National Doctors’ Day 2023: ವೈದ್ಯೋ ನಾರಾಯಣೋ ಹರಿಃ; ಜೀವಗಳನ್ನು ಉಳಿಸುವ ವೈದ್ಯರೇಕೆ ದೇವರ ಸಮಾನ

ಪ್ರತಿ ವರ್ಷ ಜುಲೈ 1 ರಂದು, ಭಾರತವು ಗೌರವಾನ್ವಿತ ಡಾ. ಬಿಧನ್ ಚಂದ್ರ ರಾಯ್ ಅವರಿಗೆ ಗೌರವ ಸಲ್ಲಿಸಲು ರಾಷ್ಟ್ರೀಯ ವೈದ್ಯರ ದಿನ(National Doctors’ Day) ವನ್ನು ಆಚರಿಸಲಾಗುತ್ತದೆ. ಅವರು ಹೆಸರಾಂತ ವೈದ್ಯರು ಮಾತ್ರವಲ್ಲದೆ ಒಬ್ಬ ಪ್ರತಿಷ್ಠಿತ ರಾಜಕಾರಣಿ, ಸ್ವಾತಂತ್ರ್ಯ ಹೋರಾಟಗಾರರಾಗಿದ್ದರು. ಸೈನಿಕರು ಗಡಿಗಳನ್ನು ರಕ್ಷಿಸಿದರೆ, ವೈದ್ಯರನ್ನು ರೋಗಗಳ ವಿರುದ್ಧ ಹೋರಾಡುವ ಮತ್ತು ಅಸಂಖ್ಯಾತ ವ್ಯಕ್ತಿಗಳ ಜೀವಗಳನ್ನು ಉಳಿಸುವ ಸೈನಿಕರು ಎಂದು ಪರಿಗಣಿಸಲಾಗುತ್ತದೆ. ವೈದ್ಯರು ಸಮಾಜದಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತಾರೆ ಮತ್ತು ಅವರ ನಿಸ್ವಾರ್ಥ ಸಮರ್ಪಣೆಯನ್ನು ಅಂಗೀಕರಿಸುವುದು ಮತ್ತು ಅವರ ತ್ಯಾಗವನ್ನು ಗೌರವಿಸುವ ಸಾಧನವಾಗಿ ಈ ದಿನವನ್ನು ಸ್ಮರಿಸುವುದು ಬಹಳ ಮುಖ್ಯ.

ವೈದ್ಯೋ ನಾರಾಯಣೋ ಹರಿಃ:

‘ವೈದ್ಯೋ ನಾರಾಯಣೋ ಹರಿಃ’ ಎಂಬ ಉಕ್ತಿಯಂತೆ ವೈದ್ಯನಾದವನು ದೇವರಿಗೆ ಸಮಾನವಾದವನು. ಅಂದರೆ ವೈದ್ಯರನ್ನು ಭಗವಂತ ನಾರಾಯಣನ ರೂಪವಾಗಿ ನೋಡಬೇಕು ಎಂಬ ಮಾತಿದೆ. ಆತನು ರೋಗಿಯ ರೋಗವನ್ನು ಪರಿಹರಿಸುವಾತ. ಮುಚ್ಚುಮರೆ ಮಾಡದೇ ರೋಗಿಯು ತನ್ನ ಅಂತರಂಗವನ್ನು ಬಿಚ್ಚಿಡುವುದು ಕೇವಲ ವೈದ್ಯನ ಮುಂದೊಂದೇ. ಇದಕ್ಕೊಂದು ಉತ್ತಮ ನಿದರ್ಶನವೆಂದರೆ ಕೊರೊನಾ ಮಹಾಮಾರಿ. ಜಗತ್ತನ್ನು ತೀವ್ರವಾಗಿ ಬೆಚ್ಚಿಬೀಳಿಸಿದ ಈ ಸಾಂಕ್ರಾಮಿಕ ಸಮಯದಲ್ಲಿ, ವೈದ್ಯರು ಮತ್ತು ದಾದಿಯರು ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟು ಸೇವೆ ಸಲ್ಲಿಸಿದ್ದಾರೆ. ಇದಲ್ಲದೇ ಎಷ್ಟೋ ಕುಟುಂಬಗಳ ಕಣ್ಣೀರು ಒರೆಸಿದ್ದಾರೆ.

ಇದನ್ನೂ ಓದಿ: ಶೌಚಾಲಯದಲ್ಲಿ ಸ್ಮಾರ್ಟ್ ಫೋನ್ ಬಳಸುತ್ತಿದ್ದೀರಾ? ಹಾಗಿದ್ದರೆ ಈ ಸಮಸ್ಯೆ ನಿಮ್ಮಲ್ಲೂ ಕಂಡುಬರಬಹುದು

ಸಾಂಕ್ರಾಮಿಕ ರೋಗವು ತಮ್ಮ ಹತ್ತಿರದ ಮತ್ತು ಆತ್ಮೀಯರನ್ನು ಕಳೆದುಕೊಂಡ ಅನೇಕರಿಗೆ ದುಃಖವನ್ನು ನೀಡಿದರೆ, ವೈದ್ಯಕೀಯ ಮತ್ತು ಅರೆ ವೈದ್ಯಕೀಯ ಸಿಬ್ಬಂದಿಯ ಪ್ರಯತ್ನವು ಅನೇಕ ಜೀವಗಳನ್ನು ಉಳಿಸಲು ಸಹಾಯ ಮಾಡಿದೆ ಮತ್ತು ಆ ಮೂಲಕ ಮರಣ ಪ್ರಮಾಣವನ್ನು ಕಡಿಮೆ ಮಾಡಿದ್ದಾರೆ. ಭಗವಂತ ನಾರಾಯಣನ ರೂಪವಾಗಿ ಕಣ್ಣಿಗೆ ಕಂಡ ದೇವರುಗಳಿವರು.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: