ಗಂಡಸರಿಗೆ ಹೇಗೆ ಮಾತನಾಡಿಸಬೇಕು ಎಂಬುದೇ ಗೊತ್ತಿಲ್ಲವಂತೆ; ಅದಕ್ಕೆ 400 ಮಂದಿ ಪ್ರಪೋಸ್ ಮಾಡಿದರೂ ಒಲ್ಲೆ ಎಂದಿರುವ 55 ವರ್ಷದ ವಿಚ್ಛೇದಿತ ಮಹಿಳೆ
Viral News: 400 ಕ್ಕೂ ಹೆಚ್ಚು ಪುರುಷರು ಆ ಮಹಿಳೆಗೆ ಮದುವೆ ಪ್ರಸ್ತಾಪ ಮಾಡಿದ್ದಾರೆ. ಆದರೆ ಆಕೆ ಅವರಿಗೆಲ್ಲ ಬೇಡ ಎಂದಿದ್ದಾಳೆ. ಕುತೂಹಲದ ಸಂಗತಿಯೆಂದರೆ 18-21 ವರ್ಷದ ಹುಡುಗರು ಅವಳೊಂದಿಗೆ ಸಂಬಂಧ ಹೊಂದಲು ಆಸಕ್ತಿ ಹೊಂದಿದ್ದಾರೆಯೆ ಹೊರತು, ಅವರೆಲ್ಲ ಆಕೆಯನ್ನು ನಿಜವಾಗಿ ಪ್ರೀತಿಸುವವರಲ್ಲ ಎಂದು ಫ್ರಾನ್ ಹೇಳಿಕೊಂಡಿದ್ದಾರೆ.
Updated on: Nov 12, 2023 | 1:28 PM
ಇಂದಿನ ಯುವಕರು ನಿಜವಾದ ಪ್ರೀತಿಯನ್ನು ಪಡೆಯುವುದು ತುಂಬಾ ಕಷ್ಟ ಎಂದು ಹೇಳುತ್ತಾರೆ. ಈಗ ಇಂಟರ್ನೆಟ್ ಯುಗ ನಡೆಯುತ್ತಿದೆ. ನೆಟ್‌ಫ್ಲಿಕ್ಸ್‌ನಲ್ಲಿನ ಸಂಪರ್ಕಗಳ ಮೂಲಕ ಹೆಚ್ಚಿನ ಜನರು ಟೈಮ್‌ಪಾಸ್ ಪ್ರೀತಿಯನ್ನು ಪಡೆಯುತ್ತಾರೆ. ಈ ಪ್ರೀತಿ ಕೆಲವು ತಿಂಗಳು ಅಥವಾ ವರ್ಷಗಳವರೆಗೆ ಇರುತ್ತದೆ. ವಿಘಟನೆಯ ನಂತರ ದಂಪತಿಗಳು ತಮ್ಮದೇ ಆದ ದಾರಿಯಲ್ಲಿ ಹೋಗಿಬಿಡುತ್ತಾರೆ. ಕೆಲವು ಹುಡುಗರು ಮತ್ತು ಹುಡುಗಿಯರು ವರ್ಷಗಳ ಕಾಲ ನಿಜವಾದ ಪ್ರೀತಿಯ ಹುಡುಕಾಟವನ್ನು ಮುಂದುವರಿಸಲು ಇದೇ ಕಾರಣ. ಆದರೆ ಎಷ್ಟೇ ಹುಡುಕಿದರೂ ನಮ್ಮ ಆಯ್ಕೆಯ ಸಂಗಾತಿ ಸಿಗುತ್ತಿಲ್ಲ. ಸದ್ಯ ಮಹಿಳೆಯೊಬ್ಬರು ಇಂತಹುದೇ ಸುದ್ದಿಯಲ್ಲಿದ್ದಾರೆ. 55ರ ಹರೆಯದಲ್ಲೂ ನಿಜವಾದ ಪ್ರೀತಿಗಾಗಿ ಆ ಮಹಿಳೆ (woman) ಹುಡುಕಾಟ ನಡೆಸುತ್ತಿದ್ದಾರೆ (marriage).. ಇನ್ನೂ ಸಿಕ್ಕಿಲ್ಲವಂತೆ. ಗಂಡಸರಿಗೆ ಅವಳು ಇಷ್ಟ ಆಗಲ್ಲ ಅಂತಲ್ಲ.. ನೂರಾರು ಯುವಕರು ಪ್ರಪೋಸ್ ಮಾಡಿದ್ದಾರೆ.. ಆದರೂ ಆಕೆಯದ್ದು ಒಂಟಿ ಬಾಳು. ತನ್ಮೂಲಕ, ಕಳೆದ ಏಳು ವರ್ಷಗಳಿಂದ ತಾನು ಏಕೆ ಅವಿವಾಹಿತೆ ಮತ್ತು ಬ್ರಹ್ಮಚಾರಿಯಾಗಿದ್ದೇನೆ ಎಂದು ಮಹಿಳೆಯೊಬ್ಬರು ಬಹಿರಂಗಪಡಿಸಿದ್ದಾರೆ.
ಆ ಮಹಿಳೆಯ ಹೆಸರು ಫ್ರಾನ್ ಸಾಯರ್ (Fran Sawyer). ಫ್ರಾನ್ ಸಾಯರ್ (55) ವಿಚ್ಛೇದಿತೆ ಮತ್ತು ಒಂಟಿ ತಾಯಿ (divorcee and single mum). ಮಿರರ್ ನಿಯತಕಾಲಿಕದ ವರದಿಯ ಪ್ರಕಾರ, ಇಲ್ಲಿಯವರೆಗೆ 400 ಕ್ಕೂ ಹೆಚ್ಚು ಪುರುಷರು ಆಕೆಗೆ ಮದುವೆಯ ಪ್ರಸ್ತಾಪವನ್ನು ಮಾಡಿದ್ದಾರೆ. ಆದರೆ ಆಕೆ ಅವರಿಗೆಲ್ಲ ಬೇಡ ಎಂದಳು. ಅವಳಿಗೆ ಪ್ರಪೋಸ್ ಮಾಡಿದವರಲ್ಲಿ 18 ವರ್ಷದ ಯುವಕರಿಂದ 35-40 ವರ್ಷದ ಪುರುಷರು ಮತ್ತು ವೃದ್ಧರು ಕೂಡ ಸೇರಿದ್ದಾರೆ. ಕುತೂಹಲದ ಸಂಗತಿಯೆಂದರೆ 18-21 ವರ್ಷ ವಯಸ್ಸಿನ ಹುಡುಗರು ಅವಳೊಂದಿಗೆ ಸಂಬಂಧವನ್ನು ಹೊಂದಲು ಆಸಕ್ತಿ ಹೊಂದಿದ್ದಾರೆಯೆ ಹೊರತು, ಅವರೆಲ್ಲ ತನ್ನನ್ನು ನಿಜವಾಗಿ ಪ್ರೀತಿಸುವವರಲ್ಲ ಎಂದು ಫ್ರಾನ್ ಹೇಳಿಕೊಂಡಿದ್ದಾರಂತೆ.
ಆನ್ಲೈನ್ ಡೇಟಿಂಗ್ ಅಪ್ಲಿಕೇಶನ್ ಮೂಲಕ ಅಂತರ್ಜಾಲದಲ್ಲಿ ವಿಹರಿಸಿದಾಗ…
ನನ್ನ ಮಿಸ್ಟರ್ ರೈಟ್ ಅನ್ನು ಹುಡುಕಲು ಹಲವಾರು ಆನ್ಲೈನ್ ಡೇಟಿಂಗ್ ಅಪ್ಲಿಕೇಶನ್‌ಗಳ ಮೂಲಕ ಪ್ರಯತ್ನಿಸಿದ್ದೆನೆ ಎಂದು ಫ್ರಾನ್ ಬಹಿರಂಗಪಡಿಸಿದ್ದಾರೆ. ಆದರೆ ಯಾವುದೇ ಪ್ರಯೋಜನವಾಗಲಿಲ್ಲ. ಮೊದಲಿಗೆ ಪುರುಷರು ಚೆನ್ನಾಗಿ ಮಾತನಾಡುತ್ತಿದ್ದರು, ಆದರೆ ಕೆಲವೇ ದಿನಗಳಲ್ಲಿ ಅವರ ಅಭಿವ್ಯಕ್ತಿಗಳು ಬದಲಾದವು.
ಅವರ ಮಾತಿನ ರೀತಿ ನೀತಿ ಗಮನಿಸಿದರೆ ಅವರ ಜತೆ ದೀರ್ಘ ಕಾಲದ ಸಂಬಂಧ ಮುಂದುವರಿಸುವ ಮಾನಸಿಕ ಚೌಕಟ್ಟು ಇರಲಿಲ್ಲ. ಸುಮ್ಮನೆ ಸಮಯ ಕಳೆಯಲು ನನ್ನೊಂದಿಗೆ ಮಾತನಾಡುತ್ತಿದ್ದಾರೆ ಎಂದು ಅರ್ಥವಾಯಿತು ಎಂದು ನಿರಾಶೆ ವ್ಯಕ್ತಪಡಿಸಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಫ್ರಾನ್ ಅವರು ಸಂಬಂಧದಿಂದ ಹಿಂದೆ ಸರಿಯಬೇಕಾಗುತ್ತದೆ ಎಂದು ವ್ಯಾಖ್ಯಾನಿಸಿದ್ದಾರೆ.
ಗಂಡಸರಿಗೆ ಹೇಗೆ ಮಾತನಾಡಿಸಬೇಕು ಎಂಬುದೇ ಗೊತ್ತಿಲ್ಲವಂತೆ
ಕೆಲವು ಮಾಧ್ಯಮಗಳ ಕಥೆಗಳ ಪ್ರಕಾರ, ಅನೇಕ ಪುರುಷರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಹುಡುಗಿಯರು ಅಥವಾ ಮಹಿಳೆಯರೊಂದಿಗೆ ಹೇಗೆ ಮಾತನಾಡಬೇಕು ಮತ್ತು ಹೇಗೆ ವರ್ತಿಸಬೇಕು ಎಂಬುದೇ ತಿಳಿದಿಲ್ಲ ಎಂದು ಫ್ರಾನ್ ಹೇಳಿದ್ದಾರೆ. ನಿಮ್ಮ ಸಂಗಾತಿಯ ಭಾವನೆಗಳನ್ನು ಗೌರವಿಸದ ಸಾಮಾಜಿಕ ಮಾಧ್ಯಮಗಳು ಮುಂದೆ ಎಂದಾದರೂ ನಿಜವಾದ ಪ್ರೀತಿಯನ್ನು ನಾಶಪಡಿಸುತ್ತದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
