ವಾಕಿಂಗ್ ಕೂಡ ಒಂದು ಯೋಗ, ನಡಿಗೆ ಯೋಗದ ಪ್ರಯೋಜನ ಇಲ್ಲಿದೆ

ನಡಿಗೆ (walking) ದೇಹದ ಆರೋಗ್ಯವನ್ನು ಹೆಚ್ಚಿಸುತ್ತದೆ. ರಕ್ತಪರಿಚಲನೆಯಿಂದ ಹಿಡಿದು ಹೃದಯದ ಆರೋಗ್ಯಕ್ಕೂ ಇದು ಒಳ್ಳೆಯದು. ಈ  ಯೋಗದಲ್ಲಿ ಬೇರೆ ರೀತಿಯ ವಿಧಗಳು ಇದೆ. ಆದರೆ ನಡಿಗೆಯು ಒಂದು ವಿಧದ ಯೋಗ ಎಂದು ಹೇಳಲಾಗಿದೆ. ಇದು ಸರಳ ಯೋಗಕ್ಕೆ (yoga) ಸಮಾನವಾಗಿದೆ. ಜತೆಗೆ ಇದೊಂದು ಒಳ್ಳೆಯ ಅಭ್ಯಾಸ. ಈ ನಡಿಗೆ ಎಂಬ ಯೋಗ ದೇಹವನ್ನು ಪೋಷಿಸಲು ಹಾಗೂ ಮನಸ್ಸನ್ನು ಶಾಂತಗೊಳಿಸಲು , ಆಂತರಿಕ ಆತ್ಮದೊಂದಿಗೆ ಸಂಪರ್ಕ ಸಾಧಿಸಲು ಇದು ಉತ್ತಮ ಅಭ್ಯಾಸವಾಗಿದೆ. ಇದು ದೇಹಕ್ಕೆ ಶಾಂತಿ ಹಾಗೂ ಸೌಮ್ಯವಾದ ಮನಸ್ಥಿತಿಯನ್ನು ನೀಡುತ್ತದೆ.

ಇತರ ಯೋಗಕ್ಕಿಂತ ನಡಿಗೆಯ ಯೋಗ ಭಿನ್ನ ಹೇಗೆ?

ಸಾಮಾನ್ಯವಾಗಿ ಮಾಡುವ ಯೋಗಕ್ಕಿಂತ ಇದು ತುಂಬಾ ಭಿನ್ನವಾಗಿದೆ. ವಾಕಿಂಗ್ ಯೋಗವನ್ನು ಬುದ್ಧಿವಂತಿಯ ಚಲನೆ ಎಂದು ಹೇಳಬಹುದು. ನಡಿಗೆಯ ಪ್ರತಿಯೊಂದು ಹೆಜ್ಜೆಯೂ ಉಸಿರಾಟದ ಲಯ ಮತ್ತು ದೇಹ ಹಾಗೂ ಭೂಮಿಯ ನಡುವಿನ ಸಂಪರ್ಕವಾಗಿದೆ.  ನಡಿಗೆ ಯೋಗವನ್ನು ಪಾರ್ಕ್, ಕಡಲತೀರ, ಮನೆ ಎಲ್ಲಿ ಮಾಡಿದ್ರು ಸರಿ, ಅದು ಪ್ರತಿಯೊಂದು ಹೆಜ್ಜೆಯಲ್ಲೂ ಆರೋಗ್ಯ ಸೂಚನೆಯನ್ನು ನೀಡುತ್ತದೆ.

ನಡಿಗೆ ಯೋಗದ ಪ್ರಯೋಜನಗಳು:

• ನಡಿಗೆಯ ಯೋಗವು ಮನಸ್ಸು, ದೇಹಕ್ಕೆ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ .
• ಇದನ್ನು ಪ್ರತಿದಿನದ ದಿನಚರಿಯಲ್ಲಿ ಸೇರಿಸಿಕೊಳ್ಳುವುದು ಉತ್ತಮ.
• ದೈಹಿಕವಾಗಿ, ಇದು ರಕ್ತ ಪರಿಚಲನೆ ಸುಧಾರಿಸುತ್ತದೆ.
• ಸ್ನಾಯುಗಳನ್ನು ಬಲಪಡಿಸುತ್ತದೆ.
• ಕೀಲು ಚಲನಶೀಲತೆಯನ್ನು ಹೆಚ್ಚಿಸುತ್ತದೆ .
• ಮಾನಸಿಕವಾಗಿ, ಇದು ಸಾವಧಾನತೆ ಮತ್ತು ಉಸಿರಾಟದ ಅರಿವನ್ನು ಉತ್ತೇಜಿಸುತ್ತದೆ.
• ಒತ್ತಡ ಮತ್ತು ಆತಂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಓ ಗಂಡಸರೇ… ಇಂತಹ ಮಹಿಳೆಯನ್ನು ನೀವು ಎಂದಿಗೂ ಮದುವೆಯಾಗಬಾರದಂತೆ

ಮನಸ್ಸಿಗೆ ಶಾಂತಿ ಮತ್ತು ಕೇಂದ್ರೀಕೃತ ಭಾವನೆಯನ್ನು ನೀಡುತ್ತದೆ.

ಆರೋಗ್ಯ ತಜ್ಞರು ಹೇಳಿರುವ ಪ್ರಕಾರ, ವಾಕಿಂಗ್ ಯೋಗವು ಭಾವನಾತ್ಮಕ ನೆಲೆಗಟ್ಟು ಮತ್ತು ಸಂಪರ್ಕವನ್ನು ಬೆಳೆಸುತ್ತದೆ. ಜತೆಗೆ ಇದು ಆಧ್ಯಾತ್ಮಿಕ ಪ್ರಭಾವವನ್ನು ಉಂಟು ಮಾಡುತ್ತದೆ. ವಾಕಿಂಗ್ ಯೋಗವು ಪ್ರಕೃತಿ ಮತ್ತು ಮನುಷ್ಯನ ಆಂತರಿಕ ಆತ್ಮ ಸಂಪರ್ಕವನ್ನು ಬೆಳೆಸುತ್ತದೆ. ಮನಸ್ಸಿನ ಒಳಗೆ ಶಾಂತಿ ಮತ್ತು ಸಾಮರಸ್ಯವನ್ನು ಬೆಳೆಸುತ್ತದೆ. ಇದರಿಂದ ಜೀವನದಲ್ಲಿ ಸಮತೋಲನ, ಸಾವಧಾನತೆ ಮತ್ತು ಸಂತೋಷ ಪಡೆಯಬಹುದು ಎಂದು ಹೇಳಿದ್ದಾರೆ.

ನಡಿಗೆ ಯೋಗ ಮಾಡುವುದು ಹೇಗೆ? ಅದಕ್ಕಿಂತ ಮೊದಲು ಮಾಡಬೇಕಿರುವುದು ಏನು?

• ಒಂದು ಉದ್ದೇಶ ಇರಲಿ: ನಡಿಗೆ ಯೋಗ ಆರಂಭಿಸುವ ಮೊದಲು, ಸ್ವಲ್ಪ ಸಮಯ ವಿಶಾಂತ್ರಿ ಪಡೆಯಿರಿ. ನಂತರ ನಡಿಗೆಯ ಗುರಿಯನ್ನು ನಿರ್ಧರಿಸಿ. ಆಗಾ ಮನಸ್ಸಿನಲ್ಲಿ ಶಾಂತಿ ಹಾಗೂ ಛಲ ಬೆಳೆಯುತ್ತದೆ. ಜತೆಗೆ ಒಂದೇ ಏಕಾಗ್ರತೆ ಇರುತ್ತದೆ.
• ಹೆಜ್ಜೆ ಜತೆಗೆ ಉಸಿರಾಟ: ಹಜ್ಜೆಯ ಜತೆಗೆ ಉಸಿರು ಹೊಂದಾಣಿಕೆ ಆಗಬೇಕು. ನಾಲ್ಕು ಹಜ್ಜೆ ಉಸಿರು ತೆಗೆದುಕೊಂಡು, ನಾಲ್ಕು ಹೆಜ್ಜೆ ಉಸಿರು ಬಿಡಿ.
• ಸೌಮ್ಯ ಚಲನೆ ಇರಲಿ: ನಡಿಗೆ ಯಾವಾಗಲು ಸೌಮ್ಯವಾಗಿರಬೇಕು, ಹಾಗೂ ಉತ್ಸಾಹಿಯಾಗಿರಬೇಕು. ಭುಜ ಎತ್ತಿ, ತೋಳುಗಳನ್ನು ಹಿಗ್ಗಿಸಿ ನಡೆಯಿರಿ. ಯಾವ ರೀತಿ ಸುಲಭ ಅನ್ನಿಸುತ್ತದೆ, ಆ ರೀತಿ ನಡೆಯಿರಿ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.