ಬರದಿಂದ ನಲುಗಿದ ರೈತರಿಗೆ ಗುಡ್ ನ್ಯೂಸ್:ಬರ ಪರಿಹಾರ ಘೋಷಿಸಿದ ಸರ್ಕಾರ

ಬೆಂಗಳೂರು, (ಸೆಪ್ಟೆಂಬರ್ 24): ಮಳೆ ಬೆಳೆ ಇಲ್ಲದೇ ಬರದಿಂದ ನಲುಗಿದ ಕರ್ನಾಟಕದ ರೈತರಿಗೆ ರಾಜ್ಯ ಸರ್ಕಾರ ನೆರವು ನೀಡಲು ಮುಂದಾಗಿದೆ. ಹೌದು…ಪ್ರತಿ ರೈತನಿಗೆ 2500 ರೂಪಾಯಿ ಬರ ಪರಿಹಾರ ನೀಡಲು ತೀರ್ಮಾನಿಸಿದ್ದು, ಈ ಸಂಬಂಧ ಕಂದಾಯ ಸಚಿವರೂ ಆಗಿರುವ ಉಪಮುಖ್ಯಮಂತ್ರಿ ಡಾ ಜಿ. ಪರಮೇಶ್ವರ್ ಅವರು ಸದನದಲ್ಲಿಂದು ಘೋಷಣೆ ಮಾಡಿದ್ದಾರೆ. ಬರ ಪರಿಸ್ಥಿತಿಯ ಕುರಿತ ಚರ್ಚೆಗೆ ಸರ್ಕಾರದ ಪರವಾಗಿ ಉತ್ತರಿಸಿದ ಪರಮೇಶ್ವರ್, ತಕ್ಷಣವೇ 1250 ಕೋಟಿ ರೂ, ಮೊದಲ ಹಂತದಲ್ಲಿ ಕೊಡುತ್ತಿದ್ದೇವೆ. ಇದು ಸಣ್ಣ ಹಣ ಅಲ್ಲ. 40 ರಿಂದ 50 ಲಕ್ಷ ರೈತರಿಗೆ ತಕ್ಷಣವೇ ಜಾರಿಗೆ ಬರುವಂತೆ ಪ್ರಕಟ ಮಾಡುತ್ತಿದ್ದೇನೆ ಎಂದರು.

ಆದ್ರೆ, ಒಂದು ಎಕರೇಗೆ 2500 ರೂಪಾಯಿ ನಿಗದಿ ಮಾಡಲಾಗಿದ್ಯಾ? ಅಥವಾ ಒಂದು ಹೆಕ್ಟರ್​​​ಗೆ ಕೊಡಲಾಗುತ್ತಾ ಎನ್ನುವುದು ಮಾತ್ರ ಇನ್ನೂ ಸ್ಪಷ್ಟವಾಗಿ ತಿಳಿದುಬಂದಿಲ್ಲ. ಸರ್ಕಾರ ಅಧಿಕೃತ ಆದೇಶ ಹೊರಬಿದ್ದ ಬಳಿಕ ಎಲ್ಲಾ ಸ್ಪಷ್ಟತೆ ಸಿಗಲಿದೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ