ಕೊರೊನಾ ವರದಿಗಾಗಿ ಆಸ್ಪತ್ರೆ ಅಲೆದು ಅಲೆದು ಸುಸ್ತಾದ ಯುವತಿ

ಬೆಂಗಳೂರು: ಕೊರೊನಾದಿಂದ ಈಗಾಗಲೇ ನೊಂದಿರೋ ಮಂದಿಗೆ ಈ ಆಸ್ಪತ್ರೆಗಳು ಮತ್ತಷ್ಟು ನೋವನುಂಟು ಮಾಡುತ್ತಿವೆ. ಆಸ್ಪತ್ರೆಗಳ ನಿರ್ಲಕ್ಷ್ಯಕ್ಕೆ ಇನ್ನೂ ಬ್ರೇಕ್ ಬಿದ್ದಿಲ್ಲ. ಕೊರೊನಾ ವರದಿಗಾಗಿ ಯುವತಿ ಕಳೆದ ಒಂದು ವಾರದಿಂದ ಆಸ್ಪತ್ರೆಗೆ ಅಲೆದಾಡುತ್ತಿದ್ದಾರೆ. ಆದರೆ ಆಸ್ಪತ್ರೆ ಸಿಬ್ಬಂದಿ ಮಾತ್ರ ಇದಕ್ಕೆ ತಲೆ ಕೆಡಿಸಿಕೊಳ್ಳುತ್ತಿಲ್ಲ.

ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯಲ್ಲಿರುವ ಅಪೋಲೊ ಆಸ್ಪತ್ರೆಯಲ್ಲಿ ಯುವತಿ ಶನಿವಾರವೇ ಕೊರೊನಾ ಟೆಸ್ಟ್ ಮಾಡಿಸಿದ್ದರು. ಕಳೆದ 5 ದಿನಗಳಿಂದ ಆಸ್ಪತ್ರೆಗೆ ಅಲೆದು ಅಲೆದು ಸುಸ್ತಾಗಿದ್ದಾರೆ. 1 ವಾರ ಕಳೆದರೂ ಈವರೆಗೂ ವರದಿ ಕೊಡದೇ ಸತಾಯಿಸ್ತಿದ್ದಾರೆಂದು ಯುವತಿ ಆರೋಪಿಸಿದ್ದಾರೆ.

ಈ ರೀತಿ ಆಸ್ಪತ್ರೆಗಳು ರಿಪೋರ್ಟ್ ಕೊಡಲು ಸತಾಯಿಸುವುದರಿಂದಲೇ ಸೋಂಕು ಮತ್ತಷ್ಟು ಬಲಿಷ್ಠವಾಗುತ್ತಿದೆ. ಸೋಂಕಿತರು ತಮಗೆ ಸೋಂಕು ತಗುಲಿರುವುದರ ಬಗ್ಗೆ ತಿಳಿಯದೇ ಎಲ್ಲಾ ಕಡೆ ಸುತ್ತಾಡುತ್ತಿದ್ದಾರೆ. ಸಮಯ ಮೀರಿದ್ರೆ ಸೋಂಕಿಗೆ ಬಲಿಯಾಗುತ್ತಿದ್ದಾರೆ.