Rice Water: ತಲೆ ಕೂದಲು ದಟ್ಟವಾಗಿ ಬೆಳೆಯಬೇಕೆ? ಹಾಗಾದ್ರೆ ಅಕ್ಕಿ ನೀರು ಬಳಸಿ

ಅಕ್ಕಿಯ ನೀರು ಕೂದಲು ದಟ್ಟವಾಗಿ ಬೆಳೆಯುವಲ್ಲಿ ಸಹಾಯ ಮಾಡುತ್ತದೆ. ಅಕ್ಕಿಯನ್ನು ನೆನೆಸಿ ಸೋಸಿದ ನಂತರ ಸಿಗುವ ನೀರನ್ನು ಅಕ್ಕಿ ನೀರು(Rice Water) ಎಂದು ಕರೆಯಲಾಗುತ್ತದೆ ಮತ್ತು ಈ ನೀರು ಚರ್ಮ ಮತ್ತು ಕೂದಲಿಗೆ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ. ಒಣ ಮತ್ತು ಹಾನಿಗೊಳಗಾದ ಚರ್ಮ ಮತ್ತು ಇತರ ಚರ್ಮದ ಸ್ಥಿತಿಗಳಿಗೆ ಈ ನೀರನ್ನು ಬಳಸಬಹುದು. ಅಕ್ಕಿ ನೀರು ನಿಮ್ಮ ಕೂದಲಿಗೆ ಮತ್ತು ನೆತ್ತಿಗೆ ಸಹ ಪ್ರಯೋಜನಕಾರಿಯಾಗಿದೆ.

ಪ್ರಾಚೀನ ಏಷ್ಯಾದ ಸಮುದಾಯಗಳು ಸೇರಿದಂತೆ ಶತಮಾನಗಳ ಹಿಂದಿನ ದಾಖಲೆಗಳ ಪ್ರಕಾರ ಜನರು ಅಕ್ಕಿ ನೀರಿನಿಂದ ತಮ್ಮ ಕೂದಲನ್ನು ತೊಳೆಯುತ್ತಿದ್ದರು.

ನಿಮ್ಮ ಕೂದಲ ಬೆಳವಣಿಗೆ ಹೆಚ್ಚಾಗಿ ಅನುವಂಶಿಕವಾಗಿದ್ದು, ಅದರಂತೆ ಬೆಳೆಯುತ್ತದೆ. ಅದಾಗ್ಯೂ ಕೆಲವು ಕಾರಣಗಳಿಂದ ಕೂದಲು ಉದುರುತ್ತಿದ್ದರೆ ಇಂತಹ ಮನೆ ಮದ್ದುಗಳನ್ನು ನೀವು ಪ್ರಯತ್ನಿಸಬಹುದು.

ಅಕ್ಕಿ ನೀರಿನಿಂದಾಗುವ ಪ್ರಯೋಜನಗಳ ಬಗ್ಗೆ ತಿಳಿಯಿರಿ
-ಇದು ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಕೂದಲು ತೊಳೆಯುವ ಮೊದಲು ನಿಮ್ಮ ನೆತ್ತಿಗೆ ಅಕ್ಕಿ ನೀರನ್ನು ಅನ್ವಯಿಸುವುದರಿಂದ ಕೂದಲಿನ ಬೇರನ್ನು ಪೋಷಿಸಲು ಸಹಾಯ ಮಾಡುತ್ತದೆ ಮತ್ತು ಕೂದಲಿನ ಬುಡವು ಆರೋಗ್ಯಕರವಾಗಿ ಮತ್ತು ಪೋಷಣೆಯಿಂದ ಕೂಡಿದ್ದರೆ, ಅದು ಅಂತಿಮವಾಗಿ ಕೂದಲಿನ ಬೆಳವಣಿಗೆಗೆ ಕಾರಣವಾಗುತ್ತದೆ.

-ಇದು ಕೂದಲನ್ನು ದಪ್ಪವಾಗಿಸಲು ಸಹಾಯ ಮಾಡುತ್ತದೆ. ಅಕ್ಕಿ ನೀರನ್ನು ನಿಯಮಿತವಾಗಿ ಬಳಸುವುದರಿಂದ ಕೂದಲನ್ನು ದಪ್ಪವಾಗಿಸಲು ಸಾಧ್ಯವಾಗುತ್ತದೆ. ಅಲ್ಲದೆ, ನೀವು ಹಾನಿಗೊಳಗಾದ ಕೂದಲನ್ನು ಹೊಂದಿದ್ದರೆ, ಸರಿ ಪಡಿಸಲು ಅಕ್ಕಿ ನೀರು ಅದಕ್ಕೆ ಸಹಾಯ ಮಾಡುತ್ತದೆ.

-ಇದು ಒಣ ಕೂದಲಿಗೆ ಸಹಾಯ ಮಾಡುತ್ತದೆ. ನೀವು ಒಣ ಕೂದಲಿನಿಂದ ಬಳಲುತ್ತಿದ್ದರೆ, ಅಕ್ಕಿ ನೀರು ನಿಮ್ಮ ಕೂದಲನ್ನು ಸ್ಥಿತಿಸ್ಥಾಪಕವಾಗಿಸಲು ಸಹಾಯ ಮಾಡುತ್ತದೆ ಮತ್ತು ಬಿಸಿಲಿಗೆ ನಿಮ್ಮ ಕೂದಲನ್ನು ಒಡ್ಡಿದರೆ ಯಾವುದೇ ರೀತಿಯ ಹಾನಿಯಾಗದಂತೆ ನೋಡಿಕೊಳ್ಳುತ್ತದೆ.

ಅಕ್ಕಿ ನೀರನ್ನು ಸಿದ್ಧಪಡಿಸುವುದು ಹೇಗೆ?
-ಸ್ವಲ್ಪ ಅಕ್ಕಿ ತೆಗೆದುಕೊಂಡು ಅದು ಸಂಪೂರ್ಣವಾಗಿ ಶುದ್ಧವಾಗುವವರೆಗೆ ತೊಳೆಯಿರಿ.

-ನಂತರ, ಒಂದು ಪಾತ್ರೆಯಲ್ಲಿ ಸ್ವಲ್ಪ ನೀರು ತೆಗೆದುಕೊಂಡು ಅದಕ್ಕೆ ಅಕ್ಕಿ ಸೇರಿಸಿ.

-ನಂತರ ಅಕ್ಕಿಯನ್ನು ಬೆರೆಸಿ ಮತ್ತು ನೀರನ್ನು ಕೋಣೆಯ ಉಷ್ಣಾಂಶದಲ್ಲಿ 24 ಗಂಟೆಗಳ ಕಾಲ ಇರಿಸಿ

-ನಂತರ ನೀವು ನೀರನ್ನು ಬಳಸಬಹುದು ಮತ್ತು ಉಳಿದವನ್ನು ಫ್ರಿಜ್​ನಲ್ಲಿ ಸಂಗ್ರಹಿಸಿಡಬಹುದು.