ಜೊಮ್ಯಾಟೋ ವಿವಾದದಲ್ಲಿ ಯಾರು ಯಾರಿಗೆ ಹೊಡೆದರು? ನೆಟ್ಟಿಗರು ಹರಿಬಿಟ್ಟ ತಮಾಷೆ ವಿಡಿಯೋ

ಈ ಪ್ರಕರಣದಲ್ಲಿ ಯಾರು ಸರಿ? ಯಾರು ತಪ್ಪು? ಎಂಬ ಚರ್ಚೆಗೆ ತಾರ್ಕಿಕ ಅಂತ್ಯ ಸಿಗುವ ಮೊದಲೇ ಹೀಗೊಂದು ವಿಡಂಬನಾತ್ಮಕ ವಿಡಿಯೋ ಹರಿಬಿಟ್ಟು ಈ ಸಮಾಜ ಯಾವೆಲ್ಲಾ ರೀತಿಯಲ್ಲಿ ಯೋಚಿಸುತ್ತದೆ, ಒಂದು ಘಟನೆಗೆ ಎಷ್ಟೆಲ್ಲಾ ಆಯಾಮ ಇರಬಹುದು ಎಂಬುದನ್ನು ತಮಾಷೆಯಾಗಿಯೇ ತೋರಿಸಿದ್ದಾರೆ.

ವೈರಲ್ ವಿಡಿಯೋ

Skanda | Edited By: ganapathi bhat|
Updated on:Mar 17, 2021 | 7:18 PM

ಬೆಂಗಳೂರು: ಜೊಮ್ಯಾಟೋ ಡೆಲಿವರಿ ಬಾಯ್ ಹಲ್ಲೆ ನಡೆಸಿದ್ದಾನೆ ಎಂದು ಆರೋಪಿಸಿ ಹಿತೇಶಾ ಚಂದ್ರಾಣಿ ಎಂಬ ಯುವತಿ ಮಾಡಿದ್ದ ಆರೋಪ ಇದೀಗ ಬೇರೆ ಬೇರೆ ರೂಪ ಪಡೆದು ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದೆ. ಇದೇ ವಿಚಾರವನ್ನು ಇಟ್ಟುಕೊಂಡು ಟ್ರೋಲ್ ಪೇಜ್ಗಳು ತರಹೇವಾರಿ ರೀತಿಯಲ್ಲಿ ಬಣ್ಣಿಸುತ್ತಿದ್ದು, ಈ ಘಟನೆ ಹೇಗಾಗಿರಬಹುದು? ಇದಕ್ಕೆ ಯಾವೆಲ್ಲಾ ಆಯಾಮಗಳಿರಬಹುದು? ಎಂದು ತಮಾಷೆಯ ವಿಡಿಯೋ ಮಾಡಿ ಹರಿಬಿಟ್ಟಿವೆ.

ಜೊಮ್ಯಾಟೋ ಹುಡುಗನೇ ಹುಡುಗಿಗೆ ಹಲ್ಲೆ ಮಾಡಿದನಾ? ಹುಡುಗಿಯೇ ಆತನ ಮೇಲೆ ಮೊದಲು ಕೈ ಮಾಡಿದಳಾ? ಹುಡುಗ ಬೇಕಂತಲೇ ಆಕೆಯ ಕೈಯಿಂದ ಹೊಡೆಸಿಕೊಂಡನಾ? ಅಥವಾ ಆಕೆಯೇ ಹಾಗೆ ತಂತ್ರ ಉಪಯೋಗಿಸಿದಳಾ? ಎಂಬಲ್ಲಿಂದ ಹಿಡಿದು ಒಂದು ಘಟನೆಯ ಬಗ್ಗೆ ಮೂಡಬಹುದಾದ ಅನುಮಾನದ ಎಲ್ಲಾ ಆಯಾಮಗಳನ್ನಿಟ್ಟುಕೊಂಡು ವಿಡಿಯೋ ಮಾಡಲಾಗಿದೆ.

ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಈ ಪ್ರಕರಣದ ಗಂಭೀರತೆ ಮಾಯವಾಗಿ ತಮಾಷೆಯಾಗಿ ಪರಿವರ್ತನೆಗೊಂಡಿದೆ. ಈ ಹಿಂದೆಯೂ ಎಷ್ಟೋ ಗಂಭೀರ ಘಟನೆಗಳನ್ನು ಟ್ರೋಲ್ ಪೇಜ್ಗಳು ಅಥವಾ ಕೆಲವೊಂದಷ್ಟು ವ್ಯಕ್ತಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಹಾಸ್ಯಾಸ್ಪದ ಮಾಡಿದ ನಿದರ್ಶನಗಳಿವೆ. ಹೀಗಾಗಿಯೇ ಕೆಲವರು ಭಾರತೀಯರಿಗೆ ಎಂತಹ ಗಂಭೀರ ವಿಷಯ ಸಿಕ್ಕರೂ ಅದಕ್ಕೆ ಹಾಸ್ಯ ಲೇಪಿಸುವ ಚಾಕಚಕ್ಯತೆ ಹೊಂದಿದ್ದಾರೆ ಎಂದು ಪ್ರತಿಕ್ರಿಯಿಸಿದ್ದಾರೆ.

ಈ ಪ್ರಕರಣದಲ್ಲಿ ಯಾರು ಸರಿ? ಯಾರು ತಪ್ಪು? ಎಂಬ ಚರ್ಚೆಗೆ ತಾರ್ಕಿಕ ಅಂತ್ಯ ಸಿಗುವ ಮೊದಲೇ ಹೀಗೊಂದು ವಿಡಂಬನಾತ್ಮಕ ವಿಡಿಯೋ ಹರಿಬಿಟ್ಟು ಈ ಸಮಾಜ ಯಾವೆಲ್ಲಾ ರೀತಿಯಲ್ಲಿ ಯೋಚಿಸುತ್ತದೆ, ಒಂದು ಘಟನೆಗೆ ಎಷ್ಟೆಲ್ಲಾ ಆಯಾಮ ಇರಬಹುದು ಎಂಬುದನ್ನು ತಮಾಷೆಯಾಗಿಯೇ ತೋರಿಸಿದ್ದಾರೆ. ಇನ್ಸ್ಟಾಗ್ರಾಂ, ಫೇಸ್ಬುಕ್ ಸೇರಿದಂತೆ ಬೇರೆ ಬೇರೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೋವನ್ನು ಸಾವಿರಾರು ಮಂದಿ ವೀಕ್ಷಿಸಿದ್ದು, ತರಹೇವಾರಿ ಕಮೆಂಟ್ ಮಾಡಿದ್ದಾರೆ. ಅಂದಹಾಗೆ ನೀವಿನ್ನೂ ವಿಡಿಯೋ ನೋಡಿಲ್ಲವಾದರೆ, ಒಮ್ಮೆ ಇಲ್ಲಿ ಕಣ್ಣು ಹಾಯಿಸುವುದನ್ನು ಮರೆಯಬೇಡಿ.