World Smile Day 2023: ಇಂದು ವಿಶ್ವ ನಗು ದಿನಾಚರಣೆ; ಈ ದಿನ ಇತಿಹಾಸ, ವಿಶೇಷತೆಯೇನು?
ನಗು ರಕ್ತದಲ್ಲಿನ ಒತ್ತಡಕ್ಕೆ ಸಂಬಂಧಿಸಿದ ಹಾರ್ಮೋನುಗಳ ಬಿಡುಗಡೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಗು ರಕ್ತದೊತ್ತಡವನ್ನೂ ಕಡಿಮೆ ಮಾಡುತ್ತದೆ. ನಾವು ನಗುತ್ತಿರುವಾಗ ನಮ್ಮ ಹೃದಯದ ಬಡಿತ ಮತ್ತು ಉಸಿರಾಟವು ಹೆಚ್ಚಾಗುತ್ತದೆ.
Updated on: Oct 06, 2023 | 11:23 AM
ಜಗತ್ತನ್ನು ಬದುಕಲು ಉತ್ತಮ ಸ್ಥಳವನ್ನಾಗಿ ಮಾಡಲು ನಗು ಒಂದು ಸರಳ ಮಾರ್ಗವಾಗಿದೆ. ಈ ನಗು ಭಾಷೆ, ರಾಜ್ಯ, ದೇಶ, ಜಾತಿ, ಧರ್ಮಗಳನ್ನೆಲ್ಲವನ್ನೂ ಮೀರಿದ ಸಾರ್ವತ್ರಿಕ ಭಾಷೆಯಾಗಿದೆ. ನಿಜವಾದ ನಗು ನಮ್ಮ ಸ್ವಂತ ಚೈತನ್ಯವನ್ನು ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹಾಗೇ, ನಮ್ಮ ಸುತ್ತಮುತ್ತಲಿನವರ ಮನಸನ್ನು ಕೂಡ ಅರಳಿಸುತ್ತದೆ, ಸಂಬಂಧಗಳನ್ನು ಸರಿಪಡಿಸುತ್ತದೆ. ನಗು ಉದ್ವೇಗವನ್ನು ನಿವಾರಿಸುತ್ತದೆ ಮತ್ತು ಅಪರಿಚಿತರ ನಡುವಿನ ಅಂತರವನ್ನು ಕಡಿಮೆ ಮಾಡುತ್ತದೆ. ಇಂದು ವಿಶ್ವ ನಗು ದಿನ.
ನಗು ನ್ಯೂರೋಪೆಪ್ಟೈಡ್ಗಳ ಬಿಡುಗಡೆಯನ್ನು ಪ್ರಚೋದಿಸುತ್ತದೆ. ಇದು ಒತ್ತಡವನ್ನು ಎದುರಿಸಲು ಸಹಾಯ ಮಾಡುತ್ತದೆ. ನಗು ರಕ್ತದಲ್ಲಿನ ಒತ್ತಡಕ್ಕೆ ಸಂಬಂಧಿಸಿದ ಹಾರ್ಮೋನುಗಳ ಬಿಡುಗಡೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಗು ರಕ್ತದೊತ್ತಡವನ್ನೂ ಕಡಿಮೆ ಮಾಡುತ್ತದೆ. ನಾವು ನಗುತ್ತಿರುವಾಗ ನಮ್ಮ ಹೃದಯದ ಬಡಿತ ಮತ್ತು ಉಸಿರಾಟವು ಹೆಚ್ಚಾಗುತ್ತದೆ. ನಗು ಹೃದಯ ಬಡಿತ ಮತ್ತು ರಕ್ತದೊತ್ತಡ ಎರಡನ್ನೂ ನಿಯಂತ್ರಣದಲ್ಲಿಡುತ್ತದೆ.
ಇದನ್ನೂ ಓದಿ: ಸಿರಿಧಾನ್ಯ ಬಳಸಿದರೆ ಮೆಡಿಸಿನ್ಗಳ ಅಗತ್ಯವೇ ಇರುವುದಿಲ್ಲ; ಮಿಲೆಟ್ ಮಹಿಮೆ ಬಿಚ್ಚಿಟ್ಟ ಖಾದರ್ ವಲಿ
ವಿಶ್ವ ನಗು ದಿನವನ್ನು ಪ್ರತಿ ವರ್ಷ ಅಕ್ಟೋಬರ್ನಲ್ಲಿ ಮೊದಲ ಶುಕ್ರವಾರದಂದು ಆಚರಿಸಲಾಗುತ್ತದೆ. 1963ರಲ್ಲಿ ಮ್ಯಾಸಚೂಸೆಟ್ಸ್ನ ವೋರ್ಸೆಸ್ಟರ್ನ ಕಲಾವಿದ ಹಾರ್ವೆ ಬಾಲ್ ಸ್ಮೈಲಿ ಫೇಸ್ ಅನ್ನು ರಚಿಸಿದರು. ಈ ಚಿತ್ರವು ನಂತರ ಬಹಳ ಪ್ರಸಿದ್ಧಿ ಪಡೆಯಿತು. ವರ್ಷಗಳು ಕಳೆದಂತೆ ಹಾರ್ವೆ ಬಾಲ್ ತನ್ನ ಚಿಹ್ನೆಯ ಅತಿಯಾದ ವಾಣಿಜ್ಯೀಕರಣದ ಬಗ್ಗೆ ಎಚ್ಚರ ವಹಿಸಿದರು. ಬಳಿಕ, ವಿಶ್ವ ನಗು ದಿನಾಚರಣೆಯ ಆಲೋಚನೆ ಅವರಿಗೆ ಬಂದಿತು.
ನಾವೆಲ್ಲರೂ ಪ್ರತಿ ವರ್ಷವೂ ಒಂದು ದಿನವನ್ನು ಪ್ರಪಂಚದಾದ್ಯಂತ ನಗು ಮತ್ತು ದಯೆಯ ಕಾರ್ಯಗಳಿಗಾಗಿ ಮೀಸಲಿಡಬೇಕು ಎಂದು ಹಾರ್ವೆ ಬಾಲ್ ಭಾವಿಸಿದರು. ನಗು ಮುಖಕ್ಕೆ ರಾಜಕೀಯ, ದೇಶಗಳು ಮತ್ತು ಧರ್ಮದ ಬಗ್ಗೆ ಭೇದವೇ ಗೊತ್ತಿಲ್ಲ. ಮೊದಲ ವಿಶ್ವ ನಗು ದಿನಾಚರಣೆಯನ್ನು 1999ರಲ್ಲಿ ವೋರ್ಸೆಸ್ಟರ್ನಲ್ಲಿ ನಡೆಸಲಾಯಿತು. ಜನರು ದಯೆಯ ಕಾರ್ಯಗಳನ್ನು ಮಾಡಲು ಮತ್ತು ಸರಳವಾಗಿ ನಗುವ ಮೂಲಕ ಸಂತೋಷವನ್ನು ಹರಡಲು ಪ್ರೋತ್ಸಾಹಿಸುವ ಮಾರ್ಗವಾಗಿ ಮತ್ತು ಅಂದಿನಿಂದ ಪ್ರತಿ ವರ್ಷವೂ ಈ ದಿನಾಚರಣೆ ಮುಂದುವರೆದಿದೆ. 2001ರಲ್ಲಿ ಹಾರ್ವೆ ನಿಧನರಾದ ನಂತರ ಅವರ ಹೆಸರು ಮತ್ತು ಸ್ಮರಣೆಯನ್ನು ಗೌರವಿಸಲು ಹಾರ್ವೆ ಬಾಲ್ ವರ್ಲ್ಡ್ ಸ್ಮೈಲ್ ಫೌಂಡೇಶನ್ ಅನ್ನು ರಚಿಸಲಾಯಿತು.
ಇದನ್ನೂ ಓದಿ: World Cotton Day 2023: ವಿಶ್ವ ಹತ್ತಿ ದಿನವನ್ನು ಏಕೆ ಆಚರಿಸಲಾಗುತ್ತದೆ? ಈ ಆಚರಣೆಯ ಹಿನ್ನೆಲೆ ಮಹತ್ವ ಇಲ್ಲಿದೆ
ವಿಶ್ವ ನಗು ದಿನಾಚರಣೆ ಇತರರನ್ನು ನೋಡಿ ನಗುವ ಮೂಲಕ ಸದ್ಭಾವನೆ ಮತ್ತು ಸಕಾರಾತ್ಮಕತೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ನಿಮ್ಮ ನಗುವಿನೊಂದಿಗೆ ನೀವು ಈ ಜಗತ್ತನ್ನು ಗೆಲ್ಲಬಹುದು ಏಕೆಂದರೆ ನಗು ಜೀವನದಲ್ಲಿ ಅನೇಕ ವಿಷಯಗಳನ್ನು ಸರಿಯಾಗಿ ಹೊಂದಿಸುವ ಶಕ್ತಿಯನ್ನು ಹೊಂದಿದೆ. ನಗು ಒತ್ತಡವನ್ನು ಕಡಿಮೆ ಮಾಡುತ್ತದೆ. ನಗುವುದು ನಿಮ್ಮ ಹೃದಯ ಬಡಿತ ಮತ್ತು ಕಾರ್ಟಿಸೋಲ್ ಮಟ್ಟವನ್ನು ಕಡಿಮೆ ಮಾಡುವಂತಹ ಹಲವಾರು ದೈಹಿಕ ಪ್ರಯೋಜನಗಳನ್ನು ಹೊಂದಿದೆ.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
