Health Tips: ಬೆವರಿನ ದುರ್ನಾತದಿಂದ ಮೂಗು ಮುಚ್ಚಿಕೊಳ್ತಿದ್ದೀರಾ, ಇಲ್ಲಿದೆ ಸರಳ ಮನೆ ಮದ್ದು

ಕೆಲವರು ಈ ಬೇಸಿಗೆಯಲ್ಲಿ ಅತಿಯಾಗಿ ಬೆವರುತ್ತಾರೆ, ಇದು ಸಹಜ ಕೂಡ. ಸೂರ್ಯನ ಕಿರಣಕ್ಕೆ ಮೈಯೊಡ್ಡಿ ನಿಂತರೆ, ಸ್ವಲ್ಪ ಕೆಲಸವನ್ನೆದಾರೂ ಮಾಡಿದರೆ ಸಾಕು ಬೆವರಲು ಶುರುವಾಗುತ್ತದೆ. ದೇಹದಲ್ಲಿನ ನೀರಿನ ಅಂಶವು ಹೊರಗೆ ಹೋಗುವುದು ಸಹಜ ಪ್ರಕ್ರಿಯೆಯೇ. ಕೆಲವೊಮ್ಮೆ ಯಾಕಾದ್ರೂ ಇಷ್ಟು ಬೆವರುತ್ತೇನೆ ಎಂದು ಮನಸ್ಸಿನಲ್ಲಿಯೇ ಅಂದುಕೊಳ್ಳುವುದಿದೆ. ಈ ರೀತಿಯಾಗಲು ಆಹಾರ ಪದ್ಧತಿ, ಜೀವನ ಶೈಲಿ ಹಾಗೂ ಹಾರ್ಮೋನ್ ಬದಲಾವಣೆ ಹೀಗೆ ಕಾರಣಗಳು ನೂರೆಂಟು ಇದ್ದರೂ ಯಾರೊಂದಿಗೂ ಬೆರೆಯಲು ಆಗುವುದೇ ಇಲ್ಲ.

ಬೆವರಿನ ಕೆಟ್ಟವಾಸನೆಗೆ ಸರಳ ಮನೆ ಮದ್ದುಗಳು:

1. ದೇಹ ಅತಿಯಾಗಿ ಬೆವರುತ್ತಿದ್ದರೆ ಅಳಲೆಕಾಯಿ ಸಿಪ್ಪೆಯನ್ನು ಬಿಸಿನೀರಿನಲ್ಲಿ ನುಣ್ಣಗೆ ಅರೆದು ಮೈಗೆ ಹಚ್ಚಿಕೊಂಡು, ಒಂದು ಗಂಟೆ ಬಿಟ್ಟು ಬಿಸಿನೀರಿನಲ್ಲಿ ಸ್ನಾನ ಮಾಡಿದರೆ ಈ ಸಮಸ್ಯೆಯೂ ನಿಲ್ಲುತ್ತದೆ.
2. ಬದನೆಕಾಯಿ ಹೋಳುಗಳನ್ನು ನೆನೆಸಿದ ನೀರಿನಲ್ಲಿ ಮೈ ಕೈ ತೊಳೆಯುತ್ತಿದ್ದರೆ ಬೆವರುವುದು ಕಡಿಮೆಯಾಗುತ್ತದೆ.
3. ಬೆವರಿನ ದುರ್ವಾಸನೆಗೆ ಆಲೂಗಡ್ಡೆಯನ್ನು ತುಂಡರಿಸಿ 10 ನಿಮಿಷಗಳ ಕಾಲ ಕಂಕುಳಿನ ಭಾಗದಲ್ಲಿ ಉಜ್ಜುವುದು ಪರಿಣಾಮಕಾರಿಯಾಗಿದೆ.
4. ಅತಿ ಹೆಚ್ಚು ಬೆವರುವ ಜಾಗಗಳಿಗೆ ರೋಸ್ ವಾಟರ್ ಹಚ್ಚಿ ಹತ್ತು ನಿಮಿಷಗಳ ನಂತರ ಸ್ನಾನ ಮಾಡುವುದು ಒಳ್ಳೆಯದು.
5. ಅಡುಗೆ ಸೋಡವನ್ನು ನೀರಿಗೆ ಬೆರೆಸಿ ಬೆವರುವ ಜಾಗಕ್ಕೆ ಹಚ್ಚಿಕೊಳ್ಳುವುದು ಉತ್ತಮ.
6. ಮುಳ್ಳು ಸೌತೆಯ ಹೋಳುಗಳನ್ನು ಬೆವರುವ ಜಾಗವನ್ನು ಉಜ್ಜಿಕೊಳ್ಳುತ್ತ ಇದ್ದರೆ ಈ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.
7. ನಿಂಬೆ ಹಣ್ಣಿನ ಹೋಳುಗಳಿಂದ ಕಂಕುಳ ಭಾಗವನ್ನು ಉಜ್ಜಿಕೊಳ್ಳುತ್ತಿದ್ದರೆ ಬೆವರಿನ ಕೆಟ್ಟ ವಾಸನೆ ಹಾಗೂ ಕಪ್ಪು ಕಲೆಯೂ ನಿವಾರಣೆಯಾಗುತ್ತದೆ.
8. ಟೊಮೊಟೊ ರಸವನ್ನು ಕೈಯ ಕೆಳಭಾಗಕ್ಕೆ ಹಚ್ಚಿ ಮಸಾಜ್ ಮಾಡುವುದರಿಂದ ಕೆಟ್ಟ ವಾಸನೆಯೂ ದೂರವಾಗುತ್ತದೆ.
9. ಅಲೋವೆರಾ ಜೆಲ್ ತೆಗೆದುಕೊಂಡು ರಾತ್ರಿಯಲ್ಲಿ ಕಂಕುಳ ಭಾಗಕ್ಕೆ ಹಚ್ಚಿ ಮರುದಿನ ಬೆಳಗ್ಗೆ ತೊಳೆಯುವುದರಿಂದ ಬೆವರಿನ ವಾಸನೆಯಿಂದ ಮುಕ್ತಿ ಹೊಂದಬಹುದು.
10. ಗ್ರೀನ್ ಟೀ ಬ್ಯಾಗ್ ಅನ್ನು ಬಿಸಿ ನೀರಿನಲ್ಲಿ ನೆನೆಸಿಟ್ಟು, ಈ ನೀರನ್ನು ಕಂಕುಳ ಭಾಗಕ್ಕೆ ಹಚ್ಚಿ ಹತ್ತು ನಿಮಿಷಗಳ ಕಾಲ ಬಿಟ್ಟು ಸ್ನಾನ ಮಾಡಿದರೆ ಬೆವರಿನ ದುರ್ನಾತವು ದೂರವಾಗುತ್ತದೆ.
11.  ಅರಿಶಿನ ಪುಡಿಗೆ ನೀರು ಬೆರೆಸಿ ಮಿಶ್ರಣವನ್ನು ಮಾಡಿ ಕಂಕುಳಿಗೆ ಹಚ್ಚಿ ಸ್ವಲ್ಪ ಸಮಯದ ನಂತರ ತೊಳೆಯುವುದರಿಂದ ಪರಿಣಾಮಕಾರಿ ಔಷಧಿಯಾಗಿದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 4:20 pm, Sun, 10 March 24