ಕರ್ತವ್ಯಕ್ಕೆ ಮರಳಿದ CCB ತನಿಖಾಧಿಕಾರಿ ಶಿವಪ್ರಕಾಶ್, ಅನುಶ್ರೀಗೆ ಮತ್ತೆ ಬುಲಾವ್ ಸಾಧ್ಯತೆ

ದಕ್ಷಿಣ ಕನ್ನಡ: ಌಂಕರ್​ ಅನುಶ್ರೀ ಪ್ರಕರಣಕ್ಕೆ ಸಂಬಂಧಿಸಿ ಟಿವಿ 9 ವರದಿಯಿಂದ ಎಚ್ಚೆತ್ತ ರಾಜ್ಯ ಸರ್ಕಾರ ತನಿಖಾಧಿಕಾರಿಗಳಿಗೆ ಯಾವುದೇ ಒತ್ತಡಕ್ಕೆ ಮಣಿಯದಂತೆ ಸೂಚಿಸಿದೆ. ಈ ನಿಟ್ಟಿನಲ್ಲಿ ಪ್ರಕರಣದ ತನಿಖೆ‌ ಮತ್ತೆ ಚುರುಕುಗೊಂಡಿದೆ.

ಪೊಲೀಸ್ ಇಲಾಖೆಗೆ ತನಿಖೆ ನಡೆಸಲು ಸರ್ಕಾರ ಫ್ರೀಹ್ಯಾಂಡ್ ಕೊಟ್ಟಿದೆ. ಯಾರೇ ಪ್ರಭಾವಿ ಹೇಳಿದ್ರೂ ತನಿಖೆಯ ಹಾದಿ ತಪ್ಪದಂತೆ ನೋಡಿಕೊಳ್ಳಿ ಅಂತಾ ಮಂಗಳೂರು ಪೊಲೀಸ್ ಇಲಾಖೆಗೆ ಸರ್ಕಾರ ಸೂಚಿಸಿದೆ.

ಇದರಿಂದ ಪ್ರಕರಣದ ತನಿಖಾಧಿಕಾರಿ ಸಿಸಿಬಿ ಇನ್​ಸ್ಪೆಕ್ಟರ್​ ಶಿವಪ್ರಕಾಶ್ ನಾಯಕ್​ ತನಿಖೆಯನ್ನು ಮತ್ತಷ್ಟು ಚುರುಕುಗೊಳಿಸಿದ್ದಾರೆ. ಶಿವಪ್ರಕಾಶ್ ಈ ಪ್ರಕರಣದ ತನಿಖಾಧಿಕಾರಿ. ಈ ಹಿಂದೆ, ಕೆಲ ಪ್ರಭಾವಿಗಳು ಅವರನ್ನೇ ಎತ್ತಂಗಡಿ ಮಾಡಿಸಲು ಮುಂದಾಗಿದ್ದರು. ಆದರೆ, ಇಂದು ಮತ್ತೆ ತನಿಖೆಗೆ ಇಳಿದ ತನಿಖಾಧಿಕಾರಿ ಌಂಕರ್​ ಅನುಶ್ರೀ ಫೈಲ್ ಕೈಗೆತ್ತಿಕೊಂಡು ತನಿಖೆ ಆರಂಭಿಸಿದ್ದಾರೆ.

ಌಂಕರ್​ ಅನುಶ್ರೀಗೆ ಮತ್ತೆ ನೋಟಿಸ್ ಕೊಡೋ ಸಾಧ್ಯತೆ ಸಹ ಇದೆ ಎಂದು ತಿಳಿದುಬಂದಿದೆ. ಹಾಗಾಗಿ, ಮಾಜಿ ಸಿಎಂ ಒಬ್ಬರಿಗೆ ಇದರಿಂದ ಭಾರಿ ಆತಂಕ ಶುರುವಾಗಿದೆಯಂತೆ.

ರಿಯಾಲಿಟಿ ಸ್ಟಾರ್​ಗೆ ‘ಅನು’ಮಾನದ ಮಾಜಿಗಳೇ ಆಪ್ತರಕ್ಷಕರಾ?