ಹೊಟ್ಟೆ ನೋವಿನ ಟಾನಿಕ್ ಎಂದು ತಿಳಿದು ಸ್ಯಾನಿಟೈಸರ್ ಕುಡಿದ ವೃದ್ಧ ಸಾವು, ಎಲ್ಲಿ?

ರಾಯಚೂರು: ಹೊಟ್ಟೆ ನೋವಿನ ಟಾನಿಕ್ ಎಂದು ಭಾವಿಸಿ ಹ್ಯಾಂಡ್​ ಸ್ಯಾನಿಟೈಜರ್ ಕುಡಿದ ವೃದ್ಧನೊಬ್ಬ ಸಾವನ್ನಪ್ಪಿರೋ ಘಟನೆ ಜಿಲ್ಲೆಯ ನೆಲಹಾಳದಲ್ಲಿ ಬೆಳಕಿಗೆ ಬಂದಿದೆ. 65 ವರ್ಷದ ಖಾಸಿಮ್​ ಸಾಬ್ ಸ್ಯಾನಿಟೈಸರ್​ ಕುಡಿದ ಮೃತ ವೃದ್ಧ ಎಂದು ತಿಳಿದುಬಂದಿದೆ. ಜುಲೈ 26ರಂದು ವಿಪರೀತ ಹೊಟ್ಟೆ ನೋವಿಂದ ಬಳಲ್ತಿದ್ದ ಖಾಸಿಮ್​ ಸಾಬ್ ಮನೆಯಲ್ಲಿ ಕಂಡ ಸ್ಯಾನಿಟೈಸರ್​ ಅನ್ನು ಟಾನಿಕ್​ ಎಂದು ತಿಳಿದು ಕುಡಿದಿದ್ದರು. ಕೂಡಲೆ ರಿಮ್ಸ್ ಆಸ್ಪತ್ರೆಗೆ ವೃದ್ಧನನ್ನು ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ವೃದ್ಧ ಕಳೆದ ರಾತ್ರಿ ಮೃತಪಟ್ಟಿದ್ದಾರೆ.