ಯುವಕರಾಗಿ ಉಳಿಯಲು ಬಯಸುವಿರಾ? ಈ ಆಹಾರವು ವಯಸ್ಸಾಗುವಿಕೆಯನ್ನು ನಿಧಾನಗೊಳಿಸಬಹುದು

ತೂಕ ನಷ್ಟಕ್ಕೆ ಕಡಿಮೆ ಕ್ಯಾಲೋರಿ ಆಹಾರವನ್ನು ಹೆಚ್ಚಾಗಿ ಶಿಫಾರಸು ಮಾಡಲಾಗುತ್ತದೆ . ಆದಾಗ್ಯೂ, ಈ ಆಹಾರವು ವಯಸ್ಸಾಗುವಿಕೆಯನ್ನು ನಿಧಾನಗೊಳಿಸುತ್ತದೆ ಮತ್ತು ಹೆಚ್ಚು ಚೈತನ್ಯವನ್ನು ನೀಡುತ್ತದೆ. ನೇಚರ್ ಏಜಿಂಗ್ ಜರ್ನಲ್‌ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಕಡಿಮೆ ಕ್ಯಾಲೊರಿಗಳಿರುವ ಆಹಾರ ಸೇವಿಸುವುದು ವಯಸ್ಸಾಗುವಿಕೆಯನ್ನು ನಿಧಾನಗೊಳಿಸುತ್ತದೆ ಮತ್ತು ಆರೋಗ್ಯವಂತ ವಯಸ್ಕರಲ್ಲಿ ದೀರ್ಘಾಯುಷ್ಯವನ್ನು ಹೆಚ್ಚಿಸುತ್ತದೆ ಎಂದು ತಿಳಿದುಬಂದಿದೆ. ನ್ಯೂಯಾರ್ಕ್ ನಗರದ ಕೊಲಂಬಿಯಾ ವಿಶ್ವವಿದ್ಯಾಲಯದ ಮೇಲ್‌ಮ್ಯಾನ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್‌ನಲ್ಲಿ ಹಿರಿಯ ಲೇಖಕ ಡಾನ್ ಬೆಲ್ಸ್ಕಿ, ಪ್ರಕಾರ ಕ್ಯಾಲೋರಿ-ನಿರ್ಬಂಧಿತ ಆಹಾರವು ಗಮನಾರ್ಹ ಆರೋಗ್ಯವನ್ನು ಹೊಂದಿದೆ ಎಂದು ಬಹಿರಂಗಪಡಿಸಿದ್ದಾರೆ.

ಪ್ರಯೋಗದ ಸಮಯದಲ್ಲಿ, ಕ್ಯಾಲೋರಿ-ನಿರ್ಬಂಧಿತ ಗುಂಪಿನಲ್ಲಿರುವ ಜನರಿಗೆ ಮೊದಲ ತಿಂಗಳು ಪ್ರತಿ ದಿನ ಮೂರು ಸಿದ್ಧಪಡಿಸಿದ ಊಟವನ್ನು ನೀಡಲಾಯಿತು. ಇದಲ್ಲದೆ, ಅವರಿಗೆ ಮೊದಲ 24 ವಾರಗಳಲ್ಲಿ ಆಹಾರದ ಬಗ್ಗೆ ಸಲಹೆಯನ್ನು ಸಹ ನೀಡಲಾಯಿತು. ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಏಜಿಂಗ್‌ನಲ್ಲಿ ಜೆರಿಯಾಟ್ರಿಕ್ಸ್ ನಿರ್ದೇಶಕ ಡಾ. ಇವಾನ್ ಹ್ಯಾಡ್ಲಿ ಪ್ರಕಾರ, ಕ್ಯಾಲೋರಿ-ನಿರ್ಬಂಧದ ಗುಂಪಿನಲ್ಲಿನ ಹೆಚ್ಚಿನ ಜನರು ತಮ್ಮ ದೈನಂದಿನ ಕ್ಯಾಲೊರಿ ಸೇವನೆಯನ್ನು ಸುಮಾರು 12 ಪ್ರತಿಶತದಷ್ಟು ಕಡಿತಗೊಳಿಸಿದ್ದಾರೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮಳೆಗಾಲದಲ್ಲಿ ಕಾಲ್ಬೆರಳುಗಳ ನಡುವೆ ಉಂಟಾಗುವ ಸೋಂಕು ನಿವಾರಣೆಗೆ ಸಲಹೆ ಇಲ್ಲಿದೆ

ಕಾಲಾನಂತರದಲ್ಲಿ ರಕ್ತದಲ್ಲಿನ ಕೆಲವು ಡಿಎನ್‌ಎ ಬಯೋಮಾರ್ಕರ್‌ಗಳು ಹೇಗೆ ಬದಲಾಗುತ್ತವೆ ಎಂಬುದನ್ನು ನೋಡಲು ಸಂಶೋಧಕರು ಸಾಮಾನ್ಯ ಆಹಾರಕ್ರಮದಲ್ಲಿರುವ ಜನರಿಗೆ ಹೋಲಿಸಿದರೆ ತಮ್ಮ ಕ್ಯಾಲೊರಿಗಳನ್ನು ಕಡಿತಗೊಳಿಸಿರುವ ಜನರು ತಮ್ಮ ವಯಸ್ಸಾಗುವಿಕೆಯ ವೇಗವನ್ನು 2 ರಿಂದ 3 ಪ್ರತಿಶತದಷ್ಟು ನಿಧಾನಗೊಂಡಿದೆ. ಜೊತೆಗೆ ಕೆಲವು ಕ್ಯಾಲೋರಿ ನಿರ್ಬಂಧಗಳು ದೀರ್ಘಾವಧಿ ಮತ್ತು ಆರೋಗ್ಯಕರ ಜೀವನವನ್ನು ಒಳಗೊಂಡಂತೆ ಆರೋಗ್ಯ ಪ್ರಯೋಜನಗಳನ್ನು ಉತ್ತೇಜಿಸುತ್ತದೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: