Health Care Tips : ಪದೇ ಪದೇ ಬಾಯಿ ಆಕಳಿಸುತ್ತೀರಾ? ಹೀಗೆ ಮಾಡಿ, ಆಕಳಿಕೆ ನಿಮ್ಮ ಹತ್ತಿರ ಸುಳಿಯುವುದಿಲ್ಲ

ಯಾವುದೋ ಕೆಲಸದಲ್ಲಿ ಬ್ಯುಸಿಯಾಗಿದ್ದಾಗ, ಟಿವಿ ನೋಡುತ್ತಿದ್ದಾಗ, ಪುಸ್ತಕ ಓದುತ್ತಿದ್ದಾಗ ಒಂದೇ ಸಮನೆ ಆಕಳಿಕೆಯು ಬರುತ್ತದೆ. ಒಬ್ಬರು ಆಕಳಿಸುವುದನ್ನು ನೋಡಿದರೆ ಸಾಕು ಆಕಳಿಕೆಯು ಬಂದು ಬಿಡುತ್ತದೆ. ಆದರೆ ಕೆಲವರಂತು ಸಾರ್ವಜನಿಕ ಸ್ಥಳಗಳಲ್ಲಿದ್ದಾಗ ಆಕಳಿಕೆಯನ್ನು ತಡೆಯುತ್ತಾರೆ. ಅದಲ್ಲದೇ, ಪದೇ ಪದೇ ಬಾಯಿ ತೆರೆದು ಆಕಳಿಸುವುದರಿಂದ ಮುಜುಗರ ಆಗುವುದೇ ಹೆಚ್ಚು.

* ತಂಪು ಪಾನೀಯ ಕುಡಿಯಿರಿ : ತಂಪು ಪಾನೀಯ ಅಥವಾ ಹಣ್ಣಿನ ರಸವನ್ನು ಕುದಿಯುವುದರಿಂದ ದೇಹಕ್ಕೆ ಆಗಿರುವ ಸುಸ್ತು ದೂರವಾಗಿ ಆಕಳಿಕೆ ಬರುವುದು ನಿಲ್ಲುತ್ತದೆ.

* ಧೀರ್ಘವಾಗಿ ಉಸಿರು ತೆಗೆದುಕೊಳ್ಳಿ : ದೀರ್ಘ ಉಸಿರು ತೆಗೆದುಕೊಳ್ಳುವುದರಿಂದ ರಕ್ತ ಪರಿಚಲನೆ ಸರಾಗವಾಗಿ ಆಗುತ್ತದೆ. ಅದಲ್ಲದೇ ಜೀವಕೋಶಗಳಿಗೆ ಆಮ್ಲಜನಕದ ಪೂರೈಕೆಯಾಗಿ ದೇಹದ ಆಯಾಸವು ಕಡಿಮೆಯಾಗುತ್ತದೆ.

* ಮುಖವನ್ನು ತೊಳೆಯುತ್ತ ಇರಿ : ನಿದ್ದೆ ಬರುವಂತಿದ್ದರೆ ಆಗಾಗ ಆಕಳಿಕೆಯು ಬರುತ್ತದೆ. ನಿಮಗೂ ಕೂಡ ಅದೇ ರೀತಿ ಆಗುತ್ತಿದ್ದರೆ ಮುಖಕ್ಕೆ ನೀರು ಹಾಕಿ ಬಂದರೆ ಮೂಡ್ ಫ್ರೆಶ್ ಆಗಿ ನಿದ್ದೆಯು ಬರುವುದಿಲ್ಲ.

* ಐದು ನಿಮಿಷ ವಾಕ್ ಮಾಡಿ : ಕುಳಿತುಕೊಂಡರೆ ಸಾಕು ಆಕಳಿಕೆಯು ಬರುತ್ತಿದೆ ಎಂದಾದರೆ ಐದರಿಂದ ಹತ್ತು ನಿಮಿಷಗಳ ವಾಕ್ ಮಾಡುವುದು ಒಳ್ಳೆಯದು. ಇದರಿಂದ ದೇಹಕ್ಕಾದ ಸುಸ್ತು ಹಾಗೂ ಆಯಾಸವು ದೂರವಾಗಿ ಆಕಳಿಕೆ ಬರುವುದು ನಿಲ್ಲುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ