ನಮ್ಮ ಮೆಟ್ರೋ: ಲಾಂಗ್​ಫೋರ್ಡ್​ ಟೌನ್​ ಸ್ಟೇಷನ್​ವರೆಗೆ ಯಶಸ್ವಿಯಾಗಿ ಸುರಂಗ ಕೊರೆದು ಹೊರಬಂದ ವರದಾ!

ಬೆಂಗಳೂರು: RMS ಶಾಫ್ಟ್​ನಿಂದ (Rashtriya Military School -RMS Shaft) ಲಾಂಗ್​ಫೋರ್ಡ್​ ಟೌನ್​ ಸ್ಟೇಷನ್​ವರೆಗೆ (Langford Station) ಈ ಸುರಂಗ ಕೊರೆಯಲಾಗಿದೆ. ಟಿಬಿಎಂ ಯಂತ್ರವು 597.80 ಮೀಟರ್ ಉದ್ದದ ಈ ಸುರಂಗವನ್ನು ಕೊರೆಯಲು 225 ದಿನಗಳ ಕಾಲ ತೆಗೆದುಕೊಂಡಿದೆ. ಇಂದು ಬೆಳಿಗ್ಗೆ 10.30 ಗಂಟೆಗೆ ಟಿಬಿಎಂ ಯಂತ್ರ (Tunnel Boring Machine) ತನ್ನ ಕಾರ್ಯವನ್ನು ಯಶಸ್ವಿಗೊಳಿಸಿದೆ.

ಇದು ಬೆಂಗಳೂರು ಮೆಟ್ರೋದ ಹಂತ-2 ರಲ್ಲಿ ತನ್ನ ಸುರಂಗ ಚಾಲನೆಯನ್ನು ಪೂರ್ಣಗೊಳಿಸಿದ ಮೊದಲ TBM ಆಗಿದೆ. RMS ನಿಂದ ಲ್ಯಾಂಗ್‌ಫೋರ್ಡ್ ಟೌನ್ ಸ್ಟೇಷನ್ TBM ಸುರಂಗ ಮಾರ್ಗವು ಬೆಂಗಳೂರು ಮೆಟ್ರೋ ಯೋಜನೆಯ ರೀಚ್-6 ರ ಭಾಗವಾಗಿದೆ. ಈ ವಿಸ್ತರಣೆಯಲ್ಲಿ ಅಫ್ಕಾನ್ಸ್ (Afcons) ದಕ್ಷಿಣ ರ‍್ಯಾಂಪ್‌ನಿಂದ ವೆಲ್ಲರಾ ಶಾಫ್ಟ್‌ವರೆಗೆ (Vellara Shaft) 3.67 ಕಿಮೀ ವರೆಗೆ ಭೂಗತ ರಚನೆಗಳ (ಸುರಂಗಗಳು ಮತ್ತು ನಿಲ್ದಾಣಗಳು) ವಿನ್ಯಾಸ ಮತ್ತು ನಿರ್ಮಾಣವನ್ನು ಮಾಡುತ್ತಿದೆ. ಡೈರಿ ಸರ್ಕಲ್, ಲಕ್ಕಸಂದ್ರ ಮತ್ತು ಲ್ಯಾಂಗ್‌ಫೋರ್ಡ್ ಟೌನ್ ಬಳಿ ಮೂರು ಭೂಗತ ನಿಲ್ದಾಣಗಳ ನಿರ್ಮಾಣ ಸೇರಿದಂತೆ ಕೆಲವು ಸಂಬಂಧಿತ ಕೆಲಸಗಳನ್ನು ಒಳಗೊಂಡಿದೆ.