ಕೊರೊನಾ ಅವಕೃಪೆ: ಲಾಕ್ಡೌನ್ನಿಂದ ಇಡೀ ದೇಶಕ್ಕೆ 5.4 ಲಕ್ಷ ಕೋಟಿ ರೂ ನಷ್ಟ, 3ನೇ ಅಲೆ ಬಂದರಂತೂ… ಇನ್ನೂ ನಷ್ಟ ನಷ್ಟ
Barclays forecast: ಕೊರೊನಾ ಮೂರನೆಯ ಅಲೆ ಕನಿಷ್ಠ 8 ವಾರ ಕಾಲ ಕಾಡುತ್ತದೆ ಎಂತಾದರೂ ಆರ್ಥಿಕ ನಷ್ಟ ಇನ್ನೂ 3.1 ಲಕ್ಷ ಕೋಟಿ ರೂಪಾಯಿ ಅಧಿಕಗೊಳ್ಳಲಿದೆ. ಆಗ ಸಹಜವಾಗಿಯೇ ಭಾರತದ ಜಿಡಿಪಿ ಶೇ. 7.7 ಕ್ಕೆ ಕುಸಿಯಲಿದೆ ಎಂದು Barclays ಅಂದಾಜಿಸಿದೆ.
Updated on: Jun 12, 2021 | 2:42 PM
ದೆಹಲಿ: ಕೊರೊನಾ ಮಾರಿಯ ಅವಕೃಪೆಯಿಂದಾಗಿ ಇಡೀ ದೇಶ ಲಾಕ್ಡೌನ್ ಕ್ರಮಕ್ಕೆ ಒಳಗಾದ ಪರಿಣಾಮ ಬರೋಬ್ಬರಿ 5.4 ಲಕ್ಷ ಕೋಟಿ (Rs. 5.4 trillion) ರೂಪಾಯಿ ನಷ್ಟವುಂಟಾಗಿದೆ. ಇದು ಮೊದಲ ಅಲೆಯ ಲೆಕ್ಕವಲ್ಲ. ಕೊರೊನಾ 2ನೇ ಅಲೆಯಿಂದ ದೇಶದಲ್ಲಿ ಲಾಕ್ಡೌನ್ ಬೀಗ ಬಿದ್ದಿದ್ದಕ್ಕೆ ಅಂದಾಜು ಐದೂವರೆ ಲಕ್ಷ ಕೋಟಿ ರೂಪಾಯಿ ನಷ್ಟವಾಗಿರುವ ಬಗ್ಗೆ ಬರ್ಕಲೇ ಸಂಸ್ಥೆ ಅಂದಾಜು ಮಾಡಿದೆ.
ಇನ್ನು, 2ನೇ ಅಲೆಯಿಂದ ದೇಶದಲ್ಲಿ ನಿರುದ್ಯೋಗ ಪ್ರಮಾಣ ಹೆಚ್ಚಳಗೊಂಡಿದೆ. ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಲಾಕ್ಡೌನ್ ಪರಿಣಾಮ 2.7 ಕೋಟಿ ಮಂದಿ ಉದ್ಯೋಗ ಕಳೆದುಕೊಂಡಿದ್ದಾರೆ. ಉದ್ಯೋಗ ನಷ್ಟದಿಂದ ದೇಶದಲ್ಲಿ ಜನರಿಗೆ ತೀವ್ರ ಆರ್ಥಿಕ ಸಂಕಷ್ಟ ಎದುರಾಗಿದೆ. ಉದ್ಯೋಗ ನಷ್ಟದಿಂದ ದೇಶದ ಆರ್ಥಿಕತೆಗೂ ಹೊಡೆತ ಬಿದ್ದಿದೆ.
ಈ ಮಧ್ಯೆ, ಆರ್ಥಿಕತೆ ಚೇತರಿಕೆಗೆ ಯಾವ ಪ್ಯಾಕೇಜ್ ಕೂಡ ಘೋಷಿಸಿಲ್ಲ. ಆರ್ಥಿಕತೆ ಚೇತರಿಕೆಗೆ ಜನರ ಕೈಗೆ ದುಡ್ಡು ಸಿಗುವಂತಾಗಬೇಕು. ಜನರ ಕೈಗೆ ನೇರವಾಗಿ ಹಣ ಸಿಗುವಂತಾಗಬೇಕೆಂದು ಬರ್ಕಲೇ ಸಂಸ್ಥೆ ಸಲಹೆ ಮಾಡಿದೆ. MSME ಕೈಗಾರಿಕೆಗಳ ಪುನಃಶ್ಚೇತನಕ್ಕೆ ಪ್ಯಾಕೇಜ್ ಘೋಷಣೆ ಅತ್ಯಗತ್ಯವಾಗಿದೆ ಎಂದು ಆರ್ಥಿಕ ತಜ್ಞರು ಕೇಂದ್ರ ಸರ್ಕಾರಕ್ಕೆ ಸಲಹೆ ನೀಡಿದ್ದಾರೆ. ಸರ್ಕಾರ ಹೆಚ್ಚು ಹಣ ಖರ್ಚು ಮಾಡಿದರೆ ಆರ್ಥಿಕತೆ ಚೇತರಿಕೆಯ ಹಾದಿಯಲ್ಲಿ ಸಾಗಲಿದೆ.
3ನೇ ಅಲೆ ಬಂದರಂತೂ… ಆರ್ಥಿಕ ನಷ್ಟ ಅಧಿಕಸ್ಯ ಅಧಿಕ:
ಈ ಮಧ್ಯೆ, ಬರ್ಕಲೇ ಸಂಸ್ಥೆ (Barclays) ಭಾರತದ ಜಿಡಿಪಿ ( GDP) ಅಂಕಿಅಂಶಗಳನ್ನು ಅಧ್ಯಯನ ಮಾಡಿದೆ. ಕೊವಿಡ್ ಎರಡನೆಯ ಅಲೆಯಿಂದಾಗಿ 2021-22 ಆರ್ಥಿಕ ವರ್ಷದಲ್ಲಿ ಜಿಡಿಪಿ ಬೆಳವಣಿಗೆ ಪ್ರಮಾಣವನ್ನು ಶೇ. 0.8 ರಷ್ಟು ಕುಗ್ಗಿಸಿದ್ದು ಶೇ. 9.2 ಪ್ರಮಾಣದಲ್ಲಿ ಆರ್ಥಿಕ ಪ್ರಗತಿ ದಾಖಲಿಸಬಹುದು ಎಂದಿದೆ.
ಆದರೆ ಕೊವಿಡ್ ಮೂರನೆಯ ಅಲೆ ಬಂದರಂತೂ ಆರ್ಥಿಕತೆ ಹೆಚ್ಚು ಹೆಚ್ಚು ನಷ್ಟ ಅನುಭವಿಸಲಿದೆ. ಕೊರೊನಾ ಮೂರನೆಯ ಅಲೆ ಕನಿಷ್ಠ 8 ವಾರ ಕಾಲ ಕಾಡುತ್ತದೆ ಎಂತಾದರೂ ಆರ್ಥಿಕ ನಷ್ಟ ಇನ್ನೂ 3.1 ಲಕ್ಷ ಕೋಟಿ ರೂಪಾಯಿ (Rs.3.1 trillion) ಅಧಿಕಗೊಳ್ಳಲಿದೆ. ಆಗ ಸಹಜವಾಗಿಯೇ ಭಾರತದ ಜಿಡಿಪಿ ಶೇ. 7.7 ಕ್ಕೆ ಕುಸಿಯಲಿದೆ ಎಂದು Barclays ಅಂದಾಜಿಸಿದೆ.
(Barclays forecast says 5.4 lakh crore rupees loss in india due to second round lockdowns )
ಪ್ರವಾಸಿಗರಿಲ್ಲದೆ ಬಿಕೋ ಎನ್ನುತ್ತಿರುವ ಕೊಡಗು ಪ್ರವಾಸಿ ತಾಣ; ಪ್ರವಾಸೋದ್ಯಮಕ್ಕೆ 2 ಕೋಟಿ ರೂಪಾಯಿ ನಷ್ಟ
