Pigmentation: ಪಿಗ್ಮೆಂಟೇಶನ್ ಸಮಸ್ಯೆಯಿಂದ ಮುಖದ ಅಂದ ಹಾಳಾಗಿದ್ದರೆ ಈ ಮನೆಮದ್ದುಗಳನ್ನು ಬಳಸಿ

ಮುಖದ ಸೌಂದರ್ಯ (Beauty) ಎಲ್ಲರಿಗೂ ಮುಖ್ಯ.  ಆದರೆ ಒತ್ತಡದ ಬದುಕು, ಸೂರ್ಯನ ಬಿಸಿಲು, ಅತಿಯಾದ ಗ್ಯಾಜೆಟ್​ಗಳ ಬಳಕೆಯಿಂದ ಮುಖದ ಚರ್ಮ ಹೊಳಪನ್ನು ಕಳೆದುಕೊಳ್ಳುತ್ತದೆ. ಇದರಿಂದ ಮುಖದ ಮೇಲೆ ಕಪ್ಪು ಕಲೆಗಳು, ಚರ್ಮ ಕೆಂಪಾಗುವುದು, ಚರ್ಮ ಸುಟ್ಟಂತಾಗಿ ಕಪ್ಪಗಾಗುತ್ತದೆ. ಇದನ್ನು ಪಿಗ್ಮಂಟೇಶನ್ (Pigmentation)​ ಅಥವಾ ಮುಖದ ಮೇಲಿನ ಬಂಗು ಎಂದು ಕರೆಯುತ್ತಾರೆ.  ಇದು ಚರ್ಮಕ್ಕೆ ಯಾವುದೇ ರೀತಿಯ ಮಾಡುವುದಿಲ್ಲ. ಆದರೆ ಮುಖದ ಅಂದವನ್ನು ಕೆಡಿಸುತ್ತದೆ. ಮೇಕಪ್ (Makeup)​ ಮಾಡಿಕೊಂಡರೆ ಕಲೆಗಳು ಮುಚ್ಚುಹೋಗುತ್ತವೆ. ಅದರೆ ಮೇಕಪ್​ ಕೂಡ ಮುಖಕ್ಕೆ ಅಷ್ಟೇ ಹಾನಿಕಾರವಾಗಿರುವುದರಿಂದ ಬಳಕೆಯ ಮುನ್ನ ಎಚ್ಚರ ಅಗತ್ಯ. ಹೀಗಾಗಿ ಪಿಗ್ಮೆಂಟೇಶನ್​ ಸಮಸ್ಯೆಗಳಿಗೆ ಮನೆಮದ್ದು ಬಳಸುವುದು ಉತ್ತಮ ಜತೆಗೆ ಶಾಶ್ವತ ಪರಿಹಾರ ಕೂಡ ದೊರಕುತ್ತದೆ. ಹೀಗಾಗಿ ಈ ಸರಳ ವಿಧಾನಗಳನ್ನು ಬಳಸಿ ಮುಖದ ಮೇಲಿನ ಕಲೆಗಳನ್ನು ನಿವಾರಿಸಿಕೊಳ್ಳಿ.

ನಿಂಬೆ ರಸ: ವಿಟಮಿನ್​ ಸಿ ಮತ್ತು ಆ್ಯಂಟಿ ಆಕ್ಸಿಡೆಂಟ್​ ಗುಣಗಳನ್ನು ಹೊಂದಿರುವ  ನಿಂಬು ಮುಖದ ಮೇಲೆನ ಬಂಗು ಅಥವಾ ಕಪ್ಪು ಕಲೆಗಳನ್ನು ನಿವಾರಿಸುತ್ತದೆ. ನಿಂಬು ರಸದಲ್ಲಿ ಹತ್ತಿಯ ಉಂಡೆಯನ್ನು ನೆನಸಿ ಮುಖಕ್ಕೆ ಹಚ್ಚಿಕೊಳ್ಳಿ ಇದರಿಂದ ಕಲೆಗಳು ನಿವಾರಣೆಯಾಗುತ್ತದೆ.

ಆಲೋವೆರಾ: ಆಲೋವೇರಾ ಅಥವಾ ಅಲೋವೆರಾ ಜೆಲ್​ ಚರ್ಮದ ಸಮಸ್ಯೆಗೆ ಅತ್ಯುತ್ತಮ  ಮದ್ದು. ಪ್ರತಿದಿನ ರಾತ್ರಿ ಮಲಗುವ ಮುನ್ನ ಆಲೋವೆರಾವನ್ನು ಮುಖಕ್ಕೆ ಹಚ್ಚಿಕೊಂಡು ಮಲಗಿ ಇದರಿಂದ ಕ್ರಮೇಣ ಕಪ್ಪು ಕಲೆಗಳು ನಿವಾರಣೆಯಾಗುತ್ತದೆ. ಅಲ್ಲದೆ ನೀವು ಮೇಕಪ್​ ಹಾಕಿಕೊಳ್ಳುವ ಮೊದಲು ಚರ್ಮದ ರಕ್ಷಣೆಗೆ ಆಲೋವೆರಾವನ್ನು ಹಚ್ಚಿಕೊಳ್ಲಿ. ನಂತರ  ಒಂದೆರಡು ನಿಮಿಷ ಬಿಟ್ಟು ಪೌಂಡೇಶನ್​ ಕ್ರೀಮ್​ ಹಚ್ಚಿಕೊಳ್ಳಿ. ಇದರಿಂದ ಮೇಕಪ್​ ಕೂಡ ಮುಖದ ಮೇಲೆ ಹೆಚ್ಚು ಸಮಸಯ ಉಳಿಯುತ್ತದೆ.

ಆಲೂಗಡ್ಡೆ: ಕ್ಯಾಟೆಕೊಲೇಸ್ ಎನ್ನುವ ಅಂಶ ಮುಖವನ್ನು ಸ್ವಚ್ಛಗೊಳಿಸುತ್ತದೆ. ಬಂಗು, ಕಪ್ಪು ಕಲೆ,  ಕಾಂತಿ ಕಳೆದ ಚರ್ಮವನ್ನು ಸರಿಮಾಡುತ್ತದೆ. ಕ್ಯಾಟೆಕೊಲೇಸ್ ಅಂಶ ಆಲೋಗಡ್ಡೆಯಲ್ಲಿ ಇರುತ್ತದೆ. ಹೀಗಾಗಿ ಅದರ ರಸವನ್ನು ತೆಗೆದು ಮುಖಕ್ಕೆ ಹಚ್ಚಿಕೊಳ್ಳಿ. 15 ನಿಮಿಷ ಬಿಟ್ಟು ತೊಳೆಯಿರಿ. ವಾರದಲ್ಲಿ ಎರಡು ಬಾರಿ ಈ ರೀತಿ ಮಾಡುವುದರಿಂದ ಮುಖದ ಸೌಂದರ್ಯ  ಉತ್ತಮವಾಗುತ್ತದೆ.

ಕಿತ್ತಳೆ ಸಿಪ್ಪೆ: ಆ್ಯಂಟಿ ಮೈಕ್ರೋಬಯಲ್​ ಮತ್ತು ವಿಟಮಿನ್​ ಸಿ ಅಂಶಗಳನ್ನು ಯಥೇಚ್ಛವಾಗಿ ಹೊಂದಿರುವ ಕಿತ್ತಳೆ ಸಿಪ್ಪೆ ನಿರ್ಜೀವ ಜೀವಕೋಶಗಳನ್ನು ತೊಡೆದುಹಾಕಿ ಮುಖವನ್ನು ಕಾಂತಿಯುತಗೊಳಿಸುತ್ತದೆ. ನೀವು ಕಿತ್ತಳೆ ಹಣ್ಣಿನ ಪೇಸ್​ ಮಾಸ್ಕ್​ಅನ್ನು ಕೂಡ ಹಾಕಿಕೊಳ್ಳಬಹುದು.

ಟೊಮೆಟೋ: ಮುಖದ ಅಂದವನ್ನು ಹೆಚ್ಚಿಸುವಲ್ಲಿ ಟೊಮೆಟೋ ಪಾತ್ರ ಬಹುದೊಡ್ಡದು. ಟೊಮೆಟೋವನ್ನು ಕತ್ತರಿಸಿ ಅದರ ಮೇಲೆ ಸಕ್ಕರೆಯನ್ನು ಹಾಕಿ ಮುಖಕ್ಕೆ ಉಜ್ಜುವುದರಿಂದ  ನೈಸರ್ಗಿಕ ಬ್ಲೀಚಿಂಗ್​ ಸಿಗುತ್ತದೆ. ಇದು ಚರ್ಮದ ಮೇಲಿರುವ ಸತ್ತ ಕೋಶಗಳನ್ನು ತೆಗೆದು ಹಾಕಿ ಚರ್ಮವನ್ನುಆಋಓಗ್ಯಯುತವಾಗಿಸುತ್ತದೆ.

ಮೊಸರು ಮತ್ತು ಅರಿಶಿನ: ಅರಿಶಿನ ಮತ್ತು ಮೊಸರಿನ ಮಿಶ್ರಣವನ್ನು ಮುಖಕ್ಕೆ ಹಚ್ಚಿದೆರೆ ಕಪ್ಪು ಕಲೆಗಳ ಜತೆಗೆ ಸಣ್ಣ ಮಟ್ಟದ  ಬ್ಲೀಚಿಂಗ್​ ಕೂಡ ಆಗುತ್ತದೆ. ಹೀಗಾಗಿ ಮೊಸರು ಕೂಡ ಮುಖದ ಚರ್ಮಕ್ಕೆ ಉತ್ತಮ ಪದಾರ್ಥವಾಗಿದೆ. ಅರಿಶಿನದಲ್ಲಿರುವ ಆ್ಯಂಟಿ ಆಕ್ಸಿಡೆಂಟ್​​ ಅಂಶಗಳು ಮುಖದ ಮೇಲೆ ಆಗುವಮೊಡವೆಗಳನ್ನು ನಿವಾರಿಸುತ್ತದೆ. ಜತೆಗೆ ಮುಖದ ಕಾಂತಿಯನ್ನು ಹೆಚ್ಚಿಸುತ್ತದೆ.

ಇದನ್ನೂ ಓದಿ:

ಮಲಗಿದ ಕೂಡಲೇ ನಿದ್ರೆ ಬರಬೇಕೇ? ನಿದ್ರಾಹೀನತೆಯಿಂದ ದೂರ ಇರಲು ಈ ಮಾರ್ಗ ಅನುಸರಿಸಿ