ಗೈಡ್​ ಮಾರ್ಗದರ್ಶನದಲ್ಲಿ ಕಬ್ಬನ್ ಪಾರ್ಕ್ ಮತ್ತು ನಂದಿ ಬೆಟ್ಟದ ಇತಿಹಾಸ ತಿಳಿದುಕೊಳ್ಳುವ ವಾಕಿಂಗ್​​ ಗುರುವಾರದಿಂದ ಆರಂಭ

ಕಬ್ಬನ್ ಪಾರ್ಕ್ ಮತ್ತು ನಂದಿ ಬೆಟ್ಟದ ಇತಿಹಾಸ (Cubbon Park and Nandi Hills) ಮತ್ತು ಅದರ ಸುತ್ತಮುತ್ತಲಿನ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಬಯಸುವಿರಾ? ಗೈಡ್​, ಇತಿಹಾಸಕಾರ ಮತ್ತು ಕಥೆಗಾರರಾದ ಸಿದ್ದಾರ್ಥರಾಜ (Historian and storyteller), ಈ ಸ್ಥಳಗಳ ಇತಿಹಾಸದ ಪರಿಚಯವನ್ನು ಎರಡು ಲಾಂಗ್​ ವಾಕ್ (Walking)​​ ಗಳ ಮೂಲಕ ನೀಡಲಿದ್ದಾರೆ. ಇದು ಈಗ ನಡೆಯುತ್ತಿರುವ ಅನ್‌ಬಾಕ್ಸಿಂಗ್ BLR ಹಬ್ಬದ (Unboxing BLR Habba) ಒಂದು ಭಾಗವಾಗಿದೆ.

ನಾಳೆ ಗುರುವಾರದಿಂದ ಈ ಮಹತ್ವದ ನಡಿಗೆಯು ಕಬ್ಬನ್ ಪಾರ್ಕ್ ಪೂರ್ವ ದ್ವಾರದಿಂದ ಪ್ರಾರಂಭವಾಗುತ್ತದೆ. ಈ ಮಾರ್ಗವು ಶೇಷಾದ್ರಿ ಅಯ್ಯರ್ ಮೆಮೋರಿಯಲ್ ಹಾಲ್, ಸೆಂಚುರಿ ಕ್ಲಬ್, ಹೈಕೋರ್ಟ್, ವಿಧಾನ ಸೌಧ, ಸರ್ ಮಾರ್ಕ್ ಕಬ್ಬನ್ ಅವರ ಪ್ರತಿಮೆ, ಬ್ಯಾಂಡ್‌ಸ್ಟ್ಯಾಂಡ್, ಚಾಮರಾಜೇಂದ್ರ ಒಡೆಯರ್ ಪ್ರತಿಮೆ, ಜೊತೆಗೆ ಕಿಂಗ್ ಎಡ್ವರ್ಡ್ VII ಪ್ರತಿಮೆ ಮತ್ತು ವಿಕ್ಟೋರಿಯಾ ರಾಣಿಯ ಪ್ರತಿಮೆ ಮೂಲಕ ಹಾದುಹೋಗಲಿದೆ. ಇದು ಕ್ವೀನ್ಸ್ ಸರ್ಕಲ್‌ನಲ್ಲಿ ಕೊನೆಗೊಳ್ಳುತ್ತದೆ. ಉದ್ಯಾನವನದ ಕಟ್ಟಡಗಳ ಮಹತ್ವ ಮತ್ತು ಉದ್ಯಾನದ ಬೆಳವಣಿಗೆಯ ಬಗ್ಗೆ ಸಿದ್ಧಾರ್ಥ್ ಒಳನೋಟಗಳನ್ನು ನೀಡಲಿದ್ದಾರೆ. ಉದಾಹರಣೆಗೆ, ಹೈಕೋರ್ಟಿನಲ್ಲಿ, ಸಿದ್ಧಾರ್ಥ್ ಅವರು ಅಠ್ಠಾರಾ ಕಚೇರಿ (ಹೈಕೋರ್ಟ್) 1881 ರಲ್ಲಿ ಮೈಸೂರು ರಾಜ್ಯವನ್ನು ಒಡೆಯರುಗಳಿಗೆ ಹೇಗೆ ಬೆಸೆದುಕೊಳ್ಳುತ್ತದೆ ಎಂಬುದನ್ನು ವಿವರಿಸುತ್ತಾರೆ.

ಭಾನುವಾರ ಬೆಟ್ಟದ ತಪ್ಪಲಿನಲ್ಲಿರುವ ಭೋಗನಂದೀಶ್ವರ ದೇವಸ್ಥಾನದಲ್ಲಿ ನಂದಿ ಕಣಿವೆ ನಡಿಗೆ ಆರಂಭವಾಗಲಿದೆ. “ನಾನು ಅಲ್ಲಿರುವ ಐದು ಸಮೀಪದ ಬೆಟ್ಟಗಳ ಬಗ್ಗೆ ಒಳನೋಟಗಳನ್ನು ಹಂಚಿಕೊಳ್ಳುತ್ತೇನೆ – ಆಂಧ್ರಪ್ರದೇಶದವರೆಗೂ ಆ ಬೆಟ್ಟಗಳ ಮುರಿದ ಸರಪಳಿ ಇದೆ. ಭಾಗವಹಿಸುವವರು ದಕ್ಷಿಣ ಪ್ರಸ್ಥಭೂಮಿಯ ಭೂವೈಜ್ಞಾನಿಕ ಮೂಲದ ಬಗ್ಗೆ ಕಲಿಯುತ್ತಾರೆ. ದೇವಾಲಯದ 1,200 ವರ್ಷಗಳ ಅಸ್ತಿತ್ವದ ಬಗ್ಗೆ ನಾವು ಚರ್ಚಿಸುತ್ತೇವೆ ಎಂದು deccanherald.com ಜೊತೆ ಸಿದ್ಧಾರ್ಥ್ ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಇದೊಂದು ಥರಾ ಡಿಫರೆಂಟ್​ ಥಂಬ್​ ರೂಲ್​! ಹೆಬ್ಬೆಟ್ಟು ತೋರಿಸುತ್ತದೆ ಜೀವನ ಮಾರ್ಗ! ಅದೇನು ನೋಡೋಣಾ ಬನ್ನಿ

ಈ ದೇವಾಲಯವನ್ನು 500-600 ವರ್ಷ ಹಿಂದೆ ನಿರ್ಮಿಸಲಾಗಿದೆ. ಅದರ ವಾಸ್ತುಶಿಲ್ಪವು ಚೋಳರು, ಗಂಗರು, ರಾಷ್ಟ್ರಕೂಟರು ಮತ್ತು ವಿಜಯನಗರ ಮತ್ತು ಹೊಯ್ಸಳ ಸಾಮ್ರಾಜ್ಯಗಳಂತಹ ಹಲವಾರು ರಾಜವಂಶಗಳಿಂದ ಪ್ರಭಾವಿತವಾಗಿದೆ. ನಡಿಗೆಯ ಕಾಲದಲ್ಲಿ ಮೂರು ದೇವಾಲಯಗಳಿಗೆ ಭೇಟಿ ನೀಡಲಾಗುವುದು – ಭೋಗನಂದೀಶ್ವರ ಎಂಬ ಉತ್ತರದ ದೇವಾಲಯ; ದಕ್ಷಿಣದ ಪುಣ್ಯಕ್ಷೇತ್ರ, ಅರುಣಾಚಲೇಶ್ವರ; ಮತ್ತು ಮಧ್ಯದ ದೇಗುಲ ಉಮಾ ಮಹೇಶ್ವರಿ ಆ ದೇವಾಲಯಗಳಾಗಿವೆ.

ಇದು ದೇವಾಲಯದ ಸಂಕೀರ್ಣದೊಳಗಿನ ಅಂಗಸಂಸ್ಥೆ ರಚನೆಗಳು, ಕಲ್ಯಾಣಿಗಳು (ಹೆಜ್ಜೆ ಬಾವಿಗಳು) ಮತ್ತು ಟೆರೇಸ್ಡ್ ಕೊಲೊನೇಡ್‌ಗಳಲ್ಲಿ ನಿಲುಗಡೆಗಳನ್ನು ಒಳಗೊಂಡಿರುತ್ತದೆ. ಸುಲ್ತಾನ್ ಪೇಟೆಯಲ್ಲಿರುವ ಬ್ರಿಟಿಷ್ ಸ್ಮಶಾನದಲ್ಲಿ ನಡಿಗೆ ಕೊನೆಗೊಳ್ಳಲಿದೆ. ಸ್ಮಶಾನವು 1799 ರಲ್ಲಿ ಟಿಪ್ಪು ಸುಲ್ತಾನನ ಸೋಲಿನ ನಂತರ ಸುಮಾರು 12 ಬ್ರಿಟಿಷ್ ಅಧಿಕಾರಿಗಳು, ಅವರ ಹೆಂಡತಿಯರು ಮತ್ತು ಮಕ್ಕಳ ಸಮಾಧಿಗಳನ್ನು ಹೊಂದಿದೆ. 1791 ರಲ್ಲಿ ಟಿಪ್ಪು ಸುಲ್ತಾನ್ ಮತ್ತು ಈಸ್ಟ್ ಇಂಡಿಯಾ ಕಂಪನಿಯ ನಡುವಿನ ಸುಪ್ರಸಿದ್ಧ ಕದನ ಮತ್ತು ನಂದಿದುರ್ಗ ಮುತ್ತಿಗೆಯ ಬಗ್ಗೆ ಸಿದ್ಧಾರ್ಥ್ ಮಾತನಾಡುತ್ತಾರೆ.

BLR ಹಬ್ಬದ ನಂತರವೂ ಈ ನಡಿಗೆಗಳು ಮುಂದುವರಿಯಲಿವೆ. ಡಿ. 7ರಂದು ಬೆಳಗ್ಗೆ 7ರಿಂದ 9ರವರೆಗೆ ಕಬ್ಬನ್ ಪಾರ್ಕ್ ನಡಿಗೆ, ಡಿ.10ರಂದು ಬೆಳಗ್ಗೆ 8ರಿಂದ ಮಧ್ಯಾಹ್ನ 12.30ರವರೆಗೆ ನಂದಿ ವ್ಯಾಲಿ ನಡಿಗೆ ನಡೆಯಲಿದೆ. ವಿವರಗಳಿಗಾಗಿ, nandivalleywalks@gmail.com ಗೆ ಇಮೇಲ್ ಮಾಡಬಹುದು.

ರಾಜ್ಯದ ಇತರೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ