ರಾಯಲ್ ಎನ್ ಫೀಲ್ಡ್ ಹಂಟರ್ 350 ಬೈಕ್ ಗಾಗಿ ಕಾಯುತ್ತಿರುವಿರಾ? ನಿಮ್ಮ ಕಾಯುವಿಕೆ ಆಗಸ್ಟ್ನಲ್ಲಿ ಅಂತ್ಯ ಕಾಣಲಿದೆ!
ರಾಯಲ್ ಎನ್ಫೀಲ್ಡ್ ಹಂಟರ್ 350 ಬೈಕ್ ಬೆಲೆ ಸುಮಾರು ಒಂದು ಲಕ್ಷ ರೂ. ಗಳ ಅಸುಪಾಸಿನಲ್ಲಿರಲಿದೆ ಅಂತ ಹೇಳಲಾಗುತ್ತಿದೆ. ಈ ಬೈಕ್ ಭಾರತದಲ್ಲಿ ಒಮ್ಮೆ ಲಾಂಚ್ ಆಯ್ತು ಅಂತಾದರೆ ನೇರವಾಗಿ ಸುಜುಕಿ ಜಿಕ್ಸರ್ ಮತ್ತು ಯಮಾಹಾ ಎಫ್ಜೆಡ್25 ಜೊತೆ ಸ್ಪರ್ಧೆಗೆ ಬೀಳಲಿದೆ.
Updated on: Jun 19, 2022 | 8:09 AM
ರಾಯಲ್ ಎನ್ ಫೀಲ್ಡ್ ಹಂಟರ್ 350 (Royal Enfield Hunter 350) ಬೈಕ್ ಕುರಿತು ಭಾರತದಲ್ಲಿ ಬಹಳ ದಿನಗಳಿಂದ ಚರ್ಚೆ ನಡೆಯುತ್ತಿದೆ. ಅನೇಕರು ಇನ್ನಿಲ್ಲದ ಕಾತುರತೆಯಿಂದ ಇದಕ್ಕಾಗಿ ಕಾಯುತ್ತಿದ್ದಾರೆ ಮತ್ತು ಅವರ ಕಾಯುವಿಕೆ ಕೊನೆಗೊಳ್ಳುವ ಸಮಯ ಬಂದಿದೆ. ಬ್ರಿಟನ್ (Britain) ಮೂಲದ ಬೈಕ್ ತಯಾರಿಕೆ ಕಂಪನಿಯು ಆಗಸ್ಟ್ 2022 ರಲ್ಲಿ ಇದನ್ನು ಬಾರತದಲ್ಲಿ ಲಾಂಚ್ ಮಾಡಲು ಸಿದ್ಧತೆ ಮಾಡಿಕೊಂಡಿದೆ. ನಮಗೆ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಆಗಸ್ಟ್ ತಿಂಗಳ ಎರಡನೇ ವಾರದಲ್ಲಿ ಬೈಕ್ ಭಾರತದಲ್ಲಿ ಲಾಂಚ್ ಆಗಲಿದೆ ಮಾರಾಯ್ರೇ.
ಬೈಕ್ ಬಗ್ಗೆ ಸ್ಪೈ ಶಾಟ್ ಗಳು ಸೋರಿಕೆಯಾಗಿರುವ ಹಿನ್ನೆಲೆಯಲ್ಲಿ ಬೈಕ್ ಆಸಕ್ತರಲ್ಲಿ ದಿನದಿಂದ ದಿನಕ್ಕೆ ಕುತೂಹಲ ದ್ವಿಗುಣಗೊಳ್ಳುತ್ತಿದೆ. ಲಾಂಚ್ ಗಿಂತ ಮೊದಲೇ ರಾಯಲ್ ಎನ್ ಫೀಲ್ಡ್ ಹಂಟರ್ 350 ಬೈಕ್ ಭಾರತದ ರಸ್ತೆಗಳ ಮೇಲೆ ಕಾಣಿಸಿಕೊಂಡಿದೆ ಅಂತ ಹೇಳಲಾಗುತ್ತಿದೆ.
ರಾಯಲ್ ಎನ್ಫೀಲ್ಡ್ ಹಂಟರ್ 350 ಬೈಕ್ ಬ್ರಿಟಿಷ್ ಕಂಪನಿಯ ಅತ್ಯಂತ ಕೈಗೆಟುಕುವ ಬೈಕ್ಗಳಲ್ಲಿ ಒಂದಾಗಿರಲಿದೆ ಎಂದು ನಿರೀಕ್ಷಿಸಲಾಗಿದೆ. ಇದಲ್ಲದೆ, ಬೈಕಿನ ನಿರ್ವಹಣ ವೆಚ್ಚವನ್ನು ನಿಯಂತ್ರಿಸಲು ಕೆಲ ವೈಶಿಷ್ಟ್ಯಗಳನ್ನು ಅದು ಹೊಂದಿದೆಯಂತೆ. ಪ್ರಾಯಶಃ ಹಂಟರ್ 350 ಮತ್ತು ಉಲ್ಕೆ 350 ಎಂಜಿನ್ ಗಳು ಒಂದೇ ತೆರನಾಗಿರಲಿವೆ. ಅದೇ ಜೆ-ಪ್ಲಾಟ್ಫಾರ್ಮ್ ಅನ್ನು 348 ಸಿಸಿ ಸಿಂಗಲ್-ಸಿಲಿಂಡರ್ ಎಂಜಿನ್ನೊಂದಿಗೆ ಬಳಸಲಾಗುತ್ತದೆ. ಈ ಎಂಜಿನ್ ಅನ್ನು ಪ್ರಸ್ತುತ ಕ್ಲಾಸಿಕ್ 350 ಮತ್ತು ಮೆಟ್ಯಾರ್ 350 ಮೋಟಾರ್ ಸೈಕಲ್ಗಳಲ್ಲಿ ಕಾಣಬಹುದು.
ಈ ಎಂಜಿನ್ನ ಶಕ್ತಿ ಬದಲಾಗದೆ ಉಳಿಯುವ ನಿರೀಕ್ಷೆಯಿದೆ. ಸೋರಿಕೆಯಾಗಿರುವ ಸ್ಪೈ ಶಾಟ್ಗಳ ಆಧಾರದ ಮೇಲೆ, ಹಂಟರ್ 350 ಅನ್ನು ಹೊಸ ಸವಾರರಿಗೆ ಸಜ್ಜುಗೊಳಿಸಲಾಗುತ್ತಿದ್ದು, ಸೀಟ್ ಎತ್ತರ ಮತ್ತು ಕರ್ಬ್ ತೂಕವನ್ನು ಅದಕ್ಕೆ ಅನುಗುಣವಾಗಿ ಹೊಂದಿಸಲಾಗುತ್ತದೆ.
ರಾಯಲ್ ಎನ್ಫೀಲ್ಡ್ ಹಂಟರ್ 350 ಬೈಕ್ ಬೆಲೆ ಸುಮಾರು ಒಂದು ಲಕ್ಷ ರೂ. ಗಳ ಅಸುಪಾಸಿನಲ್ಲಿರಲಿದೆ ಅಂತ ಹೇಳಲಾಗುತ್ತಿದೆ. ಈ ಬೈಕ್ ಭಾರತದಲ್ಲಿ ಒಮ್ಮೆ ಲಾಂಚ್ ಆಯ್ತು ಅಂತಾದರೆ ನೇರವಾಗಿ ಸುಜುಕಿ ಜಿಕ್ಸರ್ ಮತ್ತು ಯಮಾಹಾ ಎಫ್ಜೆಡ್25 ಜೊತೆ ಸ್ಪರ್ಧೆಗೆ ಬೀಳಲಿದೆ.
ಏತನ್ಮಧ್ಯೆ, ರಾಯಲ್ ಎನ್ ಫೀಲ್ಡ್ ಸಂಸ್ಥೆಯು ಭಾರತದ ಮಾರುಕಟ್ಟೆಯಲ್ಲಿ ಹಂಟರ್ 350 ಬೈಕ್ ಜೊತೆ, ಹಿಮಾಲಯನ್ 450, ಕ್ಲಾಸಿಕ್ 650, ಸೂಪರ್ ಮೆಟ್ಯಾರ್ 650, ಮತ್ತು ಶಾಟ್ ಗನ್ ಬೈಕ್ ಗಳನ್ನು ಲಾಂಚ್ ಮಾಡುವ ಉದ್ದೇಶವನ್ನೂ ಹೊಂದಿದೆ. ಈ ಹೊಸ ಮಾಡೆಲ್ ಗಳು ಬ್ರ್ಯಾಂಡನ್ನು ವಿಸ್ತರಿಸುವುದರ ಜೊತೆಗೆ ಬೇರೆ ಬೇರೆ ಸೆಗ್ಮಂಟ್ ಗಳಲ್ಲಿ ತಮ್ಮ ಉಪಸ್ಥಿತಿಯನ್ನು ಪ್ರದರ್ಶಿಸಲಿವೆ.
ರಾಜ್ಯದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ. ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
