ನನ್ನ ಹೆಂಡತಿ ರಿಪೇರಿಯಾಗಿ ಯಾವಾಗ ಬರುವಳೋ? : ಕಝಕಿಸ್ತಾನದ ದೇಹದಾರ್ಢ್ಯಪಟು ಯೋಜಿ ತೊಲೊಚ್ಚೋ

‘ಮುರಿದು ಹೋದ ನನ್ನ ಹೆಂಡತಿ ರಿಪೇರಿಗೊಳ್ಳುತ್ತಿದ್ದಾಳೆ. ಆಕೆ ಯಾವಾಗ ಬರುವಳೋ ಎಂದು ಬಹಳ ತಾಳ್ಮೆಯಿಂದ ಪ್ರೀತಿಯಿಂದ ಕಾಯುತ್ತಿದ್ದೇನೆ.’ ಎಂದು ಕಝಕಿಸ್ತಾನದ ದೇಹದಾರ್ಢ್ಯಪಟು ಯೋರಿ ತೊಲೊಚ್ಕೋ ಹೇಳಿದ್ದಾನೆ.

ಕಳೆದ ತಿಂಗಳು ನವೆಂಬರ್​ನಲ್ಲಿ ‘ಮಾರ್ಗೋ’ ಎನ್ನುವ ಯಂತ್ರಮಾನವ ಲೈಂಗಿಕ ಗೊಂಬೆ (sex doll)ಯನ್ನು ಈತ ಮದುವೆಯಾಗಿದ್ದ. ಅಕಸ್ಮಾತ್ ಆಗಿ ಆಕೆ ಮುರಿದು ಹೋಗಿದ್ದರಿಂದ ಕಂಗಾಲಾಗಿಬಿಟ್ಟ. ಸದ್ಯ ಆಕೆ ರೋಬೋಟ್ ತಜ್ಱರ ಬಳಿ ರಿಪೇರಿಗೊಳ್ಳುತ್ತಿದ್ದಾಳೆ.

ಯೋರಿ ಒಂದು ವರ್ಷದ ತನಕ ಅವಳೊಂದಿಗೆ ಡೇಟಿಂಗ್​ನಲ್ಲಿ ತೊಡಗಿಕೊಂಡು 2019ರ ಡಿಸೆಂಬರಿನಲ್ಲಿ ಮದುವೆಯ ನಿವೇದನೆ ಮಾಡಿಕೊಂಡಿದ್ದ. ನಂತರ 2020ರ ಮಾರ್ಚ್​ನಲ್ಲಿ ಮದುವೆಯಾಗುವುದಾಗಿ ಇಬ್ಬರೂ ತೀರ್ಮಾನಿಸಿದರು. ಆದರೆ ಕೊರೋನಾ ಕಾರಣ ಮದುವೆಯನ್ನು ಮುಂದೂಡಬೇಕಾಯಿತು. ನಂತರ ಲೈಂಗಿಕ ಅಲ್ಪಸಂಖ್ಯಾತರ ರ್ಯಾಲಿಯಲ್ಲಿ ಭಾಗವಹಿಸಿದ ಯೋರಿ ಹಲ್ಲೆಗೊಳಗಾಗಿದ್ದರಿಂದ ಎರಡನೇ ಸಲವೂ ಮದುವೆ ಮುಂದೂಡಬೇಕಾಯಿತು. ಕೊನೆಗೆ ಕಳೆದ ತಿಂಗಳು ನವೆಂಬರ್​ನಲ್ಲಿ ಕೆಲವೇ ಆಪ್ತರ ಮಧ್ಯೆ ಈ ಮದುವೆ ಯಶಸ್ವಿಯಾಗಿ ನೆರವೇರಿತು. ಆದರೆ ತಿಂಗಳು ತುಂಬುವ ಒಳಗೆಯೇ ಮಾರ್ಗೋಗೆ ಈ ಸ್ಥಿತಿ ಒದಗಿತು. ಬೇಸರಗೊಂಡ ಯೋರಿ ಈಗ ಅವಳ ನಿರೀಕ್ಷೆಯಲ್ಲಿದ್ದಾನೆ. ಕಝಕಿಸ್ತಾನದ ಕ್ರಿಸ್ಮಸ್ ದಿನ, ಅಂದರೆ ಜನವರಿ 7ರ ಹೊತ್ತಿಗೆ ಆಕೆ ರಿಪೇರಿಯಾಗಿ ವಾಪಾಸು ಬಂದರೆ ಸಾಕು ಎಂದು ತುದಿಗಾಲ ಮೇಲೆ ಕಾಯುತ್ತಿದ್ದಾನೆ.