5 ವರ್ಷ ಪ್ರೀತಿಸಿ, ವಿವಾಹವಾಗಿ ನಾಪತ್ತೆಯಾದ ಗಂಡ!

ಮಂಡ್ಯ: ಐದು ವರ್ಷ ಕಾಲ ಪ್ರೀತಿಸಿ, ವಿವಾಹವಾಗಿ ನಂತರ ಸಂಬಂಧಿಕರ ಮನೆಯಲ್ಲಿ ತನ್ನನ್ನು ಬಿಟ್ಟು ಪತಿರಾಯ ನಾಪತ್ತೆಯಾಗಿದ್ದಾರೆ. ತನ್ನ ಪತಿ ತೇಜಸ್ವಿ 8 ತಿಂಗಳ ಹಿಂದೆಯೇ ಮತ್ತೋರ್ವಳನ್ನು ಮದುವೆಯಾಗಿರುವುದಾಗಿ ತಿಳಿದು ಬಂದಿದೆ ಎಂದು ಪತ್ನಿ ಶ್ರುತಿ ಆರೋಪಿಸಿದ್ದಾರೆ.

ತೇಜಸ್ವಿ, ಮದ್ದೂರು ತಾಲೂಕಿನ ಹುಲಿಗೆರೆಪುರದವರು. ಅದೇ ಗ್ರಾಮದ ಶ್ರುತಿ ಎಂಬಾಕೆಯನ್ನು 5 ವರ್ಷದಿಂದ ಪ್ರೀತಿಸುತ್ತಿದ್ದ. 1 ವರ್ಷದ ಹಿಂದೆ ಮೋಸ ಮಾಡಲು ಹೊರಟಿದ್ದು, ಶ್ರುತಿ ತೇಜಸ್ವಿಯ ವಿರುದ್ಧ ಪ್ರೀತಿಸಿ ಅತ್ಯಾಚಾರ, ವಂಚನೆ ದೂರು ದಾಖಲಿಸಿದ್ದರು.

ಈ ಕುರಿತಂತೆ, ಮದ್ದೂರು ಪೊಲೀಸ್ ಠಾಣೆಯಲ್ಲಿ FIR ದಾಖಲಾಗಿತ್ತು. ಹೀಗಾಗಿ, ಮದುವೆಯಾಗುವಂತೆ ನಾಟಕವಾಡಿ 2020ರ ನ. 8ರಂದು ಶ್ರುತಿಯನ್ನು ವಿವಾಹವಾಗಿದ್ದರು.

ತೇಜಸ್ವಿ ಮತ್ತು ಶ್ರುತಿ ಮದುವೆಯ ವಿವಾಹ ಪತ್ರ

ವಿವಾಹದ ರಿಜಿಸ್ಟರ್​ ಮಾಡಿಸಲು ಹೋದಾಗ 8 ತಿಂಗಳ ಹಿಂದೆ ಮತ್ತೊಂದು ಯುವತಿಯನ್ನು ಮದುವೆ ಮಾಡಿಕೊಂಡಿರುವುದು ತಿಳಿದು ಬಂದಿದೆ. ಮೊದಲ ಹೆಂಡತಿಯ ಮನೆಯಲ್ಲಿ ತೇಜಸ್ವಿ ಇರುವುದು ತಿಳಿದು ಬಂದಿದ್ದು, ಶ್ರುತಿ ಹೋಗುವಷ್ಟರಲ್ಲಿ ಅಲ್ಲಿಂದ ಎಸ್ಕೇಪ್​ ಆಗಿದ್ದಾರೆ. ಮಂಡ್ಯ ಗ್ರಾಮಾಂತರ ಠಾಣೆ ಪೊಲೀಸರೆದುರು ಶ್ರುತಿ ಕಣ್ಣಿರು ತೋಡಿಕೊಂಡಿದ್ದಾರೆ. ನ್ಯಾಯ ಕೊಡಿಸುವಂತೆ ಪೊಲೀಸರೆದುರು ಮನವಿ ಮಾಡಿಕೊಂಡಿದ್ದಾರೆ.

ಪ್ರೀತಿಸಿ ಮದುವೆಯಾದ ಪತ್ನಿಗೆ ವರದಕ್ಷಿಣೆ ಕಿರುಕುಳ.. 3ನೆ ಮಹಡಿಯಿಂದ ನೂಕಿ ಕೊಲೆಗೈದೇಬಿಟ್ಟ ಪಾಪಿ ಪತಿ