ವ್ಹೀಲಿಂಗ್ ಮಾಡ್ತಿದ್ದ 16 ಪುಂಡರು ಅರೆಸ್ಟ್, ಸೈಲೆನ್ಸರ್ ಅಂಗಡಿ ಮೇಲೆ ಪ್ರಕರಣ ದಾಖಲು

ಬೆಂಗಳೂರು: ನಗರದಲ್ಲಿ ಬೈಕ್ ವ್ಹೀಲಿಂಗ್ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಯುವಕರು ಬೆಟ್ಟಿಂಗ್ ಕಟ್ಟಿ, ಮೋಜು ಮಸ್ತಿ ಅಂತ ವ್ಹೀಲಿಂಗ್ ಮಾಡಿ ಆಸ್ಪತ್ರೆ ಸೇರುತ್ತಿದ್ದಾರೆ. ವೀಲಿಂಗ್ ಮಾಡೋ ಪುಂಡರ ಮೇಲೆ ಕಣ್ಣಿಟ್ಟಿರೋ ಬೆಂಗಳೂರಿನ ಬ್ಯಾಟರಾಯನಪುರ, ಕೆ.ಆರ್.ಪುರ, ಹೆಬ್ಬಾಳ ಬಸವನಗುಡಿ ಠಾಣೆಯ ಪೊಲೀಸರು ಒಂದೇ ವಾರದಲ್ಲಿ 16 ಜನರನ್ನು ಬಂಧಿಸಿದ್ದಾರೆ.

ಇರ್ಷಾದ್, ಉಮ್ರಾಜ್, ರವಿಕುಮಾರ್, ದ್ರಾವಿಡ್, ಪ್ರಶಾಂತ್, ರಂಜಿತ್, ರೆಹಮಾನ್ ಖಾನ್, ಸೈಯದ್ ಸುಲ್ತಾನ್, ಅರ್ಜುನ್, ಮರಿಲಿಂಗ ಸೇರಿ 16 ಜನರನ್ನು ಅರೆಸ್ಟ್ ಮಾಡಲಾಗಿದೆ. ಇನ್ನು ವೀಲಿಂಗ್ ಮಾಡೋ ಬಹುತೇಕರು ಅಧಿಕ ಸೌಂಡ್​ಗಾಗಿ ಸೈಲೆನ್ಸರ್ ಅಳವಡಿಕೆ ಮಾಡಿಕೊಂಡಿದ್ದಾರೆ. ಹೆಚ್ಚು ಸೌಂಡ್ ಬರುವ ಸೈಲೆನ್ಸರ್‌ಗಳು ಅಳವಡಿಕೆ ಹಿನ್ನೆಲೆಯಲ್ಲಿ ಸೈಲೆನ್ಸರ್ ಅಂಗಡಿ ಮೇಲೆ ಪ್ರಕರಣ ದಾಖಲಿಸುವಂತೆ ಬೆಂಗಳೂರು ಪೊಲೀಸ್ ಆಯುಕ್ತ ಕಮಲ್ ಪಂತ್ ಸೂಚನೆ ನೀಡಿದ್ದಾರೆ.