TV9 Kannada Digital Poll: ಇಂದಿರಾ ಕ್ಯಾಂಟೀನ್ ಹೆಸರು ಬದಲಿಸಬೇಕೇ? ಬೇಡವೇ? ನಿಮ್ಮ ಅಭಿಪ್ರಾಯ ತಿಳಿಸಿ

ರಾಜ್ಯ ರಾಜಕಾರಣವೀಗ ಇಂದಿರಾ ಕ್ಯಾಂಟೀನ್ (Indira Canteen) ಹೆಸರು ಬದಲಾವಣೆಯ ಸುತ್ತಲೇ ಗಿರಗಿರನೇ ಗಿರಕಿ ಹೊಡೆಯುತ್ತಿದೆ. ಹೆಸರು ಬದಲಾವಣೆಯ ಪ್ರಹಸನಗಳನ್ನು ಆರಂಭಿಸಿದ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವನ್ನು ಅನುಸರಿಸುವಂತಿದೆ ರಾಜ್ಯ ಬಿಜೆಪಿ ನಾಯಕರ ಮಾತುಗಳು. ಸಿದ್ದರಾಮಯ್ಯ ಮುಖ್ಯಮಂತ್ರಿಯಾಗಿದ್ದಾಗ ಆರಂಭಿಸಿದ್ದ ಮಹತ್ವಾಕಾಂಕ್ಷಿ ಯೋಜನೆ ‘ಇಂದಿರಾ ಕ್ಯಾಂಟೀನ್’ನ ಹೆಸರನ್ನು ಬದಲಿಸಬೇಕೆಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ ಹೇಳಿದ್ದೇ ತಡ, ಈವರೆಗೆ ಬಿಲ್ಲಿನಿಂದ ಚಿಮ್ಮಿದ ಬಾಣಗಳಂತೆ ಬಿಜೆಪಿಯ ಒಬ್ಬೊಬ್ಬರೇ ನಾಯಕರು ಸಿ.ಟಿ.ರವಿ (CT Ravi) ಮಾತಿಗೆ ದನಿಗೂಡಿಸಲಾರಂಬಿಸಿದ್ದಾರೆ. ಇದು ಸಹಜವಾಗಿ ಸಿದ್ದರಾಮಯ್ಯ (Siddaramaiah) ಮತ್ತು ಕಾಂಗ್ರೆಸ್ ನಾಯಕರ  ಸಿಟ್ಟು ಸೆಡವಿಗೆ ಕಾರಣವಾಗಿದೆ.

ಪಕ್ಕದ ತಮಿಳುನಾಡಿನ ‘ಅಮ್ಮಾ’ ಕ್ಯಾಂಟೀನ್​ ಉದಾಹರಣೆಯಾಗಿಟ್ಟುಕೊಂಡು ಬಹಳ ದೂರಾಲೋಚನೆಯಿಂದ ರೂಪಿಸಿದ ಯೋಜನೆ ಇಂದಿರಾ ಕ್ಯಾಂಟೀನ್. ಇಂದಿರಾ ಕ್ಯಾಂಟೀನ್ ಎಂಬ ಹೆಸರು ಸಿದ್ದರಾಮಯ್ಯ ರಾಜಕಾರಣದಲ್ಲಿ ತಮ್ಮ ಹೆಸರನ್ನು ಇನ್ನಷ್ಟು ಆಳವಾಗಿ ಬೇರೂರಿಸಿತು. ಒಳ್ಳೆ ಹೆಸರನ್ನೂ ಗಳಿಸಿಕೊಟ್ಟಿತು. ರಾಜ್ಯ ಜನರ ಮೆಚ್ಚುಗೆಯ ಜತೆಗೆ ಕಾಂಗ್ರೆಸ್ ಹೈಕಮಾಂಡ್ ಹೊಗಳಿಕೆಯೂ ಸಿದ್ದರಾಮಯ್ಯರಿಗೆ ದೊರೆಯಿತು. ಇಷ್ಟೆಲ್ಲ ಇರುವಾ ‘ಇಂದಿರಾ ಕ್ಯಾಂಟೀನ್’ ಹೆಸರು ಬದಲಾವಣೆಯ ಪ್ರಸ್ತಾಪ ಸಿದ್ದರಾಮಯ್ಯಗೆ ಕೋಪ ತರಿಸುವುದು ಸಹಜವೇ ತಾನೇ? ಬಹುಶಃ ಅವರನ್ನು ಕೆಣಕಲು ಎಂದೇ ಬಿಜೆಪಿ ನಾಯಕರೂ ದಿನೇದಿನೇ ಹೆಸರು ಬದಲಾವಣೆಯ ಮಾತನ್ನು ಪದೇಪದೇ ಎತ್ತುತ್ತಿದ್ದಾರೆ. ಈಮೂಲಕ ಸಂಘ ಮತ್ತು ಬಿಜೆಪಿ ನಿಷ್ಠರಲ್ಲಿ  ಭರವಸೆ ಮೂಡಿಸಲು ಸಹ ಅವರು ಪ್ರಯತ್ನಿಸುತ್ತಿದ್ದಾರೆ. 2019ರಲ್ಲೇ ಇಂದಿರಾ ಕ್ಯಾಂಟೀನ್ ಹೆಸರನ್ನು ಬದಲಿಸುವಂತೆ ಸಿ.ಟಿ.ರವಿ ಆಗ್ರಹಿಸಿದ್ದರು. ಇಂದಿರಾ ಕ್ಯಾಂಟೀನ್​ಗೆ ಸರ್ಕಾರದ ಹಣ ಖರ್ಚಾಗುತ್ತಿದೆ. ಹಾಗಾಗಿ ಅನ್ನಪೂರ್ಣೇಶ್ವರಿ ಕ್ಯಾಂಟೀನ್ ಅಂತ ಹೆಸರಿಡಲಿ ಎಂದು ಮನವಿ ಮಾಡಿದ್ದರು.

ರಾಜಕಾರಣದ ಈ ಎಲ್ಲ ಬೆಳವಣಿಗೆಗಳನ್ನು ಹಿನ್ನೆಲೆಯಾಗಿಟ್ಟುಕೊಂಡು ‘ಟಿವಿ 9 ಕನ್ನಡ ಡಿಜಿಟಲ್’ ಸಾರ್ವಜನಿಕರ ಅಭಿಪ್ರಾಯಗಳನ್ನು ಮುಕ್ತವಾಗಿ ಆಹ್ವಾನಿಸಿದೆ. ‘ಇಂದಿರಾ ಕ್ಯಾಂಟೀನ್ ಹೆಸರು ಬದಲಿಸಬೇಕೇ? ಬೇಡವೇ?’ ನಿಮ್ಮ ಅಭಿಪ್ರಾಯಗಳನ್ನು ಮುಕ್ತವಾಗಿ ಕಾಮೆಂಟ್ ಮೂಲಕ ತಿಳಿಸಿ.

ಇಂದಿರಾ ಕ್ಯಾಂಟೀನ್ ಹೆಸರು ಬದಲಿಸಬೇಕೇ? ಬೇಡವೆ? ನಿಮ್ಮ ಅಭಿಪ್ರಾಯ ತಿಳಿಸಿ#TV9KannadaPoll #IndiraCanteen #AnnapurneshwariCanteen pic.twitter.com/JJ6nZRQHSt

— TV9 Kannada (@tv9kannada) August 13, 2021

ಇದನ್ನೂ ಓದಿ: 

ಇಂದಿರಾ ಕ್ಯಾಂಟೀನ್ ಹೆಸರು ಬದಲಿಸುವಂತೆ ಸಿಎಂ ಬೊಮ್ಮಾಯಿಗೆ ಸಿ.ಟಿ.ರವಿ ಮನವಿ

ಇಂದಿರಾ ಕ್ಯಾಂಟೀನ್​ ಹೆಸರು ಬದಲಿಸಿದ್ರೆ ಪರಿಣಾಮ ನೆಟ್ಟಗಿರಲ್ಲ: ಕೆಪಿಸಿಸಿ ಕಾರ್ಯಾಧ್ಯಕ್ಷ ರಾಮಲಿಂಗಾರೆಡ್ಡಿ ಎಚ್ಚರಿಕೆ

(TV9 Kannada Digital Poll do you want to Indira Canteen Name Change or not)

Published On - 7:17 pm, Fri, 13 August 21