ಮೂರೇ ದಿನಕ್ಕೆ ಮೊದಲ ಟೆಸ್ಟ್ ಮುಕ್ತಾಯ: ಎರಡು ದಿನ ಮುಂಚೆಯೇ ಭಾರತಕ್ಕೆ ಮರಳಲಿದ್ದಾರಾ ವಿರಾಟ್​ ಕೊಹ್ಲಿ?

ಆಸ್ಟ್ರೇಲಿಯಾ ವಿರುದ್ಧದ ಪಿಂಕ್​ ಬಾಲ್​ ಟೆಸ್ಟ್​ನಲ್ಲಿ ನಾಯಕ ವಿರಾಟ್​ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾ ಹೀನಾಯ ಸೋಲು ಕಂಡಿದೆ. ಈ ಬೆನ್ನಲ್ಲೇ ವಿರಾಟ್​ ಕೊಹ್ಲಿ ಭಾರತಕ್ಕೆ ಮರಳಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಮೂಲಗಳ ಪ್ರಕಾರ ಅವರು ಇಂದು ಅಥವಾ ನಾಳೆ ಭಾರತಕ್ಕೆ ಹಿಂದಿರುಗುವ ಸಾಧ್ಯತೆ ಇದೆ.

ಮೊದಲ ಟೆಸ್ಟ್​ ಪಂದ್ಯ ಡಿಸೆಂಬರ್ 21ಕ್ಕೆ ಪೂರ್ಣಗೊಳ್ಳಬೇಕಿತ್ತು. ಆದರೆ, ಟೀಂ ಇಂಡಿಯಾ ಬ್ಯಾಟ್ಸ್​ಮನ್​ಗಳ ಕಳಪೆ ಪ್ರದರ್ಶನದಿಂದಾಗಿ ಕೇವಲ ಮೂರೇ ದಿನಕ್ಕೆ ಅದು ಅಂತ್ಯ ಕಂಡಿತು. 21ಕ್ಕೆ ಟೆಸ್ಟ್​ ಮ್ಯಾಚ್​ ಮುಗಿದಿದ್ದರೆ ವಿರಾಟ್​ 22ಕ್ಕೆ ವಿಮಾನ​ ಏರಿ 23ರಂದು ಭಾರತಕ್ಕೆ ಆಗಮಿಸುತ್ತಿದ್ದರು. ಆದರೆ, ಈಗ ಎರಡು ದಿನ ಮೊದಲೇ ಮ್ಯಾಚ್​ ಮುಗಿದಿದ್ದು, ವಿರಾಟ್​ ಪಾಲಿಗೆ ಇದು ವರದಾನವಾಗಿದೆ.

ನಾನು ಆ ಕ್ಷಣ ಮಿಸ್​ ಮಾಡಿಕೊಳ್ಳಲ್ಲ ಅಂದಿದ್ರು ಕೊಹ್ಲಿ ಟೀಂ ಇಂಡಿಯಾದ ಪ್ರಮುಖ ಬ್ಯಾಟ್ಸ್​ಮನ್​ ಅನಿಸಿಕೊಂಡಿರುವ ರೋಹಿತ್​ ಶರ್ಮಾ ಅವರ ಕ್ವಾರಂಟೈನ್​ ಅವಧಿ ಮುಗಿಯೋಕೆ ಇನ್ನೂ ಒಂದು ವಾರ ಬಾಕಿ ಇದೆ. ಹೀಗಾಗಿ, ಅವರು ಎರಡನೇ ಟೆಸ್ಟ್​ಗೆ ಅಲಭ್ಯರಾಗಿದ್ದಾರೆ. ಮೂರನೇ ಟೆಸ್ಟ್​ ಮ್ಯಾಚ್​​ನಲ್ಲಿ ಅವರು ಟೀಂ ಇಂಡಿಯಾ ಸೇರಿಕೊಳ್ಳುವ ಸಾಧ್ಯತೆ ಇದೆ.

ಇಂಥ ಸಮಯದಲ್ಲಿ ನೀವು ಭಾರತಕ್ಕೆ ಹೋಗುವ ನಿರ್ಧಾರ ಮಾಡಿದ್ದೀರಲ್ಲ? ಎನ್ನುವ ಪ್ರಶ್ನೆ ವಿರಾಟ್​ ಕೊಹ್ಲಿಗೆ ಎದುರಾಗಿತ್ತು. ಇದಕ್ಕೆ ಉತ್ತರಿಸಿದ್ದ ಕೊಹ್ಲಿ, ಏನೆ ಆದರೂ ನಾನು ಆ ವಿಶೇಷ ಕ್ಷಣವನ್ನು ಮಿಸ್​ ಮಾಡಿಕೊಳ್ಳುವುದಿಲ್ಲ. ನಾನು ಭಾರತಕ್ಕೆ ತೆರಳುವ ನಿರ್ಧಾರದಿಂದ ಹಿಂದೆ ಸರಿಯುವುದಿಲ್ಲ ಎಂದು ಹೇಳಿದ್ದರು. ಈ ಮೂಲಕ ತಮಗೆ ಮಗು ಜನಿಸೋ ಸಮಯದಲ್ಲಿ ಪತ್ನಿ ಅನುಷ್ಕಾ ಶರ್ಮಾ ಜೊತೆ ಇರಲೇಬೇಕು ಎನ್ನುವ ಬಯಕೆ ವ್ಯಕ್ತಪಡಿಸಿದ್ದರು.

ಕ್ವಾರಂಟೈನ್​ ಆಗ್ತಾರಾ ಕೊಹ್ಲಿ? ಪತ್ನಿ ಅನುಷ್ಕಾ ಶರ್ಮಾ ಗರ್ಭಿಣಿ.  ವೈದ್ಯರು ಅವರಿಗೆ ಇದೇ ಜನವರಿಯಲ್ಲಿ ಡೇಟ್ ಕೊಟ್ಟಿದ್ದಾರೆ. ಇಂಥ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ನೆಲದಿಂದ ನೇರವಾಗಿ ಆಸ್ಪತ್ರೆ/ಮನೆಗೆ ತೆರಳಿ ಅನುಷ್ಕಾ ಅವರನ್ನು ಭೇಟಿ ಆಗೋದು ಅಷ್ಟು ಉತ್ತಮವಲ್ಲ ಎನ್ನುವ ಆಲೋಚನೆ ವಿರಾಟ್​ ಕೊಹ್ಲಿಯದ್ದು. ಹೀಗಾಗಿ ಭಾರತಕ್ಕೆ ಹಿಂದಿರುಗಿದ ನಂತರ ಅವರು ಒಂದು ವಾರ ಕ್ವಾರಂಟೈನ್​ನಲ್ಲಿರುವ ಸಾಧ್ಯತೆ ಇದೆ. ಅಮ್ಮನಾಗಲಿರುವ ಅನುಷ್ಕಾ ಆರೋಗ್ಯ ದೃಷ್ಟಿಯಿಂದ ವಿರಾಟ್​ ಈ ರೀತಿಯ ನಿರ್ಧಾರಕ್ಕೆ ಬಂದಿದ್ದಾರೆ.

ಜನವರಿಯಲ್ಲಿ ಮಗುವಿಗೆ ಜನ್ಮ ನೀಡಲಿದ್ದಾರೆ ಅನುಷ್ಕಾ ಅನುಷ್ಕಾ ಶರ್ಮಾ- ವಿರಾಟ್ ಕೊಹ್ಲಿ ಮಗುವಿನ ನಿರೀಕ್ಷೆಯಲ್ಲಿರುವ ಬಗ್ಗೆ ಈ ಮೊದಲು ಘೋಷಣೆ ಮಾಡಿದ್ದರು. ಅದೇ ರೀತಿ ಜನವರಿಯಲ್ಲಿ ಮನೆಗೆ ಹೊಸ ಸದಸ್ಯನ ಆಗಮನವಾಗಲಿದೆ ಎಂದೂ ಹೇಳಿದ್ದರು. ಹೀಗಾಗಿ, ವಿರಾಟ್​ ಅನುಷ್ಕಾ ಜೊತೆ ಇದ್ದು ಅವರ ಲಾಲನೆ ಪಾಲನೆ ಮಾಡಿ, ಗಂಡನ ಕರ್ತವ್ಯ ಪೂರೈಸಲು ಕೊಹ್ಲಿ ಮುಂದಾಗಿದ್ದಾರೆ.

View this post on Instagram

A post shared by AnushkaSharma1588 (@anushkasharma)

ನಾಳೆ ವಿಮಾನ ಏರಲಿದ್ದಾರೆ ಕೊಹ್ಲಿ? ಆಸ್ಟ್ರೇಲಿಯಾದಲ್ಲಿ ಈಗ ರಾತ್ರಿ. ಹೀಗಾಗಿ, ಇಂದು ರಾತ್ರಿ ಅಲ್ಲಿಯೇ ವಿಶ್ರಮಿಸಿ ವಿರಾಟ್​ ಕೊಹ್ಲಿ ನಾಳೆ ವಿಮಾನ ಏರುವ ಸಾಧ್ಯತೆ ಇದೆ. ಒಂದು ವಾರಗಳ ಕಾಲೆ ಕ್ವಾರಂಟೈನ್​ನಲ್ಲಿ ಕಳೆದರೆ ಡಿಸೆಂಬರ್​ 27ರ ಸುಮಾರಿಗೆ ಅನುಷ್ಕಾ ಜೊತೆ ವಿರಾಟ್​ ಸೇರಲಿದ್ದಾರೆ. ನಂತರ ಒಂದು ತಿಂಗಳ ಕಾಲ ಅನುಷ್ಕಾ ಆರೈಕೆಯಲ್ಲಿ ಕೊಹ್ಲಿ ಕಳೆಯಲಿದ್ದಾರೆ. ಟೆಸ್ಟ್​ ಪಂದ್ಯ ಬೇಗ ಪೂರ್ಣ ಗೊಂಡಿರುವುದರಿಂದ ಎರಡು ದಿನ ಮುಂಚಿತವಾಗಿಯೇ ಅವರು ಮನೆ ಸೇರುವ ಸಾಧ್ಯತೆ ಇದೆ.

ಅನುಷ್ಕಾ ಶೀರ್ಷಾಸನ ಮಾಡಿದ್ರು ಅಂತ ನೀವೂ ಮಾಡೋಕೆ ಹೋಗಿ ಅಪಾಯ ಮೈ ಮೇಲೆ ಎಳ್ಕೋಬೇಡಿ! ವೈದ್ಯರು ಏನಂತಾರೆ?

Published On - 3:12 pm, Sat, 19 December 20