ಕೇಂದ್ರದ ಮಾಜಿ ಸಚಿವ ಅಜಿತ್ ಸಿಂಗ್ ಕೊರೊನಾದಿಂದ ವೇದಾಂತ ಆಸ್ಪತ್ರೆಯಲ್ಲಿ ನಿಧನ

ರಾಷ್ಟ್ರೀಯ ಲೋಕಾ ದಳದ (ಆರ್​ಡಿಎಲ್​) ಮುಖ್ಯಸ್ಥ ಹಾಗೂ ಮಾಜಿ ಕೇಂದ್ರ ಸಚಿವ ಚೌಧರಿ ಅಜಿತ್​ ಸಿಂಗ್​ ಅವರು ಕೊರೊನಾ ಸೋಂಕಿನಿಂದ ಗುರುವಾರ ನಿಧನರಾಗಿದ್ದಾರೆ. 82 ವರ್ಷದ ಉತ್ತರಪ್ರದೇಶದ ಆರ್‌.ಎಲ್.ಡಿ‌ ಪಕ್ಷದ ಮುಖ್ಯಸ್ಥ ಅಜಿತ್ ಸಿಂಗ್ ಅವರು ಕೊವಿಡ್​ ಪಾಸಿಟಿವ್​ ವರದಿಯ ಬಳಿಕ ಗುರುಗ್ರಾಮದ ವೇದಾಂತ ಆಸ್ಪತ್ರೆಯಲ್ಲಿ ದಾಖಲಾಗಿದ್ದು ಚಿಕಿತ್ಸೆ ಪಡೆಯುತ್ತಿದ್ದರು.

ಶ್ವಾಸಕೋಶದ ಸೋಂಕಿನಿಂದಾಗಿ ಅಜಿತ್​ ಸಿಂಗ್​ ಅವರ ಸ್ಥಿತಿ ಕಳೆದ ಮಂಗಳವಾರ ಹದಗೆಟ್ಟಿತ್ತು. ಇಂದು ಗುರುವಾರ ಕೊರೊನಾ ಸೋಂಕಿನಿಂದ ಕೊನೆಯುಸಿರೆಳೆದಿದ್ದಾರೆ. ಮಾಜಿ ಪ್ರಧಾನಿ ಚೌಧರಿ ಚರಣ್ ಸಿಂಗ್ ಅವರ ಪುತ್ರ ಅಜಿತ್​ ಸಿಂಗ್​ ಅವರು ದೇಶಕ್ಕೆ ಹಿಂದಿರುಗುವ ಮೊದಲು ಅಮೆರಿಕಾದಲ್ಲಿ ಕಂಪ್ಯೂಟರ್​ ಉದ್ಯಮದಲ್ಲಿ ಕೆಲಸ ಮಾಡುತ್ತಿದ್ದರು. ಸುಮಾರು 15 ವರ್ಷಗಳ ಕಾಲ ಈ ಉದ್ಯಮದಲ್ಲಿ ಕೆಲಸ ನಿರ್ವಹಿಸಿದ್ದಾರೆ. ಅಜಿತ್ ಸಿಂಗ್ ಅವರು ಬಾಗ್​ಪತ್​ನಿಂದ ಏಳು ಬಾರಿ ಸಂಸದರಾಗಿದ್ದರು. ಕೇಂದ್ರ ನಾಗರಿಕ ವಿಮಾನಯಾನ ಸಚಿವರಾಗಿಯೂ ಸೇವೆ ಸಲ್ಲಿಸಿದ್ದರು.

ಇದನ್ನೂ ಓದಿ: ಬಾಕ್ಸಿಂಗ್ ಫೆಡರೇಶನ್ ಆಫ್ ಇಂಡಿಯಾದ ಆಡಳಿತಾಧಿಕಾರಿ ರಾಜ್‌ಕುಮಾರ್ ಸಚೆತಿ ಕೊರೊನಾ ಸೋಂಕಿಗೆ ಬಲಿ

(ajit singh death news rashtriya lok dal chief ex union minister ajit singh passed away due to covid 19)

Published On - 9:29 am, Thu, 6 May 21