ಚನ್ನಪಟ್ಟಣ ಡಿವೈಎಸ್​​ಪಿ ರಮೇಶ್ ಪೊಲೀಸ್​ ಸಮವಸ್ತ್ರದಲ್ಲಿಯೇ ಭಜನೆಗೆ ಕುಳಿತರು!

ರಾಮನಗರ: ಅಪರಾಧ ಪ್ರಕರಣಗಳು ಹೆಚ್ಚಾದರೂ ಡಿವೈಎಸ್​​ಪಿ ರಮೇಶ್ ಕೆಎನ್ ಅವರಿಗೆ ಭಜನೆಯ ಚಿಂತೆ. ಯೂನಿಫಾರ್ಮ್ ನಲ್ಲಿಯೇ ಕುಳಿತು ಭಜನೆಯಲ್ಲಿ ಪಾಲ್ಗೊಂಡಿದ್ದಾರೆ ಚನ್ನಪಟ್ಟಣ ವಿಭಾಗದ ಡಿವೈಎಸ್​​ಪಿ ರಮೇಶ್. ರಾಮನಗರ ಜಿಲ್ಲೆಯ ಚನ್ನಪಟ್ಟಣದ ಕೋಟೆ ನಗರದ ಮನೆಯೊಂದರಲ್ಲಿ ಡಿವೈಎಸ್​​ಪಿ ರಮೇಶ್ ಭಜನೆ ಮಾಡಿದ್ದಾರೆ. ಭಜನೆ ಮಾಡಿರೋ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ಡಿವೈಎಸ್​​ಪಿ ರಮೇಶ್ ಅವರ ಈ ನಡೆಗೆ ಸಾರ್ವಜನಿಕರಿಂದ ಆಕ್ಷೇಪ ವ್ಯಕ್ತವಾಗಿದೆ. ಪೊಲೀಸ್​ ಸಮವಸ್ತ್ರದಲ್ಲಿ ಕುಳಿತು ಭಜನೆ ಮಾಡುವುದು ಎಷ್ಟರ ಮಟ್ಟಿಗೆ ಸರಿ ಎಂಬುದು ಸಾರ್ವಜನಿಕರ ನೇರ ಪ್ರಶ್ನೆಯಾಗಿದೆ. ಇದೇ ವೇಳೆ ಭಜನೆಯಿಂದ ಎದ್ದು, ಮೊದಲು ಅಪರಾಧ ಪ್ರಕರಣಗಳನ್ನ ತಡೆಯುವ ಕಾರ್ಯದಲ್ಲಿ ತೊಡಗಿಸಿಕೊಳ್ಳಿ ಎಂದು ಸಾರ್ವಜನಿಕರು ಮನವಿ ಮಾಡಿದ್ದಾರೆ.

ಚನ್ನಪಟ್ಟಣ: ಪಿಎಸ್​ಐ ವರ್ಗಾವಣೆಗೆ ಠಾಣೆ ಮುಂದೆ ಪಟಾಕಿ ಸಿಡಿಸಿ‌, ಸಾರ್ವಜನಿಕರಿಂದ ಸಂಭ್ರಮಾಚರಣೆ ರಾಮನಗರ ‌ಜಿಲ್ಲೆ ಚನ್ನಪಟ್ಟಣ ‌ತಾಲೂಕಿನ‌ ಅಕ್ಕೂರು‌ ಠಾಣೆಯ ಪಿಎಸ್​ಐ ವರ್ಗಾವಣೆಗೆ ಠಾಣೆಯ ಮುಂದೆ ಪಟಾಕಿ ಸಿಡಿಸಿ‌ ಸಾರ್ವಜನಿಕರು ಸಂಭ್ರಮಾಚರಣೆ ಮಾಡಿದ್ದಾರೆ. ನಿನ್ನೆ ರಾತ್ರಿ ಠಾಣೆಯ ಮುಂದೆ ಪಟಾಕಿ‌ ಸಿಡಿಸಿದ ಗ್ರಾಮಸ್ಥರು ಆನಂದಗೊಂಡಿದ್ದಾರೆ. ಅಕ್ಕೂರು‌ ಠಾಣೆಯ ಪ್ರಭಾರ ಪಿಎಸ್​ಐ ಆಗಿದ್ದ ಸರಸ್ವತಿ ವರ್ಗವಾದ ಪೊಲೀಸ್​ ಅಧಿಕಾರಿ. ಅವರನ್ನು ಮೂಲ ಸ್ಥಾನಕ್ಕೆ ವರ್ಗಾವಣೆ ಮಾಡಿ ಜಿಲ್ಲಾ ಎಸ್​ಪಿ ಆದೇಶ ಮಾಡಿದ್ದರು. ಇದೀಗ ಸರಸ್ವತಿ ಸ್ಥಾನಕ್ಕೆ ಮಾಗಡಿ ಠಾಣೆ ಎಸ್​ಐ ಶ್ರೀಕಾಂತ್ ನೇಮಕವಾಗಿದ್ದಾರೆ.

ಪಿಎಸ್ಐ ಸರಸ್ವತಿ ವಿರುದ್ಧ ಆರೋಪಗಳು‌ ಕೇಳಿ ಬಂದ ಹಿನ್ನೆಲೆ ಮೂಲ ಸ್ಥಾನಕ್ಕೆ ವರ್ಗಾವಣೆ ಮಾಡಲಾಗಿದೆ. ಪಿಎಸ್ಐ ಸರಸ್ವತಿ ರಾಮನಗರ ಗ್ರಾಮಾಂತರ ‌ಠಾಣೆಯ ಅಪರಾಧ ವಿಭಾಗದ ಪಿಎಸ್ಐ ಆಗಿದ್ದರು. ಹೆಚ್ಚುವರಿಯಾಗಿ ಅಕ್ಕೂರು ಠಾಣೆಗೆ ಅವರನ್ನು ನೇಮಕ ಮಾಡಲಾಗಿತ್ತು.

Also Read: Channapatna toys: ಅಂಬಾನಿಯ ರಿಲಯನ್ಸ್ ಸಹಭಾಗಿ ಸಂಸ್ಥೆಯ ನೆರವು, ಚನ್ನಪಟ್ಟಣದ ಬೊಂಬೆಗಳು ಸಿಂಗಾಪೂರಕ್ಕೆ ರಫ್ತು

Bajarangi 2 Release: ಈ ಸಿನಿಮಾ ನೋಡಿ ನನಗೆ ಸ್ವಲ್ಪ ಟಚ್​ ಆಯ್ತು |Tv9 Kannada

(channapatna dysp ramesh kn performs bhajan sitting in police uniform)

Published On - 9:26 am, Fri, 29 October 21