Amit Shah Birthday: ಬಿಜೆಪಿಯ ಚುನಾವಣಾ ಚಾಣಕ್ಯ ಎಂದೇ ಕರೆಸಿಕೊಳ್ಳುವ ಅಮಿತ್​ ಶಾರನ್ನು ಮೋದಿ ಭೇಟಿಯಾಗಿದ್ದು ಯಾವಾಗ? ಸ್ನೇಹ ಗಟ್ಟಿಯಾಗಿದ್ಹೇಗೆ?

ಇಂದು ಬಿಜೆಪಿಯ ಚುನಾವಣಾ ಚಾಣಕ್ಯ ಎಂದೇ ಕರೆಸಿಕೊಳ್ಳುವ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರ 60ನೇ ಹುಟ್ಟುಹಬ್ಬ. ಪ್ರಧಾನಿ ನರೇಂದ್ರ ಮೋದಿ ರಕ್ಷಣಾ ಸಚಿವ ರಾಜನಾಥ್​ಸಿಂಗ್ ಸೇರಿದಂತೆ ಹಲವರು ಶುಭಕೋರಿದ್ದಾರೆ. ಹಾಗಾದರೆ ಪ್ರಧಾನಿ ಮೋದಿ ಅಮಿತ್ ಶಾರನ್ನು ಭೇಟಿಯಾಗಿದ್ಹೇಗೆ, ಅವರ ಸ್ನೇಹ ಇಟ್ಟು ಗಟ್ಟಿಯಾಗಿರುವುದ್ಹೇಗೆ ಎಲ್ಲಾ ವಿಚಾರದ ಕುರಿತು ಮಾಹಿತಿ ಇಲ್ಲಿದೆ.

ಅಮಿತ್ ಶಾ 1964ರ ಅಕ್ಟೋಬರ್ 22ರಂದು ಮುಂಬೈನಲ್ಲಿ ಜನಿಸಿದರು. ಅವರು ಗುಜರಾತಿ ವ್ಯಾಪಾರಿ ಕುಟುಂಬಕ್ಕೆ ಸೇರಿದವರು. ಶಾ ಮೆಹ್ಸಾನಾದಲ್ಲಿ ತನ್ನ ಶಿಕ್ಷಣವನ್ನು ಮುಗಿಸಿದ ನಂತರ ಬಯೋಕೆಮಿಸ್ಟ್ರಿ ಅಧ್ಯಯನ ಮಾಡಲು ಅಹಮದಾಬಾದ್‌ಗೆ ಬಂದರು. ಶಾ ಇಲ್ಲಿಂದ ಬಯೋಕೆಮಿಸ್ಟ್ರಿಯಲ್ಲಿ ಬಿ.ಎಸ್ಸಿ ಪದವಿ ಪಡೆದು ಬಳಿಕ ತಂದೆಗೆ ತನ್ನ ವ್ಯವಹಾರದಲ್ಲಿ ಸಹಾಯ ಮಾಡಲು ಪ್ರಾರಂಭಿಸಿದರು. ಅಹಮದಾಬಾದ್‌ನ ಸಹಕಾರಿ ಬ್ಯಾಂಕ್‌ಗಳಲ್ಲಿ ಸ್ಟಾಕ್ ಬ್ರೋಕರ್ ಆಗಿಯೂ ಕೆಲಸ ಮಾಡಿದರು.

ಗುಜರಾತ್ ವಿಧಾನಸಭಾ ಚುನಾವಣೆ, ಮೋದಿ ರಾಜಕೀಯ ವನವಾಸ

ಅದು 1995ನೇ ಇಸವಿ, ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ 182 ಸ್ಥಾನಗಳ ಪೈಕಿ 121 ಸ್ಥಾನಗಳನ್ನು ಗೆದ್ದಿತ್ತು. ಈ ಗೆಲುವಿನಲ್ಲಿ ಪಕ್ಷದ ಕಾರ್ಯದರ್ಶಿಯಾಗಿದ್ದ ನರೇಂದ್ರ ಮೋದಿ ಅವರ ದಣಿವರಿಯದ ಪರಿಶ್ರಮವು ಪ್ರತಿಫಲ ನೀಡಿತ್ತು. ಹಿರಿಯ ನಾಯಕ ಕೇಶುಭಾಯಿ ಪಟೇಲ್ ಅವರನ್ನು ಮುಖ್ಯಮಂತ್ರಿ ಮಾಡಲಾಯಿತು.

ಮುಖ್ಯಮಂತ್ರಿ ಸ್ಥಾನದ ಮತ್ತೊಬ್ಬ ಸ್ಪರ್ಧಿ ಶಂಕರ್ ಸಿಂಗ್ ವಘೇಲಾ ಅವರಿಗೆ ಈ ನಿರ್ಧಾರ ಇಷ್ಟವಾಗಲಿಲ್ಲ. ಶಾಸಕರ ದೊಡ್ಡ ಬೆಂಬಲದ ಹೊರತಾಗಿಯೂ, ಅವರು ಸಿಎಂ ಆಗಲು ಅಥವಾ ಉಪಮುಖ್ಯಮಂತ್ರಿಯಾಗಲು ಸಾಧ್ಯವಾಗಲಿಲ್ಲ. ವಘೇಲಾ ಬಂಡಾಯವೆದ್ದರು. ಪರಿಸ್ಥಿತಿ ಕೈ ಮೀರುತ್ತಿರುವುದನ್ನು ಕಂಡು ಬಿಜೆಪಿಯ ಕೇಂದ್ರ ನಾಯಕತ್ವ ಕಾರ್ಯೋನ್ಮುಖವಾಗಿತ್ತು.

1995ರಲ್ಲಿ ನರೇಂದ್ರ ಮೋದಿ ಅವರನ್ನು ಗುಜರಾತ್‌ನಿಂದ ದೆಹಲಿಗೆ ಕರೆಸಲು ನಿರ್ಧರಿಸಲಾಗಿತ್ತು.ಒಂದು ರೀತಿಯಲ್ಲಿ ಇದು ರಾಜಕೀಯ ವನವಾಸ. ಈ ಕಷ್ಟದ ಸಮಯದಲ್ಲಿ, ಪಕ್ಷದ ಹೈಕಮಾಂಡ್‌ನಿಂದ ಹಿಡಿದು ಅನೇಕ ಸಹೋದ್ಯೋಗಿಗಳವರೆಗೆ ಎಲ್ಲರೂ ನರೇಂದ್ರ ಮೋದಿಯನ್ನು ತೊರೆದಿದ್ದರೂ, ಒಬ್ಬ ವ್ಯಕ್ತಿ ಯಾವಾಗಲೂ ಅವರೊಂದಿಗೆ ಇದ್ದರು, ಅವರೇ ಅಮಿತ್ ಶಾ. ಇಲ್ಲಿಂದ ಅವರ ಸ್ನೇಹ ಮತ್ತಷ್ಟು ಗಾಢವಾಯಿತು.

ಮತ್ತಷ್ಟು ಓದಿ: ಕಾಂಗ್ರೆಸ್ ಯುವಕರನ್ನು ಡ್ರಗ್ಸ್ ದಂಧೆಯತ್ತ ಕೊಂಡೊಯ್ಯುತ್ತಿದೆ; ಅಮಿತ್ ಶಾ ಟೀಕೆ

ಸೊಹ್ರಾಬುದ್ದೀನ್ ನಕಲಿ ಎನ್‌ಕೌಂಟರ್

ಅದು 2010ನೇ ಇಸವಿ ಸೊಹ್ರಾಬುದ್ದೀನ್ ನಕಲಿ ಎನ್‌ಕೌಂಟರ್ ಆರೋಪದಿಂದಾಗಿ ಅಮಿತ್ ಶಾ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕಾಯಿತು. ಜುಲೈ 25, 2010 ರಂದು ಸಿಬಿಐ ಅವರನ್ನು ಬಂಧಿಸಿತು. ಸುಮಾರು ಮೂರು ತಿಂಗಳು ಜೈಲಿನಲ್ಲಿ ಇರಬೇಕಾಯಿತು. ಮಾಧ್ಯಮ ವರದಿಗಳ ಪ್ರಕಾರ, ಶಾ ಜೈಲಿಗೆ ಹೋದ ನಂತರ,  ಅವರನ್ನು ಜೈಲಿನಿಂದ ಹೊರತರಲು ಪ್ರಯತ್ನಿಸಿದರು. ಈ ಅವಧಿಯಲ್ಲಿ ಮೋದಿ ಅವರು ಶಾ ಅವರ ಕುಟುಂಬದ ಸಂಪೂರ್ಣ ಕಾಳಜಿ ವಹಿಸಿದ್ದರು.

ಕ್ಲೀನ್ ಚಿಟ್

ಜೈಲಿನಿಂದ ಹೊರಬಂದ ನಂತರವೂ ಅಮಿತ್ ಶಾ ಗುಜರಾತ್ ಪ್ರವೇಶಿಸದಂತೆ ನಿಷೇಧ ಹೇರಲಾಗಿತ್ತು. ಆದರೆ, ಈ ಪ್ರಕರಣದಲ್ಲಿ ಅಮಿತ್ ಶಾಗೆ ಕ್ಲೀನ್ ಚಿಟ್ ಸಿಕ್ಕಿತ್ತು.  ಈ ಎರಡು ಘಟನೆಗಳು ಮೋದಿ ಮತ್ತು ಶಾ ನಡುವಿನ ಸ್ನೇಹಕ್ಕೆ ಸಾಕ್ಷಿಯಾಗಿದೆ. 35 ವರ್ಷಗಳ ತಮ್ಮ ಸ್ನೇಹದ ಏರಿಳಿತಗಳ ಮೂಲಕ ಇಬ್ಬರೂ ಪರಸ್ಪರ ಪೂರಕವಾಗಿ ಉಳಿದರು.

ಎಡಪಂಥೀಯ ತೀವ್ರಗಾಮಿ ಪೀಡಿತ ರಾಜ್ಯಗಳ ಮುಖ್ಯಮಂತ್ರಿಗಳೊಂದಿಗೆ ಪರಿಶೀಲನೆ ಸಭೆ ನಡೆಸಿದ ಅಮಿತ್ ಶಾ

ಇದರ ಪರಿಣಾಮವೇ ಮೋದಿ ವರ್ಚಸ್ಸು ಮತ್ತು ಶಾ ಅವರ ತಂತ್ರಗಾರಿಕೆ 2014ರ ಚುನಾವಣೆಯಲ್ಲಿ ಭಾರತೀಯ ಜನತಾ ಪಕ್ಷಕ್ಕೆ ಅನಿರೀಕ್ಷಿತ ಯಶಸ್ಸು ತಂದುಕೊಟ್ಟಿತು.

ಮೋದಿ-ಶಾ ಸ್ನೇಹದ ರೋಚಕ ಪಯಣ ಹೀಗಿತ್ತು
80ರ ದಶಕದ ಆರಂಭದಲ್ಲಿ, ಇಬ್ಬರೂ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸೈದ್ಧಾಂತಿಕ ಹಿನ್ನೆಲೆಯಲ್ಲಿ ಭೇಟಿಯಾದರು. ಆಗ ಅಮಿತ್ ಶಾ ಯುವ ಕಾರ್ಯಕರ್ತ ಮತ್ತು ನರೇಂದ್ರ ಮೋದಿ ಸಂಘದ ಪ್ರಚಾರಕ. 1984 ರಲ್ಲಿ ನರೇಂದ್ರ ಮೋದಿ ಅವರನ್ನು ಅಹಮದಾಬಾದ್ ಜಿಲ್ಲೆಯ ಪ್ರಚಾರಕರನ್ನಾಗಿ ಮಾಡಲಾಯಿತು ಮತ್ತು ಅಮಿತ್ ಶಾ ಭಾರತೀಯ ಜನತಾ ಪಕ್ಷದ ಕಾರ್ಯಕರ್ತರಾದರು. ಇದಾದ ನಂತರ ಇಬ್ಬರ ನಡುವೆ ಆತ್ಮೀಯತೆ ಹೆಚ್ಚಾಯಿತು.

ಅಮಿತ್​ ಶಾಗೆ ದೊಡ್ಡ ಜವಾಬ್ದಾರಿ

ಅಮಿತ್ ಶಾ ಅವರ ಸಮಸ್ಯೆಗಳು ಮತ್ತು ಸಲಹೆಗಳ ತಿಳಿವಳಿಕೆ ನರೇಂದ್ರ ಮೋದಿಯವರ ಮೇಲೆ ಹೆಚ್ಚು ಪ್ರಭಾವ ಬೀರಿತು. 1986ರಲ್ಲಿ ನರೇಂದ್ರ ಮೋದಿ ಅವರನ್ನು ಗುಜರಾತ್ ಬಿಜೆಪಿ ಕಾರ್ಯದರ್ಶಿಯನ್ನಾಗಿ ಮಾಡಿದ ನಂತರ ಅಮಿತ್ ಶಾ ಅವರಿಗೆ ದೊಡ್ಡ ಜವಾಬ್ದಾರಿ ನೀಡಲಾಯಿತು. ಉದಾಹರಣೆಗೆ- ಮತಗಟ್ಟೆ ನಿರ್ವಹಣೆ ಮತ್ತು ತಂತ್ರಗಾರಿಕೆ. 1996ರಲ್ಲಿ ಕೇಶುಭಾಯಿ ಪಟೇಲ್ ವಿರುದ್ಧ ಮೋದಿಯವರು ಕೆಟ್ಟ ಸಮಯ ಎದುರಿಸಿದಾಗಲೂ ಶಾ ಅವರ ಜೊತೆಯೇ ಇದ್ದರು.

ಮೋದಿ ಎರಡನೇ ಇನ್ನಿಂಗ್ಸ್​

2001ರಲ್ಲಿ ಗುಜರಾತ್‌ನ ರಾಜಕೀಯ ನೆಲದಲ್ಲಿ ಮೋದಿ ಎರಡನೇ ಇನ್ನಿಂಗ್ಸ್ ಆರಂಭಿಸಿದರು. ಮೋದಿ ಮುಖ್ಯಮಂತ್ರಿಯಾದ ನಂತರ, 38 ವರ್ಷದ ಅಮಿತ್ ಶಾ ಅವರು 17 ಪ್ರಮುಖ ಕ್ಯಾಬಿನೆಟ್ ಖಾತೆಗಳನ್ನು ನೀಡಿದ ಮೊದಲ ಯುವ ನಾಯಕರಾದರು.
2003ರಲ್ಲಿ ಗುಜರಾತ್​ನಲ್ಲಿ ಮತ್ತೊಮ್ಮೆ ನರೇಂದ್ರ ಮೋದಿ ಸರ್ಕಾರ ರಚನೆಯಾದಾಗ ಅಮಿತ್ ಶಾ ಅವರನ್ನು ರಾಜ್ಯ ಸಚಿವ ಸಂಪುಟಕ್ಕೆ ಸೇರಿಸಿ ಗೃಹ ಖಾತೆ ಸೇರಿದಂತೆ ಹಲವು ಜವಾಬ್ದಾರಿಗಳನ್ನು ನೀಡಲಾಗಿತ್ತು. ಆ ನಂತರ ಅಮಿತ್ ಶಾ ಬಹುಬೇಗ ನರೇಂದ್ರ ಮೋದಿಯವರಿಗೆ ಹತ್ತಿರವಾದರು.

2010 ರಲ್ಲಿ, ಸೊಹ್ರಾಬುದ್ದೀನ್ ಎನ್‌ಕೌಂಟರ್ ಪ್ರಕರಣದ ತನಿಖೆ ಅಮಿತ್ ಶಾಗೆ ತಲುಪಿದಾಗ, ನರೇಂದ್ರ ಮೋದಿ ಅವರೊಂದಿಗೆ ನಿಂತರು. ಮೋದಿ ಅವರು ಜೈಲಿಗೆ ಹೋದ ನಂತರ ಶಾ ಅವರ ಕುಟುಂಬವನ್ನು ನೋಡಿಕೊಂಡರು.

ಚುನಾವಣಾ ತಂತ್ರಗಾರ ಅಮಿತ್ ಶಾ
2014ರಲ್ಲಿ ನರೇಂದ್ರ ಮೋದಿ ಅವರನ್ನು ಬಿಜೆಪಿಯ ಪ್ರಧಾನಿ ಅಭ್ಯರ್ಥಿಯನ್ನಾಗಿ ಮಾಡಲಾಗಿತ್ತು. 2014 ರ ಉತ್ತರ ಪ್ರದೇಶ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿಯ ಗೆಲುವಿನ ಪ್ರಮುಖ ತಂತ್ರಗಾರರಾಗಿ ಅಮಿತ್ ಶಾ ಹೊರಹೊಮ್ಮಿದರು. ಚುನಾವಣೆಯಲ್ಲಿ ಗೆದ್ದ ನಂತರ ಮೋದಿ ಮತ್ತೊಮ್ಮೆ ಶಾ ಅವರಲ್ಲಿ ವಿಶ್ವಾಸ ವ್ಯಕ್ತಪಡಿಸಿ ಅವರನ್ನು ಪಕ್ಷದ ರಾಷ್ಟ್ರೀಯ ಅಧ್ಯಕ್ಷರನ್ನಾಗಿ ಮಾಡಿದರು.

ಮತ್ತೆ ಸಂಪುಟದತ್ತ ಅಮಿತ್ ಶಾ

2019 ರ ಲೋಕಸಭೆ ಚುನಾವಣೆಯಲ್ಲಿ ಗೆದ್ದ ನಂತರ, ಪ್ರಧಾನಿ ಮೋದಿ ಅವರು ಅಮಿತ್ ಶಾ ಅವರನ್ನು ತಮ್ಮ ಸಂಪುಟಕ್ಕೆ ಸೇರಿಸಿಕೊಂಡರು ಮತ್ತು ಅವರನ್ನು ದೇಶದ ಗೃಹ ಸಚಿವರನ್ನಾಗಿ ಮಾಡಿದರು. ಪ್ರಧಾನಿ ನರೇಂದ್ರ ಮೋದಿ ಮತ್ತು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಅವರಂತಹ ತಂಡವನ್ನು ಯಾರೂ ಹೊಂದಿಲ್ಲ. ಇಬ್ಬರೂ ಪರಸ್ಪರ ನಂಬುತ್ತಾರೆ, ಸಹಕರಿಸುತ್ತಾರೆ ಮತ್ತು ಅರ್ಥಮಾಡಿಕೊಳ್ಳುತ್ತಾರೆ.

ರಾಜಕೀಯದ ಪ್ರಬಲ ಜೋಡಿ

ನರೇಂದ್ರ ಮೋದಿ ಮತ್ತು ಅಮಿತ್ ಶಾ ಎತ್ತರದಲ್ಲಿ ಸಮಾನರಲ್ಲದಿರಬಹುದು ಆದರೆ ಭಾರತೀಯ ರಾಜಕೀಯದಲ್ಲಿ ಅವರನ್ನು ಪ್ರಬಲ ಜೋಡಿ ಎಂದು ಪರಿಗಣಿಸಲಾಗಿದೆ. ಒಂದೆಡೆ ಮೋದಿ ದೂರದೃಷ್ಟಿಯಾಗಿದ್ದರೆ, ಶಾ ಅವರ ಚಿಂತನೆಗೆ ಬಣ್ಣ ತುಂಬಲು ಕೆಲಸ ಮಾಡುತ್ತಿದ್ದಾರೆ. ಶಾ ಅವರ ತಂತ್ರವು ಮೋದಿಯವರ ದೃಷ್ಟಿಯನ್ನು ನಿಜವಾಗಿಸುತ್ತದೆ. ಶಾ ಅವರ ಚುರುಕುತನ, ರಾಜಕೀಯ ತಿಳಿವಳಿಕೆ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ, ಅವರನ್ನು ಮೀರಿಸುವ ಮೋದಿ ಅವರ ಸಾಮರ್ಥ್ಯವು ಪರಸ್ಪರರ ಅಗತ್ಯ ಎಷ್ಟಿದೆ ಎಂಬುದನ್ನು ತೋರಿಸುತ್ತದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ