Weekly Prediction 2025: ಈ ಮೂರು ರಾಶಿಗೆ ಮಹಾಯೋಗ, ಉಳಿದ ರಾಶಿಗಳ ಕಥೆಯೇನು?

ಜೂನ್ ತಿಂಗಳ ಮೂರನೇ ವಾರ (Weekly Prediction ) 19-16-2026ರಿಂದ 21-06-2025ರವರೆಗೆ ಇರಲಿದೆ. ಗುರು ಬುಧನ ರಾಶಿಯಲ್ಲಿ ಸ್ಥಿತನಾಗಿದ್ದಾನೆ. ಜೊತೆಗೂ ಸೂರ್ಯನೂ ಇದ್ದಿ ಅನೇಕರಿಗೆ ಶುಭ ಇನ್ನೂ ಅನೇಕರಿಗೆ ಅಶುಭವನ್ನೂ ಕೊಡುವನು. ಗುರುದರ್ಶನದಿಂದ ಕೆಲವು ತೊಂದರೆಗಳು ನಿವಾರಣೆ, ದಾನದಿಂದ, ಗೋಗ್ರಾಸದಿಂದ ನಿಮಗೆ ಬರುವ ಆಪತ್ತನ್ನು ದೂರಾಗುವುದು. ನೀವು ಮಾಡುವ ಕಾರ್ಯ ಸಂಕಲ್ಪ ಸಹಿತವಾಗಿ ಇರಲಿ.

ಮೇಷ ರಾಶಿ :

ಜೂನ್ ತಿಂಗಳ ಈ ವಾರ ಗುರುವು ತೃತೀಯದಲ್ಲಿ ಇದ್ದು ನಿಮ್ಮ ಇಷ್ಟದವರ ವಿಯೋಗವನ್ನು ಕೊಡಿಸುವನು. ನಿಮ್ಮದಾದ ಕೆಲವು ನಿಲುವುಗಳಿಗೆ ನೀವು ಬದ್ಧರಾಗಿರಿ. ಧನವ್ಯವಹಾರದಲ್ಲಿ ನಿಮ್ಮನ್ನು ಯಾರಾದರೂ ವಂಚಿಸಬಹುದು. ನಿಮ್ಮ ಸ್ಥಾನಕ್ಕೆ ಕುತ್ತು ಬಂದೊದಗಬಹುದು. ಅನಿವಾರ್ಯತೆಯನ್ನು ಹೊರತುಪಡಿಸಿ ಯಾವುದೇ ಕಾರಣಕ್ಕೂ ನೀವು ನಿಮ್ಮ ನಡತೆಯನ್ನು ಬದಲಿಸಿಕೊಳ್ಳಲು ಹೋಗುವುದು ಬೇಡ. ಹಿರಿಯರಿಗೆ ಕೊಡಬೇಕಾದ ಗೌರವವನ್ನು ಕೊಡುವಿರಿ.‌ ಆಪ್ತರು ದೂರವಾಗುವ ಸಂಕಟವನ್ನು ನೀವು ಜೀರ್ಣಿಸಿಕೊಳ್ಳುವ ಅಗತ್ಯವಿದೆ. ಆಪ್ತರಿಂದ ಉಡುಗೊರೆ ಸಿಗಬಹುದು. ನಿಮ್ಮ ಕೆಲಸದಲ್ಲಿ ನೀವು ಮಗ್ನರಾಗುವಿರಿ. ನೆಮ್ಮದಿಯನ್ನು ನೀವು ಪಡೆಯಲು ಪ್ರಯತ್ನಿಸುವಿರಿ.

ವೃಷಭ ರಾಶಿ :

ಈ ವಾರ ಗುರು ದ್ವಿತೀಯದಲ್ಲಿ ಇರುವ ಕಾರಣ ನಿಮಗೆ ಮಾತಿನಿಂದ ಅರ್ಥಪ್ರಾಪ್ತಿಯಾಗಲಿದೆ. ಸ್ವಂತ ಕಾರ್ಯಗಳಿಗೆ ಸಮಯವನ್ನು ಹೊಂದಿಸಲು ನಿಮಗೆ ಕಷ್ಟವಾದೀತು. ಸಂಗಾತಿಯ ಬೆಂಬಲವನ್ನು ಪಡೆಯಲು ನೀವು ಸೋಲುವಿರಿ. ನಿಮ್ಮ ಹಠದ ಸ್ವಭಾವವು ಹೆಚ್ಚಿನ ಶುಭವನ್ನೇ ಕಳೆದುಕೊಳ್ಳುವಂತೆ ಮಾಡುವುದು. ಯಾರದೋ ಕೋಪವನ್ನು ಮತ್ಯಾರದೋ ಮೇಲೆ ತೀರಿಸಿಕೊಳ್ಳಲು ಹೋಗಬಹುದು. ಈ ವಾರ ಕುಟುಂಬದವರ ಜೊತೆ ಸುಖದಿಂದ ಕಳೆಯುವಿರಿ. ಒಂದರಮೇಲೊಂದರಂತೆ ನಿಮಗೆ ಕರೆಗಳು ಬರಬಹುದು. ಅದನ್ನು ನಿವಾರಿಸಿಕೊಳ್ಳಲು ನಿಮಗೆ ಕಷ್ಟವಾದೀತು. ನಿಮ್ಮ ಚಿಂತನೆಯನ್ನು ಅರ್ಧಕ್ಕೆ ಕೈ ಬಿಟ್ಟು ಇನ್ನೊಬ್ಬರ ಕೆಲಸದಲ್ಲಿ ಭಾಗಿಯಾಗುವಿರಿ. ಮಹಾಗಣಪತಿಯನ್ನು ಕೆಲಸಕ್ಕೂ ಮೊದಲು ಪ್ರಾರ್ಥಿಸಿ.

ಮಿಥುನ ರಾಶಿ :

ರಾಶಿ ಚಕ್ರದ ಮೂರನೇ ರಾಶಿಯಲ್ಲಿ ನಿಮಗೆ ಶುಭಾಶುಭ ಫಲ. ಗುರು ಈ ವಾರ ನಿಮಗೆ ದೇಶಾಂತರ ಹೋಗುವಂತೆ ಮಾಡುವನು. ಮನೆಯವರ ಪ್ರೀತಿಯನ್ನು ನೀವು ಕಳೆದುಕೊಳ್ಳುವಿರಿ. ಸಂಪತ್ತಿಗೆ ಚ್ಯುತಿ ಬರುವುದು. ನಿಮ್ಮ ಮಾತು ಅವರಿಗೆ ಬೇಸರವನ್ನು ತರಿಸೀತು. ಉದ್ಯೋಗದಲ್ಲಿ ಹೆಚ್ಚು ಒತ್ತಡ ಇರಲಿದೆ. ಸಹೋದ್ಯೋಗಿಗಳ ಸಹಾಯವನ್ನೂ ನೀವು ಪಡೆಯಬಹುದಾಗಿದೆ. ಹಿತಶತ್ರುವು ಬೆಂಬಲಿಸಿದಂತೆ ತೋರಲಿದೆ. ಸಮಾರಂಭಗಳಿಗೆ ನೀವು ಭಾಗವಹಿಸಲಿದ್ದೀರಿ. ತುರ್ತು ಪ್ರಯಾಣ ಮಾಡುವ ಅನಿವಾರ್ಯತೆ ಎದುರಾಗಬಹುದು. ನಿಮಗೆ ಅಶುಭವಾರ್ತೆಯು ಕೇಳಿಬರಬಹುದು. ಕೆಲಸವನ್ನು ಮುಕ್ತಾಯಗೊಳಿಸದೇ ಇರಲು ನಾನಾ ಕಾರಣಗಳು ದೊರೆಯಬಹುದು.

ಕರ್ಕಾಟಕ ರಾಶಿ :

ಜೂನ್ ತಿಂಗಳ ಈ ವಾರ ನಿಮಗೆ ದುಃಖದಾಯಕವಾಗಲಿದೆ. ಎಲ್ಲದರಿಂದ ದುಃಖವೇ ಕಾಣಿಸುವುದು. ಅವ್ಯಕ್ತ ಭಯದಿಂದ ನೀವು ಏನನ್ನು ಮಾಡಲೂ ಭಯಭೀತರಾಗಿರುವಿರಿ. ಕೊರತೆಗಳನ್ನು ನೀಗಲು ನೀವು ಸ್ನೇಹಿತರಿಂದ ಸಹಾಯವನ್ನು ಪಡೆಯುವಿರಿ. ವಿಷಯದ ಸರಿಯಾದ ಆಯ್ಕೆ ಮಾಡಲು ನಿಮಗೆ ಕಷ್ಟವಾದೀತು.‌ ಶಿಕ್ಷಕವೃತ್ತಿಯಲ್ಲಿ‌ ನೀವು ಇದ್ದರೆ ವಿದ್ಯಾರ್ಥಿಗಳಿಂದ ಸಮ್ಮಾನವು ಸಿಗಲಿದೆ. ಅಸಹಜ ಬೆಳವಣಿಗೆಗೆ ನೀವು ಕಾರಣರಾಗುವಿರಿ. ವಾಹನಕ್ಕಾಗಿ ನೀವು ಹಣವನ್ನು ವ್ಯಯಿಸುವಿರಿ. ನೂತನ‌ ಉದ್ಯೋಗಕ್ಕೆ ನೀವು ಪ್ರಯತ್ನಶೀಲರಾಗುವಿರಿ. ಅಲ್ಪಾವಧಿಯಲ್ಲಿ ಲಾಭವನ್ನು ಗಳಿಸಲು ಹೋಗಿ ಮುಗ್ಗರಿಸುವಿರಿ. ಸಣ್ಣ ಅಪಮಾನವೂ ನಿಮಗೆ ದೊಡ್ಡದಾಗಿ ತೋರುವುದು.

ಸಿಂಹ ರಾಶಿ :

ಮೂರನೇ ವಾರದಲ್ಲಿ ಗುರುವು ಏಕಾದಶದಲ್ಲಿ ಇದ್ದು ಸಂತಾನೋತ್ಪತ್ತಿಯಾಗಲಿದೆ. ಸಮಯಕ್ಕೆ ಗೌರವ ಕೊಡುವುದನ್ನು ನೀವು ಕಲಿಯಬೇಕಾದೀತು. ಕಲಾವಿದರು ಸುಮ್ಮನೆ ಕುಳಿತು ಕಾಲಕಳೆಯುವ ಸಂಭವವಿದೆ. ದೂರದ ಊರಿನಲ್ಲಿ ಮಕ್ಕಳ ಜೊತೆ ವಾಸವನ್ನೂ ಮಾಡುವಿರಿ. ಏನಾದರೂ ಹೊಸತನವನ್ನು ಹುಟ್ಟಿಸಿಕೊಳ್ಳಬಹುದು. ನಿಮ್ಮವರೇ ನಿಮಗೆ ತೊಂದರೆಯನ್ನು ಉಂಟುಮಾಡಬಹುದು. ಅಧಿಕ ಖರ್ಚಿನಿಂದ ನಿಮಗೆ ತೊಂದರೆಗಳು ಬರಬಹುದು. ಸಮಯಕ್ಕೆ ಸರಿಯಾಗಿ ಮಾಡಬೇಕಾದ ಕೆಲಸಗಳನ್ನು ಮಾಡಲು ಆಗದೇ ಇರುವುದು. ಅಧಿಕಾರಿ ವರ್ಗದಿಂದ ನಿಮಗೆ ಕಿರಿಕಿರಿ ಉಂಟಾಗಬಹುದು‌. ಹೊಸತನ್ನು ತಿಳಿದುಕೊಳ್ಳಲು ನೀವು ಸೋಲಬಹುದು.

ಕನ್ಯಾ ರಾಶಿ :

ಜೂನ್ ತಿಂಗಳ ಈ ವಾರದಲ್ಲಿ ಅಶುಭ. ದಶಮದಲ್ಲಿ ಗುರುವು ಪ್ರತ್ಯಕ್ಷನಾಗಿದ್ದು ಆರ್ಥಿಕ ವ್ಯವಹಾರದಲ್ಲಿ ಮಾನಸಿಕ ಪೀಡೆಯನ್ನು ತರಿಸುವನು. ದಾಂಪತ್ಯದಲ್ಲಿ ಸಾಮರಸ್ಯದ ಕೊರತೆಯಿರಲಿದೆ. ಹಿರಿಯರ ಮಧ್ಯಸ್ತಿಕೆಯಿಂದ ಸಮಸ್ಯೆಗಳು ಪರಿಹಾರವಾಗಬಹುದು. ಮಕ್ಕಳಿಂದ ಸಂಪತ್ತಿಗೆ ಪೀಡೆ ಉಂಟಾಗುವುದು. ನಿಮ್ಮ ನಡೆತೆಗಳು ಅನುಮಾನವನ್ನು ಹುಟ್ಟಿಸಬಹುದು. ಹೂಡಿಕೆಯ ವಿಚಾರದಲ್ಲಿ ನೀವು ಅನುಭವಗಳನ್ನು ಕೇಳುವುದು ಉತ್ತಮ. ಮನೆಯ ಪರಿಸ್ಥಿತಿಯನ್ನು ಸುಧಾರಿಸಲು ನೀವು ಕಷ್ಟಪಡುವಿರಿ. ಅಧಿಕಾರದಿಂದ‌ ನಿಮ್ಮ‌ ಮಾತು ಕಠೋರವಾಗಿರುವುದು. ಸ್ವಾವಲಂಬಿಗಳಾಗಿ ಬದುಕಲು ಪ್ರಯತ್ನಿಸುವಿರಿ. ಸಣ್ಣ ನೋವು ದೊಡ್ಡದಾಗಿ ಅದನ್ನು ತಡೆಯಲು ಕಷ್ಟವಾದೀತು. ಗುರುಚರಿತ್ರೆಯನ್ನು ಪಠಿಸಿ.

ತುಲಾ ರಾಶಿ :

ರಾಶಿ ಚಕ್ರದ ಏಳನೇ ರಾಶಿಯವರಿಗೆ ಶುಭ. ನವಮದಲ್ಲಿ ಗುರುವು ನಿಮಗೆ ಅನುಕೂಲನಾಗಿದ್ದಾನೆ. ಎಲ್ಲ ರೀತಿಯ ಸಾತ್ವಿಕ ಸುಖವೇ ನಿಮಗೆ ಸಿಗಲಿದೆ. ಆದರೆ ಅದನ್ನು ಅನುಭವಿಸುವ ಮನಃಸ್ಥಿತಿ ಇರಬೇಕಾಗುವುದು‌. ಹೊಸ ಕಛೇರಿಯಲ್ಲಿ ಬಹಳ ಉತ್ಸಾಹದಿಂದ ಕೆಲಸ ಮಾಡುವಿರಿ. ನಿಮಗೆ ಬೇಕಾದ ಹಣವನ್ನು ಹೊಂದಿಸಲು ಓಡಾಡಬೇಕಾಗಬಹುದು. ಪರಿಚಿತ ವ್ಯಕ್ತಿಗಳಿಂದಲೇ ನಿಮಗೆ ಮೋಸವಾಗಬಹುದು. ಸಂಗಾತಿಯನ್ನು ಸರಿಯಾಗಿ ಮಾಡಿಕೊಳ್ಳುವಿರಿ. ಇನ್ನೊಬ್ಬರ ವರ್ತನೆಯಿಂದ ನಿಮ್ಮಲ್ಲಿ ಗೊಂದಲವುಂಟಾಗಬಹುದು. ಪೂರ್ವನಿಗದಿತ ನಿಮ್ಮ ಕಾರ್ಯಗಳು ಅಸ್ತವ್ಯಸ್ತವಾಗಲಿದೆ. ನಿಮ್ಮ ಬಯಕೆಯನ್ನು ಪೂರೈಸಿಕೊಳ್ಳಲು ನೀವು ಕಷ್ಟಪಡುವಿರಿ. ಉದ್ವೇಗಕ್ಕೆ ನೀವು ಒಳಗಾಗುವಿರಿ.

ವೃಶ್ಚಿಕ ರಾಶಿ :

ಈ ವಾರ ನಿಮಗೆ ಅಶುಭ. ಗುರುವು ಅಷ್ಟಮದಲ್ಲಿ ನಿಮಗೆ ಪ್ರತಿಕೂಲನಾಗಿರುವನು. ಪ್ರಯಾಣದಲ್ಲಿ ವಿಘ್ನಗಳು ಕಾಣಿಸುವುವು. ಕಛೇರಿಯಲ್ಲಿ ಒತ್ತಡದ ವಾತಾವರಣವಿರಲಿದೆ. ಒಳ್ಳೆಯ ಸುದ್ದಿಗಳು ನಿಮಗೆ ಸಂತೋಷವನ್ನು ನೀಡಬಹುದು. ತಂದೆಗೆ ಸಮಾನರಾದವರಲ್ಲಿ ಸಲುಗೆಯಿಂದ ಇರುವಿರಿ. ಧನ ನಷ್ಟವಾಗುವುದು ಮಾತ್ರವಲ್ಲ, ಕಷ್ಟವೂ ಒಂದೊಂದೆ ಬರಲಿದೆ. ಕೆಲಸಗಳನ್ನು ಮುಂದೂಡುವುದು ಅನಿವಾರ್ಯವಾಗಬಹುದು. ರಾಜಕಾರಣಿಗಳು ಕರ್ತವ್ಯವನ್ನು ಮಾಡುವರು. ಬೇಸರವಾಗುವ ಮಾತುಗಳನ್ನು ನೀವು ಕಡಿಮೆ‌ಮಾಡಿಕೊಳ್ಳಿ. ನಿಮ್ಮ ಸ್ನೇಹಶೀಲತೆ ಎಲ್ಲರಿಗೂ ಇಷ್ಟವಾಗುವುದು. ಆಗಿದ್ದನ್ನು ಮತ್ತೆ ಮತ್ತೆ ನೆನಪಿಸಿಕೊಂಡು ಬೇಸರಗೊಳ್ಳುವ ಸಾಧ್ಯತೆ ಇದೆ. ನಾಗದೇವರನ್ನು ಪೂಜಿಸಿ.

ಧನು ರಾಶಿ :

ಈ ತಿಂಗಳ ಮೂರನೇ ವಾರದಲ್ಲಿ ನಿಮಗೆ ಶುಭ. ಪುಣ್ಯಸಂಪಾದನೆಗೆ, ಸುಖವನ್ನು ಹೆಚ್ಚಿಸಿಕೊಳ್ಳಲು ದೀರ್ಘ ಯಾತ್ರೆಯನ್ನು ಮಾಡುವಿರಿ. ನಿಮ್ಮ ಸ್ಥಾನವನ್ನು ಬಿಟ್ಟುಕೊಡಲು ನೀವು ಒಪ್ಪುವುದಿಲ್ಲ. ಯಾರ ಒತ್ತಡವನ್ನೂ ನೀವು ಸ್ವೀಕರಿಸಲು ತಯಾರಿರುವವುದಿಲ್ಲ. ಸುಶೀಲ ಸ್ತ್ರೀಯಿಂದ ಸುಖ ಸಿಗಲಿದೆ. ನಿಮ್ಮನ್ನು ಅಪ್ರಾಮಾಣಿಕರೆಂದು ಹೀಗಳೆಯಬಹುದು.‌ ನಿಮ್ಮ ಅಭಿಪ್ರಾಯವನ್ನು ಆಪ್ತರ ಜೊತೆ ಹಂಚಿಕೊಳ್ಳಲಿದ್ದೀರಿ. ಅತಿಯಾದ ವಿಶ್ವಾಸವು ನಿಮಗೆ ತೊಂದರೆಯನ್ನು ತಂದೀತು. ಅತ್ಯಾಪ್ತತೆಯಿಂದ ನಿಮಗೆ ಸಂಕಟವಾಗಬಹುದು. ಹಿರಿಯರ ಮಾತುಗಳನ್ನು ತಿರಸ್ಕರಿಸುವ ಮಾನಸಿಕತೆ ಇರಲಿದೆ. ಧಾರ್ಮಿಕ ಕಾರ್ಯಕ್ಕೆ ವಿಘ್ನವು ಉಂಟಾಗಬಹುದು. ಅನವಶ್ಯಕವಾಗಿ ದ್ವೇಷವನ್ನು ಬೆಳೆಸಿಕೊಳ್ಳಲಿದ್ದೀರಿ. ಮಹಾಗೌರಿಯನ್ನು ಆರಾಧಿಸಿ.

ಮಕರ ರಾಶಿ :

ಜೂನ್ ತಿಂಗಳ ಮೂರನೇ ವಾರದಲ್ಲಿ ಅಶುಭ. ನಾನಾ ರೀತಿಯ ಪೀಡೆಗಳು ಕಾಣಿಸುವುವು. ಬಂಧುಗಳ ವೈರ, ಶತ್ರುಗಳೂ ತಮ್ಮ ಪರಾಕ್ರಮವನ್ನು ತೋರಿಸುವ ಕಾಲ. ನಿಮ್ಮ ವಸ್ತುವನ್ನು ನೀವೇ ಪಡೆದುಕೊಳ್ಳಲು ಓಡಾಟ ಮಾಡಬೇಕಾದೀತು. ನಿಮ್ಮ ಬಗ್ಗೆ ಸಲ್ಲದ ಮಾತುಗಳನ್ನು ಕೇಳಬೇಕಾದ ಸ್ಥಿತಿ ಬರಬಹುದು. ಆಂತರಿಕ ಕಲಹವು ಬಹಿರಂಗವಾಗಬಹುದು. ಯಥೇಷ್ಟವಾಗಿ ಸುತ್ತಾಡುವ ಮನಸ್ಸು ಇರಲಿದೆ. ನಿಮ್ಮ ಬಗ್ಗೆಯೇ ನಿಮಗೆ ವಿಶ್ವಾಸದ ಕೊರತೆ ಇರಲಿದೆ. ಸಮಾಧಾನ ಚಿತ್ತದಿಂದ ನಿಮ್ಮ ಅವಲೋಕನವನ್ನು ಮಾಡುವಿರಿ. ಅಸಭ್ಯ ಮಾತುಗಳಿಂದ ನಿಮ್ಮ ವ್ಯಕ್ತಿತ್ವವನ್ನು ಹೇಳಬಹುದು. ನಿಯಮಬದ್ಧತೆಯನ್ನು ನೀವು ಮೀರುವ ಸಾಧ್ಯತೆ ಇದೆ. ಶಿವಕವಚವನ್ನು ಪ್ರಾತಃಕಾಲದಲ್ಲಿ ಪಠಿಸಿ.

ಕುಂಭ ರಾಶಿ :

ರಾಶಿ ಚಕ್ರದ ಹನ್ಮೊಂದನೇ ರಾಶಿಯವರಿಗೆ ಈ ವಾರ ಶುಭ. ಮಕ್ಕಳ ಪ್ರಾಪ್ತಿಯ ಸಂತಸಪಡುವಿರಿ. ಸರ್ಕಾರದ ಕಾರ್ಯದಲ್ಲಿ ಪ್ರಗತಿ ಕಾಣಿಸುವುದು. ಬಂಧುಗಳ ಭೇಟಿಗಾಗಿ ನೀವು ದೂರಪ್ರಯಾಣ ಮಾಡುವಿರಿ. ನಿಮ್ಮಲ್ಲಿ ಏನನ್ನೋ ಸಾಧಿಸಿದ ತೃಪ್ತಿ ಇರಲಿದೆ. ಅಪರೂಪದ ಪ್ರಜ್ಞಾವಂತರ ಭೇಟಿಯಾಗಲಿದೆ. ಬರಬೇಕಾದ ಹಣವು ಬಾರದೇ ಮೋಸವಾಗಲಿದೆ. ನಿಮ್ಮದೇ ಕೆಲಸಗಳ ನಡುವೆ ನೀವು ಕಳೆದು ಹೋಗುವಿರಿ.‌ ಕುಟುಂಬಕ್ಕೆ ಸಮಯ ಕೊಡಲು ಕಷ್ಟವಾದೀತು. ನಿಮ್ಮ ಅನಾರೋಗ್ಯವು ಹೆಚ್ಚಾಗಬಹುದು. ನಿಮ್ಮ ಪ್ರತಿಭೆಯ ಪ್ರದರ್ಶನಕ್ಕೆ ಅನೇಕ ಅವಕಾಶಗಳು ಸಿಗಬಹುದು. ಸಂಗಾತಿಯ ಮಾತುಗಳು ನಿಮಗೆ ಕಿರಿಕಿರಿಯನ್ನು ತಂದೀತು. ಸಹೋದರರ ನಡುವೆ ರಹಸ್ಯ ಸಮಾಲೋಚನೆ ನಡೆಯಬಹುದು. ಹನುಮಾನ್ ಸ್ತೋತ್ರವನ್ನು ಪಠಿಸಿ.

ಇದನ್ನೂ ಓದಿ: ಸಿಂಹ ರಾಶಿಯಲ್ಲಿ ಕುಜ-ಕೇತು ಯುತಿ ಮತ್ತು ಪ್ರಪಂಚದ ಉದ್ವಿಗ್ನತೆ; ಜ್ಯೋತಿಷ್ಯ ವಿಶ್ಲೇಷಣೆ

ಮೀನ ರಾಶಿ :

ಈ ವಾರ ಗುರುವು ಚತುರ್ಥದಲ್ಲಿ ಇದ್ದು ಪ್ರಾಣಿಗಳಿಂದ ಭೀತಿ ಕೊಡಿಸುವನು. ರಸ್ತೆಯಲ್ಲಿ ಓಡಾಡುವಾಗ, ಮನೆಯಲ್ಲಿ ಎಚ್ಚರಿಕೆಯಿಂದ ಹೆಜ್ಜೆ ಇಡಿ. ನಿಮಗೆ ಪ್ರಾಇಗಳಕಲ್ಪಿಸಿಕೊಂಡ ವಿಚಾರವು ಹಾಗೆಯೇ ಆಗಲಿದ್ದು ನಿಮಗೆ ಆಶ್ಚರ್ಯ ಆಗಬಹುದು. ಸೌಂದರ್ಯಕ್ಕೆ ಹೆಚ್ಚು ಮಹತ್ತ್ವವನ್ನು ನೀವು ಕೊಡಲಿದ್ದೀರಿ. ದೈನ್ಯತೆಯಿಂದ ಎಲ್ಲರ ಜೊತೆ ವ್ಯವಹಾರ ಮಾಡುವಿರಿ. ಉದ್ಯೋಗದಿಂದ ನಿಮ್ಮನ್ನು ಕೈಬಿಡುವ ಭಯವು ಕಾಡಬಹುದು. ಕಾರಣಾಂತರಗಳಿಂದ ಮುಂದೆ ಹೋಗುತ್ತಿದ್ದ ವಿವಾಹವು ನಿಶ್ಚಯವಾಗಲಿದೆ. ಆಪ್ತರ ಭೇಟಿಯಿಂದ ಮನಸ್ಸಿಗೆ ನೆಮ್ಮದಿ ಸಿಗಬಹುದು. ಚಿಂತೆಯಿಂದ ನಿದ್ರೆ ಕೆಡುವ ಸಾಧ್ಯತೆ ಇದೆ. ಸ್ನೇಹಿತರ ಜೊತೆ ಹರಟೆ ಹೊಡೆಯುವಿರಿ. ಪರಿಶ್ರಮವು ಹೆಚ್ಚಾಗಬಹುದು. ಕಾಲಭೈರವನ ಸನ್ನಿಧಿಗೆ ಹೋಗಿ ಬನ್ನಿ.

-ಲೋಹಿತ ಹೆಬ್ಬಾರ್ – 8762924271 (what’s app only)

ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ