Weight Loss: ತೂಕ ಇಳಿಸುವುದು ನಿಮ್ಮ ಗುರಿಯಾಗಿದ್ದರೆ ಈ ವ್ಯಾಯಾಮಗಳನ್ನು ಮಾಡಬೇಡಿ

ತೂಕ ಇಳಿಸುವ (Weight Loss) ಸಲುವಾಗಿ ನೀವು ವ್ಯಾಯಾಮಗಳ ಮೊರೆ ಹೋಗುತ್ತೀರಿ. ಕೆಲವೊಂದು ವ್ಯಾಯಾಮಗಳು ನಿಮ್ಮ ತೂಕ ನಷ್ಟದ ಪ್ರಯಾಣದಲ್ಲಿ ನಿಮಗೆ ಸಹಾಯ ಮಾಡುವುದಿಲ್ಲ. ಅಂತಹ ವ್ಯಾಯಾಮಗಳು ಯಾವುದು ಎಂಬುದರ ಬಗ್ಗೆ ನಾವು ನಿಮಗೆ ತಿಳಿಸಿಕೊಡುತ್ತೇವೆ. ವ್ಯಾಯಾಮ ಮಾಡುವುದರಿಂದ ತೂಕ ಇಳಿಕೆಯಾಗುತ್ತದೆ ಎಂದು ಎಲ್ಲರೂ ಹೇಳುತ್ತಾರೆ. ಇದರ ಸಲುವಾಗಿ ಕೆಲವರು ಸ್ಕಿಪ್ಪಿಂಗ್ ಮಾಡಿದರೆ, ಇನ್ನೂ ಕೆಲವರು ಜಿಮ್‌ಗೆ ಹೋಗುತ್ತಾರೆ. ಇನ್ನೂ ಕೆಲವರು ಮೈದಾನದಲ್ಲಿ ಹ್ಯಾಂಗ್‌ಔಟ್ ಮಾಡುತ್ತಾರೆ. ಇವೆಲ್ಲವೂ ತೂಕ ನಷ್ಟಕ್ಕೆ ಉಪಯೋಗಕಾರಿಯಾಗಿದೆ ಎಂದು ಹೇಳಲು ಕಷ್ಟಸಾಧ್ಯ. ಆದ್ದರಿಂದ ತಜ್ಞರನ್ನು ಸಂಪರ್ಕಿಸುವುದು ಮುಖ್ಯವಾಗಿರುತ್ತದೆ. ಅವರ ಮಾರ್ಗದರ್ಶನದ ಮೂಲಕ ನಿಮ್ಮ ತೂಕವನ್ನು ಇಳಿಕೆ ಮಾಡಿಕೊಳ್ಳಬಹುದು.

ತೂಕನಷ್ಟ ಪ್ರಯಾಣಕ್ಕಾಗಿ ನೀವು ಕೆಲವು ವ್ಯಾಯಾಮಗಳಿಂದ ದೂರವಿರಬೇಕಾಗುತ್ತದೆ. ಹೆಚ್ಚಿನ ಜನರು ಕೆಲಸ ಮತ್ತು ಮನೆಕೆಲಸಗಳೊಂದಿಗೆ ಸಂಬಂಧ ಹೊಂದಿದ್ದಾರೆ. ಇದರಿಂದ ವ್ಯಾಯಾಮ ಮಾಡಲು ಸಮಯವನ್ನು ತೆಗೆದುಕೊಳ್ಳುವುದು ಯಾವಾಗಲೂ ಸುಲಭವಲ್ಲ. ಅಂತಹ ಜನರಿಗೆ ತೂಕ ನಷ್ಟಕ್ಕೆ 5 ನಿಮಿಷಗಳ ವ್ಯಾಯಾಮವು ಸಹಾಯ ಮಾಡಬಹುದು. ತೂಕ ನಷ್ಟಕ್ಕೆ ಸಂಬಂಧಿಸಿದಂತೆ ಎಲ್ಲಾ ವ್ಯಾಯಾಮಗಳು ಪ್ರಯೋಜನಕಾರಿಯಾಗಿರುವುದಿಲ್ಲ ಎಂಬುದು ಸಹ ನಿಜ. ಆದ್ದರಿಂದ ತೂಕ ಇಳಿಸುವ ಪ್ರಯಾಣದ ಸಮಯದಲ್ಲಿ ಯಾವೆಲ್ಲಾ ವ್ಯಾಯಾಮಗಳನ್ನು ತಪ್ಪಿಸಬೇಕು ಎಂಬುದರ ಬಗ್ಗೆ ಹೆಲ್ತ್ಶಾಟ್ಸ್ ಫಿಟ್‌ನೆಸ್ ತಜ್ಞ ವರುಣ್ ರತ್ತನ್ ಅವರು ತಿಳಿಸಿಕೊಟ್ಟಿದ್ದಾರೆ.

ಇದನ್ನು ಓದಿ:Weight Loss Tips: ಕಾಫಿ ಕುಡಿಯುವುದರಿಂದ ತೂಕ ಕಡಿಮೆ ಮಾಡಬಹುದು, ಇತರೆ ಪ್ರಯೋಜನಗಳ ಕುರಿತು ಮಾಹಿತಿ ಇಲ್ಲಿದೆ

ತೂಕ ನಷ್ಟಕ್ಕೆ ಸಹಾಯವಾಗದ ಅಸಮರ್ಥ ವ್ಯಾಯಾಮಗಳು:

ಟ್ವಿಸ್ಟಿಂಗ್: ಜಿಮ್‌ನಲ್ಲಿ ಮಾಡುವ ಟ್ವಿಸ್ಟಿಂಗ್ ವ್ಯಾಯಾಮಗಳು ಸ್ನಾಯುಗಳ ವಿರುದ್ಧ ಕೆಲಸ ಮಾಡಲು ಯಾವುದೇ ಪ್ರತಿರೋಧವನ್ನು ಒದಗಿಸುವುದಿಲ್ಲ, ಆದ್ದರಿಂದ ನೀವು ಹೆಚ್ಚಿನ ಕ್ಯಾಲೋರಿಗಳನ್ನು ಸುಡದೆ ಅಥವಾ ಯಾವುದೇ ಶಕ್ತಿಯನ್ನು ಅಭಿವೃದ್ಧಿಪಡಿಸದೆ ಗಂಟೆಗಳವರೆಗೆ ಅವುಗಳನ್ನು ನಿರ್ವಹಿಸಬಹುದು ಎಂದು ರತ್ತನ್ ಹೇಳುತ್ತಾರೆ.

ಡಂಬೆಲ್ಸ್ ಸೈಡ್ ಬೆಂಡ್: ನೀವು ಎರಡು ಕೈಗಳಲ್ಲಿ ಡಂಬೆಲ್ಸ್ ಹಿಡಿದಿಟ್ಟುಕೊಳ್ಳುವಾಗ, ಅವುಗಳು ಪರಸ್ಪರ ಸರಿದೂಗಿಸುತ್ತವೆ. ಮತ್ತು ಪರಿಣಾಮವಾಗಿ ಕೋರ್ ಸ್ನಾಯುಗಳಿಂದ ಬಹಳ ಕಡಿಮೆ ಪ್ರಯತ್ನದ ಅಗತ್ಯವಿರುತ್ತದೆ. ಇದು ಡಂಬೆಲ್ ಲೋಡೆಡ್ ಸೈಡ್ ಬೆಂಡ್ ಕೋರ್‌ನ್ನು ಬಲಪಡಿಸಲು ಪರಿಣಾಮಕಾರಿಯಲ್ಲದ ವ್ಯಾಯಾಮವನ್ನು ಮಾಡುತ್ತದೆ. ಪರ್ಯಾಯವಾಗಿ ಒಂದೇ ಕೈಯಲ್ಲಿ ಡಂಬೆಲ್‌ನ್ನು ಹಿಡಿಯಲು ತಜ್ಞರು ಸಲಹೆ ನೀಡುತ್ತಾರೆ.

ಕ್ರಂಚಸ್: ತೂಕ ಇಳಿಸಿಕೊಳ್ಳಲು ಮತ್ತು ಹೊಟ್ಟೆಯ ಕೊಬ್ಬನ್ನು ತೊಡೆದುಹಾಕಲು ಬಯಸುವವರಿಗೆ ಕ್ರಂಚಸ್ ಜನಪ್ರಿಯ ವ್ಯಾಯಾಮವಾಗಿದೆ. ಇದು ಕಿಬ್ಬೊಟ್ಟೆಯ ಸ್ನಾಯುಗಳನ್ನು ಗುರಿಯಾಗಿಸುವಾಗ, ಕ್ರಂಚಸ್ ಕನಿಷ್ಠ ಪ್ರಮಾಣದ ಕ್ಯಾಲೋರಿಗಳನ್ನು ಮಾತ್ರ ಸುಡುತ್ತದೆ, ಇದು ತೂಕ ನಷ್ಟಕ್ಕೆ ಸಾಕಾಗುವುದಿಲ್ಲ.

ಅಬ್ಡಕ್ಷನ್ ಮತ್ತು ಅಡಿಕ್ಷನ್ ವ್ಯಾಯಾಮ: ಬಹಳಷ್ಟು ಜನರು ತಮ್ಮ ಒಳ ಅಥವಾ ಹೊರ ತೊಡೆಯ ಮೇಲಿನ ಕೊಬ್ಬನ್ನು ತೊಡೆದು ಹಾಕಲು ಈ ವ್ಯಾಯಾಮವನ್ನು ಮಾಡುತ್ತಾರೆ. ಆದರೆ ಇದು ಸ್ನಾಯುವಿನ ಮೇಲಿನ ಕೊಬ್ಬಿನ ಮೇಲೆ ಯಾವುದೇ ನೇರ ಪರಿಣಾಮ ಬೀರುವುದಿಲ್ಲ. ಇದು ತೂಕ ಇಳಿಕೆಗೂ ಸಹಾಯ ಮಾಡುವುದಿಲ್ಲ.

ಟ್ರೈಸ್ಪ್ಸ್ ಮತ್ತು ಡಂಬೆಲ್ಸ್ ಕರ್ಲ್: ಈ ಜನಪ್ರಿಯ ವ್ಯಾಯಾಮಗಳು ತೋಳುಗಳನ್ನು ಬಲಪಡಿಸಲು ಸಹಾಯವಾಗುತ್ತದೆ. ಆದರೆ ಇದು ಹೆಚ್ಚಿನ ಕ್ಯಾಲೊರಿಗಳನ್ನು ಕಡಿಮೆ ಮಾಡುವುದಿಲ್ಲ. ಆದ್ದರಿಂದ ಇದು ತೂಕ ಇಳಿಕೆಗೆ ಪರಿಣಾಮಕಾರಿಯಾದ ವ್ಯಾಯಾಮವಲ್ಲ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 12:51 pm, Tue, 17 January 23