Redmi Note 10 ಸೀರಿಸ್​ ಮೊಬೈಲ್​ಗೆ 103 MP ಕ್ಯಾಮೆರಾ! ಕೈಗೆಟುಕುವ ದರ

ಭಾರತದ ಮಾರುಕಟ್ಟೆಗೆ ರೆಡ್​ಮಿ ನೋಟ್​ 10, ರೆಡ್​ಮಿ ನೋಟ್​ 10 ಪ್ರೋ, ರೆಡ್​ಮಿ ನೋಟ್​ 10 ಪ್ರೋ  ಮ್ಯಾಕ್ಸ್ ಗುರುವಾರ ಲಾಂಚ್​ ಆಗಿದೆ. ಕಳೆದ ವರ್ಷ ರಿಲೀಸ್​ ಆಗಿದ್ದ ರೆಡ್​ಮಿ ನೋಟ್​ 9 ಭಾರತದಲ್ಲಿ ಯಶಸ್ಸು ಕಂಡಿತ್ತು, ಇದಾದ ಬೆನ್ನಲ್ಲೇ ರೆಡ್​ಮಿ ನೋಟ್​ 10 ಸರಣಿ ರಿಲೀಸ್​ ಆಗಿದೆ. ಈ ಸೀರೀಸ್​ ಮೊಬೈಲ್​​ಗಳಲ್ಲಿ AMOLED ಡಿಸ್​ಪ್ಲೇ ಇರೋದು ವಿಶೇಷ. ರೆಡ್​ಮಿ ನೋಟ್​ 10 ಸಾಕಷ್ಟು ಆಯ್ಕೆಗಳನ್ನು ಹೊಂದಿದೆ. ರಿಫ್ರೆಶ್​ ರೇಟ್ ​60Hz ಮತ್ತು 48 ಮೆಗಾಪಿಕ್ಸೆಲ್​ ಪ್ರೈಮರಿ ಕ್ಯಾಮೆರಾ, 13 ಮೆಗಾ ಪಿಕ್ಸೆಲ್​ ಫ್ರಂಟ್​ ಕ್ಯಾಮೆರಾವನ್ನು ಇದು ಹೊಂದಿದೆ. ಇದರ ಜತೆಗೆ, 6.43 ಇಂಚಿನ ಎಚ್​​ಡಿ ಡಿಸ್​​ಪ್ಲೇ ಇದೆ. ರೆಡ್​ಮಿ ನೋಟ್​ 10 ಪ್ರೋ ಹಾಗೂ ರೆಡ್​ಮಿ ನೋಟ್​ 10 ಪ್ರೋ ಮ್ಯಾಕ್ಸ್​ ರಿಫ್ರೆಶ್​ ರೇಟ್​ 120Hz ಇದ್ದು, 108 ಮೆಗಾಫಿಕ್ಸೆಲ್​ ಪ್ರೈಮರಿ ಕ್ಯಾಮೆರಾ ಇದೆ. ರೆಡ್​ಮಿ ನೋಟ್​ 10 ಸೀರಿಸ್​ 33ಡಬ್ಲ್ಯು ವೇಗದ ಚಾರ್ಜಿಂಗ್​ ಮತ್ತು ಭವಿಷ್ಯದಲ್ಲಿ MIUI 12.5 ಸಾಫ್ಟ್​ವೇರ್​ ಅಪ್​ಡೇಟ್ ಆಯ್ಕೆ ಸಿಗಲಿದೆ.

ಭಾರತದ ಮಾರುಕಟ್ಟೆಯಲ್ಲಿ ಬೆಲೆ.. Redmi Note 10 4GB RAM + 64GB ಸ್ಟೋರೆಜ್​ ಇರುವ ರೆಡ್​ಮಿ ನೋಟ್​ 10 ಬೆಲೆ ಭಾರತದಲ್ಲಿ 11,999 ರೂಪಾಯಿ. 6GB RAM + 128GB ಸ್ಟೋರೆಜ್​ ಮಾಡೆಲ್​ಗೆ 13,999 ರೂಪಾಯಿ. ಅಕ್ವಾ ಹಸಿರು, ಫ್ರಾಸ್ಟ್ ವೈಟ್ ಮತ್ತು ಶ್ಯಾಡೋ ಕಪ್ಪು ಬಣ್ಣದ ಆಯ್ಕೆ ಸಿಗಲಿದೆ. Redmi Note 10 Pro 6GB RAM + 64GB ಸ್ಟೋರೆಜ್​ 15,999 ರೂಪಾಯಿ. 6GB RAM + 128GB ಸ್ಟೋರೆಜ್​ 16,999. 8GB RAM + 128GB ಸ್ಟೋರೆಜ್​ 18,999 ರೂಪಾಯಿ ಇರಲಿದೆ. Redmi Note 10 Pro Max 6GB RAM + 64GB ಸ್ಟೋರೆಜ್​ 18,999 ರೂಪಾಯಿ. 6GB RAM + 128GB ಸ್ಟೋರೆಜ್​ 19,999 ರೂಪಾಯಿ. 8GB RAM + 128GB ಸ್ಟೋರೆಜ್​ 21,999 ರೂಪಾಯಿ.

ಎಲ್ಲೆಲ್ಲಿ ಲಭ್ಯ? ರೆಡ್​ಮಿ ಸೀರಿಸ್​ ಮೊಬೈಲ್​ಗಳು ಅಮೆಜಾನ್​, ಎಂಐ.ಕಾಮ್​, ಎಂಐ ಹೋಮ್​ ಸ್ಟೋರ್ಸ್​ ಮತ್ತು ಕೆಲ ಮೊಬೈಲ್​ ಅಂಗಡಿಗಳಲ್ಲಿ ಲಭ್ಯವಿದೆ. ಮಾರ್ಚ್​ 16ರಿಂದ ರೆಡ್​ಮಿ ನೋಟ್​ 10, ಮಾರ್ಚ್​ 17ರಿಂದ ರೆಡ್​​ಮಿ ನೋಟ್​ 10 ಪ್ರೋ ಹಾಗೂ ಮಾರ್ಚ್​​ 18ರಿಂದ ರೆಡ್​ಮಿ ನೋಟ್​ 10 ಪ್ರೋ ಮ್ಯಾಕ್ಸ್​ ಲಭ್ಯವಿದೆ.

ಭಾರೀ ಡಿಸ್ಕೌಂಟ್​.. ಆನ್​ಲೈನ್​ಲ್ಲಿ ಮೊಬೈಲ್​ ಖರೀದಿ ಮಾಡಿದರೆ ನಿಮಗೆ ಡಿಸ್ಕೌಂಟ್​ ಸಿಗಲಿದೆ. ಐಸಿಐಸಿಐ ಕ್ರೆಡಿಟ್​ ಕಾರ್ಡ್​ ಮೂಲಕ ಮೊಬೈಲ್​ ಖರೀದಿಸಿದರೆ ಗರಿಷ್ಠ 1,500 ರೂಪಾಯಿವರೆಗೆ ಡಿಸ್ಕೌಂಟ್​ ಸಿಗಲಿದೆ.

ಇದನ್ನೂ ಓದಿ: 10 ಸಾವಿರ ರೂಪಾಯಿ ಒಳಗೆ ಸಿಗೋ ಅತ್ಯುತ್ತಮ ಮೊಬೈಲ್​​ಗಳು ಯಾವುವು? ಇಲ್ಲಿದೆ ಮಾಹಿತಿ

Published On - 4:39 pm, Thu, 4 March 21