನಾಕಾರಣ ಕಲಹ ಮಾಡಬೇಡಿ. ಅತಿಥಿಗಳ ಆಗಮನದಿಂದ ಸಂತೋಷವಾಗಲಿದೆ. ಕೆಲವು ಸಂದರ್ಭಗಳಲ್ಲಿ ನೀವು ನಡೆದುಕೊಳ್ಳುವ ರೀತಿಯು ಆದರ್ಶವಾಗಲಿದೆ. ಸಣ್ಣ ಅಂತರದಲ್ಲಿ ನಿಮಗೆ ದೊಡ್ಡ ಅಪಾಯವು ತಪ್ಪಲಿದೆ. ದೂರದ ಸಂಬಂಧಿಗಳು ಹತ್ತಿರವಾಗಲಿದ್ದಾರೆ. ಪುಣ್ಯಸಂಪಾದನೆಯತ್ತ ಗಮನ ಹರಿಸುವಿರಿ. ಪಂಚಮದ ರಾಹುವಿನಿಂದ ಮಕ್ಕಳ ವಿಚಾರದಲ್ಲಿ ಮನಸ್ತಾಪ ಬರಬಹುದು. ಬಿರುಸಿನ ಮಾತನಾಡಿ ಕಳೆದುಕೊಳ್ಳಬೇಡಿ ಬಂಧವನ್ನು. ಲಲಿತಾಸಹಸ್ರನಾಮವನ್ನು ಪಠಿಸಿ.
10. ಮಕರ: ಬಂಧುಗಳ ಆಗಮನದಿಂದ ಸ್ವಲ್ಪ ಕಾರ್ಯದಲದಲಿ ಹಿನ್ನಡೆಯಾದರೂ ಇಂದು ಅಂದುಕೊಂಡ ಕೆಲಸವನ್ನು ಮಾಡಿ ಮುಗಿಸುವಿರಿ. ಬಹಳ ದಿನಗಳ ಅನಂತರ ವಿವಾಹಯೋಗದ ಸುದ್ದಿಯು ಮತ್ತೆ ಕೇಳಿಸಲಿದೆ. ನಿಮ್ಮ ಉದ್ಯೋಗಕ್ಕೆ ಮಿತ್ರರು ಬೆಂಬಲವನ್ನು ಕೊಡಲಿದ್ದಾರೆ. ನಿಮಗೊಂದು ಅಪರೂಪದ ವಿಚಾರ ತಿಳಿಯಲಿದೆ. ಆರ್ಥಿಕತೆಗೆ ಅನೇಕ ಯೋಜನೆಗಳನ್ನು ಮಾಡುವಿರಿ. ವೈರಿಗಳು ನಿಮ್ಮನ್ನು ಪರೀಕ್ಷಿಸಲೆಂದೇ ಬರುತ್ತಾರೆ ಎಂದು ಕೊಂಡು ಅವರನ್ನು ಯುಕ್ತಿಗಳಿಂದ ಎದುರಿಸಿ. ವಿದೇಶದ ವ್ಯವಹಾರವು ನಿಮಗೆ ಲಾಭದಾಯಕವಾದುದಾಗಿವೆ. ಇಷ್ಟಪಟ್ಟವರು ದೂರಾಗಬಹುದು. ಶನಿಯು ದ್ವಿತೀಯದಲ್ಲಿದ್ದು ನಿಮಗೆ ಧನಾಗಮನವನ್ನು ನಿಧಾನ ಮಾಡಿಸುವನು. ಶನಿಸ್ತೋತ್ರವನ್ನು ಜಪಿಸಿರಿ.
11. ಕುಂಭ: ಕಛೇರಿಯ ಕೆಲಸಗಳು ಒಂದಾದಮೇಲೊಂದರಂತೆ ಬರುತ್ತಲೇ ಇರುತ್ತವೆ. ಒತ್ತಡವೂ ಹೆಚ್ಚಾಗಬಹುದು. ಇಷ್ಟು ದಿನಗಳ ಕಾಲ ಅನುಭವಿಸಿದ ಕಷ್ಟಕ್ಕೆ ಇಂದು ನಿಮಗೆ ಫಲವು ಸಿಗಲಿದೆ. ಸಂಗಾತಿಗಳು ಸಮಾರಸ್ಯದ ಬದುಕನ್ನು ನಡೆಸಲಿರುವರು. ಆಹಾರದ ವ್ಯವಹಾರಗಳು ನಿಮಗೆ ಲಾಭವನ್ನು ತರಲಿದೆ. ವಿದ್ಯಾರ್ಥಿಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸಲಿದ್ದಾರೆ. ಸಂಗೀತಾದಿ ಕಲೆಗಳ ಆಸ್ವಾದನೆಯಿಂದ ಆನಂದವನ್ನು ಪಡೆಯುವಿರಿ. ಫಲಾಪೇಕ್ಷೆಯಿಲ್ಲದೇ ಕರ್ತವ್ಯಗಳನ್ನು ಮಾಡುವಿರಿ. ಉದ್ಯೋಗದ ವಿಚಾರದಲ್ಲಿ ವಿಚಾರಿಸದೇ ನಿರ್ಧಾರಕ್ಕೆ ಬರಬೇಡಿ. ಹೆಚ್ಚು ಸಮಯವನ್ನು ಕುಟುಂಬದೊಂದಿಗೆ ಕಳೆಯುವಿರಿ. ದ್ವಾದಶದ ಬುಧನಿಂದ ವ್ಯವಹಾರದಲ್ಲಿ ನಷ್ಟವಾಗಬಹುದು. ರಾಮತಾರಕ ಮಂತ್ರವನ್ನು ಜಪಿಸಿ.
12. ಮೀನ: ನಿಮ್ಮ ಆರ್ಥಿಕ ಸಂಕಷ್ಟಕ್ಕೆ ತಂದೆಯವರು ಹೆಗಲಾಗುವರು. ಒಂದೇ ರೀತಿಯಲ್ಲಿ ಬದುಕು ಸಾಗುತ್ತಿದೆ ಎಂದು ಅನ್ನಿಸಬಹುದು. ನಿಮಗೆ ಅಪವಾದಗಳು ಬರಬಹುದು. ಪ್ರಯತ್ನಕ್ಕೆ ತಕ್ಕ ಫಲವು ಬರಲಿದೆ. ಆನಂದದಿಂದ ಕಳೆಯುವಿರಿ. ಯಾರಿಗೂ ಮಾತನ್ನು ಕೊಡಲು ಹೋಗಬೇಡಿ. ಧಾರ್ಮಿಕಕಾರ್ಯಗಳಲ್ಲಿ ಭಾಗವಹಿಸುವಿರಿ. ಮನೆಯನ್ನು ಖರೀದಿಸುವ ಆಲೋಚನೆಗಳನ್ನು ಮಾಡುವಿರಿ. ಹೊಸ ಉದ್ಯೋಗಕ್ಕೆ ಸೇರಿಕೊಳ್ಳಲಿದ್ದೀರಿ. ವೈದ್ಯವೃತ್ತಿಯವರಿಗೆ ಶುಭ ಸುದ್ದಿಯು ಇರಲಿದೆ. ದಾಂಪತ್ಯದಲ್ಲಿ ಕಲಹವು ಅನಿರೀಕ್ಷಿತವಾಗಿ ಹುಟ್ಟಿ ಮೌನದಲ್ಲಿ ಮುಕ್ತಾಯವಾಗುವುದು. ದ್ವಾದಶದ ಸೂರ್ಯನು ತಂದೆಯ ಕಾರಣಕ್ಕೆ ಧನವ್ಯವನ್ನು ಮಾಡಿಸುವನು. ಗುರುವಿನ ದರ್ಶನ ಮಾಡಿ, ಆಶೀರ್ವಾದ ಪಡೆಯಿರಿ.

-ಲೋಹಿತಶರ್ಮಾ, ಇಡುವಾಣಿ