ರಾಮಮಂದಿರಕ್ಕೆ 3 ಲಕ್ಷ ಭಕ್ತರ ಆಗಮನ, ಮುಂಬರುವ ದಿನಗಳಲ್ಲಿ ಮತ್ತಷ್ಟು ಹೆಚ್ಚಾಗಲಿದೆ: ಅರ್ಚಕರು

ಅಯೋಧ್ಯೆ ಜನವರಿ 23: ರಾಮಮಂದಿರ (Ram mandir) ಉದ್ಘಾಟನೆಯಾದ ದಿನವೇ 3 ಲಕ್ಷ ಭಕ್ತರು ಅಯೋಧ್ಯೆಯಲ್ಲಿ ರಾಮಲಲ್ಲಾ (Ram Lalla) ದರ್ಶನಕ್ಕೆ ಆಗಮಿಸಿದ್ದು, ಮುಂಬರುವ ದಿನಗಳಲ್ಲಿ ಇದು ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ರಾಮಮಂದಿರ ಅರ್ಚಕರು ಹೇಳಿದ್ದಾರೆ. ಹೊಸ ರಾಮ ಲಲ್ಲಾ ವಿಗ್ರಹದ ಪ್ರತಿಷ್ಠಾಪನೆಯ ನಂತರ ಅಯೋಧ್ಯೆಯ(Ayodhya) ರಾಮಮಂದಿರದ ಬಾಗಿಲುಗಳು ಮಂಗಳವಾರ ಸಾರ್ವಜನಿಕರಿಗೆ ತೆರೆದುಕೊಳ್ಳುತ್ತಿದ್ದಂತೆ ಜನರ ಪ್ರವಾಹವೇ ಹರಿದು ಬಂದಿದೆ. ಇಂದು ಇಲ್ಲಿ ತುಂಬಾ ಜನರು ಜಮಾಯಿಸಿದ್ದಾರೆ. ಎಲ್ಲರಿಗೂ ದರ್ಶನ ಪಡೆಯಲು ಸಾಧ್ಯವಾಗುವುದಿಲ್ಲ. ನಾಳೆ ಮತ್ತು ಮುಂದಿನ ದಿನಗಳಲ್ಲಿ ಇದೇ ರೀತಿ ಇರಲಿದೆ ಎಂದು ಪ್ರಧಾನ ಅರ್ಚಕ ಆಚಾರ್ಯ ಸತ್ಯೇಂದ್ರ ದಾಸ್ ಹೇಳಿದ್ದಾರೆ,

ರಾಮ ಜನ್ಮಭೂಮಿಯಲ್ಲಿರುವ ರಾಮಮಂದಿರಕ್ಕೆ ಭಕ್ತರು ಬರುತ್ತಿರುವ ಬಗ್ಗೆ ಮಾತನಾಡಿದ ಆಚಾರ್ಯ ಸತ್ಯೇಂದ್ರ ದಾಸ್ ಇದು ‘ತ್ರೇತಾ ಯುಗ’ವನ್ನು ನೆನಪಿಸುತ್ತದೆ ಎಂದಿದ್ದಾರೆ. ಇದು ಭಗವಾನ್ ರಾಮನ ಯುಗವನ್ನು ನೆನಪಿಸುವ ದೈವಿಕ ವಾತಾವರಣವನ್ನು ಸೂಚಿಸುತ್ತದೆ. ಇಂದು ತ್ರೇತಾಯುಗದ ಒಂದು ಝಲಕ್ ಗೋಚರಿಸುತ್ತಿದೆ, ಈಗ ಅಯೋಧ್ಯೆಗೆ ಹಲವಾರು ಭಕ್ತರು ಬಂದಿದ್ದಾರೆ. ಜೈ ಶ್ರೀ ರಾಮ್ ಘೋಷಣೆಗಳು ಇಲ್ಲಿ ಪ್ರತಿಧ್ವನಿಸುತ್ತಿವೆ. ನಾವು ತ್ರೇತಾಯುಗದ ಸಮಯದಲ್ಲಿ ಅಯೋಧ್ಯೆಗೆ ಹಿಂತಿರುಗಿದ್ದೇವೆ ಎಂದು ತೋರುತ್ತದೆ.

ಪ್ರಾಣ ಪ್ರತಿಷ್ಠಾ ಸಮಾರಂಭದ ನಂತರ, (ಅಯೋಧ್ಯೆ) ನಗರಿ ಶುದ್ಧವಾಗಿದೆ. ತ್ರೇತಾಯುಗದಲ್ಲಿ ಭಗವಾನ್ ರಾಮನು ಹಿಂತಿರುಗಿದಾಗ, ಅಯೋಧ್ಯೆಯ ನಗರಿಯು ಸಂತೋಷಗೊಂಡಿತು. ತ್ರೇತಾಯುಗದ ಒಂದು ನೋಟವು ಇಂದು ಗೋಚರಿಸುತ್ತದೆ. ಎಷ್ಟೋ ಭಕ್ತರು ಈಗ ಅಯೋಧ್ಯೆಗೆ ಬಂದಿದ್ದಾರೆ. ಜೈ ಶ್ರೀ ರಾಮ್ ಘೋಷಣೆಗಳು ಇಲ್ಲಿ ಪ್ರತಿಧ್ವನಿಸುತ್ತಿವೆ, ತ್ರೇತಾಯುಗದ ಸಮಯದಲ್ಲಿ ನಾವು ಅಯೋಧ್ಯೆಗೆ ಹಿಂತಿರುಗಿದ್ದೇವೆ ಎಂದು ತೋರುತ್ತದೆ ಎಂದು ಸತ್ಯೇಂದ್ರ ದಾಸ್ ಹೇಳಿರುವುದಾಗಿ ಎಎನ್ಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ರಾಮಮಂದಿರ ದೇಶಾದ್ಯಂತ 4,000 ಸಂತರು ಮತ್ತು ಪುರೋಹಿತರ ಉಪಸ್ಥಿತಿಗೆ ಕಾರಣವಾಗಿದೆ, ಪ್ರತಿಯೊಬ್ಬರೂ 2-4 ಸಹಚರರನ್ನು ಕರೆತಂದರು. ಅಯೋಧ್ಯೆಯಲ್ಲಿನ ರಾಮ ದೈವಿಕ ಮತ್ತು ಸುಂದರವಾಗಿದೆ. ಅಲಂಕೃತವಾದ ಮಂದಿರವು ನೋಡಲು ಯೋಗ್ಯವಾಗಿದೆ. ಜನರು ಭಗವಾನ್ ರಾಮನನ್ನು ನೋಡಲು ಹೇಗೆ ಉತ್ಸುಕರಾಗಿದ್ದಾರೆ ಎಂಬುದನ್ನು ನೋಡಬೇಕು ಎಂದಿದ್ದಾರೆ ಅವರು.

ಆಚರಣೆಗಳು ಮತ್ತು ಭಕ್ತಿ

ಸತ್ಯೇಂದ್ರ ದಾಸ್ ದೇವಾಲಯದ ಆಚರಣೆಗಳನ್ನು ವಿವರಿಸಿದ್ದು , ಆರತಿ ಬೆಳಿಗ್ಗೆ 6:30 ಕ್ಕೆ ಪ್ರಾರಂಭವಾಗುತ್ತದೆ. ಅಂದಿನಿಂದ ದರ್ಶನ ಲಭ್ಯವಿದೆ. ಮುಂದಿನ ದಿನಗಳಲ್ಲಿ ಆರತಿ ಮತ್ತು ಭೋಗ್‌ಗೆ ಸಂಬಂಧಿಸಿದಂತೆ ಹೊಸ ವ್ಯವಸ್ಥೆ ಅಗತ್ಯ ಎಂದು ಅವರು ಹೇಳಿದ್ದಾರೆ.
ಬೆಳಿಗ್ಗೆ 6:30 ರಿಂದ ದರ್ಶನ ನಡೆಯುತ್ತಿದೆ. ಪ್ರಧಾನಿ ನರೇಂದ್ರ ಮೋದಿಯವರು ಪ್ರಾಣ ಪ್ರತಿಷ್ಠೆ ಮಾಡಿದ ಹೊಸ ಮೂರ್ತಿ ಮತ್ತು ಚಿಕ್ಕ ಮೂರ್ತಿಗಳಿಗೆ ಪೂಜೆ ಸಲ್ಲಿಸಲಾಗುತ್ತಿದೆ. ಭಕ್ತರು ‘ದರ್ಶನ’ ಪಡೆಯುತ್ತಿದ್ದಾರೆ” ಎಂದು ಅವರು ಹೇಳಿದರು.

ಇದನ್ನೂ ಓದಿ: ಶ್ರೀ ರಂಗನಾಥಸ್ವಾಮಿ ದೇವಸ್ಥಾನದಿಂದ ನೀಡಿದ ‘ವಿಶೇಷ ಉಡುಗೊರೆ’ಯನ್ನು ರಾಮಲಲ್ಲಾಗೆ ಸಮರ್ಪಿಸಿದ ಮೋದಿ

ಭಕ್ತರ ಉತ್ಸಾಹದ ಆಗಮನ

ಸೋಮವಾರ ರಾತ್ರಿಯಿಂದಲೇ ಭಕ್ತರ ಸಂಖ್ಯೆ ಹೆಚ್ಚಿದ್ದು, ಸ್ಥಳೀಯರು ಮತ್ತು ಪ್ರವಾಸಿಗರು ದೇವಾಲಯದ ಆವರಣವನ್ನು ಪ್ರವೇಶಿಸಲು ಉತ್ಸುಕರಾಗಿದ್ದಾರೆ. ಭದ್ರತಾ ಸಿಬ್ಬಂದಿಯ ಸವಾಲುಗಳ ನಡುವೆಯೂ ಭಕ್ತರ ಸಂಭ್ರಮ ಮುಗಿಲು ಮುಟ್ಟಿದ್ದು, ಐತಿಹಾಸಿಕ ಕ್ಷಣವನ್ನು ಕಣ್ತುಂಬಿಕೊಳ್ಳುವ ಸಂಕಲ್ಪ ಅಚಲವಾಗಿತ್ತು.

ಸಂತೋಷ ಮತ್ತು ಹೋರಾಟದ ಕ್ಷಣಗಳು

ಮಂಗಳವಾರ ಬೆಳಿಗ್ಗೆ ದೇವಾಲಯದ ಬಾಗಿಲು ತೆರೆಯುತ್ತಿದ್ದಂತೆ, ನೂರಾರು ಸಾವಿರ ಜನರು ನೆರೆದಿದ್ದರು. ಹಿಂದಿನ ರಾತ್ರಿಯಿಂದಲೇ ಸರತಿ ಸಾಲಿನಲ್ಲಿ ನಿಂತಿದ್ದ ಭಕ್ತರು ಸುವ್ಯವಸ್ಥೆ ಕಾಪಾಡುವಲ್ಲಿ ತೊಂದರೆ ಅನುಭವಿಸಿದರು. ಭಕ್ತರನ್ನು ನಿಯಂತ್ರಿಸಲು ಭದ್ರತಾ ಸಿಬ್ಬಂದಿ ಹರಸಾಹಸ ಪಡುತ್ತಿದ್ದು, ಗಲಾಟೆಯಲ್ಲಿ ಒಬ್ಬರಾದರೂ ಪ್ರಜ್ಞೆ ತಪ್ಪಿದ್ದಾರೆ.

ಎಲ್ಲೆಡೆ ಅನುರಣಿಸಿದ ಜೈಶ್ರೀರಾಮ್

ಗದ್ದಲದ ನಡುವೆಯೇ ಭಕ್ತರು ಸಂತಸ ವ್ಯಕ್ತಪಡಿಸಿದರು. ಪಂಜಾಬ್‌ನ ಮನೀಶ್ ವರ್ಮಾ, “ತುಂಬಾ ಸಂತೋಷವಾಯಿತು, ನನ್ನ ಜೀವನದ ಗುರಿ ಈಡೇರಿದೆ” ಎಂದು ಹೇಳಿದರು. ಅಯೋಧ್ಯೆಯನ್ನು ತಲುಪಲು 600 ಕಿಲೋಮೀಟರ್‌ಗಳಷ್ಟು ಸೈಕಲ್‌ನಲ್ಲಿ ಪ್ರಯಾಣಿಸಿದ ಬಿಹಾರದ ನಿತೀಶ್ ಕುಮಾರ್ ಅವರಂತಹ ಸವಾಲಿನ ಪ್ರಯಾಣವನ್ನು ಕೈಗೊಂಡವರಿಗೆ ಉತ್ಸಾಹ ಇಮ್ಮಡಿ ಆಗಿತ್ತು.

ಭಕ್ತಿಯು ಭೌತಿಕ ಉಪಸ್ಥಿತಿಗೆ ಸೀಮಿತವಾಗಿರಲಿಲ್ಲ. ರಾಜಸ್ಥಾನದ ಅನುರಾಗ್ ಶರ್ಮಾ ಅವರಂತಹ ಭಕ್ತರು ದೇವಾಲಯದ ಮಾದರಿಯನ್ನು ಪ್ರದರ್ಶಿಸುವ ಮೂಲಕ ಬದ್ಧತೆಯನ್ನು ಪ್ರದರ್ಶಿಸಿದರು.

ಮರೆಯಲಾಗದ ದೃಶ್ಯಗಳು

ದೇವಾಲಯದ ಸಂಕೀರ್ಣವು ಹೂವುಗಳು ಮತ್ತು ದೀಪಗಳಿಂದ ಅಲಂಕರಿಸಲ್ಪಟ್ಟಿದ್ದು, ಭಕ್ತರಿಗೆ ಪ್ರೇಕ್ಷಣೀಯ ಸ್ಥಳವಾಗಿ ಮಾರ್ಪಟ್ಟಿತು. ಭಕ್ತರು ಸೆಲ್ಫಿಗಳ ಮೂಲಕ ಕ್ಷಣವನ್ನು ಸೆರೆಹಿಡಿದಿದ್ದು,. “ಜೈ ಶ್ರೀ ರಾಮ್” ಘೋಷಣೆಗಳು ದೇವಾಲಯದ ಭವ್ಯವಾದ ಸಭಾಂಗಣಗಳಲ್ಲಿ ಪ್ರತಿಧ್ವನಿಸಿತು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ