ಕಾಂತಿಯುತ ಮತ್ತು ಆರೋಗ್ಯಕರ ಚರ್ಮಕ್ಕಾಗಿ ಬೀಟ್ರೂಟ್

ನಿಮ್ಮಲ್ಲಿ ಹಲವರು ಮೃದುವಾದ, ಹೊಳೆಯುವ ಚರ್ಮವನ್ನು ಬಯಸುತ್ತಾರೆ . ಪರಿಣಾಮವಾಗಿ, ನೀವು ವಿಭಿನ್ನ ಉತ್ಪನ್ನಗಳನ್ನು ಪ್ರಯತ್ನಿಸುತ್ತೀರಿ. ನಿಮ್ಮ ಚರ್ಮದ ನೋಟ ಮತ್ತು ಒಟ್ಟಾರೆ ಆರೋಗ್ಯವು ನಿಮ್ಮ ಆಹಾರದಿಂದ ಹೆಚ್ಚು ಪರಿಣಾಮ ಬೀರುತ್ತದೆ. ನೀವು ಈಗಾಗಲೇ ಸಾಕಷ್ಟು ಪ್ರಮಾಣದ ಹಣ್ಣುಗಳು ಮತ್ತು ತರಕಾರಿಗಳನ್ನು ಪ್ರತಿದಿನ ತಿನ್ನುವ ಅಭ್ಯಾಸವನ್ನು ಬೆಳೆಸಿಕೊಂಡಿದ್ದರೆ, ನಿಮ್ಮ ಚರ್ಮವು ಆರೋಗ್ಯಕರವಾಗಿರುತ್ತದೆ. ಇಲ್ಲದಿದ್ದರೆ ಇಂದಿನಿಂದಲೇ ನಿಮ್ಮ ಆಹಾರ ಕ್ರಮದಲ್ಲಿ ಬೀಟ್ರೂಟ್​​​​ ಸೇರಿಸಿಕೊಳ್ಳಿ. ಬೀಟ್ರೂಟ್​​​ ಸುಧಾರಿತ ಜೀರ್ಣಕ್ರಿಯೆ, ಸಮತೋಲಿತ ರಕ್ತದೊತ್ತಡ ಮತ್ತು ಹೆಚ್ಚಿನ ಶಕ್ತಿಯ ಮಟ್ಟಗಳು ಸೇರಿದಂತೆ ಆರೋಗ್ಯ ಪ್ರಯೋಜನಗಳಿಂದಲೇ ಹೆಸರುವಾಸಿಯಾಗಿದೆ. ಇದು ನಿಮ್ಮ ತ್ವಚೆಗೆ ಹೇಗೆ ಪ್ರಯೋಜನಕಾರಿಯಾಗಬಲ್ಲದು ಎಂಬುದು ಇಲ್ಲಿದೆ:

ಬೀಟ್ರೂಟ್ ಫೇಸ್ ಪ್ಯಾಕ್ :

ಬೀಟ್ರೂಟ್ ಜ್ಯೂಸ್ ಅನ್ನು ಮನೆಯಲ್ಲಿಯೇ ಫೇಸ್ ಪ್ಯಾಕ್ ಮಾಡಲು ಬಳಸಬಹುದು. ಈ ರೀತಿಯಾಗಿ, ನೀವು ನಿಮ್ಮ ಚರ್ಮವನ್ನು ತೇವಗೊಳಿಸಬಹುದು. ಇದಕ್ಕಾಗಿ ತೆಂಗಿನೆಣ್ಣೆ, ಮೊಸರು, ಹಸಿ ಹಾಲು ಸೇರಿಸಿ ಬೀಟ್ರೂಟ್ ರಸದೊಂದಿಗಿನ ಫೇಸ್ ಪ್ಯಾಕ್ ತಯಾರಿಸಿ.

ಬೀಟ್ರೂಟ್ ಜ್ಯೂಸ್:

ಅತ್ಯಂತ ಅನುಕೂಲಕರ ವಿಧಾನವೆಂದರೆ ಜ್ಯೂಸ್ ರೂಪದಲ್ಲಿ ಕುಡಿಯುವುದು. ಇದು ಪೋಷಕಾಂಶಗಳಿಂದ ತುಂಬಿದೆ ಮತ್ತು ನಿಮಗೆ ಆರೋಗ್ಯಕರ ಶಕ್ತಿಯನ್ನು ನೀಡುತ್ತದೆ. ಜೊತೆಗೆ ಜೀರ್ಣಕ್ರಿಯೆಗೆ ಹಾಗೂ ರಕ್ತದೊತ್ತಡದ ಮಟ್ಟಕ್ಕೆ ಒಳ್ಳೆಯದು. ವ್ಯಾಯಾಮದ ನಂತರದ ಪಾನೀಯಕ್ಕೆ ಇದು ಉತ್ತಮ ಆಯ್ಕೆಯಾಗಿದೆ.

ಇದನ್ನೂ ಓದಿ: ಮುಂಜಾನೆ ಯಾವ ರೀತಿಯ ಪಾನೀಯವನ್ನು ಕುಡಿಯಬೇಕು! ಇವು ತೂಕ ಇಳಿಕೆಗೆ ಹೇಗೆ ಸಹಾಯ ಮಾಡಲಿದೆ ಇಲ್ಲಿದೆ ಮಾಹಿತಿ

ಬೀಟ್ರೂಟ್ ಸಲಾಡ್​​​:

ಬೀಟ್ರೂಟ್ನ ಕೆಲವು ತುಂಡುಗಳು ಸಲಾಡ್​​ನೊಂದಿಗೆ ಸೇರಿಸಿಕೊಳ್ಳಿ. ಇದು ಸಲಾಡ್​​ಗೆ ಸುಂದರವಾದ ಬಣ್ಣವನ್ನು ನೀಡುವುದರ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದು.ನೀವು ಈ ರೀತಿಯಲ್ಲಿ ಸೇವಿಸುವುದರಿಂದ ನಿಮ್ಮ ಚರ್ಮದ ಆರೋಗ್ಯವು ಸುಧಾರಿಸುತ್ತಾ ಹೋಗುತ್ತದೆ.

ಲಘು ಆಹಾರವಾಗಿ ಬೀಟ್ರೂಟ್:

‘ವೆಜ್ ಕಬಾಬ್‌ಗಳು, ಕಟ್ಲೆಟ್‌ಗಳು, ಟಿಕ್ಕಿಗಳು ಮತ್ತು ಹೆಚ್ಚಿನದನ್ನು ಮಾಡಲು ನೀವು ಬೀಟ್‌ರೂಟ್‌ಗಳನ್ನು ಬಳಸಬಹುದು. ನೀವು ಯಾವುದೇ ತಿಂಡಿಗಳನ್ನು ತಯಾರಿಸುವ ಸಮಯದಲ್ಲಿ ಅದಕ್ಕೆ ಬೀಟ್ರೂಟ್​​ನ ಚಿಕ್ಕ ತುಂಡುಗಳನ್ನು ಸೇರಿಸಿ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​​ ಮಾಡಿ: