ಕಡಿಮೆ ಬೆಲೆಯಲ್ಲಿ ಲ್ಯಾಪ್ಟಾಪ್ ನೀಡಲಿದೆ ಜಿಯೋ! ಮಾರುಕಟ್ಟೆಯಲ್ಲಿ ಹೊಸ ಸಂಚಲನ

ಜಿಯೋ ಮೊಬೈಲ್ ಕಡಿಮೆ ದರದಲ್ಲಿ ಮಾರುಕಟ್ಟೆಗೆ ಕಾಲಿಟ್ಟಿತ್ತು. ಆಗ, ಸಾಕಷ್ಟು ಮಂದಿ ಈ ಮೊಬೈಲ್ ಖರೀದಿಗೆ ಆದ್ಯತೆ ನೀಡಿದ್ದರು. ಈಗ ಲ್ಯಾಪ್ಟಾಪ್ ಕೂಡ ಕಡಿಮೆ ದರದಲ್ಲಿ ಸಿಗುವ ಸುದ್ದಿ ಹೊರ ಬಿದ್ದಿರುವುದರಿಂದ ಜನರು ಸಾಕಷ್ಟು ಕಾತುರರಾಗಿ ಕಾಯುತ್ತಿದ್ದಾರೆ.

ಜಿಯೋ 888 ರೂ. ಪ್ಲ್ಯಾನ್: ಜಿಯೋ ಪ್ರಿಪೇಯ್ಡ್ ಬಳಕೆದಾರರಿಗೆ 888 ರೂ. ಪ್ರಿಪೇಯ್ಡ್ ರೀಚಾರ್ಜ್ ಆಯ್ಕೆ ನೀಡಿದ್ದು, ಇದರ ವಾಲಿಡಿಟಿ 84 ದಿನಗಳು. ಈ ಪ್ಲ್ಯಾನ್ನಲ್ಲೂ ಅನಿಯಮಿತ ಕರೆ ಹಾಗೂ ಪ್ರತಿ ದಿನ 2GB ಡೇಟಾ ಸಿಗಲಿದೆ. ಇನ್ನು ಬೋನಸ್ ಆಗಿ 5 ಜಿಬಿ 4 ಜಿ ಡೇಟಾವನ್ನು ಕೂಡ ನೀಡಲಿದೆ. ಅದರೊಂದಿಗೆ ಒಂದು ವರ್ಷದ ಡಿಸ್ನಿ+ ಹಾಟ್‌ಸ್ಟಾರ್ ಉಚಿತ ಚಂದಾದಾರಿಕೆ, ಜಿಯೋ ಟಿವಿ, ಜಿಯೋ ಸಿನಿಮಾ, ಜಿಯೋನ್ಯೂಸ್, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋಕ್ಲೌಡ್ ಪ್ರವೇಶ ಪಡೆಯಬಹುದು.

ರಾಜೇಶ್ ದುಗ್ಗುಮನೆ | Edited By: ಮದನ್ ಕುಮಾರ್|
Updated on: Mar 11, 2021 | 4:54 PM

ಮೊಟ್ಟ ಮೊದಲ ಬಾರಿಗೆ ಉಚಿತವಾಗಿ ಇಂಟರ್ನೆಟ್ ನೀಡುವ ಮೂಲಕ ಟೆಲಿಕಾಂ ಕ್ಷೇತ್ರದಲ್ಲಿ ಹೊಸ ಕ್ರಾಂತಿಗೆ ನಾಂದಿ ಹಾಡಿದ ಕೀರ್ತಿ ರಿಲಯನ್ಸ್ ಒಡೆತನದ ಜಿಯೋಗೆ ಸಲ್ಲುತ್ತದೆ. ನಂತರ ಕಡಿಮೆ ಬೆಲೆಯಲ್ಲಿ ಮೊಬೈಲ್ ನೀಡುವ ಕೆಲಸವನ್ನು ಕೂಡ ಜಿಯೋ ಮಾಡಿತ್ತು. ಈಗ ಲ್ಯಾಪ್ಟಾಪ್ ಕ್ಷೇತ್ರಕ್ಕೂ ಜಿಯೋ ಕಾಲಿಡಲು ಸಿದ್ಧತೆ ನಡೆಸಿದೆ! ಮೂಲಗಳ ಪ್ರಕಾರ, ಜಿಯೋ ಶೀಘ್ರವೇ ಕಡಿಮೆ ಬೆಲೆಯಲ್ಲಿ ಲ್ಯಾಪ್ಟಾಪ್ ನೀಡಲಿದೆಯಂತೆ. JioBook ಹೆಸರಿನಲ್ಲಿ ಲ್ಯಾಪ್ಟಾಪ್ಅನ್ನು ಮಾರುಕಟ್ಟೆಗೆ ಬಿಡಲು ಜಿಯೋ ಮುಂದಾಗಿದೆ. ಈ ಲ್ಯಾಪ್ಟಾಪ್ ಫೋರ್ಕ್ಡ್ ಆ್ಯಂಡ್ರಾಯ್ಡ್ ಆಧರಿಸಿ ಸಿದ್ಧಗೊಳ್ಳುತ್ತಿದೆ. ಜಿಯೋ ಆ್ಯಪ್ಗಳು ಇದರಲ್ಲಿ ಇನ್ಬಿಲ್ಟ್ ಆಗಿ ಸೇವ್ ಆಗಿರುತ್ತವೆ. ಅಲ್ಲದೆ, 4G LTE ಕೂಡ ಈ ಲ್ಯಾಪ್ಟಾಪ್ಗೆ ಸಪೋರ್ಟ್ ಆಗಲಿದೆ.

ಜಿಯೋ ಮೊಬೈಲ್ ಕಡಿಮೆ ದರದಲ್ಲಿ ಮಾರುಕಟ್ಟೆಗೆ ಕಾಲಿಟ್ಟಿತ್ತು. ಆಗ, ಸಾಕಷ್ಟು ಮಂದಿ ಈ ಮೊಬೈಲ್ ಖರೀದಿಗೆ ಮುಗಿಬಿದ್ದಿದ್ದರು. ಈಗ ಲ್ಯಾಪ್ಟಾಪ್ ಕೂಡ ಕಡಿಮೆ ದರದಲ್ಲಿ ಸಿಗುವ ಸುದ್ದಿ ಹೊರ ಬಿದ್ದಿರುವುದರಿಂದ ಜನರು ಸಾಕಷ್ಟು ಕಾತುರರಾಗಿ ಕಾಯುತ್ತಿದ್ದಾರೆ.

ಜಿಯೋ ಬುಕ್ ವಿಶೇಷತೆಗಳು ಹೀಗಿರಬಹುದೇ… ಜಿಯೋ ಬುಕ್ ಯಾವ ರೀತಿಯಲ್ಲಿ ಇರಬಹುದು, ಅದರ ವೈಶಿಷ್ಟ್ಯಗಳೇನು ಎನ್ನುವ ಬಗ್ಗೆ ಚರ್ಚೆ ನಡೆಯುತ್ತಿದೆ. ಮೂಲಗಳ ಪ್ರಕಾರ, JioBook ಸ್ಕ್ರೀನ್ 1,366×768 ರೆಸಲ್ಯೂಷನ್ ಹೊಂದಿರಲಿದ್ದು, Qualcomm Snapdragon 665 ಎಸ್ಒಸಿ ಇರಲಿದೆ. 2ಜಿಬಿ RAM 32 ಜಿಬಿ ಸ್ಟೋರೆಜ್ ಅನ್ನು ಇದು ಹೊಂದಿರಲಿದೆ. ಇದರ ಜತೆಗೆ, ಲ್ಯಾಪ್ಟಾಪ್ನಲ್ಲಿ ಬ್ಲ್ಯೂಟೂತ್ ಹಾಗೂ ವೈ-ಫೈ ಆಯ್ಕೆ ಕೂಡ ಸಿಗಲಿದೆ. ಈ ಲ್ಯಾಪ್ಟಾಪ್ನಲ್ಲಿ ಜಿಯೋಸ್ಟೋರ್, ಜಿಯೋ ಮೀಟ್, ಜಿಯೋ ಪೇಜ್ಗಳು ಮೊದಲೇ ಇನ್ಸ್ಟಾಲ್ ಆಗಿರಲಿವೆ. ಇದರ ಜತೆಗೆ ಮೈಕ್ರೋಸಾಫ್ಟ್ ಆ್ಯಪ್ಗಳು ಕೂಡ ಇದರಲ್ಲಿ ಇನ್ಸ್ಟಾಲ್ ಮಾಡಿಕೊಳ್ಳಲು ಅವಕಾಶ ಇದೆ.

ಬೆಲೆ ವಿಚಾರಕ್ಕೆ ಬರುವುದಾದರೆ, ಈ ಲ್ಯಾಪ್ಟಾಪ್ಗಳು ಮಾರುಕಟ್ಟೆಗೆ ಕಡಿಮೆ ದರದಲ್ಲಿ ಸಿಗಲಿದೆ ಎಂಬ ಮಾಹಿತಿ ಅಷ್ಟೇ ಹೊರ ಬಿದ್ದಿದ್ದು, ಖಚಿತ ಬೆಲೆಯ ಬಗ್ಗೆ ತಿಳಿದಿಲ್ಲ. ಇದು ಯಾವಾಗ ಮಾರುಕಟ್ಟೆಗೆ ಬರುತ್ತದೆ ಎನ್ನುವ ಬಗ್ಗೆಯೂ ಸ್ಪಷ್ಟ ಚಿತ್ರಣವಿಲ್ಲ. ಕೊರೊನಾ ವೈರಸ್ ಕಾಣಿಸಿಕೊಂಡ ನಂತರ ಲ್ಯಾಪ್ಟಾಪ್ಗೆ ಬೇಡಿಕೆ ಹೆಚ್ಚಿದೆ. ಮನೆಯಿಂದ ಕೆಲಸ ಮಾಡಲು, ವಿದ್ಯಾರ್ಥಿಗಳಿಗೆ ಆನ್ಲೈನ್ ಶಿಕ್ಷಣ ಪಡೆಯಲು ಲ್ಯಾಪ್ಟಾಪ್ ಬಳಕೆ ಆಗುತ್ತಿದೆ. ಇದನ್ನು, ಜಿಯೋ ಗಮನಿಸಿದ್ದು, ಆದಷ್ಟು ಬೇಗ ಈ ಕ್ಷೇತ್ರಕ್ಕೆ ಲಗ್ಗೆ ಇಡುವ ಆಲೋಚನೆ ಸಂಸ್ಥೆಯದ್ದು.

ಇದನ್ನೂ ಓದಿ: WhatsApp: ವಾಟ್ಸ್ಆ್ಯಪ್ ಬಳಕೆದಾರರಿಗೆ ಸಿಹಿಸುದ್ದಿ; ಡೆಸ್ಕ್ಟಾಪ್ ಆ್ಯಪ್ ಮೂಲಕವೂ ವಿಡಿಯೋ, ವಾಯ್ಸ್ ಕಾಲ್ ಸೌಲಭ್ಯ

LIVETV

Rajesh Duggumane

ಪತ್ರಿಕೋದ್ಯಮಕ್ಕೆ ಕಾಲಿಟ್ಟು 9 ವರ್ಷ. ಸಂಯುಕ್ತ ಕರ್ನಾಟಕ, ವಿಜಯವಾಣಿ, ನ್ಯೂಸ್18 ಕನ್ನಡದಲ್ಲಿ ಕೆಲಸ ಮಾಡಿದ ಅನುಭವ ಇದೆ. ಈಗ ಟಿವಿ9 ಕನ್ನಡ ಡಿಜಿಟಲ್ನಲ್ಲಿ ಬರಹ ಕೃಷಿ ಮುಂದುವರಿಸಿದ್ದೇನೆ. ಸಿನಿಮಾ ರಂಗದ ಬಗ್ಗೆ ಮೊದಲಿನಿಂದಲೂ ಆಸಕ್ತಿ. ಅದರ ಜೊತೆ ಬರವಣಿಗೆಯೂ ಸೇರಿತು. ಈಗ ಅದುವೇ ಕಾಯಕ. ಸಿನಿಮಾ ವಿಮರ್ಶೆ, ಚಿತ್ರರಂಗದ ಗಾಸಿಪ್, ಹೊಸ ಸಿನಿಮಾ ಬಗ್ಗೆ ಅಪ್ಡೇಟ್ ನನ್ನ ಕಡೆಯಿಂದ. ಟ್ರಾವೆಲಿಂಗ್ ಕಡೆ ಹೆಚ್ಚು ಆಸಕ್ತಿ. ಓದುವುದು ಎಂದರೆ ಹುಚ್ಚು. ಸಿನಿಮಾ ನೋಡುವುದೂ ಆಸಕ್ತಿಗಳಲ್ಲಿ ಒಂದು. ಹಲವು ಸಿನಿಮಾ ನೋಡಿ ಈಗಾಗಲೇ ವಿಮರ್ಶೆ ಮಾಡಿ ನಿಮ್ಮ ಮುಂದಿಟ್ಟಿದ್ದೇನೆ.