ಹೊಸ ವರ್ಷಾಚರಣೆಗೆ ಬೆಂಗಳೂರು ಸಜ್ಜು: ಕಪಲ್ ಟಿಕೆಟ್​ ಶೇ‌. 25ರಷ್ಟು ದರ ಏರಿಕೆ

ಬೆಂಗಳೂರು, ಡಿಸೆಂಬರ್​ 31: 2024ನ್ನ ಸ್ವಾಗತಿಸಲು ಕ್ಷಣಗಣನೆ ಆರಂಭವಾಗಿದೆ. ರಾಜಧಾನಿ ಬೆಂಗಳೂರಿನಲ್ಲಿ ಹೊಸ ವರ್ಷಾಚರಣೆಗೆ (New Year) ಸಕಲ ತಯಾರಿ ಮಾಡಿಕೊಳ್ಳಲಾಗಿದ್ದು, ಸಿಟಿ ಮಂದಿ ಕುಣಿದು ಕುಪ್ಪಳಿಸಲು ಸಜ್ಜಾಗಿದ್ದಾರೆ. ನಗರದ ಬಹುತೇಕ ಪಬ್​ಗಲ್ಲಿ ಸಿದ್ದತೆ ಮಾಡಿಕೊಳ್ಳಲಾಗಿದೆ. ವಾರಕ್ಕೂ ಮೊದಲೇ ಸಿಲಿಕಾನ್ ಸಿಟಿಯ ಬಹುತೇಕ ಪಬ್​ಗಳಲ್ಲಿ ಹೌಸ್ ಫುಲ್​ ಆಗಿದ್ದು, ಈ ವರ್ಷ ಕಪಲ್ ಟಿಕೆಟ್​ಗೆ ಮಾತ್ರ ಭಾರಿ ಡಿಮ್ಯಾಂಡ್ ಸೃಷ್ಟಿಯಾಗಿದೆ. ಸರಾಸರಿ ಶೇ‌ 25% ದರ ಏರಿಕೆ ಮಾಡಲಾಗಿದೆ.

ಎಂಜಿ ರಸ್ತೆ, ಇಂದಿರಾನಗರ, ಕೋರಮಂಗಲ, ಬ್ರಿಗೇಡ್ ರೋಡ್ ಸೇರಿ‌ ಹಲವು ಹ್ಯಾಪನಿಂಗ್ ಸ್ಥಳಗಳಲ್ಲಿ ಕಪಲ್ ಟಿಕೆಟ್​​ ಬುಕ್ಕಿಂಗ್ ಮಾಡಲಾಗಿದೆ.

ಎಲ್ಲೆಲ್ಲಿ ಕಂಪಲ್ ಟಿಕೆಟ್​ ಮತ್ತು ದರ:

• ದಿ ಪಾರ್ಕ್: ಎಂಜಿ ರಸ್ತೆ, 1299 ರೂ.
• ಕಾರ್ವ ರೆಸ್ಟೋಬಾರ್: ಸರ್ಜಾಪುರ, 1499 ರೂ.
• ಮೂಲಿ ರೂಫ್ ಟಾಪ್: 1500 ರೂ.
• ಎಲ್​ಐಟಿ ರಸ್ಟೋಪಬ್: ಚರ್ಚ್ ಸ್ಟ್ರೀಟ್, 2999 ರೂ.
• ಹ್ಯಾಂಗ್ ಓವರ್: ಇಂದಿರಾನಗರ, 3500 ರೂ.
• ರೇವೆಲ್ ಬಾರ್ ಅಂಡ್ ‌ಕಿಚನ್‌: 4499 ರೂ.
• ದೋಬಾರ: ವೈಟ್ ಫೀಲ್ಡ್, 4999 ರೂ.
• ಗಿಲ್ಲೀಸ್‌: ಕೋರಮಂಗಲ, 5499 ರೂ.
• ತಾಜ್: ಯಶವಂತಪುರ, 6499 ರೂ.
• ದಿ ವೀಕ್ಲಿ: ಕೋರಮಂಗಲ, 5598 ರೂ.

ಕೇಕ್‌ಗೆ ಹೆಚ್ಚಿದ ಡಿಮ್ಯಾಂಡ್

ಕಪಲ್ ಟಿಕೆಟ್​ ಮಾತ್ರವಲ್ಲದೇ ಕೇಕ್​ಗಳಿಗೂ ಡಿಮ್ಯಾಂಡ್ ಹೆಚ್ಚಿದೆ. ಅದರಲ್ಲೂ ಪೇಸ್ಟ್ರಿ ಕೇಕ್​ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಪರ್ಪಲ್, ವೆಲ್ವೆಟ್, ಚಾಕೋ ಟ್ರಫಲ್, ಟ್ರಿ ಬಾಯ್, ಬ್ಲ್ಯಾಕ್ ಫಾರೆಸ್ಟ್, ಹನಿ ಕೇಕ್​​ಗಳಿಗೆ ಡಿಮ್ಯಾಂಡ್​ ಹೆಚ್ಚಾಗಿದೆ.

ಇದನ್ನೂ ಓದಿ: ಹೊಸ ವರ್ಷ ಆಚರಣೆಗೆ ಬೆಂಗಳೂರು ಸೇರಿ ಹಲವೆಡೆ ಭರ್ಜರಿ ಸಿದ್ದತೆ; ಇಲ್ಲಿದೆ ವಿವರ

ಹನುಮಂತನಗರದ ಕಗ್ಗೀಸ್ ಬೇಕರಿಯಲ್ಲಿ ವಿವಿಧ ಬಗೆಯ ಕೇಕ್​ಗಳು ತಯಾರು ಮಾಡಲಾಗಿದೆ. ಹೊಸ ವರ್ಷಾಚರಣೆ ಬರಮಾದಿಕೊಳ್ಳಲು ಸಿಟಿ ಮಂದಿ ಕೇಕ್ ಖರೀದಿಸುತ್ತಿದ್ದಾರೆ. ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಬೇಕರಿ ಮಾಲೀಕರು ಕೇಕ್ ತಯಾರಿ ಮಾಡಿಕೊಡುತ್ತಿದ್ದಾರೆ.

ಇತ್ತ ಪೀಪಿ, ಹೇರ್ ಬ್ಯಾಂಡ್, ಕಲರ್ ಫುಲ್ ಲೈಟ್​ಗಳ ಮಾರಾಟ ಮಾಡಲಾಗುತ್ತಿದ್ದು, ನ್ಯೂ ಇಯರ್​ಗೆ ಮತ್ತಷ್ಟು ರಂಗು ತುಂಬಲು ಸಜ್ಜಾಗಿವೆ. ತಮ್ಮ ಪ್ರೀತಿ ಪಾತ್ರರು, ಗೆಳೆಯ, ಗೆಳತಿಯರೊಂದಿಗೆ ಯೂತ್ಸ್ ಹೆಜ್ಜೆ ಹಾಕಲು ಸಜ್ಜಾಗಿದ್ದಾರೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 5:36 pm, Sun, 31 December 23