IIP: ಭಾರತದ ಕೈಗಾರಿಕೆ ಬೆಳವಣಿಗೆ 2021ರ ಡಿಸೆಂಬರ್​ನಲ್ಲಿ 10 ತಿಂಗಳ ಕನಿಷ್ಠ ಮಟ್ಟವಾದ ಶೇ 0.4ಕ್ಕೆ ಕುಸಿತ

ಇಂಡೆಕ್ಸ್ ಆಫ್ ಇಂಡಸ್ಟ್ರಿಯಲ್ ಪ್ರೊಡಕ್ಷನ್ (IIP) ಪ್ರಕಾರ ಭಾರತದ ಕೈಗಾರಿಕೆ ಬೆಳವಣಿಗೆಯು 2021ನೇ ಇಸವಿಯ ಡಿಸೆಂಬರ್​ನಲ್ಲಿ ಶೇ 0.4ಕ್ಕೆ ಕುಸಿದಿದೆ. ಅದಕ್ಕೂ ಒಂದು ತಿಂಗಳ ಹಿಂದೆ ನವೆಂಬರ್​ನಲ್ಲಿ ಶೇ 1.3ರಷ್ಟಿತ್ತು. ಫೆಬ್ರವರಿ 11ರಂದು ರಾಷ್ಟ್ರೀಯ ಸಾಂಖ್ಯಿಕ ಕಚೇರಿ ಬಿಡುಗಡೆ ಮಾಡಿದ ದತ್ತಾಂಶದಿಂದ ತಿಳಿದುಬಂದಿದೆ. ಡಿಸೆಂಬರ್​ ತಿಂಗಳಲ್ಲಿನ ಶೇ 0.4ರ ಐಐಪಿ ಬೆಳವಣಿಗೆ ಹತ್ತು ತಿಂಗಳಲ್ಲೇ ನಿಧಾನ ಗತಿಯದ್ದಾಗಿದೆ. ಕೈಗಾರಿಕೆ ಬೆಳವಣಿಗೆಯಲ್ಲಿನ ನಿಧಾನಗತಿಯು ಅನಿರೀಕ್ಷಿತವೇನಲ್ಲ. ಕಳೆದ ತಿಂಗಳ ಡೇಟಾ ಪ್ರಕಾರ, ಭಾರತದ ಪ್ರಮುಖ ಎಂಟು ವಲಯಗಳು 2021ರ ಡಿಸೆಂಬರ್​ನಲ್ಲಿ ವರ್ಷದಿಂದ ವರ್ಷಕ್ಕೆ ಶೇ 3.8ರ ಬೆಳವಣಿಗೆ ಕಂಡಿದೆ. 2021ರ ನವೆಂಬರ್​ನಲ್ಲಿ ಶೇ 3.4ರ ಬೆಳವಣಿಗೆ ಆಗಿತ್ತು. ಎಂಟು ಪ್ರಮುಖ ಕೈಗಾರಿಕೆಗಳು ಸೇರಿ, 40.3ರಷ್ಟಾಗಿತ್ತು. 2021ರ ಡಿಸೆಂಬರ್​ನಲ್ಲಿ ಕೈಗಾರಿಕೆ ಬೆಳವಣಿಗೆ ಇಳಿಕೆ ಆಗಿದೆ.

ಐಐಪಿಯ ನಾಲ್ಕನೇ ಮೂರು ಭಾಗದಷ್ಟನ್ನು (ಶೇ 75ರಷ್ಟು) ಉತ್ಪಾದನೆ ವಲಯ ಇದೆ. 2021ರ ಡಿಸೆಂಬರ್​ನಲ್ಲಿ ವರ್ಷದಿಂದ ವರ್ಷಕ್ಕೆ ಶೇ 0.1ರಷ್ಟು ಕುಗ್ಗಿದೆ. 2021ರ ಫೆಬ್ರವರಿಯಿಂದ ಈಚೆಗೆ ಈ ವಲಯದಲ್ಲಿ ಸಂಕುಚಿತತೆ ಕಂಡಿದೆ. 2021ರ ನವೆಂಬರ್​ನಲ್ಲಿ ತಯಾರಿಕೆಯ ಉತ್ಪಾದನೆ ಕೇವಲ ಶೇ 0.8ರಷ್ಟು ಹೆಚ್ಚಳವಾಗಿದೆ. ಬಳಕೆ ಆಧಾರಿತ ವರ್ಗೀಕರಣದ ಪ್ರಕಾರ, ಆರರಲ್ಲಿ ಮೂರು ಸರಕುಗಳು- ಬಂಡವಾಳ, ಗ್ರಾಹಕರ ಬಳಕೆ ಮತ್ತು ಗ್ರಾಹಕ ಬಳಕೆಯೇತರ ಸರಕುಗಳ ಉತ್ಪಾದನೆ 2021ರ ಡಿಸೆಂಬರ್​ನಲ್ಲಿ ಇಳಿಕೆ ಆಗಿದೆ. ಬಾಕಿ ಮೂರು- ಪ್ರಾಥಮಿಕ, ಇಂಟರ್​ಮೀಡಿಯರಿ ಹಾಗೂ ಮೂಲಸೌಕರ್ಯ ಸರಕುಗಳು ಅಲ್ಪಪ್ರಮಾಣದ ಏರಿಕೆ ಕಂಡಿವೆ.

2021ರ ಡಿಸೆಂಬರ್​ನಲ್ಲಿ ಐಐಪಿ ಬೆಳವಣಿಗೆ ಹೀಗಿದೆ: ಗಣಿಗಾರಿಕೆ- ಶೇ 2.6, ಉತ್ಪಾದನೆ- ಶೇ -0.1, ವಿದ್ಯುಚ್ಛಕ್ತಿ- ಶೇ 2.8.

ಬಳಕೆ ಆಧಾರಿತ ವರ್ಗೀಕರಣ ಹೀಗಿದೆ: ಪ್ರಾಥಮಿಕ ಸರಕು- ಶೇ 2.8, ಬಂಡವಾಳ ಸರಕು- ಶೇ -4.6, ಇಂಟರ್​ಮೀಡಿಯೆಟ್ ಸರಕು- ಶೇ 0.3, ಮೂಲಸೌಕರ್ಯ/ನಿರ್ಮಾಣ ಸರಕು- ಶೇ 1.7, ಗ್ರಾಹಕ ಬಳಕೆ ವಸ್ತುಗಳು- ಶೇ -2.7, ಗ್ರಾಹಕ ಬಳಕೆಯೇತರ – ಶೇ -0.6.

2021ರ ಏಪ್ರಿಲ್​ನಿಂದ ಡಿಸೆಂಬರ್​ನಲ್ಲಿ ಕೈಗಾರಿಕೆ ಉತ್ಪಾದನೆ ಶೇ 15.2ರಷ್ಟು ದಾಖಲು ಮಾಡಿದ್ದು, 2020ರ ಏಪ್ರಿಲ್- ಡಿಸೆಂಬರ್​ ಮಧ್ಯೆ ಶೇ 13.3ರಷ್ಟು ಕುಗ್ಗಿತ್ತು.

ಇದನ್ನೂ ಓದಿ: India GDP: ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ ಜಿಡಿಪಿ ಶೇ 9.2ಕ್ಕೆ ರೂ. 147.5 ಲಕ್ಷ ಕೋಟಿಗೆ ಬೆಳವಣಿಗೆ ನಿರೀಕ್ಷೆ

Published On - 7:13 pm, Fri, 11 February 22