Capsicum: ದಪ್ಪ ಮೆಣಸಿನಕಾಯಿಂದ ಲಕ್ಷ ಲಕ್ಷ ಗಳಿಸಿ!

ಕ್ಯಾಪ್ಸಿಕಂ ಕೃಷಿ: ರೈತ ತನ್ನ ಬೆಳೆಗೆ ಸರಿಯಾದ ಆರ್ಥಿಕ ಲಾಭ ಪಡೆಯಬೇಕಾದರೆ ಸಮಯ ಮತ್ತು ಮಾರುಕಟ್ಟೆಗೆ ಅನುಗುಣವಾಗಿ ಬೇಸಾಯ ಮಾಡಬೇಕು. ಜನರ ವೈವಿಧ್ಯಮಯ ಆಹಾರದ ಆದ್ಯತೆಗಳ ಪ್ರಕಾರ ತರಕಾರಿ ಬೆಳೆ ಕೃಷಿಯನ್ನು ಆಯ್ಕೆ ಮಾಡಿಕೊಳ್ಳಬೇಕು, ವಿಶೇಷವಾಗಿ ಸಂಗ್ರಹಯೋಗ್ಯ ತರಕಾರಿಗಳು ಉತ್ತಮ ಫಲಿತಾಂಶಗಳನ್ನು ನೀಡುತ್ತವೆ ಎಂಬುದನ್ನು ಅನೇಕ ರೈತರು ಸಾಬೀತುಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ನೊಡುವುದಾದರೆ ಮಾರುಕಟ್ಟೆಯಲ್ಲಿ ಇತರ ತರಕಾರಿಗಳಿಗಿಂತ ಕ್ಯಾಪ್ಸಿಕಂ ಉತ್ತಮ ಬೆಲೆ ತಂದುಕೊಡುತ್ತದೆ ಎನ್ನಬಹುದು.

ಇದರಿಂದ ರೈತರು ಉತ್ತಮ ಆದಾಯ ಗಳಿಸುತ್ತಿದ್ದಾರೆ. ದೂರದ ಉತ್ತರ ಪ್ರದೇಶದ ಹರ್ದೋಯಿ ಜಿಲ್ಲೆಯಲ್ಲಿ ಕ್ಯಾಪ್ಸಿಕಂ ಕೃಷಿಯಿಂದ ಉತ್ತಮ ಆದಾಯವನ್ನು ಗಳಿಸುತ್ತಿರುವ ಅನೇಕ ರೈತರಿದ್ದಾರೆ. ಇಲ್ಲಿನ ರೈತರು ಉತ್ಪಾದಿಸುವ ಕ್ಯಾಪ್ಸಿಕಂ ಅನ್ನು ದೆಹಲಿ ಮತ್ತು ಆಗ್ರಾಕ್ಕೆ ಸಾಗಿಸಲಾಗುತ್ತದೆ. ಕ್ಯಾಪ್ಸಿಕಂ ಉತ್ತಮ ಮತ್ತು ಲಾಭದಾಯಕ ಬೆಳೆ ಎಂದು ಅನೇಕ ರೈತರು ಹೇಳುತ್ತಾರೆ. ಈ ತರಕಾರಿಯ ಕೃಷಿಯಿಂದ ರೈತರ ಆದಾಯ ಹೆಚ್ಚುತ್ತದೆ. ಸಾಮಾನ್ಯ ತರಕಾರಿಗಳಂತೆ, ಕ್ಯಾಪ್ಸಿಕಂ ಕೃಷಿಯು ಎಲ್ಲಾ ಹವಾಮಾನಗಳಿಗೆ ಸೂಕ್ತವಾಗಿದೆ. ಕ್ಯಾಪ್ಸಿಕಂ ಉತ್ತಮ ಇಳುವರಿ ಬಂದರೆ ಆದಾಯವೂ ಉತ್ತಮವಾಗಿರುತ್ತದೆ.

ಹನಿ ನೀರಾವರಿಯ ಪ್ರಯೋಜನಗಳು: ಕ್ಯಾಪ್ಸಿಕಂ ತಳಿ ಹನಿ ನೀರಾವರಿಗೆ ಉತ್ತಮ ಫಲಿತಾಂಶವನ್ನು ನೀಡುತ್ತದೆ. ವಾಸ್ತವವಾಗಿ ಇದು ಕೃಷಿಗೆ ಉತ್ತಮ ನೀರಾವರಿ ವ್ಯವಸ್ಥೆಯಾಗಿದೆ. ಸಾಂಪ್ರದಾಯಿಕ ಪದ್ಧತಿಯಲ್ಲಿ ಕೃಷಿ ಮಾಡುತ್ತಿರುವ ರೈತರು ನಿಧಾನವಾಗಿ ಅದರಿಂದ ಹೊರಬಂದು ಹನಿ ನೀರಾವರಿ ಅಳವಡಿಸಿಕೊಳ್ಳುತ್ತಿದ್ದಾರೆ. ಹನಿ ನೀರಾವರಿಯಿಂದ ನೀರನ್ನು ಹಿತಮಿತವಾಗಿ ಬಳಸಿ, ಉಳಿಸಬಹುದು. ಮತ್ತು ನೀರನ್ನು ಅವಶ್ಯಕತೆಗೆ ಅನುಗುಣವಾಗಿ ಬಳಸಬಹುದು. ದುಂದು ವೆಚ್ಚ ಅನ್ನಿಸುವಷ್ಟು ನೀರನ್ನು ಬಳಸದೆ, ಉಳಿತಾಯ ಮಾಡಬಹುದು. ಈ ಪದ್ಧತಿಯ ಕೃಷಿಗೆ ಸರಕಾರ ಭಾರೀ ಅನುದಾನವೂ ನೀಡುತ್ತಿದೆ.

ಕೇವಲ 75 ದಿನಗಳಲ್ಲಿ ಕ್ಯಾಪ್ಸಿಕಂ ಇಳುವರಿ ಪಡೆಯಬಹುದು. ಜಮೀನಿನಲ್ಲಿ ಕಳೆ ಕಿತ್ತ ನಂತರ.. ಸೂಕ್ತ ರಾಸಾಯನಿಕಗಳಿಂದ ಸಿಂಪಡಿಸಿ.. ಕ್ಯಾಪ್ಸಿಕಂ ಪೈರನ್ನು ರೈತರು ಸೂಕ್ತ ಅಂತರದಲ್ಲಿ ನೆಡುತ್ತಾರೆ. ಗಿಡದ ಬೆಳವಣಿಗೆಗೆ ಸರಿಯಾದ ಗೊಬ್ಬರ, ನೀರು, ಕೀಟನಾಶಕ ಸಿಂಪಡಿಸಿದರೆ ಬೆಳೆ ಇಳುವರಿ ಹೆಚ್ಚು. ಕ್ಯಾಪ್ಸಿಕಂ ಕೃಷಿಗೆ ಮಣ್ಣಿನ pH 6 ಇರಬೇಕು. ಕ್ಯಾಪ್ಸಿಕಂ ಸಸ್ಯವು 40 ಡಿಗ್ರಿ ವರೆಗೆ ತಾಪಮಾನವನ್ನು ತಡೆದುಕೊಳ್ಳುತ್ತದೆ. ನೆಟ್ಟ 75 ದಿನಗಳ ನಂತರ ಸಸ್ಯವು ಇಳುವರಿಯನ್ನು ಪ್ರಾರಂಭಿಸುತ್ತದೆ. ಒಂದು ಹೆಕ್ಟೇರ್‌ನಲ್ಲಿ ಸುಮಾರು 300 ಕ್ವಿಂಟಾಲ್ ಕ್ಯಾಪ್ಸಿಕಂ ಉತ್ಪಾದನೆಯಾಗುತ್ತದೆ.

ಪ್ರಸ್ತುತ ಕ್ಯಾಪ್ಸಿಕಂ ಬೆಲೆ ಚೆನ್ನಾಗಿದೆ: ರೈತರು ಕ್ಯಾಪ್ಸಿಕಂ ಬೆಳೆಯಲು ಸೋಲನ್ ಔದಾರ್ಯ ಜಾತಿಯ ಬೀಜಗಳನ್ನು ಬಳಸುತ್ತಿದ್ದಾರೆ. ಇದು ಕೆಂಪು ಬಣ್ಣದ ದಪ್ಪ ಮೆಣಸಿನ ಕಾಯಿ (ಕ್ಯಾಪ್ಸಿಕಂ) ಬೆಳೆಯುತ್ತದೆ. ಮೇಲಾಗಿ ಕೊಯ್ಲು ಮಾಡಿದ ಬಳಿಕ ಕ್ಯಾಪ್ಸಿಕಂ ಬೇಗ ಕೊಳೆಯುವುದಿಲ್ಲ. ಸದ್ಯ ಮಾರುಕಟ್ಟೆಯಲ್ಲಿ ಸಾವಿರಾರು ಕೆಜಿ ಲೆಕ್ಕದಲ್ಲಿ ಕ್ಯಾಪ್ಸಿಕಂ ಮಾರಾಟವಾಗುತ್ತಿದೆ. ಕ್ಯಾಪ್ಸಿಕಂ ಮಾರಾಟದಿಂದ ರೈತರು ಲಕ್ಷಗಟ್ಟಲೆ ಲಾಭ ಗಳಿಸುತ್ತಿದ್ದಾರೆ. ಇದು ಸುಮಾರು 6 ತಿಂಗಳಲ್ಲಿ ಇಳುವರಿ ನೀಡುತ್ತದೆ.

ಗಿಡಗಳ ಎಲೆಗಳ ಮೇಲೆ ರಂಧ್ರಗಳು ಕಾಣಿಸಿಕೊಂಡಾಗ ತಕ್ಷಣ ಮರಗಳಿಗೆ ಗಂಧಕವನ್ನು ಸಿಂಪಡಿಸಿ. ಮೊಸಾಯಿಕ್ ರೋಗ, ಉತ್ತ ರೋಗ. ಕಾಂಡಕೊರಕದಂತಹ ಶಿಲೀಂಧ್ರ ಕೀಟಗಳಿಂದ ಬೆಳೆಗೆ ಹೆಚ್ಚು ಹಾನಿ ಸಂಭವಿಸುತ್ತದೆ. ಸಮಯೋಚಿತ ಆರೈಕೆಯೊಂದಿಗೆ, ಕ್ಯಾಪ್ಸಿಕಂ ಸಸ್ಯ ನಳನಳಿಸುವಂತೆ ಕಾಪಾಡಬಹುದು. ಸಾಮಾನ್ಯವಾಗಿ ಸುಮಾರು 300 ಕ್ವಿಂಟಲ್ ಇಳುವರಿ, ಅನುಕೂಲಕರ ಹವಾಮಾನ ಇದ್ದರೆ 500 ಕ್ವಿಂಟಲ್ ಇಳುವರಿ ಪಡೆಯಬಹುದು. ತೋಟಗಾರಿಕಾ ಇಲಾಖೆಯ ಮಾಹಿತಿ ಪ್ರಕಾರ ಕ್ಯಾಪ್ಸಿಕಂ ಬೆಳೆಗಾರರಿಗೆ ಸಹಾಯಧನ, ಬೀಜ ಸರಬರಾಜು ಮಾಡಲಾಗುತ್ತದೆ. ರೈತರಿಗೆ ತೋಟಗಾರಿಕೆ ಇಲಾಖೆಯಿಂದ ಶೇ.70 ವರೆಗೆ ಸಹಾಯಧನ ನೀಡಲಾಗುತ್ತದೆ.

To read mofre in Telugu click here