Ola Electric Scooter: 24 ಗಂಟೆಯಲ್ಲಿ ದಾಖಲೆಯ 1 ಲಕ್ಷ ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಬುಕ್ಕಿಂಗ್

ಓಲಾ ಎಲೆಕ್ಟ್ರಿಕ್ (Ola Electric) ಸಿಇಒ ಭವಿಷ್ ಅಗರ್​ವಾಲ್ ಶನಿವಾರದಂದು ಘೋಷಣೆ ಮಾಡಿರುವ ಪ್ರಕಾರ, ಲಾಂಚ್​ಗೆ ಪೂರ್ವವಾಗಿ ಬುಕ್ಕಿಂಗ್ ಆರಂಭವಾದ ಕೇವಲ 24 ಗಂಟೆಯೊಳಗಾಗಿ ಓಲಾ ಎಲೆಕ್ಟ್ರಿಕ್ ಸ್ಕೂಟರ್ 1 ಲಕ್ಷ ಬುಕ್ಕಿಂಗ್ ಪಡೆದಿದೆ. ಈ ಮೂಲಕ ವಿಶ್ವದಲ್ಲೇ ಅತಿ ಹೆಚ್ಚು ಪ್ರೀ ಬುಕ್ಡ್ ಸ್ಕೂಟರ್ ಎಂಬ ಅಗ್ಗಳಿಕೆ ಪಡೆದಿದೆ. ಜುಲೈ 15ನೇ ತಾರೀಕಿನಂದು ಓಲಾ ಎಲೆಕ್ಟ್ರಿಕ್​ನಿಂದ ಬುಕ್ಕಿಂಗ್ ಆರಂಭವಾದ ಬಗ್ಗೆ ಘೋಷಣೆ ಮಾಡಲಾಯಿತು. ಟೋಕನ್ ಮೊತ್ತ ರೂ. 499ರೊಂದಿಗೆ ಅಧಿಕೃತ ವೆಬ್​ಸೈಟ್​ನಲ್ಲಿ ಶುರು ಮಾಡಿತು. ಭಾರತದ ಎಲೆಕ್ಟ್ರಿಕ್ ವಾಹನದ ಕ್ರಾಂತಿಯು ಸ್ಫೋಟಕ ಆರಂಭವನ್ನು ಪಡೆದುಕೊಂಡಿದೆ. 1,00.000+ ಕ್ರಾಂತಿಕಾರಿಗಳು ಯಾರು ಸೇರ್ಪಡೆಯಾದರೋ ಮತ್ತು ತಮ್ಮ ಸ್ಕೂಟರ್ ಬುಕ್​ ಮಾಡಿದರೋ ಅವರಿಗೆಲ್ಲ ದೊಡ್ಡ ಧನ್ಯವಾದ ಎಂದು ಭವಿಷ್ ಅಗರ್​ವಾಲ್​ ಹೇಳಿದ್ದಾರೆ.

ನಮ್ಮ ಮೊದಲ ಎಲೆಕ್ಟ್ರಿಕ್ ವಾಹನಕ್ಕೆ ಭಾರತದಾದ್ಯಂತ ಕಂಡುಬಂದಿರುವ ಗ್ರಾಹಕರ ಅದ್ಭುತ ಪ್ರತಿಕ್ರಿಯೆಗೆ ನನಗೆ ಸಿಕ್ಕಾಪಟ್ಟೆ ಖುಷಿಯಾಗಿದೆ. ಈ ಹಿಂದೆಂದೂ ಕಾಣದಂಥ ಬೇಡಿಕೆ ಕಂಡುಬಂದಿರುವುದು ಗ್ರಾಹಕರ ಆದ್ಯತೆಯು ಎಲೆಕ್ಟ್ರಿಕ್ ವಾಹನಗಳಿಗೆ ಬದಲಾಗಿದ್ದರ ಸ್ಪಷ್ಟ ಸೂಚನೆ ಇದು. ವಿಶ್ವವನ್ನು ಸುಸ್ಥಿರ ಮೊಬಿಲಿಟಿ ಕಡೆಗೆ ಕರೆದೊಯ್ಯಬೇಕು ಎಂಬ ನಮ್ಮ ಮಿಷನ್​ನಲ್ಲಿ ಇದು ಅತಿ ದೊಡ್ಡ ಹೆಜ್ಜೆ. ಓಲಾ ಸ್ಕೂಟರ್​ ಬುಕ್ ಮಾಡಿದ ಹಾಗೂ ಎಲೆಕ್ಟ್ರಿಕ್ ವಾಹನದ ಕ್ರಾಂತಿಗೆ ಸೇರ್ಪಡೆಯಾದ ಎಲ್ಲರಿಗೂ ಧನ್ಯವಾದ. ಇದು ಕೇವಲ ಆರಂಭ!, ಎಂದು ಭವಿಷ್ ಅಗರ್​ವಾಲ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಈ ತಿಂಗಳ ಕೊನೆಯ ಭಾಗದಲ್ಲಿ ಹೊಸ ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಮಾರಾಟ ಆರಂಭ ಆಗುವ ಸಾಧ್ಯತೆ ಇದೆ. ಕಂಪೆನಿ ಹೇಳಿಕೊಂಡಿರುವಂತೆ, ಈ ಸ್ಕೂಟರ್​ನ ಬೂಟ್​ ಸ್ಪೇಸ್ ಬೆಸ್ಟ್​ ಆಗಿರುತ್ತದೆ. ಇದರ ಜತೆಗೆ ಕೀರಹಿತವಾಗಿ ಅನುಭವಕ್ಕೆ ಈ ಸ್ಕೂಟರ್​ನಕ್ಕು ಆ್ಯಪ್ ಆಧಾರಿತವಾದ ಕೀ ಬರುತ್ತದೆ. ಇನ್ನು ಈ ಎಲೆಕ್ಟ್ರಿಕ್ ಸ್ಕೂಟರ್ ಆರಾಮದಾಯಕವಾದ ಆಸನದೊಂದಿಗೆ ಬರಲಿದೆ ಎಂದು ಓಲಾ ಹೇಳಿದೆ. ಸ್ಕೂಟರ್ “ಸೂಪರ್ ಕಾರ್ನರಿಂಗ್” ಸಾಮರ್ಥ್ಯ ಮತ್ತು “ಕ್ಲಾಸ್​- ವೇಗ ವರ್ಧನೆ”ಯೊಂದಿಗೆ ಬರಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ.

ಇದನ್ನೂ ಓದಿ: Ola Electric Scooter: ಓಲಾ ಎಲೆಕ್ಟ್ರಿಕ್ ಸ್ಕೂಟರ್​ ರೀಫಂಡಬಲ್ ರೂ. 499 ಪಾವತಿಸಿ, ಕಾಯ್ದಿರಿಸುವ ಅವಕಾಶ