How To Control Fat: ವ್ಯಾಯಾಮ, ಯೋಗವಿಲ್ಲದೆ ತೂಕ ಇಳಿಕೆ ಮಾಡಬಹುದು ಹೇಗೆ ಗೊತ್ತೇ?

ತೂಕ ಇಳಿಕೆ(Weight Loss), ತೂಕ ಹೆಚ್ಚಳ(Weight Gain) ಯಾವುದೇ ಆಗಿರಲಿ, ನಾವು ಮಾಡುವ ತಪ್ಪುಗಳು ಅಥವಾ ನಾವು ಗಮನಿಸದ ಸಣ್ಣ ಪುಟ್ಟ ಕೆಲಸಗಳೇ ಕಾರಣವಾಗಿರುತ್ತದೆ. ಹಾಗೆಯೇ ವ್ಯಾಯಾಮ, ಯೋಗವಿಲ್ಲದೆ ದೇಹವನ್ನು ಫಿಟ್ ಆಗಿ ಇರಿಸಿಕೊಳ್ಳಲು ಸಾಧ್ಯವೇ?ಹೌದು, ಖಂಡಿತಾ ಸಾಧ್ಯ. ಯಾವುದೇ ಪ್ರಯತ್ನವಿಲ್ಲದೆ ನೀವು ನಿಮ್ಮ ತೂಕವನ್ನು ನಿಯಂತ್ರಿಸಬಹುದು, ತೂಕ ಹೆಚ್ಚಾಗುವುದನ್ನು ತಡೆಯಬಹುದು ಮತ್ತು ದೇಹದ ಉಬ್ಬುವಿಕೆಯ ಸಮಸ್ಯೆಯನ್ನು ಸಹ ತಪ್ಪಿಸಬಹುದು. ಮತ್ತು ಇದೆಲ್ಲದಕ್ಕೂ ನೀವು ನಿದ್ದೆ ಮಾಡಬೇಕಷ್ಟೆ.

ನಿದ್ರೆಯಿಂದ ತೂಕ ನಷ್ಟ
-ನಿದ್ದೆ ಮಾಡುವುದರಿಂದ ತೂಕವೂ ಕಡಿಮೆಯಾಗುತ್ತದೆ ಮತ್ತು ಅದು ನಿಯಂತ್ರಣದಲ್ಲಿರುತ್ತದೆ. ಇದರಲ್ಲಿ ನೀವು ಕೆಲವು ಸರಳವಾದ ವಿಷಯಗಳನ್ನು ನೋಡಿಕೊಳ್ಳಬೇಕು.

-ಪ್ರತಿದಿನ 7 ರಿಂದ 8 ಗಂಟೆಗಳ ನಿದ್ದೆ ಮಾಡಿ

-ಎಷ್ಟೇ ಬ್ಯುಸಿ ಇದ್ದರೂ 6 ಗಂಟೆಗಿಂತ ಕಡಿಮೆ ನಿದ್ದೆ ಮಾಡಬೇಡಿ, ಇಲ್ಲವಾದಲ್ಲಿ ದೇಹದಲ್ಲಿ ಉಬ್ಬುವ ಸಮಸ್ಯೆ ಹೆಚ್ಚಾಗಬಹುದು ಮತ್ತು ಜೀರ್ಣಕ್ರಿಯೆಗೂ ತೊಂದರೆಯಾಗುತ್ತದೆ.

-ಯಾವುದೇ ದಿನದಲ್ಲಿ 9 ಗಂಟೆಗಳಿಗಿಂತ ಹೆಚ್ಚು ನಿದ್ರೆ ಮಾಡಬೇಡಿ. ಹೀಗೆ ಮಾಡುವುದರಿಂದ ತೂಕ ಹೆಚ್ಚಾಗಬಹುದು. ಹೌದು ಮಕ್ಕಳು ಮತ್ತು ಹಿರಿಯರು ಇದಕ್ಕಿಂತ ಹೆಚ್ಚು ನಿದ್ರೆ ಮಾಡಬಹುದು.

-ಸೂರ್ಯೋದಯಕ್ಕೆ ಮುಂಚಿತವಾಗಿ ಬೆಳಿಗ್ಗೆ ಹಾಸಿಗೆಯಿಂದ ಎದ್ದೇಳಿ.

-ಊಟ ಮಾಡಿದ ತಕ್ಷಣ ಮಲಗಲು ಹೋಗಬೇಡಿ. ಮಲಗುವ 2 ಗಂಟೆಗಳ ಮೊದಲು ಆಹಾರವನ್ನು ಸೇವಿಸಿ.

-ಊಟದ ನಂತರ, ಕನಿಷ್ಠ 30 ನಿಮಿಷಗಳ ಕಾಲ ನಿಧಾನವಾಗಿ ನಡೆಯಿರಿ. ಹೀಗೆ ಮಾಡುವುದರಿಂದ ಆಹಾರ ಬೇಗ ಜೀರ್ಣವಾಗುತ್ತದೆ ಮತ್ತು ನಿದ್ದೆ ಚೆನ್ನಾಗಿ ಬರುತ್ತದೆ.

ಮಲಗುವ ಮೂಲಕ ತೆಳ್ಳಗಾಗುವುದು ಹೇಗೆ?

ಒಬ್ಬ ವ್ಯಕ್ತಿಯು ಸಾಕಷ್ಟು ನಿದ್ದೆ ಮಾಡದಿದ್ದರೆ, ಅವರ ದೇಹದಲ್ಲಿ ಹಸಿವನ್ನು ನಿಯಂತ್ರಿಸುವ ಹಾರ್ಮೋನುಗಳ ಸಮತೋಲನವಿರುವುದಿಲ್ಲ ಎಂದು ಅನೇಕ ಅಧ್ಯಯನಗಳಲ್ಲಿ ಬಹಿರಂಗಪಡಿಸಲಾಗಿದೆ. ಅದಕ್ಕಾಗಿಯೇ ನಿದ್ರೆಯ ಕೊರತೆಯಿಂದಾಗಿ, ಹಸಿವು ಹೆಚ್ಚಾಗಲು ಪ್ರಾರಂಭಿಸುತ್ತದೆ ಅಥವಾ ಅದು ಕಡಿಮೆಯಾಗುತ್ತದೆ. ಇದರೊಂದಿಗೆ ಎದೆಯುರಿ, ಹುಳಿ ತೇಗು ಮತ್ತು ಮೂಡ್ ಸ್ವಿಂಗ್ ಸಮಸ್ಯೆಗಳು ಎದುರಾಗುತ್ತದೆ.

ಹಾಗೆ ಮಾಡದವರಿಗೆ ಹೋಲಿಸಿದರೆ ಪ್ರತಿದಿನ ಪೂರ್ಣ ನಿದ್ರೆ ಮಾಡುವವರಲ್ಲಿ ಬೊಜ್ಜಿನ ಅಪಾಯವು ಶೇಕಡಾ 55 ರಷ್ಟು ಕಡಿಮೆಯಾಗುತ್ತದೆ ಎಂದು ಅಧ್ಯಯನದಲ್ಲಿ ತಿಳಿದುಬಂದಿದೆ.

ಧ್ಯಾನ ಕೂಡ ತೂಕ ನಿಯಂತ್ರಣದಲ್ಲಿ ಸಹಾಯ ಮಾಡುತ್ತದೆ. ಏಕೆಂದರೆ ಧ್ಯಾನ ಮಾಡುವುದರಿಂದ ಮನಸ್ಸು ಶಾಂತವಾಗುತ್ತದೆ ಮತ್ತು ಇದರಿಂದ ದೇಹದಲ್ಲಿ ಋಣಾತ್ಮಕ ಹಾರ್ಮೋನುಗಳ ಸ್ರವಿಸುವಿಕೆಯು ಹೆಚ್ಚಾಗುವುದಿಲ್ಲ, ಇದರಿಂದಾಗಿ ನೀವು ಸಕ್ರಿಯ ಮತ್ತು ಫಿಟ್ ಆಗಿರುತ್ತೀರಿ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ