ದೇಶ ಕಾಯುವ ಕೆಲಸಕ್ಕೆ ಗುಡ್​ ಬೈ ಹೇಳಿ, ಪುಟ್ಟ ಮಗನ ಉಳಿಸಿಕೊಳ್ಳಲು ಹಗಲುರಾತ್ರಿ ದುಡಿಯುತ್ತಿರುವ ಅಪ್ಪ: ದಾನಿಗಳು ನೆರವಾಗಬಹುದಾ?

ಆತ ಹತ್ತಾರು ವರ್ಷ ದೇಶ ಕಾಯುವ ಕೆಲ್ಸ ಮಾಡಿದ (soldier). ದೇಶದ ರಕ್ಷಣೆಗಾಗಿ ಹಗಲು ರಾತ್ರಿ ಎನ್ನದೇ ದುಡಿದ. ಹೀಗೆ ದೇಶ ಸೇವೆ ಮಾಡುತ್ತಿದ್ದಾಗಲೇ ತನ್ನ ಮಗ ಇದ್ದಕ್ಕಿದ್ದಂತೆ ಸುಸ್ತಾಗಿ ಬಿಳುತ್ತಿದ್ದ. ಒಂದು ತಿಂಗಳಿಗೊಮ್ಮೆ ಆತನಿಗೆ ಅನ್ನ ನೀರಿನ ಬದಲು ರಕ್ತವನ್ನ ಕೊಡಬೇಕಿತ್ತು. ಅಪ್ಪನಾಗಿ (father) ಮಗನ ಕಷ್ಟ ನೋಡಲಾಗದ ಸೈನಿಕ ಇದ್ದೊಬ್ಬ ಮಗನ (son) ಉಳಿಸಿಕೊಳ್ಳಲು ಸೇನೆಯ ಸೇವೆ ಬಿಟ್ಟು 10 ವರ್ಷಗಳಿಂದ ಸುತ್ತುತ್ತಿದ್ದಾರೆ. ಇಲ್ಲಿದೆ ನೋಡಿ ಥಲೆಸೀಮಿಯಾ (Thalassemia) ಟಾರ್ಚರ್ ಸ್ಟೋರಿ. ಈತನಿಗೆ 10 ವರ್ಷ ವಯಸ್ಸು. ಹೆಸರು ಕೃಷ್ಣ. ನೋಡಲು ನಾರ್ಮಲ್. ದಾವಣಗೆರೆ (Davangere) ಜಿಲ್ಲೆಯ ಹರಿಹರ ತಾಲೂಕಿನ ಉಕ್ಕಡಗಾತ್ರಿಯಲ್ಲಿ ಈಗ ಐದನೇ ತರಗತಿ ಓದುತ್ತಿದ್ದಾನೆ. ತಿಂಗಳ ಅಂತ್ಯಕ್ಕೆ ಈತನಿಗೆ ಎದ್ದು ತಿರುಗಾಡಲು ಆಗೋಲ್ಲ, ಸುಸ್ತಾಗುತ್ತಾನೆ. ಮಾತು ಬರಲ್ಲ. ಮನೆ ಬಿಟ್ಟು ಹೊರಗೆ ಹೋಗದ ಸ್ಥಿತಿಗೆ ಬರುತ್ತಾನೆ. ಆಗ ತಂದೆ ತಾಯಿಯ ಚಡಪಡಿಕೆ ಶುರುವಾಗುತ್ತದೆ. ಕಾರಣ ತಿಂಗಳಾಂತ್ಯಕ್ಕೆ ಈತನಿಗೆ ರಕ್ತ ಹಾಕಿಸುವುದು ಕಡ್ಡಾಯ. ಕಾರಣ ಈತನಿಗೊಂದು ಥಲೆಸೀಮಿಯಾ ಎಂಬ ವಿಚಿತ್ರ ಕಾಯಿಲೆ ಅಂಟಿಕೊಂಡಿದೆ. ಅಂದ್ರೆ ಈತನ ಶರೀರದಲ್ಲಿ ರಕ್ತ ಉತ್ಪಾದನೆ ಆಗಲ್ಲ. ಕೆಲ ಗ್ರಂಥಿಗಳ ಕಾರಣಕ್ಕೆ ಸಾವಿರಾರು ಜನರಲ್ಲಿ ಒಬ್ಬರಿಗೆ ಬರುವ ಈ ಕಾಯಿಲೆ ಬರುತ್ತದೆ.

ಇಂತಹ ಅಪರೂಪದ ಕಾಯಿಲೆ ಈ ಅಮಾಯಕ ಕೃಷ್ಣನಿಗೆ ಅಂಟಿಕೊಂಡಿದೆ. ಇವರ ಸಂತೋಷ ಕುಮಾರ ಶಾಬಣ್ಣವರ ಅಂತ. ಭಾರತೀಯ ಸೇನೆಯಲ್ಲಿದ್ದರು. ಈತ ಹುಟ್ಟಿದ ಆರು ತಿಂಗಳಲ್ಲಿಯೇ ಇಂತಹ ಕಾಯಿಲೆ ಇದೆ ಎಂಬುದು ಗೊತ್ತಾಗಿದೆ. ಅಷ್ಟರಲ್ಲಿಯೇ 12 ವರ್ಷ ಸೇವೆ ಸಲ್ಲಿಸಿದ ಸಂತೋಷ ಸೇನೆ ರಾಜೀನಾಮೆ ನೀಡಿ ಪುತ್ರನಿಗೆ ಚಿಕಿತ್ಸೆ ಕೊಡಿಸಲು ಹೋರಾಟ ಶುರು ಮಾಡಿದ್ದಾರೆ. ಇದಕ್ಕೆ ಬರೋಬ್ಬರಿ 40 ಲಕ್ಷ ರೂಪಾಯಿ ವೆಚ್ಚ ಬರುತ್ತದೆಯಂತೆ. ಆರ್ಥಿಕ ಸಹಾಯಕ್ಕಾಗಿ ಅಂಗಲಾಚುತ್ತಿದ್ದಾರೆ.

ಇದಕ್ಕಾಗಿ ಹತ್ತಾರು ಕಡೆ ಸುತ್ತಿದ್ದಾರೆ. ವೈದ್ಯರ ಸಲಹೆ ಕೇಳಿದ್ದಾರೆ. ಇಷ್ಟು ದಿನ ಯಾವುದೇ ವ್ಯಕ್ತಿಗಳ ರಕ್ತದ ಮಾದರಿ ಕೃಷ್ಣಗೆ ಹೊಂದಾಣಿಕೆ ಆಗಿರಲಿಲ್ಲ. ಆದ್ರೆ ಇತ್ತೀಚಿಗೆ ಸಂತೋಷ- ಚೇತನಾ ದಂಪತಿಗೆ ಓರ್ವ ಪುತ್ರಿ ಇದ್ದಾಳೆ. ಇವಳ ರಕ್ತದ ಮಾದರಿ ಹೊಂದಾಣಿಕೆ ಆಗಿದೆ. ಈ ಕಾಯಿಲೆ ವಾಸಿಯಾಗಬೇಕಾದ್ರೆ ಬೋನ್ ಮ್ಯಾರೋ ಮಾಡಿಸಬೇಕಂತೆ. ಇದಕ್ಕಾಗಿಯೇ ಬೆಂಗಳೂರಿನ ನಾರಾಯಣ ಹೃದಯಾಲಯದಲ್ಲಿ ಇಂತಹ ಚಿಕಿತ್ಸೆ ನೀಡಲಾಗುತ್ತದೆ. ಇದಕ್ಕಾಗಿ 40 ಲಕ್ಷ ಹಣಬೇಕಾಗಿದೆ.

ಹೀಗೆ ಸಮಾಜ ಹಾಗೂ ಸರ್ಕಾರ ತಮ್ಮ ಸಂಕಷ್ಟಕ್ಕೆ ಸ್ಪಂದಿಸುತ್ತದೆ ಎಂಬ ನಿರೀಕ್ಷೆಯಲ್ಲಿ ಪತಿ-ಪತ್ನಿ ಪುತ್ರನನ್ನ ಕರೆದುಕೊಂಡು ಅಲೆದಾಡುತ್ತಿದ್ದಾರೆ. ಸ್ಥಳೀಯ ಶಾಸಕ ಸಹಾಯದಿಂದ ಸಿಎಂ ಪರಿಹಾರ ನಿಧಿಗೆ ಮನವಿ ಸಲ್ಲಿಸುವ ಯೋಜನೆ ಸಹ ಇದೆ. ಆದ್ರೆ 40 ಲಕ್ಷ ರೂಪಾಯಿ ಹೊಂದಿಸುವುದು ಕಷ್ಟದ ಕೆಲ್ಸವಾಗಿದೆ. ಮೇಲಾಗಿ ಸೇನೆಗೆ ರಾಜೀನಾಮೆ ನೀಡಿದ ಬಳಿಕ ಬಂದ ಅಲ್ಪ ಸ್ವಲ್ಪ ಹಣದಲ್ಲಿ ಪುತ್ರನಿಗೆ ಚಿಕಿತ್ಸೆ ಕೊಡಿಸುವುದು ಕಷ್ಟವಾಗಿದೆ. ಗ್ರಾಮದಲ್ಲಿ ಒಂದು ಸಣ್ಣ ಬೇಕರಿ ಇಟ್ಟುಕೊಂಡು ಜೀವನ ನಿರ್ವಹಣೆ ಮಾಡುತ್ತಿದ್ದಾರೆ. ಪುತ್ರನನ್ನ ಉಳಿಸಿಕೊಳ್ಳಲು ಹೋರಾಟ ಆರಂಭಿಸಿದ್ದಾರೆ. ಸಹಾಯಕ್ಕಾಗಿ ಅಂಗಲಾಚುತ್ತಿದ್ದಾರೆ.

ಸಂತೋಷಕುಮಾರ- 8151874714
Master Kroshna S.S
Karnataka Bank
Ukkadagatri, Harihar Taluk
Davanagere Dist
Account No- 8162500100346501
IFSC- KARB0000816

(ವರದಿ: ಬಸವರಾಜ್ ದೊಡ್ಮನಿ ಟಿವಿ9 ದಾವಣಗೆರೆ)