BMW G310 RR ಬೈಕ್ ಪ್ರೀ-ಲಾಂಚ್ ಬುಕ್ಕಿಂಗ್ ಆರಂಭ, ಫೀಚರ್ಸ್​ ಮಾಹಿತಿ ಇಲ್ಲಿದೆ ನೋಡಿ

ಭಾರತದಲ್ಲಿ ಬಿಎಂಡಬ್ಲ್ಯೂ ತನ್ನ ಮುಂಬರುವ ಸ್ಪೋರ್ಟ್ಸ್ ಬೈಕ್- BMW G310 RRನ ಪ್ರೀ ಬುಕ್ಕಿಂಗ್ ಅನ್ನು ಪ್ರಾರಂಭಿಸಿದೆ. BMW G310 RR ಅಪಾಚೆ RR 310 ಅನ್ನು ಆಧರಿಸಿದ್ದು, ಕೊಂಚ ವಿಭಿನ್ನ ಮಾದರಿಯಲ್ಲಿ ವಿನ್ಯಾಸ ಮಾಡಲಾಗಿದೆ. ಕಂಪನಿಯು (BMW) ಕೆಲವು ದಿನಗಳ ಹಿಂದೆ G310 RR ಬಿಡುಗಡೆಯ ಬಗ್ಗೆ ಮಾಹಿತಿ ನೀಡಿತ್ತು. BMW G310 RR ಜುಲೈ 15 ರಂದು ಬಿಡುಗಡೆಯಾಗುವ ನಿರೀಕ್ಷೆಯಿದೆ. G310 RRಗಾಗಿ ಕಂಪನಿಯು ಪ್ರತಿ ತಿಂಗಳು INR 3999ರ ಆಕರ್ಷಕ EMI ಅನ್ನು ನೀಡುತ್ತಿದೆ. BMW ಶೂನ್ಯ ಡೌನ್ ಪೇಮೆಂಟ್ ಅನ್ನು ಸಹ ನೀಡುತ್ತಿದೆ ಮತ್ತು BMW G310 RR ಗಾಗಿ ವಿಮೆ ಮತ್ತು ಪರಿಕರಗಳಿಗೆ ನಿಧಿಯ ಆಯ್ಕೆಯನ್ನು ನೀಡುತ್ತದೆ.

ಇದನ್ನೂ ಓದಿ: Automobile: ಜೂ.27 ರಂದು ಮಾರುಕಟ್ಟೆಗೆ ಲಗ್ಗೆ ಇಡಲಿರುವ ಮಹೀಂದ್ರಾ ಸ್ಕಾರ್ಪಿಯೋ-N, ಇಲ್ಲಿದೆ ಫೀಚರ್ಸ್

ಗ್ರಾಹಕರು BMW Motorrad ಅಧಿಕೃತ ಡೀಲರ್‌ಶಿಪ್‌ಗಳಲ್ಲಿ ಅಥವಾ www.bmwmotorradg310rr.com ಗೆ ಭೇಟಿ ನೀಡಿ ಆನ್‌ಲೈನ್ ಮೂಲಕ ಬುಕ್ ಮಾಡಬಹುದು. ಬಿಡುಗಡೆಯ ನಂತರ ಮೊದಲು ಬುಕ್ಕಿಂಗ್ ಮಾಡಿದವರಿಗೆ ಆದ್ಯತೆ ನೀಡುವ ಮೂಲಕ ವಿತರಣೆ ಮಾಡಲಾಗುತ್ತದೆ ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.

ಎಂಜಿನ್ ವಿಷಯಕ್ಕೆ ಬಂದರೆ, ಬೈಕ್ 6-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಅದೇ 312.2cc FI ಎಂಜಿನ್ ಅನ್ನು ಹೊಂದುವ ನಿರೀಕ್ಷೆಯಿದೆ.
ಸಿಂಗಲ್ ಸಿಲಿಂಡರ್, ಲಿಕ್ವಿಡ್ ಕೂಲ್ಡ್ ಎಂಜಿನ್ 9700RPMನಲ್ಲಿ 34HP ಪವರ್ ನೀಡುತ್ತದೆ. ಹೊಸ ಬೈಕ್ ಅಪಾಚೆ RR310 ನಂತೆಯೇ USD ಫೋರ್ಕ್ ಮತ್ತು ಮೊನೊ ಶಾಕ್ ಅನ್ನು ಹೊಂದಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಬ್ರೇಕ್‌ಗಳು ಕೂಡ RR310 ಗಿಂತ ವಿಭಿನ್ನವಾಗಿರಲಿದೆ.

ಇದನ್ನೂ ಓದಿ: ಕಾರು ಖರೀದಿಸುತ್ತಿದ್ದೀರಾ? ಕಡಿಮೆ ಬೆಲೆಗೆ ಲಭ್ಯವಾಗುವ 10 ಕಾರುಗಳು ಇಲ್ಲಿವೆ ನೋಡಿ

ವಿಶಿಷ್ಟ ವೈಶಿಷ್ಟ್ಯಗಳು ಮತ್ತು ಬೆಲೆ

ಹೊಸ ಬೈಕಿನ ವೈಶಿಷ್ಟ್ಯಗಳಿಗೆ ಬಂದಾಗ BMW G 310 RR TFT ಡಿಸ್ಪ್ಲೇಯೊಂದಿಗೆ ಬ್ಲೂಟೂತ್ ಸಂಪರ್ಕವನ್ನು ನೀಡುತ್ತದೆ. ಬೈಕ್‌ನಲ್ಲಿನ ಮಳೆ, ನಗರ, ಕ್ರೀಡೆ ಮತ್ತು ಟ್ರ್ಯಾಕ್ ಸೇರಿದಂತೆ ವಿವಿಧ ಮೋಡ್​ಗಳನ್ನು ಒಳಗೊಂಡಿರುತ್ತದೆ. ಬೈಕ್‌ನಲ್ಲಿರುವ ವಿವಿಧ ರೈಡಿಂಗ್ ಮೋಡ್‌ಗಳು ಸವಾರನ ಪರಿಸ್ಥಿತಿಗೆ ಅನುಗುಣವಾಗಿ ಕಾರ್ಯಕ್ಷಮತೆಯನ್ನು ಬದಲಾಯಿಸಲು ಅನುವು ಮಾಡಿಕೊಡಲಿದೆ. ಬೆಲೆಗೆ ಸಂಬಂಧಿಸಿದಂತೆ, ಹೊಸ BMW ಬೈಕ್ ಪ್ರಸ್ತುತ BMW G 310 R ಮತ್ತು TVS Apache RR310 ಗಿಂತ ಹೆಚ್ಚು ದುಬಾರಿಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ. BMW G310 RR ಭಾರತದಲ್ಲಿ ಬಿಡುಗಡೆಯಾದಾಗ ಸುಮಾರು 3 ಲಕ್ಷ ರೂ. ಇತ್ತು.

ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ