Google Doodle Today: ಸೂರ್ಯನ ರಾಣಿ ಮಾರಿಯಾ ಟೆಲ್ಕೆಸ್ ಅವರ 122ನೇ ಜನ್ಮ ದಿನ, ಗೂಗಲ್ ಡೂಡಲ್ ಮೂಲಕ ವಿಶೇಷ ಗೌರವ

ಪ್ರಸಿದ್ಧ ವಿಜ್ಞಾನಿ, ಜೈವಿಕ ಭೌತಶಾಸ್ತ್ರಜ್ಞೆ ಹಾಗೂ ಸೌರಶಕ್ತಿಯ ಮೊದಲ ಪ್ರವರ್ತಕರಲ್ಲಿ ಒಬ್ಬರಾದ ಡಾ ಮಾರಿಯಾ ಟೆಲ್ಕೆಸ್ (Dr Maria Telkes) ಅವರ 122ನೇ ಜನ್ಮ ವಾರ್ಷಿಕೋತ್ಸವ (Birth Anniversary) ಇಂದು. ಈ ನಿಟ್ಟಿನಲ್ಲಿ ಗೂಗಲ್ ಡೂಡಲ್ (Google Doodle) ಮೂಲಕ ವಿಶೇಷ ಗೌರವ ಸಲ್ಲಿಸಿದೆ. ಸೂರ್ಯನ ಶಕ್ತಿಯು ಮಾನವ ಜೀವನವನ್ನು ಬದಲಾಯಿಸಬಹುದು ಎಂದು ನಂಬಿದ್ದ ಇವರು ಇದೇ ಕ್ಷೇತ್ರದಲ್ಲಿ ಅಸಾಧಾರಣ ಸಾಧನೆ ಮಾಡಿದರು. ಇದೇ ಕಾರಣಕ್ಕೆ ಅವರನ್ನು ಸೂರ್ಯನ ರಾಣಿ (Queen Of Sun) ಎಂದು ಕರೆಯುತ್ತಾರೆ. 1900ರ ಡಿಸೆಂಬರ್ 12ರಂದು ಜನಿಸಿದ ಮರಿಯಾ ಅವರು, ಖ್ಯಾತ ವಿಜ್ಞಾನಿಯಾಗಿದ್ದು, ಅವರು ಸೌರ ಶಕ್ತಿಯ ಕ್ಷೇತ್ರದಲ್ಲಿ ಮಹತ್ತರವಾದ ಪ್ರಗತಿಯನ್ನು ಸಾಧಿಸಿದರು. ಪ್ರಸ್ತುತ ದಿನಗಳಲ್ಲಿ ಸೌರ ಕುಕ್ಕರ್‌ಗಳು ಮತ್ತು ಇತರ ಸೌರ ಚಾಲಿತ ತಂತ್ರಜ್ಞಾನಗಳನ್ನು ಬಳಸಲು ಇವರೇ ಕಾರಣರಾಗಿದ್ದಾರೆ.

ಇದನ್ನೂ ಓದಿ: Kitchen Cleaning Tips: ಅಡುಗೆ ಮನೆಯಲ್ಲಿನ ಎಣ್ಣೆ ಜಿಡ್ಡು ತೆಗೆದು ಹಾಕಲು ಸಿಂಪಲ್ ಟಿಪ್ಸ್ ಇಲ್ಲಿದೆ

ಹಂಗೇರಿಯನ್ ಜೈವಿಕ ಭೌತಶಾಸ್ತ್ರಜ್ಞರಾಗಿರುವ ಮರಿಯಾ, ಸೌರಶಕ್ತಿ ಸಮಿತಿಯ ಭಾಗವಾಗಿ ಮ್ಯಾಸಚೂಸೆಟ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (MIT) ಸೇರಿಕೊಂಡರು. ಅಲ್ಲದೆ, ವಿಶ್ವ ಸಮರ II ರ ಸಮಯದಲ್ಲಿ ಪ್ರಮುಖ ಕೊಡುಗೆ ನೀಡಿದರು. ಸೌರಶಕ್ತಿಯಿಂದ ಚಾಲಿತವಾಗಿರುವ ನೀರಿನ ಬಟ್ಟಿ ಇಳಿಸುವಿಕೆಯನ್ನು ಅಭಿವೃದ್ಧಿಪಡಿಸಲು ಯುಎಸ್ ಸೈನ್ಯವು ಅವರನ್ನು ಕರೆಸಿತು. ಆ ಮೂಲಕ ಸಮುದ್ರದ ನೀರನ್ನು ಸಿಹಿನೀರಿಗೆ ಫಿಲ್ಟರ್ ಮಾಡಲು ಸಹಾಯ ಮಾಡಿದರು. ಇದರಿಂದಾಗಿ ಅನೇಕ ಸೈನಿಕರ ಜೀವಗಳನ್ನು ಉಳಿಸಿದ್ದರು.

ಮರಿಯಾ ಅವರು ಮನೆಗಳಿಗೆ ಸೌರ ಹೀಟರ್‌ಗಳನ್ನು ಅಭಿವೃದ್ಧಿಪಡಿಸುವ ನಿಟ್ಟಿನಲ್ಲಿ ನಿರತರಾಗಿದ್ದರು. ಆರಂಭಿಕ ವಿನ್ಯಾಸದಲ್ಲಿ ವಿಫಲರಾದ ಹಿನ್ನಲೆ ಅವರನ್ನು MIT ಸಮಿತಿಯಿಂದ ತೆಗೆದುಹಾಕಲಾಯಿತು. ವೈಫಲ್ಯದ ಹೊರತಾಗಿಯೂ ಅವರು ಸೌರ ಹೀಟರ್ ಅಭಿವೃದ್ಧಿಯಲ್ಲಿ ನಿರಂತರವಾಗಿ ತೊಡಗಿದರು. ಕೊನೆಗೆ ವಾಸ್ತುಶಿಲ್ಪಿ ಎಲೀನರ್ ರೇಮಂಡ್ ಅವರ ಸಹಭಾಗಿತ್ವದಲ್ಲಿ ಡೋವರ್ ಸನ್ ಹೌಸ್ ಅನ್ನು ರಚಿಸುವಲ್ಲಿ ಯಶಸ್ವಿಯಾದರು. ಸೌರಶಕ್ತಿ ಚಾಲಿತ ಮನೆಗಳು ವ್ಯಾಪಕ ಪ್ರಚಾರವಾಯಿತು.

ಮತ್ತಷ್ಟು ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 7:06 am, Mon, 12 December 22