ವೆಂಟಿಲೇಟರ್​ ಹಂತ ತಲುಪಿದ ಕೋವಿಡ್ ರೋಗಿ ಉಳಿಯೋದೇ ಡೌಟ್, ವಿವರಣೆ ಇಲ್ಲಿದೆ

ಬೆಂಗಳೂರು: ಕೊರೊನಾ ರಣಕೇಕೆಗೆ ಹಲವಾರು ಜನ ತಮ್ಮ ಪ್ರಾಣವನ್ನೇ ಕಳೆದುಕೊಳ್ಳುತ್ತಿದ್ದಾರೆ. ಅದರಲ್ಲೂ ಸೋಂಕಿನ ಕೊನೆ ಹಂತವಾದ ತೀವ್ರ ಉಸಿರಾಟದ ಸಮಸ್ಯೆ ತಲುಪಿ ವೆಂಟಿಲೇಟರ್​ಗಳ ಮೊರೆ ಹೋಗುತ್ತಿರೋರಲ್ಲಿ ಬದುಕುಳಿಯುತ್ತಿರೋರ ಸಂಖ್ಯೆ ಬಹಳ ವಿರಳವಂತೆ. ಈ ಆತಂಕಕಾರಿ ಮಾಹಿತಿಯನ್ನ ಖುದ್ದು ವೈದ್ಯರೇ ನೀಡಿದ್ದಾರೆ.

‘ವೆಂಟಿಲೇಟರ್​ಗೆ ಹೋದ ರೋಗಿ ಉಳಿಯೋದೇ ಡೌಟ್’
ಹೌದು, ನಗರದ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ವೆಂಟಿಲೇಟರ್​ ನೆರವು ಪಡೆದು ಉಸಿರಾಡುತ್ತಿದ್ದ ರೋಗಿಗಳಲ್ಲಿ ಬದುಕುಳಿದಿದ್ದು ಕೇವಲ ಒಬ್ಬರೇ. ಇದುವರೆಗೂ ಸುಮಾರು ಐಸಿಯುಗೆ ಸುಮಾರು 205 ಮಂದಿ ಸೋಂಕಿತರು ದಾಖಲಾಗಿದ್ದರಂತೆ. ಅವುಗಳಲ್ಲಿ, 91 ಸೋಂಕಿತರು ವೆಂಟಿಲೇಟರ್​ ನೆರವು ಪಡೆದಿದ್ದರಂತೆ. ಈ ಪೈಕಿ 90 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಆಸ್ಪತ್ರೆಯ ವೈದ್ಯರು ಹೇಳಿದ್ದಾರೆ. ಹೀಗಾಗಿ, ವೆಂಟಿಲೇಟರ್​ಗೆ ಹೋದ ರೋಗಿ ಉಳಿಯೋದೇ ಡೌಟ್ ಎಂಬ ಆತಂಕಕಾರಿ ಮಾಹಿತಿ ತಿಳಿದುಬಂದಿದೆ.